#BEA東亞信用卡 #東亞銀聯雙幣白金信用卡優惠 #東亞銀聯卡優惠積分回贈 #東亞銀聯卡食肆簽賬 #東亞銀聯卡迎新 #東亞信用卡好唔好 #東亞銀聯年費豁免 #東亞信用卡額外獨家迎新回贈

（最後更新：2022年7月）

文章資訊已過期

今期東亞新客經本網開東亞信用卡超抵呀！由2022年11月1日至11月30日6PM，新客同時申請World Mastercard同i-Titanium卡兩張信用卡，再各簽賬一次，就額外送$2,000 Apple禮品卡／$2,000 HKTVmall禮券／$2,000惠康禮券／$2,000 Trip.com禮品卡／Apple Watch SE 44mm（價值$2,199）*！連同信用卡迎新，就賺到高達$5,750！詳情見東亞雙卡迎新攻略。

東亞銀聯卡，做緊「東亞日」手機支付本地餅店／快餐店／咖啡店有額外10%回贈！攞佢去MCL同UA睇戲買飛都有9折呀！

東亞銀聯雙幣白金信用卡賣點

• 食肆簽賬3倍積分，相等於約1%回贈（食肆信用卡攻略）
• 本地零售簽賬2倍積分，相等於約0.7%回贈
• 海外簽賬無手續費（但匯率較差）（海外簽賬信用卡攻略）
• 以手機支付本地餅店／快餐店／咖啡店簽賬額外10%回贈（玩法見下文）
• MCL戲飛9折*

呢張卡嘅賣點，其中最特別嘅係本地餅店／快餐店／咖啡店簽賬額外10%回贈，但都係要符合返啲簽賬要求先食到（玩法見下文）。另外如果鐘意睇戲嘅，佢啲戲院優惠其實都幾好用。

迎新禮遇

信用卡迎新

如果無東亞信用卡嘅話，小編強烈建議首先開咗World Mastercard同i-Titanium卡賺雙卡迎新先。詳情見東亞雙卡迎新攻略。

東亞銀聯卡：立即申請

玩法

呢張卡基本簽賬係每$1=1分，每28,000分可以換$100超市禮券，或者每30,000分可以換$100現金回贈，計現金嘅話即係基本回贈大概0.33%。

食肆簽賬3倍積分、本地零售簽賬2倍積分
食肆簽賬3倍積分，即係食肆簽賬就$1=3分，相等於約1%回贈；本地零售簽賬就$1=2分，相等於約0.7%回贈，但留意佢係唔計超級市場、旅行社及政府部門簽賬交易*。

「東亞日」手機支付本地餅店／快餐店／咖啡店簽賬10.4%回贈
呢張卡如果每月簽夠$2,000合資格簽賬，一經登記，就可以喺用Apple Pay／Google Pay嘅本地餅店／快餐店／咖啡店簽賬享有額外10%回贈*，每個月簽$1,000就會打爆。「快餐店」仲要唔只計麥當勞、KFC，連譚仔、壽司郎呢啲都計㗎。

注意事項

• 基本回贈得約0.33%
• 本地零售約0.7%回贈同食肆約1%回贈唔高
• 上網喺海外商戶簽港幣（CBF）無回贈

呢張卡嘅基本回贈係0.33%，算係比較低，所以平時就咁簽佢係無咁抵。就算係本地零售約0.7%回贈同食肆約1%回贈，其實都唔算高，因為出面好多卡已經可以做到1.5%甚至2%回贈。另外，如果上網喺海外商戶簽港幣，好似App Store／Netflix／Spotify／Airbnb咁，呢張卡係無回贈，詳情可以睇返呢篇海外簽賬DCC/CBF手續費陷阱詳解。

FAQ

東亞銀聯雙幣白金信用卡有無年費？

呢張卡首年免年費，之後年費就係$600，但其實一年後見到月結單收年費可以打電話waive。如果waive唔到，只要即刻cut卡就唔使交，而一年後cut卡亦唔會有任何罰則。所以大家可以放心開卡賺迎新！

係咪要新客戶先有迎新同額外獎賞？點先算係新客戶？

今次東亞銀行迎新同經本網成功申請額外獎賞都只限遞交申請日之前6個月內並無持有任何東亞銀行信用卡主卡之全新東亞信用卡客戶。如果只係持有附屬卡或者銀行戶口，就可以食到銀行迎新同額外獎賞。

點樣攞經本網成功申請嘅額外獎賞禮品？幾時先會收到？

只要經本網指定連結申請有關信用卡，及於批卡後30日內確認新卡，並喺申請後7日內填寫電郵內之換領表格（留意宣傳/垃圾郵件），就合資格領取MoneyHero嘅額外獎賞。喺同有關金融機構核實資料，確認信用卡為經本網成功申請之後，就會收到由MoneyHero發出嘅禮品換領電郵，禮品換領通知最快會喺4個月後發出。為確保你賺到經本網成功申請額外迎新，小編強烈建議大家用Chrome申請（請避免用Safari或者Facebook in-app browser）。請確保你無封鎖tracking跨網站追蹤、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間避免開其他網站。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。 如對額外獎賞換領有任何查詢或未有收到換領表格電郵，請電郵至support@moneyhero.com.hk。

銀行迎新合資格簽賬計啲咩？PayMe計唔計？

東亞信用卡嘅銀行迎新，基本上係無得零成本食，係要老老實實去簽。參考返T&C原文：合資格交易並不包括附屬卡簽賬、「好用錢」供款金額、「好用錢」及現金透支手續費、行政費及利息、八達通自動增值服務、轉賬金額、購買及/或充值儲值卡或電子錢包、賭場交易、外幣兌換、財務費用、取消交易、逾期手續費、信用卡年費、網上/自動櫃員機繳款、稅務繳費及本行不時釐定之任何其他交易。

東亞銀聯雙幣白金信用卡小檔案

• 基本簽賬：$1=1分，相等於約0.33%回贈
• 本地零售簽賬：$1=2分，相等於約0.7%回贈
• 食肆簽賬：$1=3分，相等於約1%回贈
• 海外簽賬：$1=1分，相等於約0.33%回贈（無手續費）（歐洲實體簽賬無回贈）
• 手機支付快餐店／咖啡店：額外10%回贈（每月簽滿$2,000合資格簽賬，上限回$100）
• 八達通自動增值：$1=1分，相等於約0.33%回贈（連同政府簽賬每月首$10,000）
• PayMe：不適用
• 支付寶／微信支付：時有時無
• 網上理財繳費：無回贈
• 年費：$600（首年免年費，之後打電話waive）
• 年薪要求：$40,000

受條款及細則約束：銀聯卡回贈T&C、東亞日T&C、MCL優惠T&C、迎新T&C、附屬卡迎新T&C