滙豐Visa Signature卡攻略 – 自選簽賬高達3.6%回贈！迎新高達$1,088獎賞錢！

#滙豐信用卡 #滙豐Visa Signature卡優惠 #滙豐Visa Signature卡積分回贈 # #滙豐Visa Signature卡迎新 #滙豐獎賞錢 #滙豐最紅主自獎賞 #滙豐HSBC VS #最高餐飲食肆回贈 #最抵飯卡 #最抵現金回贈信用卡  #滙豐信用卡好唔好 #滙豐VS年費豁免 #2022年最紅自主獎賞

未夠年薪申請滙豐VS卡？都可以開住張滙豐白金卡先搏佢遲啲upgrade！

（最後更新：2024年11月）

滙豐Visa Signature卡，喺「最紅自主獎賞」入面五大類別嘅簽賬都有1.6%「獎賞錢」回贈，自選類別有3.6%「獎賞錢」回贈！

而家開卡迎新仲可以賺到高達$1,088「獎賞錢」，就算係現有客戶都有高達$488「獎賞錢」！滙豐啲信用卡其實真係好多回贈好抵玩，唯一麻煩就係玩法比較複雜；但其實佢啲優惠嚟嚟去去都係咁玩，一里通馬國明，睇完下面篇文就會明晒！

滙豐Visa Signature卡賣點

• 最紅自主獎賞五大類別簽賬額外1.2%「獎賞錢」回贈
• 最紅自主獎賞自選類別3.6%「獎賞錢」回贈（每年限簽$100,000）
• 配合HSBC Travel Guru會員計劃，海外實體店簽賬可再享高達額外6%回贈（海外簽賬1.95%手續費）
• 大量推廣優惠

呢張卡五大類別簽賬有成1.6%「獎賞錢」回贈，而最紅自主獎賞自選類別簽賬更加有3.6%「獎賞錢」！滙豐仲要年中成日做好多promo，一陣簽夠某個數又有額外「獎賞錢」回贈，一陣用流動電話付款又有額外回贈！

迎新禮遇

• 新客批卡後60日內簽HK$8,000可享$800「獎賞錢」，連同最紅自主獎賞簽賬3.6%回贈高達$1,088「獎賞錢」
• 現有客戶批卡後60日內簽HK$8,000可享$200「獎賞錢」，連同最紅自主獎賞簽賬3.6%回贈高達$488「獎賞錢」

今期個迎新做到2025年2月28日，迎新會喺完成簽賬要求後2個月內入賬。留意返滙豐信用卡嘅迎新係唔計電子錢包，係真係要去簽嚟買嘢。（上述迎新／迎舊只適用於無喺12個月之內取消過滙豐信用卡嘅客戶）

滙豐Visa Signature卡
>>>立即申請<<<

RewardCash 「獎賞錢」

滙豐嘅「獎賞錢」RewardCash 玩法簡單易記，$1「獎賞錢」=HK$1，唔使慢慢計積分。只要download咗佢個Reward+ App（Android｜iOS），就可以直接用「獎賞錢」扣減交易／月結單嘅款項，仲可以登記埋啲限時推廣，非常方便。而滙豐仲會間唔中搞啲$1獎賞錢當HK$2嘅promo，有時又可以好平咁攞嚟換禮券，甚至換返miles都得！

滙豐信用卡玩法（Red / EveryMile卡除外）

講咗咁耐，滙豐啲卡究竟係點玩？滙豐信用卡嘅「獎賞錢」基本回贈一律係0.4%，如果簽賬中「最紅自主獎賞」all in嘅自選類別就有額外5X「獎賞錢」，即係多2%。而VS最筍嘅，就係五大類別簽賬有多3X「獎賞錢」，即係再多1.2%。大家只要照住下面個表執藥咁睇返自己中幾多樣嘢，就可以加返每項簽賬有幾多回贈，而每行嘅details下面會繼續講。

最紅自主獎賞

所謂最紅自主獎賞，就係滙豐揀咗五大類別嘅簽賬出嚟（見下圖），你可以自由分配5X嘅「獎賞錢」（即2%回贈）落去，但通常都係會揀其中一個簽得最多嘅類別all in，咁簽呢個自選類別就會有高達2.4%回贈（登記網址）。

而滙豐Visa Signature特別矜貴嘅地方，係佢有專屬嘅「Visa Signature額外回贈」，喺五大類別全部都有再多1.2%「獎賞錢」回贈（即3X）；夾埋基本0.4%回贈，即係VS簽自主類別就有3.6%「獎賞錢」回贈，中其他四大類別亦有1.6%「獎賞錢」回贈，簽賬上限一樣係每年$100,000。留意呢額外1.2%係只限五大類別，唔係所有簽賬都有（例如Apple Store門市就唔屬於五大類別）。

五大類別入面，比較推薦揀「賞滋味」用嚟食飯，或者「賞世界」簽海外簽賬，或者「賞家居」嘅超市同傢俬電器鋪（超市信用卡攻略）。「最紅自主獎賞」簽賬上限係每年HK$100,000，簽爆咗就唔會再有5X獎賞錢；但如果簽滿HK$150,000嘅話，又會有額外一筆$1,000回贈。留意返，「最紅自主獎賞」揀嘅類別係會跟住所有印你個名嘅滙豐信用卡，所以開多張卡係唔會多一個類別，同埋只有每年年尾先可以轉類別。

