滙豐HSBC金/白金信用卡攻略 – 本地簽賬高達2.4%「獎賞錢」回贈、海外簽賬高達4.4%、迎新高達$992「獎賞錢」!

#滙豐信用卡 #滙豐匯財金卡 #滙豐白金Visa卡 #滙豐Platinum #滙豐白金卡優惠 #滙豐白金卡積分回贈 # #滙豐白金卡迎新  #滙豐信用卡好唔好 #滙豐金白白金卡年費豁免

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi八達通白金卡,額外回$1,100,夾埋迎新無成本賺$2,140!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請星展Live Fresh,毋須簽賬賺額外回$500,夾埋迎新賺高達$1,500!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年3月)

滙豐張Visa Signature卡有幾筍,我諗好多人都聽過,但就未必個個人都夠年薪資產申請到;個個都拍拖,唔通個個都想拍拖咩!但如果你暫時未申請到張VS,都唔使灰心,因為其實對落張白金卡同金卡都唔太失禮,中「最紅自主獎賞」自選類別都有成2.4%「獎賞錢」回贈,海外簽賬甚至可以有4.4%「獎賞錢」!依家開卡迎新仲可以賺到高達$992「獎賞錢」,就算係現有客戶都有高達$492「獎賞錢」迎舊!滙豐啲信用卡其實真係好多回贈好抵玩,唯一麻煩就係玩法比較複雜;但其實佢啲優惠嚟嚟去去都係咁玩,一里通馬國明,睇完下面篇文就會明晒!

hsbc201801

滙豐金卡/白金卡賣點
  • 自主類別簽賬高達2.4%「獎賞錢」回贈
  • 海外簽賬高達高達4.4%「獎賞錢」回贈(海外簽賬信用卡攻略
  • 大量推廣優惠

滙豐張金卡同白金卡,除咗年薪要求同張卡唔同色之外,基本上唯一嘅分別就係金卡網上理財繳費無分。呢兩張卡嘅自選類別簽賬都有2.4%回贈,一啲都唔失禮。呢兩張卡嘅外幣簽賬,仲要最多可以做到4.4%回贈滙豐仲要年中成日做好多promo,一陣簽夠某個數又有額外「獎賞錢」回贈,一陣用流動電話付款又有額外回贈!

RewardCash 「獎賞錢」

滙豐嘅「獎賞錢」RewardCash 玩法簡單易記,$1「獎賞錢」=HK$1,唔使慢慢計積分。只要download咗佢個Reward+ App(AniOS),就可以直接用「獎賞錢」扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當HK$2嘅promo,有時又可以好平咁攞嚟換禮券,甚至換返miles都得!

滙豐信用卡玩法(Red卡除外)

講咗咁耐,滙豐啲卡究竟係點玩?滙豐信用卡嘅「獎賞錢」基本回贈一律係0.4%,如果簽賬中「最紅自主獎賞」嘅自選類別就有額外5X「獎賞錢」,即係多2%。另外,網上同海外簽賬,每季只要簽夠HK$5,000又再多5X「獎賞錢」,即係又2%。大家只要照住下面個表執藥咁睇返自己中幾多樣嘢,就可以加返每項簽賬有幾多回贈,而每行嘅details下面會繼續講。

回贈

簽賬上限

簽賬下限

基本回贈

0.4%

「最紅自主獎賞」

2%

每年HK$100,000

(即每年最多可享$2,000「獎賞錢」)

「最紅網上及海外簽賬獎賞」

2%

每季HK$15,000

(即每季最多可享$300「獎賞錢」)

每季HK$5,000

合共

4.4%

「最紅自主獎賞」

所謂最紅自主獎賞,就係滙豐揀咗五大類別嘅簽賬出嚟(見下圖),你可以自由分配5X嘅「獎賞錢」(即2%回贈)落去,但通常都係會揀其中一個簽得最多嘅類別all in,咁簽呢個自選類別就會有2.4%回贈登記網址)。最實用最多人揀會係「賞滋味」用嚟食飯,成日飛嘅會揀「賞世界」海外簽賬,亦可以揀「賞家居」嘅超市同傢俬電器鋪(超市信用卡攻略)。「最紅自主獎賞」簽賬上限係每年HK$100,000,詳情可以參考官網介紹,而「賞家居」、「賞生活」同「賞品味」嘅商戶名單可以係下面見到(最新商戶名單以官網為準)。留意返,「最紅自主獎賞」揀嘅類別係會跟死你身份證號碼其下嘅所有卡,同埋只有每年年尾先可以轉類別。

五大類別

賞家居、賞生活、賞品味商戶名單

「最紅網上及海外簽賬獎賞」

喺「最紅網上及海外簽賬獎賞」呢個優惠下,只要憑滙豐信用卡每季(1至3月、4月6月,如此類推)嘅網上同海外簽賬夾埋累積夠$5,000,一經登記,就可以賺多2%「獎賞錢」回贈。假設「最紅自主獎賞」all in「賞世界」海外簽賬,咁加埋就有成0.4%+2%+2%=4.4%回贈(但要扣返1.95%手續費)!同樣地,如果網上簽賬中埋「最紅自主獎賞」all in嘅自選類別,例如揀賞品味然後上網買hktvmall,亦都可以賺到高達4.4%回贈!呢個優惠每季簽賬HK$15,000就會封頂,詳情可以參閱官網簡介。今期「最紅網上及海外簽賬獎賞」暫時寫做到2021年12月31日。

