[海外提款攻略] 咪旨意銀聯!歐洲旅遊必備Plus/Cirrus提款卡!

#銀聯歐洲提款 #Unionpay歐洲提款 #銀聯歐洲㩒錢 #Plus歐洲提款 #Cirrus歐洲提款 #銀聯歐洲櫃員機 #銀聯歐洲提款機 #銀聯英國提款 #銀聯德國提款 #銀聯法國提款 #銀聯荷蘭提款 #銀聯比利時提款 #銀聯西班牙提款 #銀聯葡萄牙提款 #銀聯意大利提款 #銀聯挪威提款 #銀聯丹麥提款 #匯豐Plus提款 #恒生Plus提款 #Citibank Plus提款 #渣打Cirrus提款 #中銀Plus提款 #東亞Plus提款 #海外提款手續費

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

(最後更新:2020年7月)
(授權轉載至荷蘭交流生札記

自從香港嘅提款卡全部由磁帶改做晶片後,大部份銀行都已經將預設嘅提款網絡由Plus同Cirrus改成銀聯Unionpay。對於呢個改變,一般市民喺香港,甚至係東亞地區提款,都應該唔會覺得有咩唔方便。尤其係近年銀聯積極擴張,喺日本同韓國等地都好普及。但係,銀聯喺歐洲地區嘅覆蓋,相比起Plus同Cirrus就勁差;就算部提款機受理銀聯卡,都唔等於可以成功㩒到錢。另外值得一提嘅係,就算你用間銀行喺當地有分行,部櫃員機都未必會接納你張香港提款卡!

要喺歐洲提款最方便嘅做法,就係直接用返磁帶嘅Plus或者Cirrus提款卡。但一般而言,喺你啟用新嘅銀聯晶片卡後,舊磁帶卡就會失效。所以,除非你真係咁啱仲有張舊款有效磁帶卡,如果唔係就要做多啲功課,繼續睇埋我篇文佢。

銀聯

要喺歐洲用香港嘅提款卡,首先,當然係要喺香港嘅櫃員機或者e-banking設定開啟海外提款功能。搞掂之後,就要預先確認你所到嘅地方嘅銀聯ATM位置,呢樣嘢可以喺銀聯網站搵到。先假設你咁好彩喺要去嘅地方附近搵到銀聯ATM,但仲有一關要過,就係部ATM要受理晶片卡!歐洲好多舊款提款機,仍然停留喺只係受理磁帶卡嘅階段,讀唔到晶片,亦因為咁可能處理唔到你嘅提款卡(網上流傳可以用膠紙遮咗提款卡晶片迫部ATM讀磁帶,但未經證實,風險自負)。亦因為咁,喺銀聯網站搵ATM嘅時候,最好剔埋「受理晶片卡」嗰欄。但根據筆者喺網站入面嘅搜尋結果,荷蘭、比利時、德國、葡萄牙等地,都無任何受理晶片卡嘅銀聯ATM,亦即係用銀聯晶片卡好大可能㩒唔到錢。

Visa / Mastercard

相比起用銀聯個網絡搵ATM,更好嘅辦法,當然就係用Plus(對應Visa)或者Cirrus(對應Mastercard)嘅網絡!一個較為快捷嘅方法,係將你嘅Visa或者Mastercard信用卡連結去你嘅銀行戶口;咁就可以喺歐洲嘅Plus或者Cirrcus ATM插入信用卡,再揀由銀行戶口入面攞錢。用信用卡提款服務前,亦記得要先設定好信用卡密碼。但係,呢個方法都有一個問題,就係部份歐洲嘅ATM係讀取唔到信用卡連接嘅銀行戶口資料,所以無得喺銀行戶口攞錢。如果用呢個方法㩒錢嘅話,一定要留意部ATM有無比你揀喺銀行戶口攞錢,唔係就會變咗直接喺信用卡戶口提款嘅現金透支,要俾貴一貴嘅手續費同利息!歐洲嘅ATM,以Plus同Cirrus網絡居多,一般都唔使專登去搵;但如果有需要,亦可以去Visa網站或者Mastercard網站搵櫃員機位置。

Plus / Cirrus

最穩陣嘅做法,就係直接同銀行申請一張Plus或者Cirrus提款卡。但係,依家香港好多銀行(包括恒生、中銀、東亞等)都已經唔再發行Plus同埋Cirrus提款卡。其中,香港嘅銀行中只有Citibank花旗銀行係預設提供Cirrus提款卡,個銀行戶口仲要無最低存款額,絕對係最好嘅選擇。另外,匯豐同渣打銀行雖然預設都只提供銀聯提款卡,但符合有關要求之下都可以額外申領Plus(匯豐)或者Cirrus(渣打)提款卡,攞嚟去海外提款。(依家申請Citi出糧戶口可以賺高達$16,500回贈,申請渣打出糧戶口可以賺高達$7,000回贈!)

睇到呢到,可能好多人會覺得為咗一次旅遊搞咁多嘢要開銀行戶口好麻煩。但事實上,筆者會做足準備嘅原因,係因為歐洲嘅大城市普遍扒手猖獗,現金好容易會被人偷被人搶。筆者嘅朋友之中,就有人經曾經因為銀包被人偷咗,喺無cash嘅情況下迫住提早完結行程。但如果做多一重保險措施,旅遊嘅時候將一張香港提款卡放喺貼身嘅防盗腰包或者其他地方,咁就就算被人偷嘢都可以去㩒錢繼續原有行程。

提款手續費方面,一般發卡機構同銀行都會收取一定費用,包括兌換手續費(約1%)同提款手續費(大概幾十蚊)。收費詳情同匯率,要分別同個別銀行確認。但其實,由於經由ATM提款嘅匯率一般好過找換店,就算加埋手續費,唱錢成本亦都係同去找換店唔差得幾遠

信用卡

值得一提嘅係,歐洲嘅信用卡文化非常流行;就算係小額消費,都通常會接受用信用卡俾錢,咁就唔使帶咁多現金喺身,就算真係俾人偷嘢都無咁傷。其中,一啲回贈率比較高嘅信用卡,仲可以喺抵銷海外簽賬手續費之餘額外再賺取可觀嘅回贈,詳情可以參考呢篇海外簽賬攻略

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)