全城最紅!滙豐Visa Signature卡攻略 – 本地餐飲簽賬高達3.6%「獎賞錢」回贈、網上及海外簽賬高達5.6%「獎賞錢」回贈、迎新高達$1,088「獎賞錢」!

#滙豐信用卡 #滙豐Visa Signature卡優惠 #滙豐Visa Signature卡積分回贈 # #滙豐Visa Signature卡迎新 #滙豐獎賞錢 #滙豐最紅主自獎賞 #滙豐HSBC VS #最高餐飲食肆回贈 #最抵飯卡 #最抵現金回贈信用卡  #滙豐信用卡好唔好 #滙豐VS年費豁免 #2021年最紅自主獎賞

未夠年薪申請滙豐VS卡?都可以開住張滙豐白金卡先搏佢遲啲upgrade!

(最後更新:2021年8月)

滙豐Visa Signature卡,可以話係全城最紅嘅信用卡,亦係好多初入社會人工唔高嘅打工仔嘅dream card(事關要求年薪$360,000/資產$400,000)!呢張卡最巴閉嘅,係「最紅自主獎賞」入面五大類別嘅簽賬都有額外1.2%「獎賞錢」回贈,加埋本身0.4%基本回贈就已經有1.6%「獎賞錢」,中埋「最紅自主獎賞」自選類別仲再多2%,夾埋高達3.6%「獎賞錢」回贈!

依家開卡迎新仲可以賺到高達$1,088「獎賞錢」,就算係現有客戶都有高達$588「獎賞錢」!滙豐啲信用卡其實真係好多回贈好抵玩,唯一麻煩就係玩法比較複雜;但其實佢啲優惠嚟嚟去去都係咁玩,一里通馬國明,睇完下面篇文就會明晒!

滙豐Visa Signature卡賣點
  • 最紅自主獎賞五大類別簽賬額外1.2%「獎賞錢」回贈
  • 最紅自主獎賞自選類別高達3.6%「獎賞錢」回贈
  • 網上/海外簽賬高達5.6%「獎賞錢」回贈(海外簽賬信用卡攻略
  • 大量推廣優惠

睇完上面三個回贈率,都知呢張卡有幾屈機啦!五大類別簽賬有成1.6%「獎賞錢」回贈,之後嘅最紅自主獎賞自選類別簽賬高達3.6%「獎賞錢」,同網上/海外簽賬高達5.6%「獎賞錢」,其他銀行更加係望塵莫及!滙豐仲要年中成日做好多promo,一陣簽夠某個數又有額外「獎賞錢」回贈,一陣用流動電話付款又有額外回贈!

RewardCash 「獎賞錢」

滙豐嘅「獎賞錢」RewardCash 玩法簡單易記,$1「獎賞錢」=HK$1,唔使慢慢計積分。只要download咗佢個Reward+ App(AniOS),就可以直接用「獎賞錢」扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當HK$2嘅promo,有時又可以好平咁攞嚟換禮券,甚至換返miles都得!

滙豐信用卡玩法(Red卡除外)

講咗咁耐,滙豐啲卡究竟係點玩?滙豐信用卡嘅「獎賞錢」基本回贈一律係0.4%,如果簽賬中「最紅自主獎賞」嘅自選類別就有額外5X「獎賞錢」,即係多2%。而VS最筍嘅,就係五大類別簽賬有多3X「獎賞錢」,即係再多1.2%。另外,網上同海外簽賬,每季只要簽夠HK$5,000又再多5X「獎賞錢」,即係再多2%回贈。大家只要照住下面個表執藥咁睇返自己中幾多樣嘢,就可以加返每項簽賬有幾多回贈,而每行嘅details下面會繼續講。

回贈

簽賬上限

簽賬下限

基本回贈

0.4%

「最紅自主獎賞」

2%

每年HK$100,000

(即每年最多可享$2,000「獎賞錢」)

「最紅網上及海外簽賬獎賞」

2%

每季HK$15,000

(即每季最多可享$300「獎賞錢」)