附屬卡大法

正如前文所述，你揀嘅自主類別係會跟住所有印你個名嘅滙豐信用卡，所以就衍生咗一樣嘢叫「附屬卡大法」。如果你幫啲本身無滙豐信用卡嘅親友開張附屬卡，因為呢張附屬卡係印第二個人名，所以就可以揀其他自主類別，咁就可以唔同類別都食到3.6%啦！雖然張附屬卡一開就會收年費，但打上去就waive到！

注意事項

• 基本0.4%回贈率唔高
• 上網喺海外商戶簽港幣（CBF）有1%手續費

留意返滙豐信用卡基本回贈係0.4%，要配合返上面嘅「最紅自主獎賞」或其他推廣嚟獲取高額回贈。如果係網上簽賬，除非有做緊其他promo，如果唔係簽滙豐Red卡有4%回贈會更加抵。另外，如果上網喺海外商戶簽港幣，好似App Store／Netflix／Spotify／Airbnb咁，滙豐係會收返1%手續費。詳情可以睇返呢篇海外簽賬DCC/CBF手續費陷阱詳解。

特選客戶優惠

呢張卡仲有一樣嘢好正，就係成日都會有特選客戶優惠，例如每個月簽夠指定金額又可以再賺多2%回贈，甚至連交稅都有，直頭好似打機做任務咁！如果唔想miss咗呢啲特選優惠嘅話，大家可以去返網上理財最底個聯絡喜好設定，揀返接受郵件推廣。

滙豐Visa Signature卡專享優惠

國泰航空App優惠
以滙豐VS卡透過Apple Pay於國泰航空App單一簽賬滿$5,000並繳付所有有關費用，可享$300回贈。每個月最多可享優惠一次。優惠只適用於由香港出發的航班及由香港發出的機票。詳情請參閱活動網頁。

英皇戲院優惠
以滙豐VS卡喺英皇戲院透過流動電話或感應式付款功能購買星期一至四電影場次，可享正價2D戲票買1送1，細爆谷買1送1優惠。另外可享正價3D戲票9折 (星期一至四) 及正價2D戲票8折 (星期五至日) 。詳情請參閱活動網頁。

滙豐Visa Signature卡
>>>立即申請<<<

FAQ

滙豐VS有無年費？

呢張卡首兩年免年費，之後年費就係$2,000，但其實兩年後見到月結單收年費可以打電話waive。就算真係waive唔到，只要即刻cut卡就唔使交，而兩年後cut卡亦唔會有任何罰則。但其實小編so far都無聽過滙豐會唔肯waive年費，所以大家可以放心開卡賺迎新！

係咪要新客戶先有迎新？點先算係新客戶？

正如上文所述，滙豐係同時有做迎新同迎舊。要食到今次嘅迎新／迎舊，前提係要無喺12個月之內取消過滙豐信用卡。如果乎合上述要求，而手頭上無任何滙豐信用卡，就可以食到迎新；如果有其他滙豐信用卡而無呢張，就可以食到迎舊。

滙豐VS係咪簽咩都最少有1.6%回贈？

正如上文所述，滙豐VS係要簽得中五大類別先最少有1.6%回贈；如果所有類別都唔中（例去如Apple Store門市），基本回贈就係0.4%

可唔可以開幾張信用卡揀晒咁多個最紅類別？

正如上文所述，自主類別嘅選擇係跟死你人名嘅所有信用卡，所以就算開齊VS、白金、銀聯，全部卡印住同一個名都只會係同一個自主類別。但如果幫親友開附屬卡嘅話，因為佢地張卡係第二個名，就可以揀到其他類別。

迎新合資格簽賬計啲咩？PayMe計唔計？

滙豐信用卡係無得零成本食迎新，係要老老實實去簽。參考返T&C原文：「合資格簽賬」指於批卡後首 60 個曆日內以合資格信用卡所作的累積簽賬淨額，並於核實持卡人有資格獲享優惠時已誌賬的交易。以下交易並不是合資格簽賬：財務及銀行費用：年費、財務費用、逾期費用； 以附屬卡作的交易；郵購、傳真及電話訂購；透過滙豐流動理財及／或網上理財繳費；購買及／或充值儲值卡的交易（包括透過電子錢包或任何其他途徑增值八達通之交易）；以電子錢包所作的交易（包括增值電子錢包）；八達通自動增值；於「獎賞錢」購物網及其他推廣進行的換購交易；現金貸款、「現金套現」分期計劃及「現金套現」計劃的提款金額；「現金套現」分期計劃、「現金套現」計劃、「簽賬分期計劃」及其他分期計劃之供款金額；於非金融機構的半現金交易（包括購買外匯、匯票及旅行支票）；於金融機構的半現金交易（包括購買銀行產品及服務）電匯；賭博交易；繳稅；自動轉賬、循環付款；所有未誌賬／取消／退款的交易。

滙豐VS卡小檔案

• 五大類別簽賬：1.6%「獎賞錢」回贈（每年首$100,000）
• 「最紅自主獎賞」簽賬：高達3.6%「獎賞錢」回贈（每年首$100,000）
• 海外實體店簽賬：配合「HSBC Travel Guru會員計劃」高達9.6%「獎賞錢」回贈（1.95%手續費）
• 其他簽賬：0.4%「獎賞錢」回贈
• 八達通自動增值：0.4%「獎賞錢」回贈
• PayMe：0.4%「獎賞錢」回贈
• 支付寶／微信支付：無回贈
• E-banking繳費：0.4%「獎賞錢」回贈 （每月首$10,000）
• E-banking交稅：無回贈
• 年費：HK$2,000（首兩年免年費，之後打電話waive）
• 年薪／資產要求：HK$240,000／HK$400,000

受條款及細則約束：「最紅自主獎賞」T&C、滙豐VS T&C、迎新T&C