中銀SOGO VS信用卡攻略 – Apple / Google Pay賺5.4%回贈！SOGO簽賬高達10%回贈！

#BOC中銀信用卡 #中銀崇光卡優惠 #中銀SOGO卡積分回贈 #中銀SOGO Card迎新 #中銀信用卡好唔好 #Apple Pay信用卡回贈 #Google Pay信用卡回贈 #Samsung Pay信用卡回贈 #中銀SOGO卡年費豁免

（最後更新：2024年1月）

今次介紹呢張中銀崇光Visa Signature卡（留意唔好開錯白金卡），雖然無咩人識，但其實攞嚟做小額交易係超級屈機！呢張卡做緊個「手機支付5%現金回贈優惠」，只要用Apple Pay／Google Pay／Samsung Pay簽賬就有額外5%回贈！計埋本身基本積分，就係5.4%回贈！另外張卡喺SOGO簽賬，合共仲有高達10%回贈！

中銀崇光Visa Signature卡賣點

• 每月首$2,000 Apple／Google／Samsung Pay簽賬額外5%回贈，連同基本積分共5.4%回贈
• SOGO指定商戶簽賬5%回贈（連同手機支付即高達10%回贈），SOGO超市逢週一95折

呢張卡嘅主打賣點，就係Apple／Google／Samsung Pay簽賬有成額外5%現金回贈！除咗平時出街喺鋪頭拍手機碌卡買嘢，連Apple Pay in-app purchase嗰啲都有呀！計埋本身基本積分，就係5.4%回贈！即係只要你入咗張卡落手機Wallet度，凡係收contactless嘅鋪頭都食到5.4%！呢個優惠每月嘅回贈上限係$100，換言之簽$2,000就會爆。額外5%現金回贈會喺下個月入賬，而基本積分回贈就要自己上網上理財換返現金回贈，或者用銀聯信用卡喺BoC Pay俾錢嘅時候即時扣減簽賬。優惠至2024年12月31日。

另外，呢張卡叫得SOGO VS卡，想當然係SOGO買嘢係會有折扣啦，而呢張卡就做到5%回贈，所以如果喺SOGO用手機支付就係高達10%回贈；但留意返唔係適用所有SOGO商戶，詳細要睇返商戶名單。

迎新禮遇

• 即日起至2024年12月31日
• 只限全新中銀信用卡客戶（過往12個月未曾持有中銀信用卡），不適用於學生
• 迎新二揀一：
  • 新客批卡後2個月內簽$5,000送$500 SOGO電子現金券
    • 符合簽賬要求後6個星期內入賬至SOGO Rewards會員賬戶
  • 新客於批卡月及其後首3個曆月以Apple／Google／Samsung Pay簽賬額外10%回贈，上限簽$3,000回贈$300
    • 批卡後22個星期內入賬
• 如果本身未有中銀信用卡，小編會建議考慮開咗Chill卡食額外獎賞先，然後等批咗卡再自己開返呢張卡

中銀崇光Visa Signature卡：立即申請

注意事項

• 基本回贈$1＝1分，即係得0.4%
• 手機支付額外5%回贈每個月簽$2,000就爆
• 上網喺海外商戶簽港幣有0.8% CBF手續費

呢張卡其實無咩伏位，定位非常清晰，就係攞嚟拍手機俾錢同去SOGO買嘢。唯一嘅缺點，就係每個月$2,000嘅限額唔係太夠喉。如果玩完呢$2,000 quota，就可以轉用i-Card虛擬卡賺4%（每月首$1,111），或者如果用Apple Pay就可以玩埋大灣區鑽石4.4%（每月首$2,500）。另外，如果上網喺海外商戶簽港幣，好似App Store／Netflix／Spotify／Airbnb咁，呢張卡係會收返0.8%手續費，詳情可以睇返呢篇海外簽賬DCC/CBF手續費陷阱詳解。

中銀崇光Visa Signature卡小檔案

• Apple / Google / Samsung Pay簽賬：5.4%回贈（每月首$2,000）
• SOGO指定商戶簽賬：5%回贈
• SOGO超市逢週一95折
• 其他簽賬：$1=1分，相等於0.4%回贈
• 八達通自動增值：$1=1分，相等於0.4%回贈
• 網上理財繳費：$1=1分，相等於0.4%回贈（每月首$10,000）
• 年費：$2,000（首年免年費，之後打電話waive）
• 年薪要求：$300,000

受條款及細則約束：SOGO優惠T&C、手機支付回贈T&C、迎新T&C