#好易畀教學 #八達通自動增值刷回贈 #八達通自動增值刷迎新 #O!ePay刷分 #O!ePay刷回贈 #零成本食迎新 #0成本食迎新 #O!ePay八達通繳費交稅
新鮮出爐！即睇食信用卡迎新出iPhone 13攻略！
新客經本網申請指定東亞信用卡，毋須簽賬額外賺$1,200，夾埋迎新賺高達$3,300！
新客經本網申請Citi Cash Back，額外回$1,100，夾埋迎新無成本賺$1,880！
新客經本網申請指定大新信用卡，毋須簽賬額外賺$750，夾埋迎新賺高達$1,150！
新客經本網申請安信EarnMORE，毋須簽賬額外賺$550，迎新無成本食$1,220！
新客經本網申請星展Live Fresh，毋須簽賬額外賺$500，夾埋迎新賺高達$1,500！
新客經本網申請信銀Motion，毋須簽賬額外賺$500，夾埋迎新賺高達$2,000！
（最後更新：2021年1月）
早排八達通終於出咗Apple Pay服務，雖然遲過其他地方好多，但都成為咗一時嘅城中熱話。可能好多人都未必知，其實八達通仲有個電子錢包App叫O!ePay（啱啱改咗名做八達通App），可以孖住八達通嚟用。呢個咁嘅O!ePay，有個好獨特嘅功能，就係可以用八達通卡嘟卡，將八達通入面嘅錢轉入O!ePay隻App度。如果你張八達通唔夠錢嘅話（例如入面得$100蚊但你要嘟$500），呢個過程就會trigger到八達通自動增值，從而喺你張信用卡到扣數，咁你就成功「自製」簽賬，用信用卡簽到錢去賺回贈甚至食迎新！例如Citi Cash Back同安信EarnMORE嘅迎新都可以咁樣無成本食到（必食信用卡迎新大全）！而嘟咗入個App入面嘅錢，除咗可以轉數快出返自己銀行戶口之外（有quota），亦可以攞嚟繳費同交稅！
如果用八達通自動增值最高回贈，有成2%嘅安信EarnMORE卡去計，每嘟一次張八達通過$500入App就有$10回贈！就算係渣打Simply Cash 1.5%回贈每次都有成$7.5（可以參考返呢篇八達通自動增值信用卡比較）！有時啲信用卡迎新要簽成萬銀，一般消費根本簽唔到咁多，咁就可以用呢個方法輕鬆chok簽賬零成本食到個迎新啦（只限部份信用卡）！
玩法
- Down咗O!ePay個App開account，然後交身份證同地址證明升級做「好易畀Pro」
- 申請信用卡、買八達通
- 信用卡到手後，申請八達通自動增值，並將八達通加入O!ePay個App
- 八達通自動增值申請成功後，O!ePay會彈通知，入App啟動自動增值
- 每日嘟八達通入$500落O!ePay，咁張信用卡就每日碌咗$500嚟賺回贈／迎新
- 透過FPS過數將O!ePay餘額過返去銀行戶口（留意下文限額）／繳費／交稅
要玩到呢個chok回贈／食迎新大法，首先當然係要down咗個App先（An｜iOS）。Down完個App之後，就開account，然後搵升級帳戶升做「好易畀Pro」；由於法例要求，呢個升級過程中要交身份證同地址證明，同埋要等八達通嗰邊人手審批。當你收到email話審批完成嘅時候，就正式可以開始chok錢！（有關帳戶問題可參閱官網FAQ）
準備好O!ePay個帳戶之餘，當然仲要準備埋張八達通同信用卡！如果係用嚟刷迎新嘅話，我會建議去地鐵客務中心買過張新嘅租用版八達通，玩完等三個月就可以返客務中心無手續費咁退卡，咁就唔使俾$20手續費轉自動增值信用卡，乾手淨腳！有咗張八達通同信用卡後，就要去申請八達通自動增值，呢樣就每間銀行申請嘅方法都唔同，但多數都可以上網上理財申請，詳細每間銀行嘅申請方法可以對返官網。同埋記得要揀個自動增值金額做$500呀，千祈唔好揀咗$250同$150！
升級完個account，又申請完自動增值，就可以入返個App度加咗張八達通落去先。首先去更多>管理八達通卡，然後㩒登記入資料，再拍張八達通落去就搞掂。如果你一遞交完自動增值申請就即刻加定張八達通入個App度嘅話，到自動增值批咗嘅時候，個App就會彈通知叫你可以啟用自動增值，咁就唔使慢慢等佢封信寄到嚟先玩得。
啟用咗自動增值之後，就可以開始chok回贈／迎新啦！由於每張八達通每日最多只會自動增值一次，所以我哋要做嘅嘢就係每日過$500落個App去trigger自動增值，咁我地張信用卡就每日簽到$500！只要㩒「轉入」，然後揀用八達通，再入金額嘟卡就搞掂。例如你張新信用卡個迎新係要簽$8,000，咁你只要玩16日每日入$500落去，就可以無食本食迎新啦！「好易畀 Pro」每個月最多可以由八達通入$10,000落個App度，即係最多可以玩20日。
