[海外/外幣簽賬攻略] 抵過唱錢！2024旅遊必備現金回贈信用卡 – 高達8%回贈

#旅遊信用卡 #旅行信用卡 #旅遊碌卡 #海外信用卡 #旅行唱錢 #歐遊信用卡 #外幣信用卡 #信用卡海外外幣手續費 #旅行現金信用卡 #海外簽賬信用卡懶人包

（最後更新：2024年10月）

去旅行，其中一個好多人都有嘅疑問，就係俾錢應該用現金定係信用卡。小編就一向都係信用卡嘅忠實支持者，一半原因係因為帶信用卡安全過大額現金，另一半原因係揀啱信用卡基本上實抵過用cash。

如果自問已經熟悉手續費同DCC陷阱等，可以直接碌落去下面個表睇比較。如果未熟嘅話，就可以睇咗下面段教學清清concept先。

手續費

信用卡嘅匯率一般比找換店更貼近現價更抵，而香港大部份嘅Visa/Mastercard信用卡係會向每筆外幣簽賬收取1.95%手續費，American Express就2%，而銀聯信用卡就甚至好多會免手續費。但同時，銀聯嘅匯率通常比Visa/Mastercard差，所以實際差別大概係1.2至1.4%。但其實銀聯主要都係東亞地區普及啲，Visa/Mastercard就除咗大陸之外基本上係世界通行。如果要「一卡走天涯」，Visa/Mastercard係一定贏銀聯。

動態貨幣交易（DCC）陷阱

喺進入重點前，要先介紹一樣喺外地消費前一定要識嘅概念：動態貨幣交易（DCC）。簡單嚟講，喺外地商戶碌Visa/Mastercard嘅時候，你可以揀用外幣或者港幣做結算交易，而以港幣結算嘅交易就叫做DCC。如果揀用港幣嘅話，商戶同銀行一般夾埋會向DCC交易收返最少4%嘅手續費！所以，喺外地碌卡嘅時候，一定要以外幣直接結算，千祈唔好墮入DCC陷阱！一般嚟講，只要喺俾錢嘅時候同個店員講明以當地貨幣埋單（Pay in USD/EURO/JPY etc.），就可以避免到DCC陷阱。詳情可以睇返呢篇海外簽賬DCC/CBF手續費陷阱詳解。

旅遊保險

飛之前要買返份旅遊保險保障自己是常識吧！最抵旅遊保險比較可以睇返呢個網站。

最抵現金回贈信用卡推介

撇除promo同太複雜嘅玩法，以下小編就同大家分析下用邊張卡碌海外實體店簽賬最抵！

如果成日簽海外，簽賬限額唔夠用嘅話，亦可以選擇開多2張唔同嘅信用卡，簽爆完一張再簽下一張！

留意返，上面個表有啲卡拆咗兩行寫，但其實上限係要一齊計，好似滙豐同恒生咁，所以詳細要click返入信用卡攻略去睇。

[為確保你賺到經本網成功申請額外獎賞（如有），小編強烈建議大家用Chrome申請（請避免用Safari或者Facebook in-app browser）。請確保你無封鎖tracking跨網站追蹤、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間避免開其他網站。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。 ]

富邦Visa白金卡

富邦白金卡，主打新台幣簽賬有20X分相等於8%回贈，或者日本、韓國簽賬有10X分相等於4%回贈！扣返1.95%手續費分別係6.05%／2.05%回贈！如果以只係簽新台幣計，上限每月簽$5,333／每年簽$16,000；如果以只係簽日韓計，就上限每月簽$16,000／每年簽$48,000。詳情可以參考富邦Visa白金卡攻略。

