中銀i-Card虛擬卡攻略 – Apple Pay/Boc Pay/雲閃付4%回贈！

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈  #雲閃付信用卡回贈 #Huawei Pay信用卡回贈 #BoC Pay信用卡回贈 #中銀虛擬卡年費豁免

（最後更新：2024年1月）

中銀i-Card虛擬卡，雖然唔係好多人識，但其實攞嚟做小額交易係幾好用！呢張卡其實係積分卡，但一樣可以換返現金回贈。張卡做緊個「網上簽賬交易10X積分獎賞」同「手機支付交易10X積分獎賞」優惠，即係網上簽賬同手機支付都係每簽$1=10分，相當於4%現金回贈！小編實測仲要連雲閃付繳費都計到4%！

所謂虛擬卡，即係中銀唔會真係出張卡比你，啲卡number同安全碼只係會存放喺個App入面睇到，攞嚟做網上交易同電子錢包俾錢。呢張虛擬卡係要透過中銀個BoC Pay App另外申請（BoC Pay攻略）。

中銀i-Card虛擬卡賣點

• 每月首$1,111 BoC Pay／雲閃付App／Apple Pay／Huawei Pay零售簽賬$1=10分（即4%現金回贈）
• 每月首$1,111網上簽賬$1=10分（即4%現金回贈）（網購信用卡攻略）
  • 小編實測連雲閃付繳費都計到網上4%
• 永久免年費

張卡嘅主打賣點，係網上簽賬同埋手機支付有10X積分，相等於4%現金回贈。留意返網上簽賬同手機支付嘅限額係分開計，即係每月上限可以網上簽賬$1,111賺額外10,000分，再加手機支付$1,111賺額外10,000分（相等於$40回贈）。張卡嘅額外9X積分會喺下個月入賬，可以上網上理財換返現金回贈，或者喺BoC Pay俾錢嘅時候即時扣減簽賬。優惠期至2024年12月31日。

如果用開Apple Pay，就可以玩完SOGO VS卡嘅5.4%回贈（每月首$2,000）同大灣區鑽石嘅4.4%回贈（每月首$2,500）先再玩呢張卡。

迎新禮遇

• 即日起至2024年12月31日
• 只限全新中銀信用卡客戶（過往12個月未曾持有中銀信用卡），不適用於學生
• 新客於批卡月及其後首3個曆月以BoC Pay／雲閃付App／Apple Pay／Huawei Pay簽賬額外10%回贈，上限簽$3,000回贈$300
  • 批卡後22個星期內入賬
• 如果本身未有中銀信用卡，小編會建議考慮開咗Chill卡食額外獎賞先，然後等批咗卡再自己開返呢張卡

BoC Pay App申請：Android｜iOS｜官網

注意事項

• 銀聯唔係間間鋪都收
  • Apple Pay要同店員講明係「Apple Pay銀聯」
• 基本回贈率得0.4%
• 手機/網上支付4%回贈每個月簽$1,111就爆

除咗個迎新，呢張卡其實無咩伏位，定位非常清晰，就係攞嚟拍手機俾錢。唯一嘅缺點，就係每個月$1,000嘅限額唔係太夠喉。

中銀i-card雙幣鑽石卡（虛擬卡）禮遇

名貴轎車機場接送禮遇
累積零售簽賬滿$3,000，交易次數唔多過兩次，可以$300享用轎車機場接送服務，包括香港、北京、上海機場往返市區，同深圳機場往返香港。詳細請參閱推廣網頁。

雙幣卡、大灣區繳費
話明係雙幣卡，呢張卡其中一個主打當然就係方便去內地消費、仲可以喺「大灣區」到用嚟繳費。詳細可以睇返官網嘅詳細資料。

中銀i-Card虛擬卡小檔案

• BoC Pay／雲閃付App／Apple Pay／Huawei Pay零售簽賬：$1=10分，相等於4%回贈（每月首$1,111）
• 網上簽賬：$1=10分，相等於4%回贈（每月首$1,111）
• 其他簽賬：$1=1分，相等於0.4%回贈
• 網上理財繳費：$1=1分，相等於0.4%回贈（每月首$10,000）
• 永久免年費
• 年薪要求：$150,000

受條款及細則約束：網上、手機支付回贈T&C、迎新T&C