[2025超市信用卡攻略] HKTVmall/百佳/惠康/Aeon信用卡比較

#超級市場信用卡 #Supermarket信用卡 #百佳信用卡 #惠康信用卡 #HKTVmall信用卡優惠 #超市信用卡優惠

想知邊幾張卡最好用？即睇最佳現金回贈信用卡組合！

（最後更新：2025年6月）

平時去超級市場入貨，如果揀啱信用卡嘅話係可以慳返一筆！以下呢篇攻略，就會介紹返邊張信用卡去邊間超級市場會有折，同埋平時無折嘅時候又碌邊張卡最抵！如果係家庭主婦無入息證明唔知點開卡，就可以參考返呢篇免入息證明信用卡大全。

最抵超級市場信用卡

[為確保你賺到經本網成功申請額外獎賞（如有），小編強烈建議大家用Chrome申請（請避免用Safari或者Facebook in-app browser）。請確保你無封鎖tracking跨網站追蹤、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間避免開其他網站。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。 ]

全港超市：ICBC星座卡

ICBC今期長做緊個超市優惠，只要喺全港超級市場單一簽賬滿$200，可享15%回贈！上限每個月可以簽$1,334！留意返兩個伏位，個優惠有限名額但又無寫明幾多同唔使登記，同埋無清晰界定邊啲係超市，例如HKTVmall係唔計。

工銀星座卡：立即申請

全港超市：DBS Compass Visa

DBS Compass Visa可以話係最萬能嘅超市卡！因為佢長做緊個「週三大折日」優惠，逢星期三喺全港超級市場（包括實體店及網店）單一簽賬滿$300，可享8%回贈！上限每個月可以簽$2,000！

而家張卡迎新可以賺到高達$400！由2025年6月1日至6月30日6PM，新客經本網以下指定連結申請DBS Compass Visa，再喺申請後7日內填返電郵內嘅換領表格（留意宣傳/垃圾郵件），仲無須簽賬送$200 Apple禮品卡／$200惠康禮券*！詳細可以睇返篇DBS Compass Visa攻略。

DBS Compass Visa卡：立即申請
（申請後7日內要填返電郵換領表格）

Apple / Google / Samsung Pay：中銀Sogo VS卡

中銀SOGO Visa Signature，攞嚟做小額交易係勁好用！呢張卡主打Apple Pay／Google Pay／Samsung Pay簽賬額外5%回贈，夾埋本身積分就相等於5.4%回贈！即係只要將張卡入落手機到，去超市拍手機俾錢，就可以賺到5.4%！張卡每月嘅額外回贈上限係$100，即係簽$2,000就會爆。信用卡詳情可以參考返中銀Sogo VS卡攻略。

中銀崇光Visa Signature卡：立即申請

AEON/網上：AEON WAKUWAKU卡

AEON CARD WAKUWAKU，主打網上簽賬有成6%回贈！每個月結單周期上限額外回贈$200，計返即係可以簽成$3,571網購！如果屋企上網買嘢多，例如去開HKTVmall入貨，就可以用呢張卡袋6%回贈！詳情可以睇返AEON WAKUWAKU卡攻略。

另外張卡每個月2號同20號去AEON Stores買嘢，仲會有95折優惠！

不過如果本身未有AEON信用卡，可以考慮開咗AEON紫卡攞額外獎賞先，然後等批咗卡再上過嚟開返呢張卡。

AEON WAKUWAKU卡：立即申請

百佳/屈臣氏：滙豐easy信用卡

如果平時係去開百佳或者屈臣氏買嘢，就一定要開呢張滙豐easy信用卡啦！只要將呢張卡綁定去「易賞錢」App，就可享高達6倍「易賞錢」積分；然後每個月2號、12號同22號去百佳、Fusion同Taste，只要單一簽賬滿$100就會有92折！而每個月8號、18號同28號去屈臣氏，就單一簽賬滿$400有92折！另外，如果張卡最紅自主獎賞係揀「賞家居」，本身去百佳又有2.4%獎賞錢回贈！

