滙豐Red信用卡攻略 – 網上簽賬高達4%「獎賞錢」回贈！迎新賺高達$820！

#滙豐信用卡 #HSBC Red Card #滙豐Red卡優惠 #滙豐Red卡積分回贈 # #滙豐Red卡迎新 #滙豐獎賞錢 #網上簽賬回贈 #網購信用卡 #超市簽賬回贈 #免年費信用卡 #買機票book酒店信用卡 #滙豐信用卡好唔好 #滙豐Red卡永久年費豁免 #滙豐Red卡excel

（最後更新：2023年3月）

滙豐呢張Red卡，主打每月首$12,500網上簽賬劃一4%回贈！呢張卡嘅年薪要求仲要只係$120,000咋，基本上有全職返工就開到架啦！如果係學生／家庭主婦無收入證明想開Red卡，可以試下擺$100,000入滙豐戶口再開卡，網上都有唔少成功例子。

滙豐Red卡賣點

每月首$12,500網上簽賬4%回贈，真係贏晒，尤其係買機票呢啲大額交易，一定係用呢張卡！留意返佢個每月$12,500 quota係計記賬日期而唔係交易日期，例如1月31號簽卡嘅話就有機會跌咗去2月嘅quota。值得一提嘅係，上述3個回贈都唔使登記，直接碌卡就有！

迎新禮遇
  • 新客批卡後60日內簽HK$8,000可享$500「獎賞錢」，連同網上簽賬4%回贈高達$820「獎賞錢」

今期個迎新做到2023年8月31日，迎新會喺完成簽賬要求後2個月內入賬。留意返滙豐信用卡嘅迎新係唔計電子錢包，係真係要去簽嚟買嘢。Red卡迎新只適用於無喺2022年9月1日或之後持有過滙豐信用卡嘅客戶。

滙豐Red卡
>>>立即申請<<<

RewardCash 「獎賞錢」

滙豐嘅「獎賞錢」RewardCash 玩法簡單易記，$1「獎賞錢」=$1，唔使慢慢計積分。只要download咗佢個Reward+ App（An｜iOS），就可以直接用「獎賞錢」扣減交易／月結單嘅款項，仲可以登記埋啲限時推廣，非常方便。而滙豐仲會間唔中搞啲$1獎賞錢當HK$2嘅promo，有時又可以好平咁攞嚟換禮券，甚至換返miles都得！

注意事頂
  • 無份玩滙豐「最紅自主獎賞」同好多其他promo
  • 少部份網買嘢可能唔當網上交易無4%回贈

呢張卡有兩樣嘢要留意返。首先，就係呢張卡係滙豐嘅信用卡入面係一個好特別嘅存在，好多滙豐信用卡Promo都唔適用於呢張Red卡，好似「最紅自主獎賞」、「最紅海外簽賬獎賞」同「最紅冬日賞」咁。

另外呢張卡有個伏位，就係有少部份網上買嘢可能唔當係網上交易食唔到4%。如果想穩食到呢4%，最保守嘅做法係次次俾錢都手動入信用卡號碼，咁就會少啲出事，尤其係小編經驗用PayPal中伏機會係超高，亦可以參考返LIHKG嘅呢個實測Excel表。

滙豐Red卡
>>>立即申請<<<

FAQ
滙豐Red卡有無年費？

滙豐Red卡係永久免年費，所以大家可以放心開卡！

滙豐Red卡有無得玩最紅自主獎賞？

正如上文所述，滙豐Red卡喺滙豐信用卡入面係一個好特別嘅存在，有自己一套回贈嘅玩法，係無得玩最紅自主獎賞。

迎新合資格簽賬計啲咩？Payme計唔計？

滙豐信用卡係無得零成本食迎新，係要老老實實去簽。參考返T&C原文：「合資格簽賬」指於批卡後首 60 個曆日內以合資格信用卡所作的累積簽賬淨額，並於核實持卡人有資格獲享優惠時已誌賬的交易。以下交易並不是合資格簽賬：財務及銀行費用：年費、財務費用、逾期費用； 以附屬卡作的交易；郵購、傳真及電話訂購；透過滙豐流動理財及／或網上理財繳費；購買及／或充值儲值卡的交易（包括透過電子錢包或任何其他途徑增值八達通之交易）；以電子錢包所作的交易（包括增值電子錢包）；八達通自動增值；於「獎賞錢」購物網及其他推廣進行的換購交易；現金貸款、「現金套現」分期計劃及「現金套現」計劃的提款金額；「現金套現」分期計劃、「現金套現」計劃、「簽賬分期計劃」及其他分期計劃之供款金額；於非金融機構的半現金交易（包括購買外匯、匯票及旅行支票）；於金融機構的半現金交易（包括購買銀行產品及服務）電匯；賭博交易；繳稅；自動轉賬、循環付款；所有未誌賬／取消／退款的交易。

