[海外/外幣簽賬攻略] 抵過唱錢!2021旅遊必備現金回贈信用卡比較

#旅遊信用卡 #旅行信用卡 #旅遊碌卡 #海外信用卡 #旅行唱錢 #歐遊信用卡 #旅行現金回贈信用卡 #外幣現金回贈信用卡 #信用卡外幣手續費 #信用卡海外手續費 #旅行用邊張信用卡 #旅行用現金定信用卡 #旅行用cash定信用卡 #海外簽賬信用卡懶人包

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi八達通白金卡,額外回$1,100,夾埋迎新無成本賺$2,140!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請星展Live Fresh,毋須簽賬賺額外回$500,夾埋迎新賺高達$1,500!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年2月)

去旅行,其中一個好多人都有嘅疑問,就係俾錢應該用現金定係信用卡。小編就一向都係信用卡嘅忠實支持者,一半原因係因為帶信用卡安全過大額現金,另一半原因係揀啱信用卡嘅話會抵過用cash。雖然今年就未知有無得去旅行,但就算係去外國網掃貨買嘢都可以參考返呢篇文章㗎!

手續費

信用卡嘅匯率一般比找換店更貼近現價更抵,而香港大部份嘅Visa/Mastercard信用卡係會向每筆外幣簽賬收取1.95%手續費,American Express就2%,而銀聯信用卡就甚至好多會免手續費。但同時,銀聯嘅匯率通常比Visa/Mastercard差,所以實際差別大概係1.2至1.4%。雖然用銀聯簽賬好似抵啲,但各大主要銀行主打嘅海外簽賬高回贈信用卡,多數都係Visa/Mastercard。所以,揀啱高回贈嘅Visa/Mastercard信用卡去海外簽賬,係會抵過用銀聯

普及程度

銀聯信用卡主要都係東亞地區普及啲,但Visa/Mastercard信用卡就除咗強國之外基本上係世界通行。如果要「一卡走天涯」,Visa/Mastercard係一定贏銀聯。(延伸閱讀:[海外提款攻略] 咪旨意銀聯!歐遊必備Plus/Cirrus提款卡!

動態貨幣交易(DCC)陷阱

喺進入重點前,要先介紹一樣喺外地消費前一定要識嘅概念:動態貨幣交易(DCC)。簡單嚟講,喺外地商戶碌Visa/Mastercard嘅時候,你可以揀用外幣或者港幣做結算交易,而以港幣結算嘅交易就叫做DCC。驟眼睇落,用港幣結算好似幾好;但其實商戶同銀行一般夾埋會向DCC交易收返最少4%嘅手續費所以,外地碌卡嘅時候,一定要以外幣直接結算,千祈唔好墮入DCC陷阱一般嚟講,只要喺俾錢嘅時候同個店員講明以當地貨幣埋單(Pay in USD/EURO/JPY etc.),就可以避免到DCC陷阱。

另外,就算係網上簽賬book機票酒店都好,如果你係喺海外商戶個網到簽港幣,都一樣有可能會中DCC㗎!雖然就唔會收你4%手續費咁狼,但一樣都要俾返0.8%至1%不等嘅手續費,亦可能會無回贈!詳情可以睇返呢篇海外簽賬DCC手續費陷阱詳解

最抵現金回贈信用卡推介

海外簽賬回贈嘅信用卡主要分為兩種,一種係劃一回贈,無簽賬要求,但回贈率會低啲;另一種就要簽夠最低限額,同埋會有回贈上限,簽之前要計下數但回贈率就高啲。以下係各張信用卡嘅簡介;再落啲就係每張信用卡嘅詳情。如果怕麻煩,小編會推薦用安信EarnMORE銀聯卡/渣打Smart卡;唔怕少少麻煩肯計數嘅話,就會推薦用滙豐VS。

