東亞Visa Signature信用卡攻略 – 食肆簽賬2%回贈！MCL戲飛8折！

#BEA東亞信用卡 #東亞Visa Signature卡優惠 #東亞VS卡優惠積分回贈 #東亞VS卡食肆簽賬 #東亞Visa Signature卡迎新 #東亞信用卡好唔好 #東亞VS年費豁免

（最後更新：2022年7月）

今期東亞新客經本網開東亞信用卡超抵呀！由2022年11月1日至11月30日6PM，新客同時申請World Mastercard同i-Titanium卡兩張信用卡，再各簽賬一次，就額外送$2,000 Apple禮品卡／$2,000 HKTVmall禮券／$2,000惠康禮券／$2,000 Trip.com禮品卡／Apple Watch SE 44mm（價值$2,199）*！連同信用卡迎新，就賺到高達$5,750！詳情見東亞雙卡迎新攻略。

東亞Visa Signature，主打食肆簽賬有6倍積分，相等於約2%回贈！仲有「東亞日」手機支付本地餅店／快餐店／咖啡店有額外10%回贈！攞佢去MCL睇戲買飛都有8折呀！

東亞Visa Signature卡賣點

• 食肆簽賬6倍積分，相等於約2%回贈（食肆信用卡攻略）
• 海外簽賬4倍積分，相等於約1.3%回贈（1.95%手續費）（海外簽賬信用卡攻略）
• 以手機支付本地餅店／快餐店／咖啡店簽賬額外10%回贈（玩法見下文）
• MCL戲飛8折*

呢張卡嘅賣點，上面都已經寫得好清楚。而其中最特別嘅係本地餅店／快餐店／咖啡店簽賬額外10%回贈，但其實係要符合返啲簽賬要求先食到。另外如果鐘意睇戲嘅，佢啲戲院優惠其實都幾好用。

迎新禮遇

暫無迎新。如果無東亞信用卡嘅話，小編強烈建議首先開咗World Mastercard同i-Titanium卡賺雙卡迎新先。詳情見東亞雙卡迎新攻略。

東亞Visa Signature卡：立即申請

玩法

呢張卡基本簽賬係每$1=1分，但近期就變咗28,000分先可以換$100超市禮券，30,000分先可以換$100現金回贈，計現金嘅話即係基本回贈大概0.33%。

食肆簽賬6倍積分、海外簽賬4倍積分
呢兩樣都無咩好解釋，食肆簽賬就$1=6分，相等於約2%回贈；海外簽賬就$1=4分，相等於1.3%回贈，但同時有1.95%手續費。

「東亞日」手機支付本地餅店／快餐店／咖啡店簽賬10.4%回贈
呢張卡如果每月簽夠$4,000合資格簽賬，一經登記，就可以喺用Apple Pay／Google Pay嘅本地餅店／快餐店／咖啡店簽賬享有額外10%回贈*，每個月簽$1,000就會打爆。「快餐店」仲要唔只計麥當勞、KFC，連譚仔、壽司郎呢啲都計㗎。

注意事項

• 基本回贈得0.33%
• 海外約1.3%簽賬唔算高
• 上網喺海外商戶簽港幣（CBF）有1%手續費

呢張卡嘅基本回贈係0.33%，其實真係幾低，所以平時無優惠無迎新就都唔使簽佢。至於個海外簽賬約1.3%回贈，其實扣埋手續費仲倒蝕，詳細可以睇返海外簽賬信用卡攻略。另外，如果上網喺海外商戶簽港幣，好似App Store／Netflix／Spotify／Airbnb咁，東亞係會收返1%手續費，詳情可以睇返呢篇海外簽賬DCC/CBF手續費陷阱詳解。

東亞Visa Signature卡小檔案

• 基本簽賬：$1=1分，相等於約0.33%回贈
• 食肆簽賬：$1=6分，相等於約2%回贈
• 海外簽賬：$1=4分，相等於約1.3%回贈（1.95%手續費）（歐洲實體簽賬無回贈）
• 手機支付快餐店／咖啡店：額外10%回贈（每月簽滿$2,000合資格簽賬，上限$1,000）
• 八達通自動增值：$1=1分，相等於約0.33%回贈
• PayMe：$1=1分，相等於約0.33%回贈
• 支付寶／微信支付：時有時無
• 網上理財繳費：無回贈
• 年費：$1,800（首年免年費，之後打電話waive）
• 年薪要求：$240,000

東亞Visa Signature卡：立即申請

受條款及細則約束：VS卡回贈T&C、東亞日T&C、MCL優惠T&C