[信用卡繳費攻略] 交水電煤、差餉管理費賺高達4%回贈！

#信用卡交電費 #信用卡交水費 #信用卡交煤氣費 #支付寶繳費 #微信支付繳費  #Alipay繳費 #WeChat Pay繳費 #AlipayHK繳費 #信用卡交差餉地租 #信用卡交管理費

（最後更新：2024年10月）

大家每年都交落唔少水費、電費、煤氣費等等。其實呢啲無可避免嘅繳費開支，係可以用信用卡交去賺回賺！仲要係講緊有成高達4%回贈！（如果想交租／保險費／交稅可以另外睇返交租攻略／交保費攻略／交稅攻略）

呢個繳費大法嘅原理，就係透過WeChat Pay HK、AlipayHK、雲閃付等App去繳費。由於市面上部份信用卡喺呢啲App交易有回贈，咁就可以用嚟繳費賺回贈！

小編亦要戴返個頭盔：正常繳費同交稅係無回贈，以下方法純粹係小編實測出到回贈開心share，因此小編並唔擔保一定有回贈。請大家唔好打俾CS問，因為官方答案一定係繳費同交稅無回贈。

最抵繳費攻略

以下大表係經小編實測交各種費用最抵嘅方法，其實不外乎都係：

• 安信EarnMORE銀聯卡夾WeChat Pay HK／AlipayHK／雲閃付繳費 = 2%現金回贈（每年上限簽$150,000）
• 中銀i-Card銀聯虛擬卡夾雲閃付繳費 = 10X分，相等於4%回贈（每月上限簽$1,111）
• 今期中銀Visa卡做緊個狂賞派優惠，一經登記，網上理財繳費享合共2.4%回贈（每人每月上限簽$1,000）（優惠至2024年12月31日）

以下個表就細分返每樣繳費可以點交！由於每個App可以繳交嘅費用都唔同，同埋有啲App個別項目有手續費，所以一定要跟住個表嚟交先係最抵！但記住留意返上面寫嘅上限！因為中銀兩個繳費方法上限都係唔多！

再提多次大家，記住留意返上面寫嘅每月／每年上限！

安信EarnMORE銀聯卡

安信EarnMORE銀聯卡主打2%全方位現金回贈，每年簽賬限額有成$150,000！呢張卡差唔多簽咩都有2%，包括小編實測用嚟簽WeChat Pay HK、AlipayHK、雲閃付繳費都一樣賺到2%現金回贈！

EarnMORE銀聯卡今期迎新，簽$8,500就可以賺到$500回贈／空氣淨化風扇，或者簽$9,800可以賺到OTO按摩椅；而學生就簽$2,000回$200！由2024年11月1日至11月29日6PM，新客經本網以下指定連結申請安信EarnMORE銀聯卡，再喺申請後7日內填返電郵內嘅換領表格（留意宣傳/垃圾郵件），仲無須簽賬送$100現金回贈+$200 Apple禮品卡／惠康禮券*！夾埋張卡本身2%回贈就賺到成$970！或者就算係舊客，雖然無安信迎新，但無須簽賬都送返$200 Apple禮品卡／惠康禮券！呢張卡嘅迎新仲要係連用O!ePay玩八達通自動增值都計（留意自動增值基本回贈係1%），所以零成本就可以簽得完！詳情可以睇返安信EarnMORE卡攻略。

安信EarnMORE銀聯卡：立即申請
（申請後7日內要填返電郵換領表格）

中銀i-Card虛擬卡

中銀i-Card虛擬卡，主打網上／BoC Pay／雲閃付App／Apple Pay／Huawei Pay簽賬有10X積分，相等於4%回贈！小編實測仲要連雲閃付繳費都計到4%！優惠下每月網上同手機支付嘅積分上限係各$10,000分，即係各簽$1,111就會爆。詳情可以參考返中銀i-Card虛擬卡攻略。

BoC Pay App申請：Android｜iOS｜官網

中銀SOGO Visa Signature

中銀SOGO Visa Signature，攞嚟做小額交易係勁好用！呢張卡主打Apple Pay／Google Pay／Samsung Pay簽賬額外5%回贈，夾埋本身積分就相等於5.4%回贈！張卡每月嘅額外回贈上限係$100，即係簽$2,000就會爆。詳情可以參考返呢篇中銀SOGO卡攻略。

今期中銀Visa信用卡仲做緊個狂賞派優惠，一經登記，網上理財繳費可以賺到合共2.4%回贈！每月上限繳費$1,000。

中銀崇光Visa Signature卡：立即申請

WeChat Pay HK繳費教學

AlipayHK繳費教學

雲閃付繳費教學