[2022信用卡交大學學費教學攻略] 交學費勁賺高達2.4%回贈！一年回$988！

#2021年信用卡交大學大專學費回贈 #信用卡交學費優惠 #信用卡交港大、中大、科大、城大、理大、浸大、教大、嶺大、公大學費 #信用卡交Master碩士學費

啱啱入U開咩卡好？即睇學生必備信用卡組合！

想開多幾張學生卡賺迎新？即睇必食學生信用卡迎新大全！

（最後更新：2022年9月）

讀緊大學嘅朋友仔，每年都要大拿拿交成$42,100學費；咁大筆開支，其實可以乘機食返筆現金回贈！一般信用卡經網上理財繳費只可以賺到0.4%／0.5%回贈，而以下呢篇交學費攻略，就會教大家活用各種信用卡優惠同繳費App，夾埋係可以食到高達$988現金回贈同$800迎新！

為咗食足全部回贈，以下教學分為三部份，第一part係滙豐學生卡金卡，第二part係恒生大學／大專聯營卡，第三part係安信EarnMORE卡。小編明白要開3張卡咁多可能會令好多人卻步，所以亦都整咗個簡單版流程，怕麻煩嘅人可以剩係開一張卡賺少啲回贈，大家可以睇返下面個flowchart決定。

滙豐滙財金卡 – 學生卡

滙豐張滙財金卡 – 學生卡一路都有做緊個高達2.4%回贈嘅交學費回贈優惠，每年交學費足足可以賺到成$400！只要用呢張卡喺網上理財或者滙豐流動理財App繳付指定學院學費，就有高達2.4%「獎賞錢」回贈！

優惠期分兩個階段，分別為2022年4月1日至9月30日，同埋2022年10月1日至2023年3月31日。優惠下每階段最高可享$200「獎賞錢」，即係交一個學年嘅學費總共最多賺到$400「獎賞錢」。呢個優惠之下，每個學期交$8,334就會打爆$200回贈；如果想膁盡回贈，剩低嘅$12,716就要用其他卡繼續交。額外「獎賞錢」回贈將會喺2023年5月入賬。詳情同指定學院名單可以睇返T&C。

所賺返嚟嘅「獎賞錢」，只要down返滙豐個Reward+ App，就可以用嚟扣減簽賬／月結單。如果唔識用網上理財繳費，可以參考呢個恒生做嘅教學，同滙豐都係大同小異。另外有樣嘢要提一提大家。如果本身無滙豐銀行戶口嘅話，開卡嗰時記得要揀返開埋櫃員機功能，先可以開到網上理財交學費。

而呢張學生卡，除咗永久免年費之外，仲做緊個迎新優惠：只要批卡後60日內簽夠$2,000（唔計交學費），就可以賺到$300獎賞錢回贈*！另外呢張卡本身嘅現金回贈其實都幾高，簽中自選類別有成2.4%，簽外幣回贈仲高達4.4%！想了解返張卡嘅玩法嘅話，就一定要睇埋呢篇滙豐學生金卡攻略啦！

滙豐滙財金卡 – 學生卡：立即申請

恒生大學／大專聯營信用卡

恒生嘅大學／大專聯營信用卡都一樣有長做個差唔多嘅優惠，交學費有2.4%回贈，每年總共回到$480！但恒生出嘅大學／大專聯營卡，就只有中大、城大、浸大、恒大同CUSCS；如果你唔係讀上述幾間院校，就無份食呢個優惠，可以即接skip去第三部份嘅安信EarnMORE。

只要用呢張卡喺網上理財或者恒生流動理財App繳付指定學院學費，可獲額外2% Cash Dollars，連同基本0.4%即共2.4%回贈Cash Dollars。今期優惠暫時做到2022年12月31日，優惠下最高可享$200 Cash Dollars，即係每個學期交$10,000就會打爆$240回贈，再減返啱啱用滙豐交嘅$8,334，就剩低$2,716要用第三部份嘅安信EarnMORE卡交。詳情同指定學院名單可以睇返T&C。

如果唔識用網上理財繳費，可以參考呢個恒生做嘅教學。而額外回贈將會喺2023年2月入賬。但留意返恒生啲Cash Dollar就比較難用，只可以換禮券／禮品或者喺指定商戶消費時扣減簽賬。

而呢張信用卡，除咗永久免年費之外，仲做緊個迎新優惠，只要批卡後60日內簽夠$2,000（唔計交學費），就可以賺到$300 Cash Dollar回贈*！。想了解返張卡嘅玩法嘅話，可以睇埋呢篇恒生大學／大專信用卡攻略。

恒生大學／大專聯營信用卡：立即申請

安信EarnMORE卡

如果你啱啱係由第一part跳過嚟，你應該仲有$12,716嘅學費未交；如果你有恒生張大學聯營卡，就應該得返$2,716未交。餘低嘅學費，如果想賺到最多回贈，就要靠呢張安信EarnMORE卡經雲閃付App繳費賺2%，可以分別再回到$254或者$54（其實正常繳費係無2%，但實測就有回贈）。或者如果懶啲，唔想開咁多張卡，亦都可以直接用EarnMORE卡交晒$21,050賺$421回贈，計返一年都有成$842。留意返學生卡得$10,000信用額可能會唔夠交學費，咁就要預先入定個差額落信用卡戶口先。

要以雲閃付App繳費，首先當然就要down咗個App（An｜iOS）先，然後就要開戶口同埋綁埋張EarnMORE卡入去。搞掂之後，就喺個App入面揀「香港繳費」，再跟住揀返收款機構同金額就得。

張卡今期學生迎新，簽$2,000就可以賺到$200回贈！即日起至2022年11月30日，新客經本網以下指定連結申請安信EarnMORE銀聯卡其後成功獲批，再喺申請後7日內填返電郵內嘅換領表格（留意宣傳/垃圾郵件），仲毋須簽賬送$600現金回贈+$200 HKTVmall禮券*！夾埋基本2%回贈就賺到成$1,040！詳細玩法同迎新詳情可以睇返安信EarnMORE卡攻略。

[為確保你賺到經本網成功申請額外迎新，請確保你無封鎖跨網站追蹤（Safari預設會封鎖，建議用Chrome）、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間避免開其他網站。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。 ]

安信EarnMORE銀聯卡：立即申請
（申請後7日內要填返電郵換領表格）

小結

只要跟住上面嘅步驟做，交個學費，每年就可以賺返差唔多成千蚊嘅回贈返嚟！玩現金回贈信用卡賺返銀行錢轉頭，呢種感覺係咪好正？如果你想繼續賺更多嘅現金回贈，可以睇下呢篇學生信用卡攻略，亦可以入「學生卡」呢個tag入面睇睇。

最後，小編以前都做過大學生；作為過來人，苦口婆心啲都要勸一句：信用卡卡數一定要月月full pay清！

*額外迎新禮品由MoneyHero送出及安排換領，受條款及細則約束。所有經本網成功申請紀錄以有關金融機構提供資料為準，MoneyHero保留最終決定權。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。
受條款及細則約束：滙豐交學費優惠T&C、恒生交學費優惠T&C