[學生信用卡攻略] 2024年大學生必備現金回贈信用卡推薦比較

#學生信用卡比較 #學生開信用卡 #大學生必開信用卡 #大學生開邊張信用卡 #大學生信用卡懶人包

交大學學費都可以賺到$988回贈？即睇信用卡交學費攻略！

（最後更新：2024年6月）

想當年啱啱入到大學，其中一樣好急住做嘅嘢就係去開信用卡，除咗因為實際需要，亦都因為覺得呢樣嘢好「大人」，好似象徵住自己嘅成長同財政獨立咁。

依家市面上嘅學生信用卡可以話係琳瑯滿目，但好多嘅回贈都做得好求其，偏偏又好多學生會俾銀行「呃咗」用呢啲信用卡，變相就賺少咗一大截回贈！小編以下就幫大家精選咗邊啲學生信用卡係真係值得開！

滙豐學生金卡

呢張滙豐金卡，都算係一張幾有心做嘅學生卡。對學生嚟講，張卡最正係有個交學費優惠，每年賺到成$400，直頭係送錢比你使，唔開就走寶呀（信用卡交學費攻略）！除咗交學費之外，呢張卡喺自選類別簽賬亦有2.4%回贈！詳細可以睇返篇滙豐學生金卡攻略。

安信WeWa

安信WeWa卡，今期主打Apple Pay有6%回贈！張卡每月嘅額外回贈上限係$200，即係簽$3,572就會爆。詳情可以參考返安信WeWa卡攻略。

安信EarnMORE卡

安信EarnMORE卡主打2%全方位嘅現金回贈，每年簽賬限額有成$150,000，非常簡單直接！詳情可以睇返安信EarnMORE卡攻略。

AEON CARD WAKUWAKU

AEON CARD WAKUWAKU，主打網上簽賬有成6%回贈！每個月上限可以簽成$5,000！詳情可以睇返AEON WAKUWAKU卡攻略。

中銀Chill Card

中銀Chill Card，攞嚟做小額交易係勁好用！呢張卡主打網上同海外簽賬有5%回贈！仲有指定商戶10%回贈（包括全港戲院、Netflix、Spotify等）！張卡每月嘅額外回贈上限係$150，如果全部簽晒指定商戶就簽$1,562爆，或者如果全部簽晒網上／海外簽賬就簽$3,260爆。詳情可以參考返呢篇中銀Chill Card攻略。

小結

最後，小編以前都做過大學生；作為過來人，苦口婆心啲都要勸一句：信用卡卡數一定要月月full pay清！