劃一回贈信用卡
信用卡 年薪要求 海外簽賬
手續費
海外簽賬
回贈
安信EarnMORE 👑 15萬/學生 0% 2%
渣打Smart卡 9.6萬 0% 0.56%
須達指定簽賬要求
信用卡 年薪要求 海外簽賬
手續費
海外簽賬
基本回贈
海外簽賬
最高回贈
中銀VS 30萬 1.95% 0.4% 8%
滙豐VS 👑 36萬 1.95% 1.6% 5.6%
滙豐銀聯 6萬 1% 0.4% 4.4%
滙豐Visa
(學生/金/白金)
6萬/學生 1.95% 0.4% 4.4%
恒生MPOWER 15萬/學生 1.95% 0.4% 5%
安信EarnMORE銀聯

primecreditearnmoreunion

呢張安信EarnMORE銀聯卡,海外簽賬無手續費,可以淨賺2%現金回贈!但留意返2%回贈只限每年頭$200,000簽賬,打後嘅簽賬就只有1%回贈(但都仲係好抵)。唯一缺點就係銀聯去外國未必到到都會收。

EarnMORE今期迎新,全新安信信用卡客戶只要簽$8,500就可以賺到$670回贈,或者可以揀Dyson吸塵機/氣炸鍋,而學生就簽$2,000回$240!即日起至2021年7月31日,新客經本網以下指定連結成功申請安信EarnMORE,再喺14日內填返電郵內嘅換領表格(留意宣傳/垃圾郵件),仲無需簽賬送$300現金回贈+$250 Apple禮品卡*!夾埋就賺到成$1,220!呢張卡嘅迎新仲要係連用O!ePay玩八達通自動增值都計㗎!所以輕鬆零成本就可以簽得完!詳情可以睇返安信EarnMORE卡攻略

[為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。]

安信EarnMORE銀聯卡:立即申請
(申請後14日內要填返email入面份換領表格呀!)

渣打Smart卡

呢張新出無耐嘅渣打Smart卡,係市面上極少數外幣簽賬無手續費嘅Visa卡!可以淨賺約0.56%現金回贈!如果去歐美國家旅行又唔想計簽賬額上下限,用呢張卡就最簡單最fit!

Smart卡今期迎新,全新渣打信用卡客戶開卡後60日內嘅首$4,000合資格簽賬,都可以享有25%回贈!首次登記使用渣打網上理財再回$100!做埋商戶自動轉賬仲可以賺多$500!詳情可以參考返渣打SMART卡攻略

渣打Smart立即申請

中銀旅遊賞Visa Signature卡

c-1056-boc-travel-visa-signature

中銀嘅呢張旅遊賞Visa Signature卡,開宗名義主打海外簽賬,海外簽賬成8%回贈全城最高,即係扣埋手續費仲有6.05%回贈!。但要攞到呢8%回贈,就要滿足幾項條件,用起上嚟好麻煩唔太實際。持卡人要喺該月份憑卡累積海外簽帳$6,000,仲要同月憑卡作最少3次本地零售簽賬,先可以就海外簽帳入面滿$500嘅單一簽賬賺取8%現金回贈,如果唔係就當一般簽賬得基本0.4%回贈。每個信用卡戶口每個月最多賺到$500回贈,即係每個月簽$6,250(滿$500嘅單一簽賬)就會封頂。詳情可參閱官網簡介

HSBC滙豐信用卡 hsbc201801

滙豐海外簽賬嘅回贈,可以話係高得嚟要求又親民,當中以滙豐Visa Signature回贈率最高,係小編認為最好用嘅海外簽賬信用卡。但係,滙豐信用卡嘅玩法原理真係有啲複雜,需要以多啲篇幅講述,如果唔熟滙豐啲卡嘅話可以睇返篇滙豐VS攻略打底先。滙豐各張信用卡嘅海外簽賬回贈計算如下:

金/白金 銀聯 VS
基本回贈 0.4% 0.4% 0.4%
最紅網上/海外 2% 2% 2%
自主「賞世界」 2% 2% 2%
VS額外 1.2%
合共高達 4.4% 4.4% 5.6%
手續費 (1.95%) (1.2%) (1.95%)
淨回贈 2.45% 3.2% 3.65%
滙豐Visa卡(包括學生卡、金卡、白金卡)及銀聯卡

