#滙豐HSBC信用卡交稅 #恒生Hang Seng信用卡交稅 #Citi花旗信用卡交稅 #東亞BEA信用卡交稅 #建行CCB信用卡交稅 #中銀BOC信用卡交稅 #大新信用卡交稅 #中信信用卡交稅 #上商信用卡交稅 #八達通交稅 #O!ePay交稅 #交稅最高回贈
新客經本網申請指定東亞信用卡,各簽一次就賺$2,000/Apple Watch/Marshall喇叭,連同迎新賺高達$5,750!
新客經本網申請Citi Cash Back,零成本賺$1,800/Marshall喇叭/Apple Watch!
新客經本網申請渣打Smart卡,毋須簽賬賺$1,200,迎新合共賺$2,400!
(最後更新:2023年1月)
又到交稅嘅季節,雖然係交得百般不情願,但如果用啱信用卡去交,就最少可以賺返啲回贈。基本上市面上所有嘅信用卡,平時就咁入網上理財交稅都係唔會有任何回贈;但每逢稅季,啲銀行都會推出啲期間限定嘅信用卡優惠,吸引大家經佢交稅。以下小編就整理咗各種信用卡交稅優惠。
1. WeChat Pay交稅大法
小編實測以安信EarnMORE銀聯卡用WeChat Pay交稅,一樣有本身嘅2%現金回贈,扣返WeChat 1%手續費都淨賺1%回贈!絕對係最方便,亦係小編最推薦嘅交稅賺回贈方法!
以WeChat Pay交稅嘅方法非常簡單,只要喺WeChat Pay入面綁定返安信EarnMORE銀聯卡,然後click「生活繳費」→ 「稅費」→「立即掃碼繳費」,scan返稅單上面嘅QR Code,再揀返以EarnMORE卡扣數就可以!
WeChat Pay繳費上限係每日$10,000(計返手續費即係上限每日實交$9,990稅)、每個月$100,000;所以就算有幾萬蚊稅要交,只要分幾日交就一樣可以賺足回贈!而EarnMORE卡每年2%回贈上限嘅簽賬額就係$150,000。呢2%回贈可以參考下圖小編實測嘅月結單截圖:
小編亦要戴返個頭盔:正常繳費同交稅係無回贈,以上方法純粹係小編實測出到回贈開心share,因此小編並唔擔保一定有回贈。請大家唔好打俾CS問,因為官方答案一定係繳費同交稅無回贈。
EarnMORE今期迎新,全新安信信用卡客戶只要批卡後90日內簽$8,000就可以賺到$500回贈,或者簽$9,800可以揀OTO按摩椅/Aurabeat抗病毒空氣淨化機;而學生就簽$2,000回$200!即日起至2023年12月31日,新客經本網以下指定連結申請安信EarnMORE銀聯卡其後成功獲批,再喺申請後7日內填返電郵內嘅換領表格(留意宣傳/垃圾郵件),仲毋須簽賬送$100現金回贈+$200 HKTVmall禮券*!夾埋張卡本身2%回贈就賺到成$970!呢張卡嘅迎新仲要係連用O!ePay玩八達通自動增值都計(留意自動增值基本回贈係1%),所以零成本就可以簽得完!詳情可以睇返安信EarnMORE卡攻略。
[為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已關閉AdBlock,同埋避免用公司電腦申請。Click入指定連結後,請盡快完成申請,中間避免開其他網站。若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 ]
安信EarnMORE銀聯卡:立即申請
(申請後7日內要填返電郵換領表格)
2. 八達通App交稅大法(O!ePay)
而交稅最高回贈嘅方法,就係透過渣打Simply Cash做八達通自動增值賺1.5%回贈,再透過App用八達通儲值額嚟交稅。但呢個方法就非常麻煩,要每日人手拍卡入$500落App到,如果交$50,000稅就要拍足100日。所以小編都係比較推薦用返上述WeChat Pay大法。
八達通交稅嘅原理,就係用一張做咗信用卡自動增值嘅八達通,每日拍$500入去八達通App銀包(O!ePay),咁每次自動增值就賺到信用卡回贈,然後再用八達通銀包入面嘅餘額嚟交稅,詳細可以睇返呢篇O!ePay攻略。如果用渣打Simply Cash做自動增值,變相就係交稅都賺緊1.5%回贈。
留意每張八達通每日只可以做一次自動增值,而八達通轉錢入O!ePay嘅每月限額亦只有$10,000。所以呢個方法係非常麻煩,要持之以恆每日拍八達通去入錢。
依家Simply Cash迎新,簽$8,000就有$600現金回贈!詳細可以參考呢篇渣打Simply Cash攻略。不過如果本身無渣打信用卡嘅話,小編會建議開咗SMART卡先,個迎新會再抵好多!