富邦Visa白金卡：立即申請

恒生Travel+ Visa Signature

恒生新出嘅Travel+ Visa Signature卡，主打日本、韓國、泰國、新加坡、澳洲外幣簽賬有7%回贈，扣返1.95%手續費都有5.05%回贈！而其他外幣簽賬亦有5%回贈，扣返手續費都有3.05%回贈！留意返呢個回贈係要每月累積簽賬滿$6,000先有。呢張卡每月額外獎賞上限係$500，以只簽7%類別計即上限簽$7,576／以只簽5%類別計即上限簽$10,870。

由2024年10月16日至10月31日6PM，新客同舊客經本網以下指定連結成功申請恒生Travel+ VS卡，再喺申請後7日內填返電郵內嘅換領表格（留意宣傳/垃圾郵件），仲額外送$200惠康禮券*！連埋信用卡迎新就賺到高達$900！或者連埋迎舊都有高達$500！詳情可以參考恒生Travel+ VS卡攻略。

不過如果本身未有恒生信用卡，小編會建議開咗MMPOWER卡先，因為個額外獎賞大份好多，然後等批咗卡再上過嚟開返呢張卡。

恒生Travel+ VS卡：立即申請
（申請後7日內要填返電郵換領表格）

滙豐Visa Signature / 白金卡

[小編按：滙豐Guru玩法偏複雜要計上下限，如果想簡單啲可以skip去下張卡]

滙豐嘅信用卡有一樣好特別嘅賣點，就係可以自選一個類別嘅簽賬賺多2%回贈。其中，張Visa Signature本身喺五大類別簽賬已經有成1.6%回贈，咁只要自選類別揀埋「賞世界」，海外簽賬就已經有3.6%回贈！扣返1.95%手續費都仲淨賺1.65%回贈！每年上限可以簽$100,000！

滙豐仲另外有個有啲複雜嘅「Travel Guru會員計劃」，簡單嚟講，一經登記就會自動成為第一級「GO級旅人」，只要3個曆月內累積外幣簽賬滿$8,000，期間嘅外幣簽賬就可以解鎖額外3%回贈，連同VS賞世界就係6.6%回贈！扣返1.95%手續費都仲淨賺4.65%回贈！登記首12個月上限可以簽$20,000，但留意一斷欖就要重新儲返$8,000。詳細可以睇返Travel Guru攻略。

滙豐VS迎新，只要簽$8,000就可以賺到$800迎新／$200迎舊！詳細可以睇返篇滙豐VS攻略。如果未夠年薪開滙豐VS（$24萬），都可以開住張白金卡玩住先，自選類別簽賬都有2.4%回贈，仲可以搏佢upgrade！

滙豐Visa Signature卡：立即申請

恒生MMPOWER卡

恒生MMPOWER卡，主打海外簽賬有6%回贈，扣返1.95%手續費仲有4.05%回贈，另外網上簽賬亦有5%回贈。留意返呢個回贈係要每月累積簽賬滿$5,000先有。呢張卡每月額外獎賞上限係$500，以只簽海外計即上限簽$8,929／以只簽網上計即上限簽$10,870。

由2024年10月18日至10月31日6PM，新客經本網以下指定連結成功申請恒生MMPOWER卡，再喺申請後7日內填返電郵內嘅換領表格（留意宣傳/垃圾郵件），同埋簽賬返$1,000，仲額外送$1,000 Apple禮品卡／$1,000惠康禮券／$1,000 trip.com禮券／NESCAFÉ Genio S Plus咖啡機（價值$1,780）／Legend Walker X-Class 31”行李箱（價值$5,600）*！連埋信用卡迎新就賺到高達$1,700！或者就算係舊客都有迎舊！詳情可以參考恒生MMPOWER卡攻略。

恒生MMPOWER卡：立即申請
（申請後7日內要填返電郵換領表格）

滙豐EveryMile

[小編按：滙豐Guru玩法偏複雜要計上下限，如果想簡單啲可以skip去下張卡]

滙豐EveryMile雖然無「賞世界」，但就有個「滙豐EveryMile專享海外簽賬優惠」，只要每季簽滿$8,000海外簽賬嘅下限，就可享2.5%回贈，上限每季簽$15,000。如果本身無VS卡，或者VS無揀賞世界，就可以轉玩呢個promo。