咁轉完啲錢入個App度，又點樣可以攞返出嚟？只要㩒返「P2P畀錢」，然後入銀行號碼，就可以將個App入面嘅錢轉返入自己銀行戶口啦！現時O!ePay每個月用FPS轉出款項嘅頭$3,000係唔收手續費，其後就收1%手續費，但如果你用1.5%回贈嘅渣打Simply Cash或者2%回贈嘅安信EarnMORE，其實玩過咗$3,000都一樣有賺！
如果想玩多過$3,000但又唔想俾手續費轉返啲錢出嚟，亦都可以用入面啲錢嚟交水費、差餉地租同交稅（但交水費同差餉地租其實用支付寶有成4%回贈），咁就連1%手續費都慳埋（繳費教學見官網）。而最後一個方法，就係幫屋企兩老開多兩個O!ePay account，你用完自己account $3,000限額之後，就各轉$3,000去兩老個O!ePay（O!ePay過數去O!ePay唔計FPS限額），再喺兩老個O!ePay用FPS射返啲錢入自己銀行，咁就唔使俾手續費都可以玩到成$9,000，用安信EarnMORE嘅話即係回贈到成$180！
少少嘢要留意返，每個人名下最多只係可以有3張自動增值嘅八達通，而係每間銀行最多只係可以有1張自動增值八達通。小編建議嘅玩法，係用安信EarnMORE做鐵膽平時增值，再用另外兩張八達通嘅quota輪流食迎新。呢兩張卡食完迎新就可以去退咗佢買過第二張（如果開卡後90日內退卡、或車費／零售交易少於5次，退卡要俾$11手續費）。
八達通增值現金回贈／迎新表
| 信用卡
(按下有攻略) |
現金回贈 |
計迎新/迎舊 |
| 安信EarnMORE |
2% |
計 |
| 渣打Simply Cash |
1.5% |
X |
| 工銀星座VS |
1.5% |
計 |
| 工銀星座鑽石 |
1.5% |
計 |
| 花旗CashBack |
1% |
計 |
| 星展Eminent |
1% |
X |
| 信銀Motion |
0.55% |
X |
| 信銀Visa |
0.55% |
X |
| 花旗八達通白金卡 |
0.5% |
X |
| 大新ONE+ |
0.5% |
X |
| 恒生MPower |
0.4% |
X |
| 滙豐VS |
0.4% |
X |
| 滙豐金卡/白金卡 |
0.4% |
X |
| 滙豐Premier |
0.4% |
X |
| 滙豐銀聯 |
0.4% |
X |
| 滙豐Red |
0.4% |
X |
| 中銀Sogo VS |
0.4% |
X |
| 中銀雙幣大灣區 |
0.4% |
X |
| 中銀i-Card |
0.4% |
X |
| 安信WeWa |
0.4% |
計 |
| 星展Compass Visa |
0.4% |
X |
| 建行eye |
0.4% |
計 |
| 東亞i-Titanium |
0.4% |
X |
| 東亞World MC |
0.4% |
X |
| 東亞VS |
0.33% |
X |
| 東亞銀聯 |
0.33% |
X |
![[八達通自動增值攻略] 2020年自動增值最高回贈信用卡比較](https://i1.wp.com/hkcashrebate.com/wp-content/uploads/2020/11/Octopus.jpg?fit=300%2C300&ssl=1)
如果我有兩張信用卡可以食迎新（EarnMore同Citi Cash Back），係咪就買兩張八達通落入個APP度，再分別用兩張信用卡自動增值？
可以呀，但留意八達通銀包每月FPS轉出免費限額係$3000
小編，想問下，如果用開iPhone，係咪仲需要部有NFC功能嘅八達通讀卡器先可以嘟卡自動增值？
以前嘅事啦～
iPhone 7打後而家都可以直接拍卡
收到封信, 寫住”根據八達通自動增值服務之申請條款, 每位用信卡客戶於金融機構只可為其一張八達通卡提供八達通自動增值服務”, 所以我唔可以一張卡增值幾張八達通, 請問咁係咪姐係呢個回贈既玩法無左喇?
玩O!ePay 一張八達通夠㗎啦喎～ 一向都係每人喺每間銀行最多幫1張自己嘅八達通 + 3張親友嘅八達通增值
我申請嗰張係親友既卡黎, 佢都唔批
咁要問返銀行呀～
好的. 但我用緊既係simply cash, 原來都唔得
一信用卡可以用黎自動增值3張LINK 左去O!ePAY 既八達通嗎?
*一張*信用卡可以用黎自動增值3張LINK 左去O!ePAY 既八達通嗎?
