滙豐學生卡信用卡攻略 – 自選簽賬高達2.4%「獎賞錢」回贈、交學費賺高達$400「獎賞錢」、迎新高達$300「獎賞錢」!

#滙豐信用卡 #滙豐滙財金卡學生卡 #滙豐學生信用卡優惠 #滙豐學生信用卡積分回贈 #滙豐學生信用卡迎新 #滙豐獎賞錢 #滙豐最紅主自獎賞 #信用卡交學費 #滙豐學生卡好唔好 #滙豐學生金卡永久年費豁免

(最後更新:2023年4月)

滙豐啲信用卡,出晒名多回贈,仲要連學生卡都可以玩埋一份!呢張滙豐學生卡,中自選類別有高達2.4%「獎賞錢」回贈!就連交學費都有高達$400「獎賞錢」回贈!滙豐啲信用卡其實真係好多回贈好抵玩,唯一麻煩就係玩法比較複雜;但其實佢啲優惠嚟嚟去去都係咁玩,一里通馬國明,睇完下面篇文就會明晒!

滙豐學生金卡賣點
  • 最紅自主獎賞自選類別2.4%「獎賞錢」回贈(每年限簽$100,000)
  • 配合HSBC Travel Guru會員計劃,外幣簽賬可再享高達額外6%回贈
  • 交學費高達2.4%「獎賞錢」回贈,高達$400「獎賞錢」(詳見信用卡交學費攻略
  • 大量推廣優惠
  • 永久免年費

呢張卡嘅自選類別簽賬都有2.4%回贈,一啲都唔失禮。滙豐仲要年中成日做好多promo,一陣簽夠某個數又有額外「獎賞錢」回贈,一陣用流動電話付款付款又有額外回贈!

迎新禮遇
  • 60日內簽HK$2,000可享$300「獎賞錢」

今期迎新優惠做到2024年3月31日,指定學院^之全日制學生只要批卡後60日內簽夠$2,000,就可以賺到$300「獎賞錢」!留意返滙豐信用卡嘅迎新係唔計電子錢包同交學費,係真係要去簽嚟買嘢。有關迎新會喺完成簽賬要求後2個月內入賬。

滙豐滙財金卡學生卡
>>>立即申請<<<

^香港中文大學、香港中文大學專業進修學院、珠海學院、香港城市大學、香港城市大學專業進修學院、香港城市大學專上學院、香港教育大學、香港恒生大學、香港浸會大學、香港浸會大學國際學院、香港浸會大學持續教育學院、香港大學、香港大學專業進修學院、明德學院、香港科技大學、嶺南大學持續進修學院、嶺南大學、香港公開大學、香港理工大學、香港專上學院、香港理工大學專業進修學院、香港樹仁大學

交學費回贈

話明係學生卡,交學費梗係有著數啦。只要用呢張卡喺網上理財或者滙豐流動理財App繳付指定學院學費,就有高達2.4%「獎賞錢」回贈。優惠期分兩個階段,分別為2023年4月1日至9月30日,同埋2023年10月1日至2024年3月1日。優惠下每階段最高可享$200「獎賞錢」(即係交$8,334就爆),咁交一個學年嘅學費總共最多賺到$400「獎賞錢」。詳情同指定學院名單可以睇返T&C

RewardCash 「獎賞錢」

滙豐嘅「獎賞錢」RewardCash 玩法簡單易記,$1「獎賞錢」=HK$1,唔使慢慢計積分。只要download咗佢個Reward+ App(AndroidiOS),就可以直接用「獎賞錢」扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當HK$2嘅promo,有時又可以好平咁攞嚟換禮券,甚至換返miles都得!

滙豐信用卡玩法(Red / EveryMile卡除外)

講咗咁耐,滙豐啲卡究竟係點玩?滙豐信用卡嘅「獎賞錢」基本回贈一律係0.4%,如果簽賬中「最紅自主獎賞」all in嘅自選類別就有額外5X「獎賞錢」,即係多2%。如果係海外簽賬又簽夠咗每階段嘅下限,更加再有額外2%/3%「獎賞錢」。大家只要照住下面個表執藥咁睇返自己中幾多樣嘢,就可以加返每項簽賬有幾多回贈,而每行嘅details下面會繼續講。

回贈

簽賬上限

簽賬下限

基本回贈

0.4%

「最紅自主獎賞」

2%

每年HK$100,000

合共

自選高達2.4%
海外高達5.4%

最紅自主獎賞

所謂最紅自主獎賞,就係滙豐揀咗五大類別嘅簽賬出嚟(見下圖),你可以自由分配5X嘅「獎賞錢」(即2%回贈)落去,但通常都係會揀其中一個簽得最多嘅類別all in,咁簽呢個自選類別就會有高達2.4%回贈登記網址)。

賞滋味

賞生活 賞家居 賞品味 賞世界
香港餐廳及
食肆的簽賬
精選商戶:

商戶名單

精選商戶:

商戶名單

精選商戶:

商戶名單

海外、中國內地及澳門的外幣簽賬

五大類別入面,比較推薦揀「賞滋味」用嚟食飯,或者「賞世界」簽海外簽賬,或者「賞家居」嘅超市同傢俬電器鋪(超市信用卡攻略)。「最紅自主獎賞」簽賬上限係每年HK$100,000,簽爆咗就唔會再有5X獎賞錢;但如果簽滿HK$150,000嘅話,又會有額外一筆$1,000回贈。留意返,「最紅自主獎賞」揀嘅類別係會跟住所有印你個名嘅滙豐信用卡,所以開多張卡係唔會多一個類別,同埋只有每年年尾先可以轉類別。

注意事項

留意返滙豐信用卡基本回贈係0.4%,要配合返上面嘅「最紅自主獎賞」或其他推廣嚟獲取高額回贈。如果係網上簽賬,除非有做緊其他promo,如果唔係簽滙豐Red卡有4%回贈會更加抵。

最後,小編以前都做過大學生;作為過來人,苦口婆心啲都要勸一句:信用卡卡數一定要月月full pay清!

滙豐滙財金卡學生卡
>>>立即申請<<<

滙豐學生金卡小檔案
  • 「最紅自主獎賞」簽賬:高達2.4%「獎賞錢」回贈(每年首$100,000)
  • 海外簽賬:配合「最紅海外簽賬獎賞」高達5.4%「獎賞錢」回贈(1.95%手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • PayMe:0.4%「獎賞錢」回贈
  • 支付寶/微信支付:無回贈
  • 網上理財繳費:無回贈
  • 網上理財交學費:高達2.4%「獎賞錢」回贈(合共高達$400「獎賞錢」)
  • 永久免年費
  • 申請資格:指定大學/大專之全日制學生

受條款及細則約束:「最紅自主獎賞」T&C「最紅海外簽賬獎賞」T&C迎新T&C交學費優惠T&C

借定唔借?還得到先好借!

唔想錯過信用卡回贈優惠?即刻Follow我哋FB PageIG!最緊要加入埋WhatsApp Channel!仲可以訂閱電子報呀!

本網站所載資料只供參考,有關產品詳情請以金融機構所提供的資訊及/或有關連結內的內容為準。

分享

4 則留言

留言(你的電郵不會被公開)

發佈留言必須填寫的電子郵件地址不會公開。 必填欄位標示為 *