渣打Simply Cash卡攻略 – 無上限1.5%回贈！迎新賺$600！

#Standard Chartered渣打信用卡 #渣打Simply Cash Visa卡優惠 #渣打Simply Cash迎新 #渣打Simply Cash回贈 #渣打Simply Cash年費豁免 #無上限現金回贈 #必食信用卡迎新 #至抵現金回贈信用卡 #渣打信用卡好唔好

（最後更新：2024年10月）

呢張渣打Simply Cash卡，主打嘅無上限全方位1.5%回贈！以無上限回贈兼無存款要求嚟講，可以話係全城最高回贈！如果你本身比較怕麻煩，想一兩張卡走天涯，呢張卡更加係鐵膽，直接全部嘢都簽佢都得！

呢張卡年薪要求仲要講緊只係$96,000咋！如果係學生／家庭主婦無收入證明，亦可以開個渣打戶口放$60,000入去做資產證明開卡！

如果本身未有渣打信用卡，小編會建議開咗SMART卡食迎新先，因為個迎新抵好多仲要有額外獎賞，然後等批咗卡再自己開返呢張卡。

渣打Simply Cash賣點

• 港幣簽賬無上限1.5%回贈（包括PayMe同八達通自動增值）
• 外幣簽賬無上限2%回贈（打和手續費）（海外簽賬信用卡攻略）

迎新禮遇

• 由2024年10月3日至2025年1月9日
• 只限全新渣打信用卡客戶（過去6個月無渣打信用卡）
• 新客批卡後2個月內簽滿$8,000合資格簽賬回贈$600*
  • 上述合資格簽賬不包括電子錢包轉賬及八達通自動增值
• 迎新回贈將於批卡後5個月內入賬至360獎賞平台
• 如果本身未有渣打信用卡，小編會建議開咗SMART卡食迎新先，因為個迎新抵好多仲要有額外獎賞，然後等批咗卡再自己開返呢張卡

渣打Simply Cash：立即申請

注意事項

• 現金回贈要一定要上網入網上理財換，同埋要換$50嘅倍數
• 上網喺海外商戶簽港幣有1% CBF手續費
• 第二年未必waive年費

渣打信用卡嘅回贈係要入返佢個「360°全面賞」網上換領平台到手動換領，每次只可以換$50嘅倍數，比較麻煩。另外，如果上網喺海外商戶簽港幣，好似App Store／Netflix／Spotify／Airbnb咁，渣打係會收返1%手續費，詳情可以睇返呢篇海外簽賬DCC/CBF手續費陷阱詳解。

最後，呢張卡雖然免首年年費，但再之後嘅年費就比較難waive；根據官方講法，係要優先理財／Premium理財／渣打紅利出糧戶口客戶先可以永久免年費；所以如果無戶口就記住要check實e-statement，真係waive唔到就唯有即刻cut卡！

FAQ

渣打Simply Cash卡有無年費？

呢張卡首年免年費，之後年費係$2,000。雖然呢張卡比較難waive年費，但其實一年後見到月結單收年費都可以試下打電話waive。如果waive唔到，只要即刻cut卡就唔使交，而一年後cut卡亦唔會有任何罰則。所以大家可以放心開卡賺迎新！

係咪要新客戶先有迎新？點先算係新客戶？

今次渣打迎新只限遞交申請日之前6個月內並無持有渣打信用卡之全新渣打信用卡客戶，即係6個月內持有過任何一張渣打信用卡都唔合資格。如果只係持有銀行戶口，都可以食到信用卡迎新同額外獎賞。

迎新合資格簽賬計啲咩？PayMe計唔計？

渣打信用卡係無得零成本食迎新，係要老老實實去簽。參考返T&C原文：「合資格簽賬」須為零售購物簽賬(包括本地及海外)、網上消費或已誌賬之分期付款金額。不合資格之簽賬包括 但不限於現金透支、兌換籌碼、繳交保險費用、「八達通自動增值」服務、透過互聯網 / 自動櫃員機 / 電話銀行服務或 其他繳費方法繳付之賬項(包括但不限於稅項及公共事務賬項)、任何金錢 / 電子貨幣轉賬(包括但不只限於任何 透過個人對個人(P2P)支付服務或流動裝置/應用程式 / 電子轉賬平台的轉賬)、未誌賬 / 取消 / 退款 / 偽造 / 未經許可 的交易、任何由合資格信用卡轉賬 / 增值到任何由本行不時指定之賬戶包括但不限於八達通 O!ePay 及支付寶賬戶或 本行不時新增之電子付款賬戶之金額。

渣打Simply Cash
>>>立即申請<<<

渣打Simply Cash Visa卡小檔案

• 本地簽賬：1.5%回贈
• 外幣簽賬：2%回贈（1.95%手續費）
• 八達通自動增值：1.5%回贈
• PayMe增值：1.5%回贈
• 支付寶／微信支付轉賬：無回贈
• 網上理財繳費：無回贈
• 年費：$2,000（首年免年費，之後打電話waive）
• 年薪要求：$96,000

受條款及細則約束：迎新T&C