滙豐仲另外有個有啲複雜嘅「Travel Guru會員計劃」，簡單嚟講，一經登記就會自動成為第一級「GO級旅人」，只要3個曆月內累積外幣簽賬滿$8,000，期間嘅外幣簽賬就可以解鎖額外3%回贈，連同EveryMile專享海外回贈就係5.5%回贈！扣返1.95%手續費都仲淨賺3.55%回贈！登記首12個月上限可以簽$20,000，但留意一斷欖就要重新儲返$8,000。詳細可以睇返Travel Guru攻略。[2024年4月更新：滙豐Guru已暫停新登記]

而家開滙豐EveryMile，只要簽$8,000就可以賺到$800迎新／$200迎舊！詳細可以睇返篇滙豐EveryMile攻略。

滙豐EveryMile卡：立即申請

中銀Chill Card

中銀Chill Card，攞嚟做小額交易係勁好用！呢張卡主打網上同海外簽賬有5%回贈，扣返海外簽賬1.95%手續費淨賺3.05%回贈！仲有指定商戶10%回贈（包括全港戲院、Netflix、Spotify等）！張卡每月嘅額外回贈上限係$150，如果全部簽晒指定商戶就簽$1,562爆，或者如果全部簽晒網上／海外簽賬就簽$3,260爆。

即日起至2024年10月31日6PM，新客經本網以下指定連結成功申請中銀Chill Card，再喺申請後7日內填返電郵內嘅換領表格（留意宣傳/垃圾郵件），仲額外送$800 Apple禮品卡／$800 HKTVmall電子現金券／$800 Trip.com電子現金券／Marshall Willen小型無線便攜喇叭（價值$999）／NESCAFÉ Dolce Gusto Genio S Plus 膠囊咖啡機連6盒膠囊（價值$1,780）／ Legend Walker X-Class 31” 可擴展帶前開口行李箱（價值$5,600）*！連同迎新就賺到高達$1,300！詳情可以參考返呢篇中銀Chill Card攻略。

中銀Chill Card：立即申請
（申請後7日內要填返電郵換領表格）

中銀Cheers Visa Infinite Card

中銀Cheers Visa Infinite Card，主打餐飲及旅遊簽賬優惠，餐飲及海外簽賬可享10X積分，相等於4%現金回贈或$1.5/里，扣返海外簽賬1.95%手續費淨賺2.05%回贈！每月上限簽$25,000賺25萬分。留意返呢張卡雖然首年免年費，但第二年就未知免唔免到，官方寫法就要持有「中銀理財」或以上戶口先可獲持續豁免。

即日起至2024年10月31日6PM，新客經本網以下指定連結成功申請中銀Cheers VI Card，再喺申請後7日內填返電郵內嘅換領表格（留意宣傳/垃圾郵件），仲額外送$800 Apple禮品卡／$800 HKTVmall禮券／$800 Trip.com禮品卡／POLAROID Now+ i-Type即影即影有相機（價值$1,599）／Marshall MOTIF II ANC降噪真無線耳機（價值$1,599）／ Legend Walker X-Class 31”行李箱（價值$5,600）*！連同迎新就賺到高達$2,300！詳情可以參考返呢篇中銀Cheer VI Card攻略。

中銀Cheers Visa Infinite：立即申請
（申請後7日內要填返電郵換領表格）

東亞World Mastercard

啱啱改咗制嘅東亞World Mastercard，主打食肆及海外簽賬有4%回贈，扣返1.95%手續費仲淨賺約2.05%回贈！張卡每月嘅額外回贈上限係10萬分，如果全部簽晒海外簽賬即係上限簽$11,111。留意返呢張卡海外簽賬唔計歐洲實體簽賬。詳情可以參考返東亞World Mastercard攻略。

