滙豐EveryMile卡攻略 – 指定商戶高達2.5%獎賞錢回贈(即$2/里)、迎新高達$1,000獎賞錢(即20,000里)！

#滙豐信用卡 #HSBC EveryMile Card #滙豐EveryMile卡優惠 #滙豐EveryMile卡積分回贈 # #滙豐EveryMile卡迎新 #滙豐獎賞錢

（最後更新：2024年9月）

滙豐EveryMile卡，顧名思義係主打儲里數，比起一般滙豐信用卡，呢張卡以「獎賞錢」換里數有高達雙倍兌換率。不過就算計現金回贈，張卡喺指定商戶簽賬都有2.5%回贈，其他簽賬亦有1%回贈，以現金回贈嚟講亦相當吸引。另外張卡喺Agoda預訂酒店可享低至85折！新客而家開卡可以賺到高達$1,000「獎賞錢」；而現有客戶亦可享高達$400「獎賞錢」！

張卡同其他滙豐信用卡一樣，係以「獎賞錢」方式回贈，而呢張卡$1「獎賞錢」可以換到20里數 / 酒店積分。若果有玩開里數 / 酒店積分， 咁滙豐EveryMile卡唔使諗係一定申請得過！唔使講其他，淨係佢指定商戶簽賬低到HK$2=1里，已經抵過哂好多里數卡。佢嘅指定商戶包括有交通、網上娛樂、飲咖啡等類別；特別係揸車嘅話，泊車入油過隧道都賺到回贈！

張卡喺簽賬回贈出路方面彈性亦好高，有成多達15間飛行里數同酒店積分計劃俾你揀！

滙豐EveryMile卡賣點

• 指定商戶簽賬2.5%回贈（$2=1里）（最新商戶名單以官網為凖）
  
• 其他本地及海外簽賬無上限1%獎賞錢回贈（$5=1里）
• 配合滙豐EveryMile卡專享海外簽賬優惠，一經登記，外幣簽賬可再享額外1.5%獎賞錢回贈，連同基本回贈即2.5%（$2=1里）
  • 每季下限累積簽滿$8,000，上限簽$15,000
• 配合HSBC Travel Guru會員計劃，海外實體店簽賬可再享高達額外6%回贈（海外簽賬1.95%手續費）
• 回贈可兌換多達15個飛行常客計劃或酒店獎勵計劃
• 免費入環亞機場貴賓候機室及免費旅遊保險（見下文）
• 於Agoda預訂全球酒店可享低至85折優惠

迎新禮遇

• 新客60日內簽$8,000可享$800「獎賞錢」，連同指定商戶簽賬2.5%回贈高達$1,000「獎賞錢」（即20,000里）
• 現有客戶60日內簽$8,000可享$200「獎賞錢」，連同指定商戶簽賬2.5%回贈高達$400「獎賞錢」（即10,000里）

今期個迎新做到2025年2月28日，迎新會喺完成簽賬要求後2個月內入賬。留意返滙豐信用卡嘅迎新係唔計電子錢包，係真係要去簽嚟買嘢。（上述迎新／迎舊只適用於無喺12個月之內取消過滙豐信用卡嘅客戶）

滙豐EveryMile卡
>>>立即申請<<<

注意事項

• 儲里數先最抵
• 上網喺海外商戶簽港幣（CBF）有1%手續費

由於呢張卡主打係里數，最抵用法點都會係儲里數。若果你鐘意現金回贈，張卡指定商戶簽賬有2.5%都實在唔差。留意返指定商戶「網上娛樂平台」類別其實簽返滙豐Red卡4%會抵啲。另外，如果上網喺海外商戶簽港幣，好似App Store／Netflix／Spotify／Airbnb咁，滙豐係會收返1%手續費。詳情可以睇返呢篇海外簽賬DCC/CBF手續費陷阱詳解。

滙豐EveryMile卡專享優惠

免費旅遊保險
即日起至2024年9月30日，以滙豐EveryMile卡全數支付旅遊費用，持卡人及同行配偶與子女可享免費旅遊保障，保險更涵蓋手機保障及旅程取消保障。詳情請參閱條款及細則。

環亞機場貴賓候機室
每年可免費專享環亞機場貴賓候機室之設施或指定機場食肆之免費餐飲服務。2024年7至8月可享一次；2024年9至12月可享6次，每次享用後須於60日內累積合資格簽賬滿$4,000。有關名單請參閱官網。

Agoda低至85折優惠
即日起至2024年12月31日，以滙豐EveryMile卡透過指定網頁喺Agoda.com預訂酒店，可享85折優惠，名額先到先得。85折優惠額滿後，仍然可以享有92折優惠。詳情請參閱活動網頁。

滙豐EveryMile卡
>>>立即申請<<<

FAQ

滙豐EveryMile卡有無年費？

呢張卡首年免年費，之後年費就係$2,000。根據官方講法，張卡要每年簽夠$80,000先可以免到第二年起嘅年費。

係咪要新客戶先有迎新？點先算係新客戶？

正如上文所述，滙豐係同時有做迎新同迎舊。要食到今次嘅迎新／迎舊，前提係要無喺12個月之內取消過滙豐信用卡。如果乎合上述要求，而手頭上無任何滙豐信用卡，就可以食到迎新；如果有其他滙豐信用卡而無呢張，就可以食到迎舊。

迎新合資格簽賬計啲咩？PayMe計唔計？

滙豐信用卡係無得零成本食迎新，係要老老實實去簽。參考返T&C原文：「合資格簽賬」指於批卡後首 60 個曆日內以合資格信用卡所作的累積簽賬淨額，並於核實持卡人有資格獲享優惠時已誌賬的交易。以下交易並不是合資格簽賬：財務及銀行費用：年費、財務費用、逾期費用； 以附屬卡作的交易；郵購、傳真及電話訂購；透過滙豐流動理財及／或網上理財繳費；購買及／或充值儲值卡的交易（包括透過電子錢包或任何其他途徑增值八達通之交易）；以電子錢包所作的交易（包括增值電子錢包）；八達通自動增值；於「獎賞錢」購物網及其他推廣進行的換購交易；現金貸款、「現金套現」分期計劃及「現金套現」計劃的提款金額；「現金套現」分期計劃、「現金套現」計劃、「簽賬分期計劃」及其他分期計劃之供款金額；於非金融機構的半現金交易（包括購買外匯、匯票及旅行支票）；於金融機構的半現金交易（包括購買銀行產品及服務）電匯；賭博交易；繳稅；自動轉賬、循環付款；所有未誌賬／取消／退款的交易。

滙豐EveryMile卡小檔案

• 指定商戶簽賬：2.5%「獎賞錢」回贈
• 其他本地簽賬：1%「獎賞錢」回贈
• 海外簽賬：1%「獎賞錢」回贈（1.95%手續費）
• 八達通自動增值：0.4%「獎賞錢」回贈
• PayMe：0.4%「獎賞錢」回贈
• 支付寶／微信支付：無回贈
• E-banking繳費：0.4%「獎賞錢」回贈 （每月首$10,000）
• E-banking交稅：無回贈
• 年費：$2,000（首年免年費，第二年起每年簽夠$80,000豁免年費）
• 年薪／資產要求：$240,000／$300,000

受條款及細則約束：滙豐EveryMile卡 T&C、迎新T&C