工銀ICBC星座信用卡攻略 – 無上限1.5%回贈、無成本食$445迎新！

#工銀ICBC信用卡 #工銀ICBC宇宙星座卡優惠 #星座卡迎新 #星座卡回贈 #無上限現金回贈 #必食信用卡迎新 #至抵現金回贈信用卡 #零成本食迎新 #0成本食迎新 #星座卡好唔好 #工銀星座卡年費豁免

（最後更新：2021年7月）

ICBC星座卡，主打無上限1.5%現金回贈！

ICBC宇宙星座Visa Signature/銀聯鑽石卡賣點

• 本地簽賬無上限1.5%回贈
• 海外簽賬無上限1.5%回贈（VS 1.95%手續費）

呢張宇宙星座卡主要有分Visa Signature同銀聯雙幣鑽石兩個版本，最主要分別係銀聯鑽石海外簽賬無手續費（但匯率較差）。但留意返張卡其實仲有張銀聯雙幣白金版本，係少啲回贈，所以並唔喺今次討論之列。呢張星座VS／銀聯鑽石卡，睇齊張渣打Simply Cash，做到無上限1.5%呢個回贈率，賺到嘅現金回贈仲會自動喺月結單扣除。留意返，呢1.5%現金回贈雖然可以做八達通自動增值，但並唔適用於其他電子錢包。

迎新禮遇

• 新客同時申請星座VS卡及銀聯鑽石卡，2個月內兩張卡各簽$1,500（合共簽$3,000）回$300（或24吋行李喼），另外本身回贈$45
• 網上申請每張卡額外回$50，合共$100

今期迎新做到2021年12月31號，個玩法好特別，係要同時申請兩張卡做「雙卡迎新」。全新工銀信用卡客戶（過去6個月未曾持有工銀信用卡）喺批卡後2個月內兩張卡各簽滿$1,500（合共簽$3,000）合資格簽賬，即可享$300現金回贈（或24吋行李喼）。另外，如果係網上申請信用卡，每張卡額外回$50，即係賺多$100。連埋張卡本身回贈嘅$45，成個迎新就係簽$3,000回$445。

而呢張卡迎新嘅合資格簽賬，係計埋八達通自動增值，並唔使真係簽，詳細玩法可以睇返O!ePay攻略。但有一個麻煩位，就係要食呢個迎新要簽兩張卡，所以如果$1都唔想簽嘅話係要整兩張八達通自動增值；而因為每個人喺每間銀行只係可以幫一張自己嘅八達通做自動增值，所以就要整一張自己嘅八達通，再幫親友整多張，先可以零成本食晒個迎新。但為咗$445搞到咁複雜，又真係有啲雞肋。

工銀星座卡：立即申請

注意事項

• 無特別一範回贈特別高

呢張卡1.5%回贈其實係幾高下，無咩伏位可言。但張卡依然咁少人講咁少人用，係因為佢無特別一範嘅回贈特別高；咁用本地傳統大行渣打Simply Cash都一樣做到1.5%回贈，呢張卡迎新又唔係吸引，又真係無咩誘因再去開呢張卡；而佢拍埋安信EarnMORE嘅2%回贈就更加無得打。

工銀宇宙星座VS卡小檔案

• 本地簽賬：1.5%回贈
• 外幣簽賬：1.5%回贈（1.9%手續費）
• 八達通自動增值：1.5%回贈
• PayMe／支付寶／微信支付：無回贈
• 網上理財繳費：無回贈
• 年費：$1,800（打電話waive）
• 年薪要求：$250,000

工銀宇宙星座銀聯鑽石卡小檔案

• 本地簽賬：1.5%回贈
• 外幣簽賬：1.5%回贈（無手續費）
• 八達通自動增值：1.5%回贈
• PayMe／支付寶／微信支付：無回贈
• 網上理財繳費：無回贈
• 年費：$1,900（打電話waive）
• 年薪要求：$250,000

工銀星座卡：立即申請

受條款及細則約束：迎新T&C、網上申請額外迎新T&C、基本回贈T&C