全新滙豐EveryMile信用卡攻略 – 指定商戶高達2.5%「獎賞錢」回贈(即$2/里)、迎新高達$1,625「獎賞錢」(即32,500厘)!

#滙豐信用卡 #HSBC EveryMile Card #滙豐EveryMile卡優惠 #滙豐EveryMile卡積分回贈 # #滙豐EveryMile卡迎新 #滙豐獎賞錢

(最後更新:2021年10月)

全新推出嘅滙豐EveryMile卡,顧名思義係主打儲里數;比起一般滙豐信用卡,呢張卡以「獎賞錢」換里數有高達雙倍兌換率,計返即係低至HK$2=1里超抵!張卡喺指定商戶簽賬有2.5%回贈(HK$2=1里),其他簽賬亦有1%回贈(HK$5=1里),以現金回贈嚟講亦唔錯。另外張卡每年可以免費入6次Lounge,仲有免費旅遊保險,喺Agoda另訂酒店仲可享低至85折!新客依家開卡迎新可以賺到高達$1,625「獎賞錢」迎新(即32,500里);而舊客亦可享高達$300「獎賞錢」迎舊!

滙豐EveryMile卡賣點
  • 指定商戶簽賬2.5%回贈($2=1里)
  • 其他本地及海外簽賬無上限1%回贈($5=1里)
  • 每年免費入環亞機場貴賓候機室6次
  • 多程免費旅遊保險(包同行家人、手機保障及旅程取消保障)
  • 回贈亦可兌換多達15個飛行常客計劃或酒店獎勵計劃,超過110間航空公司機票

如果以儲里數嚟講,呢張卡低至HK$2=1里就絕對係勁抵!如果當佢現金回贈卡咁用嘅話,呢張卡嘅賣點就係上述指定商戶有2.5%回贈(最新商戶名單以官網為凖),涵蓋交通、網上娛樂、飲咖啡等類別;尤其係揸開車嘅話勁實用,泊車入油過隧道都有2.5%!其他簽賬1%,亦算係唔錯。

RewardCash 「獎賞錢」

滙豐嘅「獎賞錢」RewardCash 玩法簡單易記,$1「獎賞錢」=HK$1,唔使慢慢計積分。只要download咗佢個Reward+ App(AniOS),就可以直接用「獎賞錢」扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當HK$2嘅promo,有時又可以好平咁攞嚟換禮券,甚至換返miles都得!

而EveryMile卡比其他滙豐信用卡嘅主要優點,就係可以$1「獎賞錢」換20里數/酒店積分,而且更加係包括多達15個飛行常客計劃或酒店獎勵計劃,超過110間航空公司機票,選擇比一般信用卡多好多!所以呢張卡玩法好有彈性,如果有玩開里數 / 酒店積就唔駛諗係一定申請得過!好似而家未飛得,就可以揀換酒店積分去staycation。

  • 飛行常客計劃:Aeroplan、亞洲萬里通™、Executive Club英航會員俱樂部*、阿聯酋航空 Skywards、Finnair Plus、藍天飛行、無限萬哩遊*、Lotusmiles飛行常客酬賓計畫、土耳其航空Miles&Smiles、澳航飛行常客、卡達航空貴賓俱樂部*、新航獎勵計劃KrisFlyer*
  • 酒店獎勵計劃:雅高心悦界*、IHG®優悅會、Marriott Bonvoy萬豪旅享家
迎新禮遇
  • 新客60日內簽HK$4,000可享$500「獎賞錢」、簽HK$15,000可享合共$1,250「獎賞錢」,連同指定商戶簽賬回贈高達$1,625「獎賞錢」(即32,500里)
  • 舊客60日內簽HK$4,000可享$200「獎賞錢」,連同指定商戶簽賬回贈高達$300「獎賞錢」(即6,000里)

而至於迎新方面,今期個迎新做到2022年2月28日,除咗首年免年費,全新滙豐信用卡客戶只要批卡後60日內碌滿HK$4,000合資格簽賬,就可享$500「獎賞錢」,如果簽滿HK$15,000更可享合共$1,250「獎賞錢」;如果係現有客戶,碌滿HK$4,000亦都可享$200「獎賞錢」*!而呢個迎新/迎舊仲要係未計張卡本身嘅回贈,即係話如果新客開卡之後直接簽HK$15,000指定商戶交易(2.5%回贈),仲可以再賺多$375「獎賞錢」!迎新會喺完成簽賬要求後2個月內入賬。留意返滙豐信用卡嘅迎新係唔計電子錢包,係真係要去簽嚟買嘢。(上述迎新/迎舊只適用於無喺2021年4月30日或之後取消過滙豐信用卡嘅客戶)