每人喺每間銀行最多幫1張自己嘅八達通 + 3張親友嘅八達通增值
P2P 是否最多3000？同FPS3000蚊分開計？ 亦即係我同屋企人開多個好易比AC，亦頂盡轉6000？
P2P去其他oepay ac無手續費，但FPS去銀行就每月首$3000無手續費。
請問Olepay內用FPS轉$走，係咪一定要去自己名bank ac？
FPS唔一定要去自己戶口呀
想問可唔可以將oepay嘅錢入返八達通架？同埋增值八達通係咪可以係app度 用信用卡增值？
可以入返落八達通。可以直接Apple Pay嗰啲信用卡增值，但唔會計迎新，同埋有啲卡無回贈。
係咪earmore照有回贈 simply cash係冇？
無錯～
即係用SIMPLY CASH 增值係無回贈? OoO 但上面話計?
自動增值有回贈，Apple Pay直接增值無回贈
轉過左3000，會唔會同你講要比手續費架
臨月尾先轉就唔使驚計錯數～
但其實佢先1%手續費，用earnmore/ simply cash 比埋仲有賺
自動增值係點計、即係我依加自動增值，咁我聽日朝早仲可唔可以自動增值到？
可以，每曆日一次
明白 咁想問如果我係八達通app度提升自動增值去$1000嘅話 咁有冇影響架？仲可唔可以照樣玩到？
一樣玩到呀
即係照係㩒$500增值落oepay？
係，你一負錢就會自動增值
咁即係可能我要㩒兩次$500轉落Oepay先trigger到自動增值？總之做都係咁做 見到自動增值左就ok？
如果你八達通入面餘額多過$500就要嘟兩次先trigger到，一樣都係咁做
我用左安信earmore銀聯卡玩左，本身八達通有$150，玩完都係$150，咁啱唔啱架？同埋係OmyCard個app度又未見到自動增值嘅紀錄
如果App 入面多咗$500就啱，交易要等兩三日返單
加八達通去八達通app係咪要先比$50可退還嘅按金先？
買八達通卡嗰時咪畀咗？
喔明白 差啲搞錯 因為依加個app更新左 唔同左做法
買新卡再申請自動增值係咪唔一定要個人八達通？
如果Link唔同銀行嘅信用卡唔使
係咪一個月用兩張有自動增值嘅八達通黎玩都得？
Ok呀，O!ePay 可以入好多張八達通
即係轉返出銀行都係每張卡有$3000免手續費？之後就要1%手續費咁樣
$3000限額係計OePay戶口唔係計卡
喔即係你用3張卡玩都得，不過每個月都係得$3000可以唔洗手續費咁轉返去自己戶口
係呀
咁即係玩嘅話3張卡都係用有1.5%/2%回贈嘅卡先有著數，如果得1%/0.5%就冇用，淨係食迎新
係呀無錯
Citi果張八達通白金卡係咪都計一張？定係出面買果啲先計？
Citi嗰張應該唔計
你好，想問如果加左入apple pay嘅八達通係咪玩唔到？要實體卡先得？
Yes, 要實體卡
咁我係咪可以轉返實體卡架？因為想用返simply cash玩 如果我用citi八達通卡玩就得0.5%回贈？
請問安信earnmore
如果唔經apple pay
就咁自動增值 會唔會計落迎新簽賬
定係一定要經apple pay
計迎新
建行只有eye卡 計迎新？定其他建行卡都可以用oepay 賺迎新？
上次問過CS，話建行卡都計八達通自動增值
想問小編 我本身有8達通係apple watch到（多數買嘢都用呢張），如果申請呢張卡時想用返呢張8達通到做自動增值，可唔可以chok到迎新優惠？or 一定要用一張實體卡申請？
睇邊張卡喎，同埋apple watch八達通啲錢轉唔返出銀行
想問下增值錯左落去Apple Wallet張八達通到有咩方法拎返出黎？🙏🏻感謝
慢慢用/買現金券/退卡，不過幾百蚊嘅話去一次百佳惠康都使晒啦～
1. 想問三個月後去港鐵八達通客務中心度退張新八達通卡（link左red卡自動增值，未取消），會唔會因爲未取消自動增值而退唔到/ 要收手續費？
2. 退左呢張新八達通卡之後係咪會自動取消埋滙豐red卡link住既八達通自動增值服務？
3. 如果曾經用滙豐名下信用卡(e.g. red卡) link八達通自動增值，張八達通退番(又好似2.咁講取消左自動增值服務)之後，再用滙豐信用卡(red卡 或其他hsbc信用卡) 申請另一張八達通既自動增值服務，會唔會因爲係同一間發卡既金融機構，要收$20手續費？定只要唔係同一張卡(e.g. red卡)就唔洗收？
1. 未取消自動增值唔會收手續費，但如果唔夠交易次數會收
2/3. 正常就會自動取消埋，但我無試過用返同一張信用卡再做自動增值；不過用匯豐另一張卡再玩迎舊我就試過好多次，唔會有手續費