2021最低門檻開離岸戶口教學攻略！US$25萬存款保障！ Firstrade 第一證券

#點開海外離岸戶口 #最易開離岸戶口 #安全離岸戶口 #無資產開離岸戶口 #低要求離岸戶口 #離岸戶口文件 #Firstrade第一證券 #Firstrade Debit Card #Firstrade手續費

（最後更新：2021年1月）

呢排小編身邊好多朋友都話要開離岸戶口，但其實身處香港依家又無得飛，想開返個銀行離岸戶口都唔易㗎。最正路嘅方法，就係滙豐Premier客戶／花旗Citigold客戶可以直接去分行開英國滙豐／美國花旗嘅戶口，但入場費就講緊分別要$100萬／$150萬。另外網上亦都有人成功開到歐洲Virtual Bank嘅戶口，但開戶一般都要提供歐洲地址同電話，俾人check到長期身處喺香港仲會有被ban嘅風險。小編喺比較過咁多間銀行／證券行之後，得出嘅結論係Firstrade幾乎係唯一一間唔需要外國地址、外國電話、外國護照、無最低存款要求而又有大額存款保障嘅真離岸戶口。

可能好多人見到係證券商戶口，就即刻唔想開，但請聽小編講埋先！呢間Firstrade，之所以話係好穩陣，係因為佢係受SIPC美國投資者保障，即係類似香港嘅存款保障咁，而每個客戶嘅最高賠償額仲有成$50萬美元（現金部分為$25萬美元）！$25萬美元嘅講緊即係差唔多$200萬港幣，係香港存款保障嘅4倍，相信已經足夠cover好多人嘅流動資產！另外，Firstrade係一間美國註冊嘅公司，並無喺香港註冊，所以係真離岸戶口，完全唔受香港法律管豁。而Firstrade本身亦係一間大型嘅證券行，由台灣長大嘅美藉華人創立，所以有提供中文界面甚至廣東話CS服務，咁就唔驚會睇唔明啦！而Firstrade係打正旗號接受海外客戶開戶，所以亦唔使搞一大輪又VPN又搵轉寄公司又剩，只要有本護照喺手就開到！

Firstrade離岸戶口賣點

• 美國註冊券商，真離岸戶口
• 受SIPC美國投資者保障，最高賠償額為$50萬美元（現金部分為$25萬美元）
• 開戶只需要香港手提電話號碼同特區／BNO護照，5分鐘就可以完成網上開戶
• 無存款門檻無月費，開完戶之後拎返晒全部錢出嚟都仲可以keep到戶口
• 買賣美股同ETF無手續費、佣金、平台費
• 可以申請Debit Card去櫃員機提款／簽賬碌卡

以離岸戶口而言，Firstrade嘅缺點可以話唯一係得匯錢要手續費；但其實除咗少數滙豐Premier、citigold呢啲可以做到銀行入面無手續費global transfer，基本上全部離岸戶口都係要俾手續費做電匯。而用Firstrade嘅bonus，就係舊錢調咗過去之後唔使就咁擺喺到蝕通漲，可以用嚟免佣投資美股！

開戶及匯款步驟

Firstrade嘅開戶手續亦係非常簡單，只要幾分鐘就可以喺網上搞掂，分分鐘仲快過平時開信用卡。只要click下面嘅網址，輸返電話號碼攞個SMS驗證碼，就可以開始。然後要做嘅嘢就只係upload護照資料頁同簽名頁（特區護照簽名欄喺最後嗰頁），然後填個人資料（稅務編號填身份證號碼），set埋密碼，最後畫個簽名就搞掂！

Firstrade：立即開戶

大概等一個工作天之後，就會收到email叫你入錢。如果你本身無任何離岸戶口，唯一嘅選擇係用銀行TT電匯過錢過去。留意返，Firstrade只係接受以同名嘅戶口匯錢（咁就唔使擔心俾人hack咗匯走啲錢），所以係唔可以用Transferwise或者搵朋友幫手，係一定要用返自己銀行戶口。下圖匯款資料只供參考，大家最好睇返網頁最新資料。

一般而言，每次電匯匯款會被收取三層手續費，包括匯款方、中轉行同收款方；所以小編會建議大家盡量減少匯款次數，真係唔等用嘅錢先好匯去Firstrade。而如果要匯款去Firstrade，小編會建議大家用Citi Plus / Citi Priority / Citigold嘅網上匯款，因為Citibank係豁免咗匯款出去嘅手續費同中轉行收費，而Firstrade入錢亦都係無手續費，所以零手續費就可以匯到款，只要等一兩個工作天就到賬！依家Citi Plus仲要係無存款要求，連學生都開到，所以如果無Citi戶口就要快啲去開返個啦（Citi Plus開戶迎新攻略 ／ Citigold開戶迎新攻略）！

要用Citi匯錢，就要先入網上理財新增收款戶口，入返上圖Firstrade國際匯款啲資料，FEDWIRE嗰行就入返上面「美國境內」個number，而備註嗰欄亦都要打埋Firstrade賬戶號碼同英文全名，咁你以後轉錢去Firstrade佢就會自動幫你填埋落去。㩒完下一步，佢會prompt你入Citi Mobile App入驗證碼，搞掂就完成新增收款戶口。

新增完收款戶口，Citi即時就會俾你匯錢過去。記住用Citi匯款嘅時候，要揀返自己戶口俾晒所有手續費，Citi先可以幫你waive到㗎！同埋匯款附言到要填返Firstrade賬戶號碼同英文全名（應該自動已經填咗），如果唔係會彈返轉頭㗎！㩒完下一部，又係要開返Citi Mobile App驗證交易，之後就搞掂！等一兩個工作天Firstrade就收到錢㗎啦！小編就實測完用Citi Priority匯錢，成筆錢$1都無扣入晒Firstrade戶口！

而如果係匯錢返香港嘅話，雖然Citi同樣係免手續費，但Firstrade就會收$35美金手續費，而中轉行亦要預返大概$30美金手續費，夾埋都成$500港紙；反正放喺Firstrade嘅錢可以用嚟買美股，非必要就唔好拎返嚟蝕手續費啦！

Firstrade Debit Card

Firstrade雖然係一間證券行，但就一樣有出Debit Card，可以用嚟喺全世界提款同碌卡（海外限額分別為每日$1,000美金／$2,500美金），所以其實同一間銀行真係無咩分別！而Firstrade張Debit Visa Card，就要戶口入面$25,000美金先申請得！呢張卡喺美國以外消費／提款會有3%嘅手續費，但如果戶口入面有$25,000美金嘅話，每個月第一次用張卡提款／碌卡，佢會退返手續費俾你，咁就唔使食拎錢嘅手續費啦！

至於開呢張Debit Card嘅步驟，login返Firstrade之後，如果你戶口入面已經有$25,000美金，就可以「我的賬戶」嘅「設定」入面，揀返右下角個「現金管理賬戶」，填返資料就搞掂，而由申請到真係收到張卡可能要等返一兩個月（小編最近實測3個星期就收到張卡）。收到張卡之後，就要打長途電話過去Firtrade啟動張卡，其中會問你攞Social Security No.打9999就得。如果唔想俾長途電話費，可以download TextNow呢個App打過去，開number嘅時跟佢個example打就得，然後驗證完email就可以免費打去1-800-819-9889啟動張卡。

Firstrade：立即開戶

就係咁，只要簡單上網㩒幾個掣交文件，就可以開到離岸戶口走資啦！