滙豐EveryMile卡:立即申請

伏位

由於呢張卡主打係儲miles,所以最抵嘅用法就一定係玩返里數。雖然用嚟玩現金回贈就無里數咁抵,但張卡指定商戶2.5%回贈同其他商戶1%回贈都唔錯。留意返指定商戶「網上娛樂平台」類別其實簽返滙豐Red卡4%會抵啲。

滙豐EveryMile卡專享優惠

免費旅遊保險
即日起至2022年9月30日,以滙豐EveryMile卡全數支付旅遊費用,持卡人及同行配偶與子女可享免費旅遊保障,保險更涵蓋手機保障及旅程取消保障。。詳情請參閱條款及細則

環亞機場貴賓候機室
每年可免費專享環亞機場貴賓候機室之設施或指定機場食肆之免費餐飲服務合共6次。有關名單請參閱官網

Agoda低至85折優惠
即日起至2022年12月31日,以滙豐EveryMile卡透過指定網頁喺Agoda.com預訂酒店,可享85折優惠,名額先到先得。85折優惠額滿後,仍然可以享有92折優惠。詳情請參閱活動網頁

FAQ

滙豐EveryMile卡有無年費?

呢張卡首年免年費,之後年費就係$2,000。只要每年簽夠HK$120,000,就可以免到下一年嘅年費。

係咪要新客戶先有迎新?點先算係新客戶?

正如上文所述,滙豐係同時有做迎新同迎舊。要食到今次嘅迎新/迎舊,前提係要無喺2021年4月30日或之後取消過滙豐信用卡。如果乎合上述要求,而手頭上無任何滙豐信用卡,就可以食到迎新;如果有其他滙豐信用卡而無呢張,就可以食到迎舊。

迎新合資格簽賬計啲咩?Payme計唔計?

滙豐信用卡係無得零成本食迎新,係要老老實實去簽。參考返T&C原文:「合資格簽賬」指於批卡後首 60 個曆日內以合資格信用卡所作的累積簽賬淨額,並於核實持卡人有資格獲享優惠時已誌賬的交易。以下交易並不是合資格簽賬:財務及銀行費用:年費、財務費用、逾期費用; 以附屬卡作的交易;郵購、傳真及電話訂購;透過滙豐流動理財及/或網上理財繳費;購買及/或充值儲值卡的交易(包括透過電子錢包或任何其他途徑增值八達通之交易);以電子錢包所作的交易(包括增值電子錢包);八達通自動增值;於「獎賞錢」購物網及其他推廣進行的換購交易;現金貸款、「現金套現」分期計劃及「現金套現」計劃的提款金額;「現金套現」分期計劃、「現金套現」計劃、「簽賬分期計劃」及其他分期計劃之供款金額;於非金融機構的半現金交易(包括購買外匯、匯票及旅行支票);於金融機構的半現金交易(包括購買銀行產品及服務)電匯;賭博交易;繳稅;自動轉賬、循環付款;所有未誌賬/取消/退款的交易。

滙豐EveryMile卡小檔案
  • 指定商戶簽賬:2.5%「獎賞錢」回贈
  • 其他本地簽賬:1%「獎賞錢」回贈
  • 海外簽賬:1%「獎賞錢」回贈(1.95%手續費)
  • 八達通自動增值:0.4%「獎賞錢」回贈
  • Payme:0.4%「獎賞錢」回贈
  • 支付寶/微信支付:無回贈
  • E-banking繳費:0.4%「獎賞錢」回贈 (每月首$10,000)
  • E-banking交稅:無回贈
  • 年費:HK$2,000(首年免年費,第二年起每年簽夠HK$120,000豁免年費)
  • 年薪/資產要求:HK$240,000/HK$300,000

滙豐EveryMile卡:立即申請

*受條款及細則約束:迎新T&C滙豐EveryMile卡 T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)