今期申請滙豐easy卡，可以賺到高達$700迎新／$300迎舊！詳細可以睇返篇滙豐easy卡攻略。

滙豐easy信用卡：立即申請

惠康/萬寧：恒生enJoy卡

如果平時係去開惠康同萬寧買嘢嘅話，就要開定呢張恒生enJoy卡旁身啦！事關佢每個月3號、13號同23號去惠康同Market Place by Jasons，只要單一簽賬滿$100就會有92折！而每個月1號、20號去萬寧簽賬，就即刻會有95折！另外，張卡本身去惠康同萬寧簽賬都有3倍yuu積分，相等於1.5%回贈！

今期恒生enJoy卡迎新，只要簽$6,000就可以賺到$600！由2025年6月1日至6月30日6PM，新客經本網以下指定連結成功申請恒生enJoy卡，再喺申請後7日內填返電郵內嘅換領表格（留意宣傳/垃圾郵件），同埋簽賬返$200，仲額外送$1,000 Apple禮品卡／$1,000惠康禮券／Marshall MAJOR IV頭戴式無線耳機（價值$1,299）／Delsey 30” Top-Lip Opening行李箱（價值$4,980）*！連埋信用卡迎新就賺到高達$1,600！或者就算係舊客都有迎舊！詳情可以參考恒生enJoy卡攻略。

恒生enJoy卡：立即申請
（申請後7日內要填返電郵換領表格）

AEON Purple

AEON Card Purple，今期做緊個紫「賞」生活優惠。憑Apple Pay或Google Pay喺AEON Stores簽賬可享高達15X分，相等於6%回贈！優惠無簽賬下限，每月上限簽$1,923！留意返個優惠要入返App登記。另外張卡每個月2號同20號去AEON Stores買嘢，仲會有95折優惠！

即日起至2025年6月30日，新客憑「MHAEONB」邀請碼申請AEON Card Purple，迎新仲可以賺到高達$900！詳情可以睇返AEON信用卡攻略。

AEON Card Purple：立即申請
（邀請碼：「MHAEONB」）

百佳、HKTVmall、759阿信屋：渣打Smart卡

渣打Smart卡，主打喺百佳、759阿信屋等指定商戶簽賬，可以賺到5%現金回贈！留意返呢個回贈係要登記，同埋每月累積簽賬滿$4,000先有。

渣打Smart卡今期迎新，全新渣打信用卡客戶喺批卡後1個月碌滿$3,500，就有$800現金回贈！

由2025年6月1日至6月30日6PM，新客經本網以下指定連結申請渣打Smart卡其後成功獲批，再喺申請後7日內填返電郵內嘅換領表格（留意宣傳/垃圾郵件），同埋獲批後7日內提交批卡截圖，無須簽賬送$800 Apple禮品卡／$800 HKTVmall禮券／$800惠康禮券／Delsey 30” Top-Lip Opening行李箱（價值$4,980）*！夾埋即係簽$3,500就賺到$1,600！詳情可以參考渣打Smart卡攻略。

渣打Smart卡：立即申請
（申請後7日內要填返電郵換領表格）
（批卡後7日內要交返批卡截圖）

自選類別：滙豐Visa Signature

呢張滙豐Visa Signature，最特別係自選嘅簽賬類別可以賺到3.6%回贈！如果開卡後自選類別揀「賞家居」，就可以喺百佳、759阿信屋簽賬賺3.6%回贈；如果揀「賞購物」，就可以喺HKTVmall、AEON、一田、city'super等賺3.6%回贈！

滙豐VS迎新，只要簽$8,000就可以賺到$800迎新／$200迎舊！詳細可以睇返篇滙豐VS攻略。如果未夠年薪開滙豐VS（$24萬），都可以開住張滙豐easy卡玩住先，自選類別簽賬都有2.4%回贈，仲可以搏佢upgrade！

滙豐Visa Signature卡：立即申請

全港超市：Mox Credit

Mox Credit主打簽賬無上限1%回贈，如果活期戶口內放滿$250,000更可享無上限2%回贈！另外唔使擺錢，亦可享全港超市及雜貨店簽賬無上限3%回贈！

由2025年6月1日至6月30日6PM，新客憑「MOXMHSUMMER」邀請碼經本網申請Mox Credit，簽返$5,000同填返電郵內嘅換領表格，仲可以賺到高達$1,700！詳情可以參考Mox Credit攻略。

Mox Credit：立即申請
（邀請碼：MOXMHSUMMER）
（收到成功申請編號後14日內要填返電郵換領表格）