3. 各銀行信用卡交稅優惠
最傳統用信用卡交稅嘅方法,就係等銀行出優惠再用網上理財去交。銀行交稅優惠一般都要大概12月先出得齊,但根據過往經驗,大部份銀行都係0.5%回贈咁上下,所以小編都係比較推薦用返上述WeChat Pay大法。
滙豐銀行 HSBC
即日起至2023年2月28日,收到SMS通知嘅特選客戶,一經登記,憑滙豐信用卡於流動理財或網上理財交稅,只要喺優惠期內同時累積$6,000合資格簽賬,可享高達$400現金回贈。如果係以滙豐Mastercard累積交稅滿$150,000,再可享額外$200現金回贈。詳情可參閱官網。
繳稅金額 | 基本獎賞 | 滙豐Mastercard額外獎賞 |
$10,000 – $49,999 | $50 | – |
$50,000 – $74,999 | $100 | – |
$75,000 – $99,999 | $200 | – |
$100,000 – $149,999 | $300 | – |
$150,000或以上 | $400 | $200 |
恒生銀行 Hang Seng
即日起至2023年2月28日,一經登記,憑恒生信用卡於網上理財繳交$10,000或以上稅款,可享高達$300 Cash Dollars,計返最多有0.5%現金回贈。詳情可參閱官網。
繳稅金額 | 回贈 |
$10,000 – $49,999 | $50 / 5,000 yuu分 |
$50,000 – $199,999 | $100 / 10,000 yuu分 |
$200,000 – $499,999 | $200 / 20,000 yuu分 |
$500,000 或以上 | $300 / 30,000 yuu分 |
花旗銀行 Citibank
即日起至2023年2月28日,一經登記,憑Citi信用卡於網上理財/Citi PayAll繳交$50,001或以上薪俸稅,並喺優惠期內同時累積$1,000合資格簽賬,可享高達$500現金回贈。如果係Citi PayAll新用戶繳交全數稅款滿$30,001,再有額外$100獎賞。計返合共最多有0.4%回贈。詳情可參閱官網。
繳稅金額 | 基本獎賞 | Citi PayAll新用戶額外獎賞 |
$30,001 – $50,000 | – | +$100 |
$50,001 – $100,000 | $100 | |
$100,001 – $200,000 | $250 | |
$200,001或以上 | $500 |
中銀 BOC
即日起至2022年12月31日,一經登記,憑中銀信用卡透過網上銀行/手機銀行繳交稅款滿指定金額,可享高達$500現金回贈,計返最多有0.5%回贈。詳情可參閱官網。
東亞銀行 BEA
即日起至2022年11月29日,一經BEA Mall App內登記,憑東亞信用卡透過電子網絡銀行繳費(包括稅費、水電煤、學費、保單等賬單)滿指定金額,可享高達$100現金回贈,計返最多有0.5%回贈。詳情可參閱官網。
建行亞洲 CCBA
即日起至2022年12月27日,一經登記,憑建行信用卡透過網上銀行/手機銀行繳交稅款滿指定金額,可享高達$200現金回贈,計返最多有1%回贈。詳情可參閱官網。
工銀 ICBC
即日起至2022年12月31日,憑工銀信用卡於網上理財繳交$5,000稅款,可享$100現金回贈,計返最多有2%回贈!詳情可參閱官網。
大新 Dah Sing
即日起至2022年12月31日,憑大新信用卡繳交$10,000或以上稅款,可享高達$300現金回贈,計返最多有0.5%回贈。詳情可參閱官網。
中信銀行國際 CNCBI / CITIC
即日起至2022年12月28日,憑信銀信用卡繳交$10,000或以上稅款,可享高達$500現金回贈,計返最多有0.5%回贈。詳情可參閱官網。
上海商業銀行
即日起至2022年12月31日,一經登記,憑上商銀聯信用卡於個人網上銀行繳交稅款,只要喺優惠期內同時作$500合資格零售/網上簽賬,即可享0.4%現金回贈,上限交$125,000稅回贈$500。詳情可參閱官網。
wechat依家綁定唔到Earnmore 因為綁定credit card 要填Bank, 但又冇得選擇安信或銀聯。求指點
香港銀包應該無問題
大新信用咭網上交稅要1%手續費喎。倒蝕俾佢。
網上銀行繳費應該唔使手續費
有圖,點send 俾你地睇?
