[信用卡繳費攻略] 交水電煤/電話費/差餉高達4.4%回贈！

#信用卡交電費 #信用卡交水費 #信用卡交煤氣費 #信用卡交電話費 #交差餉優惠 #支付寶繳費 #微信支付繳費  #Alipay繳費 #WeChat Pay繳費 #AlipayHK繳費 #信用卡交差餉地租 #信用卡交管理費

（最後更新：2026年7月）

大家每年都交落唔少水費、電費、煤氣費等等。其實呢啲無可避免嘅繳費開支，係可以用信用卡交去賺回賺！仲要係講緊有成高達4.4%回贈！（如果想交租／保險費／交稅可以另外睇返交租攻略／交保費攻略／交稅攻略）

呢個繳費大法嘅原理，就係透過AlipayHK等電子錢包去繳費。由於市面上部份信用卡喺呢啲App交易會計做網購有回贈，咁就可以用嚟繳費賺回贈！

小編亦要戴返個頭盔：正常透過電子錢包繳費同交稅係無回贈，以下方法純粹係小編實測出到回贈開心share，因此小編並唔擔保一定有回贈。請大家唔好打俾CS問，因為官方答案一定係答無回贈。

信用卡交水電煤、電話費、差餉回贈優惠攻略

(A) 電子錢包繳費（高回贈）

• 東亞BEA Goal卡夾AlipayHK繳費 = 4.4%現金回贈（部份費用會有2%手續費）
  • 唔計政府繳費（水費、差餉地租、稅）
  • 每曆月下限簽$2,000（張卡本身手機支付同網購都有4.4%，好易簽夠數），上限簽$5,000
  • 純粹係實測結果，唔保證一定有回贈，小編亦試過有一單半單無回贈
• 東亞i-Titanium卡夾AlipayHK繳費 = 4%現金回贈（部份費用會有2%手續費）
  • 唔計政府繳費（水費、差餉地租、稅）
  • 每曆月下限簽$2,000（張卡本身手機支付同網購都有4%，好易簽夠數），上限簽$8,333
  • 純粹係實測結果，唔保證一定有回贈，小編亦試過有一單半單無回贈

(B) 網上理財繳費（低回贈）

• 中銀信用卡：每月結單首$10,000網上理財繳費0.4%回贈
• 滙豐信用卡：每月結單首$10,000網上理財繳費0.4%回贈（只限白金卡或以上等級）
• 建行信用卡：網上理財繳費1x積分，相等於0.4%回贈，每年上限為信用額1倍

(C) 八達通App繳費（麻煩）

• 透過Citi Cash Back卡做八達通自動增值入錢落八達通App賺1%回贈，再用嚟繳費交政府賬單
• 操作極麻煩，要填表申請自動增值；每日最多只可以入$500，如果交$50,000稅就要拍足100日八達通
• 詳細玩法可以睇返O!ePay攻略

以下個表就細分返每樣繳費推薦點交！記住留意返上面寫嘅上限同下限！

再提多次，記住留意返上面寫嘅簽賬上限同下限！

AlipayHK繳費教學

WeChat Pay HK繳費教學

雲閃付繳費教學