睇完上面堆字,恭喜你已經成功學到滙豐信用卡嘅回贈係點玩。總之基本回贈就係0.4%,然後只要對住上面個表照單執藥,就可以計到筆簽賬有幾多回贈。

迎新禮遇
  • 新客60日內簽HK$8,000可享$800「獎賞錢」,連同最紅自主簽賬回贈高達$992「獎賞錢」
  • 舊客60日內簽HK$8,000可享$300「獎賞錢」,連同最紅自主簽賬回贈高達$492「獎賞錢」

而至於迎新方面,今期個迎新做到2021年7月31日,全新滙豐信用卡客戶只要批卡後60日內碌滿HK$8,000合資格簽賬,就可享$800「獎賞錢」回贈*;如果係現有客戶,亦都可享$300「獎賞錢」*!而呢個迎新/迎舊仲要係未計張卡本身嘅回贈,即係話如果開卡之後直接簽HK$8,000自主類別交易(2.4%回贈),仲可以再賺多$192「獎賞錢」!迎新獎賞錢回贈會喺完成簽賬要求後2個月內入賬。留意返滙豐信用卡嘅迎新係唔計電子錢包,係真係要去簽嚟買嘢。(上述迎新/迎舊只適用於無喺2020年9月1日或之後取消過滙豐信用卡嘅客戶)

滙豐白金Visa卡:立即申請
滙豐匯財金卡:立即申請

伏位

留意返滙豐信用卡基本回贈係0.4%,要配合返上面嘅「最紅自主獎賞」、「最紅網上及海外簽賬獎賞」嚟獲取高額回贈。另外如果係網上簽賬,一般簽滙豐Red卡有4%回贈會更加抵。

FAQ

滙豐白金同金卡有無年費?

呢兩張卡首兩年免年費,之後年費就係$600(金卡)/$1,800(白金卡),但其實兩年後見到月結單收年費可以打電話waive。就算真係waive唔到,只要即刻cut卡就唔使交,而兩年後cut卡亦唔會有任何罰則。但其實小編so far都無聽過滙豐會唔肯waive年費,所以大家可以放心開卡賺迎新!

係咪要新客戶先有迎新?點先算係新客戶?

正如上文所述,滙豐係同時有做迎新同迎舊。要食到今次嘅迎新/迎舊,前提係要無喺2020年9月1日或之後取消過滙豐信用卡。如果乎合上述要求,而手頭上無任何滙豐信用卡,就可以食到迎新;如果有其他滙豐信用卡而無呢張,就可以食到迎舊。

可唔可以開幾張信用卡揀晒咁多個最紅類別?

正如上文所述,自主類別嘅選擇係跟死你名下嘅所有信用卡,所以就算開齊VS、白金、銀聯,全部卡都只會係同一個自主類別。如果想揀埋其他類別嘅話,可以選擇開多幾張附屬卡俾本身無滙豐信用卡嘅屋企人,咁佢哋就每個人都可以自己再揀過個自主類別。

迎新合資格簽賬計啲咩?Payme計唔計?

滙豐信用卡係無得零成本食迎新,係要老老實實去簽。參考返T&C原文:「合資格簽賬」指於批卡後首 60 個曆日內以合資格信用卡所作的累積簽賬淨額,並於核實持卡人有資格獲享優惠時已誌賬的交易。以下交易並不是合資格簽賬:財務及銀行費用:年費、財務費用、逾期費用; 以附屬卡作的交易;郵購、傳真及電話訂購;透過滙豐流動理財及/或網上理財繳費;購買及/或充值儲值卡的交易(包括透過電子錢包或任何其他途徑增值八達通之交易);以電子錢包所作的交易(包括增值電子錢包);八達通自動增值;於「獎賞錢」購物網及其他推廣進行的換購交易;現金貸款、「現金套現」分期計劃及「現金套現」計劃的提款金額;「現金套現」分期計劃、「現金套現」計劃、「簽賬分期計劃」及其他分期計劃之供款金額;於非金融機構的半現金交易(包括購買外匯、匯票及旅行支票);於金融機構的半現金交易(包括購買銀行產品及服務)電匯;賭博交易;繳稅;自動轉賬、循環付款;所有未誌賬/取消/退款的交易。

滙豐白金Visa卡:立即申請
滙豐匯財金卡:立即申請

滙豐金卡小檔案
  • 「最紅自主獎賞」簽賬:高達2.4%「獎賞錢」回贈(每年首$100,000)
  • 網上簽賬:配合「最紅自主獎賞」高達4.4%「獎賞錢」回贈
  • 海外簽賬:配合「最紅自主獎賞」高達4.4%「獎賞錢」回贈(1.95%手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • Payme/支付寶/微信支付:無回贈
  • 網上理財繳費:無回贈
  • 網上理財交稅:無回贈
  • 年費:HK$600(首兩年免年費,之後打電話waive
  • 年薪要求:HK$60,000
滙豐白金卡小檔案
  • 「最紅自主獎賞」簽賬:高達2.4%「獎賞錢」回贈(每年首$100,000)
  • 網上簽賬:配合「最紅自主獎賞」高達4.4%「獎賞錢」回贈
  • 海外簽賬:配合「最紅自主獎賞」高達4.4%「獎賞錢」回贈(1.95%手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • Payme/支付寶/微信支付:無回贈
  • 網上理財繳費:0.4%「獎賞錢」回贈 (每月首$10,000)
  • 網上理財交稅:無回贈
  • 年費:HK$1,800(首兩年免年費,之後打電話waive
  • 年薪/資產要求:HK$150,000/HK$100,000

*受條款及細則約束:「最紅自主獎賞」T&C「最紅網上及海外簽賬獎賞」T&C迎新T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

2 則留言

  1. 白金同red有咩分別?聽講有red就廢左白金?

留言(你的電郵不會被公開)