咁用第二間銀行~
請問今年12月內用Earnmore wechatpay交稅是否還有1%回贈? Thx
實測上期月結單有
如果依家用earn more 交稅,是否仲有2%回贈嗎?
實測上期月結單有
2023年用earn more 信用卡交稅仲有冇兩個percent rebate?
就咁睇t&c估計繼續有,但實際要等出月結單先見到
入到去付款,揀唔到呀earnmore 卡。只有轉數快點算?
你係咪未綁定張卡~?
我都係
綁咗卡未
請問與下年一月用Earnmore wechatpay交稅是否還有1%回贈? Thx
下年earnmore本身有無2%都未知呀
如果在今年12月31日wechatpay earnmore交稅之前交是否有1%回贈呢? 謝謝
一路實測係有
知唔知道2023年1月用earn more 交稅仲有冇兩個percent回贈?
睇新T&C應該係繼續有,實測就要等月結單先知
你好
請問
如果用中銀信用卡經wechat pay交稅
wechat pay唔收手續費
中銀信用卡會有績分嗎?
謝謝
無分
請問wechat pay 綁earnmore, 用wechat pay 消費時選用earnmore 扣錢
計唔計迎新?(不是增值錢包和轉賬)
應該就計,但唔sure
我上年用EARNMORE拍八達通交稅有2%回贈
睇番月結單實際回贈在0.5%以下
剛好OEPAY又綁死個人名稱不能用渣打附屬卡俾
EARNMORE用WECHAT交稅是否確定有2%回贈?
有無月結單對到數? (刪走名稱卡資料就可以)
我怕我用WECHAT PAY要倒貼
上年earnmore拍八達通係2%,打爆quota都係1%,無可能回0.5%咁零丁
至於wechat pay,我近幾個月實測都有回2%
Earn more 用 WeChat pay 交稅, 11月11日,仲有2% 回贈嗎?扣除1%手續費,仍然有1% 可以袋落袋嗎?
月結單先見到回贈,無得日日check
今日12月6日用earn more 交稅仲有2%回贈嗎?
無得日日答,月結單先出回贈。上次月結單仲有
一般來說, 交稅會否被視作為迎新期的合格簽帳?
網上銀行交唔計,電子錢包交嘅話部份卡可能有走盞
不好意思, 唔知道今日22/10 EarnMORE仲有無1%回贈呢…?
謝謝大大
實測有
謝謝你, 回贈的話是馬上有回贈的結果還是需要月尾才會顯示呢?
thanks again!
月尾先見到
OK, 再次唔該晒你的幫忙!! <3
30/10/22今日用earn more 交稅仲有回贈嗎?
實測有
請問simply cash有冇rebate呀?可以經WeChat嗎?
Simply Cash經WeChat收2%手續費
而家經wechat用earnmore交稅 仲無2%回贈?
8月15號起銀聯卡收1%手續費,計返應該淨賺1%回贈
今日8月14號,今日交有2%回贈?
8月15前1.5%手續費
知唔知earnmore宜家2%優惠cut咗未?thanks!!
2月實測earnmore繳費仲有2%
請問用earnmore通過wechat pay交稅,算迎新優惠嗎?多謝!
跟T&C就唔計,但實際佢system未必識分可能計到
多謝小編🙏 實測算迎新優惠
感謝回報 🙏🏼
東亞銀行個最高回贈係咪應該係0.4%?
係0.4%先啱~
唔好意思,另外我發現
恆生交稅第二行應該係$50,000-$199,999
上海商業上限應該係$125,000
改返咗~ thanks
EarnMORE 綁 wechatpay 交稅又賺到 2% 無呢
無~
請問用oepay 餘額用QR code交稅每日最多10000的話,可以分開幾次完成嗎?定係一定要跟賬單金額一次過付款?
Scan 完QR Code有得改銀碼~
支付寶允許納稅。 建行(亞洲)京東信用卡會獲得4%的回扣嗎?
支付寶交稅全部卡無回贈
樓主可能睇錯,HSBC現金回贈係0.4%,而唔係0.4,係交100000稅先爆400,佢再送多100。
係呀打錯咗,唔該晒~