滙豐Red卡小檔案
  • 網上簽賬：4%「獎賞錢」回贈（每月首$12,500，其後1%）
  • 超市簽賬：2%「獎賞錢」回贈
  • 其他本地簽賬：1%「獎賞錢」回贈
  • 海外簽賬：1%「獎賞錢」回贈（1.95%手續費）
  • 八達通自動增值：0.4%「獎賞錢」回贈
  • Payme：0.4%「獎賞錢」回贈
  • 支付寶／微信支付：無回贈
  • 網上理財繳費：0.4%「獎賞錢」回贈 （每月首$10,000）
  • 網上理財交稅：無回贈
  • 永久免年費
  • 年薪要求：HK$120,000

受條款及細則約束：滙豐Red卡回贈T&C、迎新T&C

借定唔借？還得到先好借！

唔想錯過任何信用卡回贈優惠？即刻Follow埋我哋FB Page同IG啦！仲可以訂閱電子報呀！

分享

82 則留言

  1. 滙豐Red信用卡 係手機Apple Store App 買 Mac係咪仲有 4%回贈？
    係咪一定要手入Card No資料， 如果經Apple Pay 比有無 4%？

  3. 以電子錢包內信用卡所作之本地超市簽賬或簽賬交易地點並非為香港之本地超市簽賬並不計算
    為此類別合資格簽賬。
    <<<
    即係綁Samsung pay 有沒有超市 2% OR 一般1%??

    因為多數唔帶卡出街

  7. 每月首$25,000網上簽賬劃一4%回贈
    已變更為
    每月首$12,500網上簽賬劃一4%回贈

    2022年7月1日起生效，有效期至2023年6月30日

  10. 想問網購系咪一定要local online shopping? 外國牌子網購 (eg. 轉website location為英國，用英磅過數)，有4%嗎？

  11. 想問下呢張卡個迎新優惠, 要簽滿八千, 咁買apple gift card, 交電話費 or 交apple music/netflix 年費會唔會計？

  18. 你好
    想知道開新red card 係 apple store app 買 $9000 gift card
    可否食到迎新 8000 回 800 RC , 4% 回贈 , 450 rc 手機 apple pay回贈
    thx a lot

  26. 你好，我今個月頭用red card喺HKTVmall買嘢無4%..打上去問，佢話係商戶Transaction code唔係顯示網購
    請問係咪冇得追番架？😢

    • 佢話唔計就唔計，都無辦法，不過真係無聽過hktvmall都唔計…
      可能下次轉用第二張卡啦，ZA Card／建行京東／信銀motion 都有 >=4%

  27. 補充
    已用緊渣打simply cash 渣打近2年🙏🏻🙏🏻🙏🏻
    見渣打smart好似都幾好 岩我現況嗎😳但會唔會當左左係舊客 無迎新😨

  28. 你好
    信用卡白痴想問下野🙏🏻
    如果我黎緊實體去美容院簽帳$7000
    都會食到60日內果$700迎新+$240本身開卡回贈+$70(1%回贈) 會有 對嗎？？
    或者有無更高回贈/岩用的卡推介🙏🏻🙏🏻🙏🏻

  33. 我10月申請果時見到八達通自動增值計迎新，10月已經批左。但係宜家係咪已經唔計迎新喇?定跟10月offer?

  34. hi ! 想問問2條問題
    1) 岩岩hsbc 個hotline 客服話用apple pay 付款，無論任何形式都係當流動付款，唔會計網上簽賬，所以只可以有5%，無得4%+5%，佢有無講錯定真?

    2)如果買iphone 12 pro max 256gb ($10199)，最多回贈係$800(迎新) + $500 ( apple pay) + $407(網上簽賬)，即係$1707?

    感謝

留言（你的電郵不會被公開）

發佈留言必須填寫的電子郵件地址不會公開。