滙豐HSBC卓越理財信用卡攻略 – 尊享多項獨家禮遇!

#滙豐信用卡 #滙豐Premier卡優惠 #滙豐Premier卡優惠積分回贈 #滙豐獎賞錢 #滙豐最紅主自獎賞 #滙豐卓越理財信用卡 #最抵海外現金回贈信用卡 #最抵外幣現金回贈信用卡 #滙豐Premier卡年費豁免

新客經本網申請AE Explorer,簽一次就賺$1,000,開埋附屬卡就賺$1,400!

新客經本網申請指定東亞信用卡,毋須簽賬額外賺$1,400,夾埋迎新賺高達$4,000!

新客經本網申請Citi Cash Back星展Live Fresh安信EarnMOREAE Blue Cash信銀Motion,毋須簽賬額外賺≥$500!

新客經本網開Citi PlusCitigoldMoxZAliviWeLab戶口全部有現金獎賞!

新客經本網申請指定證券戶口,毋須交易/轉倉,合共賺$6,200迎新獎賞!

(最後更新:2022年1月)

滙豐Premier信用卡本身係海外簽賬最抵嘅信用卡,但好可惜個優惠就無再續到,變相除咗有啲獨家簽賬優惠之外,呢張卡嘅現金回贈就同其他滙豐白金卡嗰啲無咩分別。

cq5dam.web_.880.1000-3

滙豐Premier Mastercard賣點
  • 最紅自主獎賞自選類別高達2.4%「獎賞錢」回贈
  • 自選類別x網上簽賬高達4.4%「獎賞錢」回贈
  • 大量推廣優惠(見下文)

其實呢張卡最主要就係有啲專屬嘅推廣優惠,優惠詳情可以睇返官網。其他大部份類別嘅簽賬,一律係簽返滙豐Visa Signature會仲抵。而你開得到Premier,就即係戶口有HK$100萬,已經可以開到張VS。

RewardCash 「獎賞錢」

滙豐嘅「獎賞錢」RewardCash 玩法簡單易記,$1「獎賞錢」=HK$1,唔使慢慢計積分。只要download咗佢個Reward+ App(AndroidiOS),就可以直接用「獎賞錢」扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當HK$2嘅promo,有時又可以好平咁攞嚟換禮券,甚至換返miles都得!

滙豐信用卡玩法(Red / EveryMile卡除外)

講咗咁耐,滙豐啲卡究竟係點玩?滙豐信用卡嘅「獎賞錢」基本回贈一律係0.4%,如果簽賬中「最紅自主獎賞」all in嘅自選類別就有額外5X「獎賞錢」,即係多2%。另外網上簽賬,每季只要簽夠HK$5,000又再多5X「獎賞錢」,即係再多2%回贈。大家只要照住下面個表執藥咁睇返自己中幾多樣嘢,就可以加返每項簽賬有幾多回贈,而每行嘅details下面會繼續講。

回贈

簽賬上限

簽賬下限

基本回贈

0.4%

「最紅自主獎賞」

2%

每年HK$100,000

(即每年最多$2,000「獎賞錢」)

「最紅網上簽賬獎賞」

2%

每季HK$15,000

(即每季最多$300「獎賞錢」)

每季$5,000

合共

4.4%

最紅自主獎賞

所謂最紅自主獎賞,就係滙豐揀咗五大類別嘅簽賬出嚟(見下圖),你可以自由分配5X嘅「獎賞錢」(即2%回贈)落去,但通常都係會揀其中一個簽得最多嘅類別all in,咁簽呢個自選類別就會有高達2.4%回贈登記網址)。

五大類別入面,最實用最多人揀會係「賞滋味」用嚟食飯,成日飛嘅會揀「賞世界」海外簽賬,亦可以揀「賞家居」嘅超市同傢俬電器鋪(超市信用卡攻略)。「最紅自主獎賞」簽賬上限係每年HK$100,000,詳情可以參考官網介紹。留意返,「最紅自主獎賞」揀嘅類別係會跟死你身份證號碼其下嘅所有卡,同埋只有每年年尾先可以轉類別。

五大類別

賞滋味

賞生活 賞家居 賞品味 賞世界
香港餐廳及
食肆的簽賬
精選商戶:

商戶名單

精選商戶:

商戶名單

精選商戶:

商戶名單

海外、中國內地及澳門的外幣簽賬

最紅網上簽賬獎賞

喺「最紅網上簽賬獎賞」呢個優惠下,只要憑滙豐信用卡每季(1至3月、4月6月,如此類推)嘅網上簽賬夾埋累積夠$5,000,一經登記,就可以賺多2%「獎賞錢」回贈。如果網上簽賬再中埋all in嘅自選類別,例如揀賞品味然後上網買HKTVmall,或者揀賞世界然後上網簽外幣,就可以賺到高達4.4%回贈!呢個優惠每季簽賬HK$15,000就會封頂,詳情可以參閱官網簡介。今期「最紅網上簽賬獎賞」暫時做到2022年12月31日。

睇完上面堆字,恭喜你已經成功學到滙豐信用卡嘅回贈係點玩。總之基本回贈就係0.4%,然後只要對住上面個表照單執藥,就可以計到筆簽賬有幾多回贈。

滙豐Premier Mastercard:立即申請

伏位

留意返滙豐信用卡基本回贈係0.4%,要配合返上面嘅「最紅自主獎賞」同「最紅網上簽賬獎賞」嚟獲取高額回贈。另外如果係網上簽賬,除非再中埋自選類別,如果唔係簽滙豐Red卡有4%回贈會更加抵。

滙豐Premier卡專享優惠

國泰航空優惠
即日起至2022年12月31日,以Premier卡透過國泰指定網頁預訂機票,單一簽賬額滿$8,000並輸入「HSBC800」優惠碼,可享$800回贈及賺取額外800 Asia Miles。名額有限,先到先得,詳情請參閱活動網頁

機場轎車服務
即日起至2022年12月31日,以Premier卡累積單一簽賬$800交易兩次,可預約以$250享用機場轎車服務一次,往/返香港機場及多個其他機場,遍佈中國、台灣、東南亞、中東、歐洲等地。名額有限,先到先得,並須提供收據證明,詳情請參閱活動網頁

FAQ
滙豐Premier信用卡有無年費?

只要係滙豐Premier客戶,就一律永久免年費

可唔可以開幾張信用卡揀晒咁多個最紅類別?

正如上文所述,自主類別嘅選擇係跟死你名下嘅所有信用卡,所以就算開齊VS、白金、銀聯,全部卡都只會係同一個自主類別。如果想揀埋其他類別嘅話,可以選擇開多幾張附屬卡俾本身無滙豐信用卡嘅屋企人,咁佢哋就每個人都可以自己再揀過個自主類別。

滙豐Premier Mastercard卡:立即申請

滙豐Premier卡小檔案
  • 「最紅自主獎賞」簽賬:高達2.4%「獎賞錢」回贈(每年首$100,000)
  • 網上簽賬:配合「最紅自主獎賞」高達4.4%「獎賞錢」回贈
  • 海外簽賬:配合「最紅自主獎賞」高達2.4%「獎賞錢」回贈(1.95%手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • Payme:0.4%「獎賞錢」回贈
  • 支付寶/微信支付:無回贈
  • 網上理財繳費:0.4%回贈 (每月首$10,000)
  • 網上理財交稅:無回贈
  • 永久免年費
  • 只限滙豐卓越理財客戶申請

*受條款及細則約束:「最紅自主獎賞」T&C「最紅網上簽賬獎賞」T&C

提示:借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)