中銀大灣區鑽石信用卡攻略 – Apple Pay/Boc Pay/雲閃付4.4%回贈!

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #大媽卡 #Apple Pay信用卡回贈  #雲閃付信用卡回贈 #Huawei Pay信用卡回贈 #BoC Pay信用卡回贈 #中銀大灣區年費豁免

新客經本網申請渣打Smart卡,毋須簽賬額外賺$1,200,連同迎新簽$4,000合共賺$2,700!

新客經本網申請信銀Motion卡,毋須簽賬額外賺$1,000,連同迎新賺高達$2,000!

(最後更新:2024年1月)

呢張中銀雙幣鑽石卡<大灣區一卡通>,雖然唔係好多人識,但其實攞嚟做小額交易係幾好用!張卡依家做緊個「手機支付簽賬4%現金回贈」優惠,只要用BoC Pay、雲閃付App、Apple Pay或Huawei Pay手機支付簽賬,就有額外4%回贈!計埋本身基本積分,就係4.4%回贈!

BankOfChinaDualCurrencyDiamond_Brown-1

中銀雙幣鑽石卡<大灣區一卡通>賣點
  • 每月首$2,500 BoC Pay/雲閃付App/Apple Pay/Huawei Pay零售簽賬額外4%回贈
  • 配合中銀「20X狂賞派」推廣可以再賺多高達19X積分
  • 海外簽賬無手續費
  • 銀聯卡專享禮遇(見下文)
  • 雙幣卡、「大灣區」支付及繳費

呢張卡嘅主打賣點,就係BoC Pay/雲閃付App/Apple Pay/Huawei Pay零售簽賬(出街喺鋪頭用手機俾錢)有成額外4%現金回贈*!計埋本身基本積分,就係4.4%回贈!如果用開Apple Pay,就可以玩完SOGO VS卡5.4%回贈(每月首$2,000)再玩呢張卡。呢個優惠每月嘅回贈上限係$100,換言之簽$2,500就會爆。額外4%現金回贈會喺下個月入賬,而基本積分回贈就要自己上網上理財換返現金回贈,或者用BoC Pay俾錢嘅時候即時扣減簽賬。優惠期至2024年12月31日。

迎新禮遇
  • 即日起至2024年12月31日
  • 只限全新中銀信用卡客戶(過往12個月未曾持有中銀信用卡),不適用於學生
  • 新客於批卡月及其後首3個曆月以BoC Pay/雲閃付App/Apple Pay/Huawei Pay簽賬額外10%回贈,上限簽$3,000回贈$300
    • 批卡後22個星期內入賬
  • 如果本身未有中銀信用卡,小編會建議開咗中銀Chill Card或者中銀Cheers Card食迎新先,因為個迎新抵好多仲要有額外獎賞,然後等批咗卡再自己開返呢張卡。

中銀雙幣鑽石卡<大灣區一卡通>:立即申請

注意事項
  • 銀聯未必到到都有得簽
  • 基本回贈$1=1分,即係得0.4%
  • 手機支額外付4%回贈每個月簽$2,500就爆

呢張卡其實無咩伏位,定位非常清晰,就係攞嚟手機簽賬俾錢。唯一嘅缺點,就係每個月$2,500嘅限額唔係太夠喉。如果玩完呢$2,500 quota,就可以轉用SOGO VS卡賺5.4%(每月首$2,000),或者用i-Card虛擬卡賺4%(每月首$1,111)。

銀聯卡尊享禮遇(只限雙幣鑽石卡)

LoungeKey大中華機場貴賓室服務
連續2個月內合計簽夠$12,000,可以連同親友預約享用3次LoungeKey大中華機場貴賓室服務,涵蓋中港澳台130多個Lounge。詳細請閱推廣網頁

名貴轎車機場接送禮遇
累積零售簽賬滿$3,000,交易次數唔多過兩次,可以$300享用轎車機場接送服務,包括香港、北京、上海機場往返市區,同深圳機場往返香港。詳細請參閱推廣網頁

雙幣卡、大灣區支付及繳費

話明係雙幣卡同<大灣區一卡通>,呢張卡其中一個主打當然就係方便返內地消費、仲可以喺「大灣區」到直接用嚟搭車同繳費。詳細可以睇返官網嘅詳細資料。

中銀雙幣卡<大灣區一卡通>鑽石卡小檔案
  • BoC Pay/雲閃付App/Apple Pay/Huawei Pay零售簽賬:4.4%回贈(每月首$2,500)
  • 其他簽賬:$1=1積分,相等於0.4%回贈
  • 八達通自動增值:$1=1積分,相等於0.4%回贈
  • 網上理財繳費:$1=1分,相等於0.4%回贈(每月首$10,000)
  • 年費:$3,800(首年免年費,之後打電話waive
  • 年薪要求:$200,000

受條款及細則約束:手機支付回贈T&C迎新T&C

借定唔借?還得到先好借!

唔想錯過信用卡回贈優惠?即刻Follow我哋FB PageIG!最緊要加入埋WhatsApp Channel!仲可以訂閱電子報呀!

本網站所載資料只供參考,有關產品詳情請以金融機構所提供的資訊及/或有關連結內的內容為準。

分享

26 則留言

  1. 請問呢張BOC GBA CUP係咪本地/內地/澳門/外地用BoC Pay/雲閃付App/Apple Pay都可以回4.4%?
    外地look銀聯仲唔使手續費?
    回贈係下月一次過入帳, 定係回積分架?

  2. 1. 「BoC Pay/雲閃付App/Apple Pay/Huawei Pay」即係唔包括 Google Pay?

    2. 呢張是咪可以同中銀大灣區白金信用卡嘅 2.4% 獨立計算?

    謝謝,因為度緊用邊啲卡碌「10X狂賞派」最抵。如果外遊應該係,應該係用 Cheers 碌夠 $9,167 最抵。本地碌真係要用卡海。

  3. 用大灣區鑽石卡經雲閃付做生活缴费 例如: 水电煤、屋苑管理費, 計吾計有4.4%回贈的呢?

留言(你的電郵不會被公開)

發佈留言必須填寫的電子郵件地址不會公開。 必填欄位標示為 *