「最紅網上及海外簽賬獎賞」
喺呢個獎賞計劃之下,只要憑滙豐信用卡每季(1至3月、4月6月,如此類推)嘅網上同海外簽賬累積滿$5,000,一經登記,就可以喺基本0.4%回贈以外享有額外2%獎賞錢回贈,即係夾埋2.4%回贈。每位持卡人喺呢個優惠下每季可以額外賺最多$300回贈,即係每季簽$15,000就會封頂。

「最紅自主獎賞」
持卡人只要將滙豐自選5倍獎賞錢放喺「賞世界」類別,海外簽帳就可以有多額外2%回贈,配合埋上述「最紅網上及海外簽賬獎賞」,就有夾埋4.4%回贈。有關嘅額外回贈只適用喺簽帳類別下每年嘅頭$100,000簽賬。但即使你本身嘅5倍獎賞錢已經放咗喺其他類別,只要幫親友開返張附屬卡,就可以用張附屬卡揀「賞世界」賺埋呢2%(附屬卡大法詳見滙豐VS攻略)!

上述滙豐信用卡迎新同其他詳情可以睇返滙豐金/白金卡攻略滙豐銀聯卡攻略滙豐學生卡攻略

滙豐Visa Signature卡

滙豐Visa Signature卡自動可以喺「最紅自主獎賞」下嘅所有5大簽帳類別額外享有1.2%回贈,包括「賞世界」嘅海外簽賬類別。所以,再夾埋自選5倍獎賞錢放晒喺「賞世界」,最高就有5.6%回贈;就算無揀「賞世界」都有3.6%回贈。滙豐VS卡嘅迎新同其他詳情,可以參考滙豐Visa Signature攻略

上述信用卡嘅年薪要求,可以睇返篇文一開始個表;有關每張信用卡嘅回贈率,亦都可以睇返上少少個表。

恒生MPOWER卡

HangSeng_New_Mpower

恒生MPOWER嘅海外簽賬可以賺到高達5%回贈,但個限額就幾低,所以其實都係唔太實用。只要每月累積合資格簽賬滿$3,000,一經登記,當中單一簽賬滿$300嘅海外交易可享額外4.6%回贈,即係夾埋5%回贈,扣埋手續費回3.05%優惠下每個月最多可以賺到$200額外回贈,即係海外簽賬$4,348就封頂。要留意嘅係,恒生回嘅Cash Dollar無得直接扣減信用卡款項,只可以攞嚟換禮券或者喺指定商戶簽賬嘅時候用。信用卡迎新同其他詳情可以睇返恒生MPOWER卡攻略

小結

綜合以上,筆者會推薦用滙豐信用卡嚟做海外簽賬,開到VS就一定VS最抵,如果開唔到就用滙豐銀聯/其他滙豐Visa卡

而最「懶人」嘅做法,就係直接用渣打Simply Cash / DBS Eminent / Citi Cash Back做海外簽賬,啱啱好補得返海外簽賬手續費,無賺無蝕。如果收銀聯嘅話,就可以用無手續費嘅安信EarnMore,淨賺2%回贈。

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

4 則留言

  1. Hi 想請問如果純粹作網上消費嘅海外交易(例如Spotify, Netflix, Apple – App Store), 應該用邊一張比較好?

    我主要用中銀信用卡,之前一直都係用Infinite 或者 I-card黎找以上平台簽帳。
    最近申請左中銀淘寶mastercard(主打海外簽帳零手續費),但剛剛睇事手你另一篇文章介紹,其實用中銀淘寶卡做海外網上交易,並唔係特別優惠。

    所以想問下,如果中銀信用卡 你會推薦邊一張作海外網上交易簽帳比較好?
    Many thanks!

  2. 如果去台灣或韓國旅行呢?最後結算的港幣簽帳是否是台幣轉換成美元,美元再轉換成港幣?這樣手續費是否超過1.95%?

留言(你的電郵不會被公開)