儲里數定現金回贈抵?一篇文分析邊樣最啱你!

#飛行里數vs現金回贈 #儲miles定cash rebate #儲miles vs cash back #Asia Miles抵唔抵換

新客經本網申請渣打Smart卡,毋須簽賬額外賺$1,200,連同迎新簽$4,000合共賺$2,400!

新客經本網申請恒生MMPOWER卡,額外送$1,500/AirPods/Switch!就算係舊客都有額外$700!

新舊客經本網申請AE Explorer卡,額外賺$1,000!迎新再賺高達$4,260/71,000里!

新舊客經本網申請信銀Motion卡,額外賺$1,000!連同迎新賺高達$2,000!

新客經本網申請sim Credit,迎新賺高達$1,500!

新客經本網申請AEON WAKUWAKU,迎新賺高達$1,400!

(最後更新:2020年7月)

玩信用卡其中一條最多人問嘅問題,一定係儲miles好定cash rebate好。呢條問題其實好難一概而論,好睇你平時嘅旅行習慣。簡單嚟講,如果你旅行一定要坐國泰,或者一定要坐business,就會係儲miles抵;相反,如果你對轉機/廉航並唔抗拒,平時旅行都係邊間airline平就揀邊間,咁就會係儲cash rebate比較適合。

詳細分析之前,首先簡單講返miles同cash rebate各自有咩好處:

現金回贈

優點:

  • 有彈性同最實際,通常可以直接抵銷簽賬額,簽得唔多都回到,唔駛儲幾年先換到一張機票
  • 回贈返嚟嘅錢唔一定要去旅行創造新嘅消費,可以買iPhone買衫,又可以儲起
  • 可以用嚟買平好多嘅廉航/轉機機票,又可以吼sale搶平機票,同埋隨時想飛就飛
  • 回贈完再碌卡買機票,可以再賺多筆現金回贈,例如用滙豐張Red卡上網買就再食多成4%

缺點:

  • 旺季尤其係紅日連假要硬食貴機票
里數

優點:

  • 旺季換機票都係一樣咁多里數就換到,唔駛硬食貴機票
  • 換Premium Econ同Business抵過俾錢買機票好多

缺點:

  • 如果本身消費唔係多,要儲好耐先儲到一張機票,成家人去旅行就仲死
  • 要預早一大輪換機票,如果份工請假無咁有彈性,或者要同朋友夾期去旅行,就好麻煩
  • 旺季熱門地方機票一定要預早成年去換,仲要未必一定換到
熱門航線案例分析

以下小編會用啲熱門航線,分析下儲Asia Miles定cash rebate飛econ抵。以下回贈計算都係會用返信用卡基本回贈率去計,儲miles就用最抵張東亞Flyer Word $5/里,儲cash rebate就用最高張安信Earnmore每年頭$200,000回2%,其後用渣打Simply Cash無上限1.5%。至於其他個別迎新/限時限類別promo實在太多,就唔係到計埋。

Asia Miles換算表(單程)

asia-miles-E694B9E8A1A8-E696B0E8A1A8E6A0BC

超短途:台北

首先,用最多人會飛嘅台北做例子。以Asia Miles嚟計,換張國泰台北來回機票要15,000里,以 $5/里計算,即係要碌$75,000,再額外比大概$400稅。同樣係碌$75,000,如果以2%現金回贈計算,可以回到$1,500,補多幾十蚊已經夠買淡季國泰連稅嘅機票,仲未計搭其他航空公司可能仲平啲。以淡季計,現金回贈贏晒。

短途:東京

然後,講下鄉下日本。用Asia Miles換國泰東京來回機票,只係比台北貴少少,只需要20,000里,以$5/里計算,即係要碌$100,000,再加大概$500稅。如果以2%現金回贈計算,碌$100,000總共可以回到$2,000,正常無做promo係唔夠買張國泰/其他傳統airline機票。但如果你ok廉航,淡季搭快運飛東京其實$2,000已經夠買張連稅機票再加埋額外行李費同埋飛機餐。飛東京嘅話,正如一開始所講,要搭國泰就儲miles贏,可以搭廉航就cash rebate贏。

中途:悉尼(雪梨)

澳洲呢邊,以飛悉尼計,來回Asia Miles總共要44,000里,以$5/里計算,總共要簽$220,000,再加約$1,000稅。如果以頭$200,000 2%現金回贈,其後$20,000 1.5%回贈計,總共回贈有$4,300,同平時淡季國泰/其他傳統airline唔連稅嘅機票價錢差唔多。但如果肯搭星航轉機,$4,300其實已經差唔多夠買張連稅機票。淡季嚟講,飛澳洲嘅話cash rebate會抵玩啲;旺季雖然miles抵啲,但前提係要換到。

長途:倫敦

再睇遠少少,飛歐洲。以飛倫敦嚟計,來回Asia Miles總共要60,000里,以$5/里計算,即係要碌$300,000,再加大概$1,500稅。如果以頭$200,000 2%現金回贈,其後$100,000 1.5%回贈計,總共回到$5,500。其實$5,500已經夠買中東三寶轉機去歐洲嘅連稅機票,服務同硬件仲要好過國泰,而且呢個價錢亦都夠買淡季直航唔連稅嘅機票。小編自己飛歐洲就鐘意搭中東三寶,貪佢價錢平啲,坐得舒服啲,中間又可以停一停,所以小編就會揀cash rebate。

超長途:紐約

最後,睇埋去紐約嘅超長途航線。用Asia Miles換,來回總共84,000里,用$5/里計,即係要碌$420,000,再加大概$1,500稅。以頭$200,000 2%現金回贈,其後$220,000 1.5%回贈計,總共回到$7,300。以淡季嚟講,其實$7,300隨時已經買到國泰連稅機票仲有找,仲未計飛其他美國airline同轉機仲平。淡季嚟講,似乎都係cash rebate贏。

總結

其實講咗一大輪,歸根究底,儲里數定現金回贈好最主要都係睇你對旅行有幾有要求,有幾有生活態度。一言以蔽之,如果要坐Premium Econ坐Business或者有國泰情意結,請假又有彈性,就比較啱儲Asia Miles;如果平時旅行坐慣廉航,飛得遠唔怕轉機,就都係現金回贈更經濟實惠。

借定唔借?還得到先好借!

唔想錯過信用卡回贈優惠?即刻Follow我哋FB PageIG!最緊要加入埋WhatsApp Channel!仲可以訂閱電子報呀!

本網站所載資料只供參考,有關產品詳情請以金融機構所提供的資訊及/或有關連結內的內容為準。

分享

留言(你的電郵不會被公開)

發佈留言必須填寫的電子郵件地址不會公開。 必填欄位標示為 *