東亞World Mastercard：立即申請

AEON CARD WAKUWAKU

AEON CARD WAKUWAKU，日本簽賬有成3%回贈，而海外簽賬手續費只係1%，扣返淨賺2%回贈！每個月結單周期上限可以簽成$10,000！

即日起至2024年10月31日6PM，新客經本網申請AEON CARD WAKUWAKU，迎新連同額外獎賞仲可以賺到高達$1,580！詳情可以睇返AEON WAKUWAKU卡攻略。

AEON WAKUWAKU卡：立即申請
（邀請碼：MHWAKU）
（申請後7日內要填返電郵換領表格）

安信EarnMORE銀聯

呢張安信EarnMORE銀聯卡，海外簽賬無手續費，可以淨賺2%現金回贈！但留意返2%回贈只限每年頭$200,000簽賬，打後嘅簽賬就只有1%回贈（但都仲係好抵）。不過銀聯卡主要係日韓台先多鋪頭收，去歐美就無咩用。

EarnMORE銀聯卡今期迎新，簽$8,500就可以賺到$500回贈／空氣淨化風扇，或者簽$9,800可以賺到OTO；而學生就簽$2,000回$200！由2024年10月1日至10月31日6PM，新客經本網以下指定連結申請安信EarnMORE銀聯卡，再喺申請後7日內填返電郵內嘅換領表格（留意宣傳/垃圾郵件），仲無須簽賬送$100現金回贈+$200 Apple禮品卡／惠康禮券*！夾埋張卡本身2%回贈就賺到成$970！或者就算係舊客，雖然無安信迎新，但無須簽賬都送返$200 Apple禮品卡／惠康禮券！呢張卡嘅迎新仲要係連用O!ePay玩八達通自動增值都計（留意自動增值基本回贈係1%），所以零成本就可以簽得完！詳情可以睇返安信EarnMORE卡攻略。

安信EarnMORE銀聯卡：立即申請
（申請後7日內要填返電郵換領表格）

渣打Smart卡

呢張渣打Smart卡，係市面上極少數外幣簽賬無手續費嘅Visa卡！可以淨賺約0.56%現金回贈！如果去歐美國家旅行又唔想計簽賬額上下限，用呢張卡就最簡單最fit！

渣打Smart卡今期迎新，全新渣打信用卡客戶喺批卡後1個月碌滿$3,500，就有$800現金回贈！

由2024年10月1日至10月31日6PM，新客經本網以下指定連結申請渣打Smart卡其後成功獲批，再喺申請後7日內填返電郵內嘅換領表格（留意宣傳/垃圾郵件），同埋獲批後7日內提交批卡截圖，無須簽賬送$800 Apple禮品卡／HKTVmall禮券／惠康禮券／Trip.com禮券／Klook禮券*！夾埋即係簽$3,500就賺到$1,600！詳情可以參考渣打Smart卡攻略。

渣打Smart卡：立即申請
（申請後7日內要填返電郵換領表格）

中銀淘寶卡

呢張中銀淘寶卡，係市面上極少數外幣簽賬無手續費嘅Mastercard！可以淨賺信用卡積分，相等於0.4%回贈！如果去歐美國家旅行又唔想計簽賬額上下限，用呢張卡就夠晒簡單！詳情可以參考中銀淘寶卡攻略。

如果本身未有中銀信用卡，小編會建議考慮開咗Chill卡食額外獎賞先，然後等批咗卡再自己開返呢張卡。

中銀淘寶World萬事達卡：立即申請

滙豐Debit Card卡

呢張滙豐Debit Card，只要有滙豐戶口就開得！仲要亦支援成12種貨幣，只要你銀行戶口入面有相應外幣佢就會識自動扣，就算無嘅話都會自動轉用港紙結算，無任何外幣手續費！呢張卡基本回贈係0.4%，如果係學生嘅話不妨可以考慮用呢張卡。詳情可以參考滙豐Debit Card攻略。