每季HK$5,000

VS五大類別

1.2%

每年HK$100,000

合共

5.6%

「最紅自主獎賞」

所謂最紅自主獎賞,就係滙豐揀咗五大類別嘅簽賬出嚟(見下圖),你可以自由分配5X嘅「獎賞錢」(即2%回贈)落去,但通常都係會揀其中一個簽得最多嘅類別all in,咁簽呢個自選類別就會有高達2.4%回贈登記網址)。最實用最多人揀會係「賞滋味」用嚟食飯,成日飛嘅會揀「賞世界」海外簽賬,亦可以揀「賞家居」嘅超市同傢俬電器鋪(超市信用卡攻略)。「最紅自主獎賞」簽賬上限係每年HK$100,000,詳情可以參考官網介紹,而「賞家居」、「賞生活」同「賞品味」嘅商戶名單可以係下面見到(最新商戶名單以官網為準)。留意返,「最紅自主獎賞」揀嘅類別係會跟死你身份證號碼其下嘅所有卡,同埋只有每年年尾先可以轉類別。

Visa Signature額外回贈

滙豐Visa Signature特別矜貴嘅地方,係佢有專屬嘅「Visa Signature額外回贈」,喺下面五個類別全部都有再多1.2%「獎賞錢」回贈(即3X);夾埋基本0.4%回贈,VS只要中自主類別就有3.6%「獎賞錢」回贈,中其他四大類別亦有1.6%「獎賞錢」回贈,簽賬上限一樣係每年$100,000。留意呢額外1.2%係只限五大類別,唔係所有簽賬都有(例如一般零售小店都唔會係五大類別)。

五大類別

賞家居、賞生活、賞品味商戶名單

正如前文所述,你揀嘅自主類別係跟死你個身份證號碼,所以就衍生咗一樣嘢叫「附屬卡大法」。如果你幫啲本身無滙豐信用卡/VS卡嘅親友開張附屬卡,因為呢張附屬卡係跟第二個身份證號碼,所以就可以揀其他自主類別,咁就可以唔同類別都食到3.6%啦!雖然張附屬卡一開就會收年費,但打上去就waive到!

「最紅網上及海外簽賬獎賞」

喺「最紅網上及海外簽賬獎賞」呢個優惠下,只要憑滙豐信用卡每季(1至3月、4月6月,如此類推)嘅網上同海外簽賬夾埋累積夠$5,000,一經登記,就可以賺多2%「獎賞錢」回贈。假設「最紅自主獎賞」all in「賞世界」海外簽賬,咁VS卡加埋就有成0.4%+2%+2%+1.2%=5.6%回贈(但要扣返1.95%手續費)!同樣地,如果網上簽賬中埋「最紅自主獎賞」all in嘅自選類別,例如揀賞品味然後上網買hktvmall,VS卡亦都可以賺到高達5.6%回贈!呢個優惠每季簽賬HK$15,000就會封頂,詳情可以參閱官網簡介。今期「最紅網上及海外簽賬獎賞」暫時寫做到2021年12月31日。

睇完上面堆字,恭喜你已經成功學到滙豐信用卡嘅回贈係點玩。總之基本回贈就係0.4%,然後只要對住上面個表照單執藥,就可以計到筆簽賬有幾多回贈。

迎新禮遇
  • 新客60日內簽HK$8,000可享$800「獎賞錢」,連同最紅自主獎賞簽賬回贈高達$1,088「獎賞錢」
  • 舊客60日內簽HK$8,000可享$300「獎賞錢」,連同最紅自主獎賞簽賬回贈高達$588「獎賞錢」

而至於迎新方面,今期個迎新做到2022年2月28日,除咗首兩年免年費,全新滙豐信用卡客戶只要批卡後60日內碌滿HK$8,000合資格簽賬,就可享$800「獎賞錢」*;如果係現有客戶,亦都可享$300「獎賞錢」*!而呢個迎新/迎舊仲要係未計張卡本身嘅回贈,即係話如果開卡之後直接簽HK$8,000自主類別交易(3.6%回贈),仲可以再賺多$288「獎賞錢」!迎新會喺完成簽賬要求後2個月內入賬。留意返滙豐信用卡嘅迎新係唔計電子錢包,係真係要去簽嚟買嘢。(上述迎新/迎舊只適用於無喺2021年2月1日或之後取消過滙豐信用卡嘅客戶)

滙豐Visa Signature卡:立即申請
滙豐白金Visa卡:立即申請

伏位

留意返滙豐信用卡基本回贈係0.4%,要配合返上面嘅「最紅自主獎賞」、「最紅網上及海外簽賬獎賞」同VS卡嘅「額外獎賞錢」嚟獲取高額回贈。另外如果係網上簽賬,一般簽滙豐Red卡有4%回贈會更加抵。

特選客戶優惠

呢張卡仲有一樣嘢好正,就係成日都會有特選客戶優惠,例如每個月簽夠指定金額又可以再賺多2%回贈,甚至連交稅都有,直頭好似打機做任務咁!如果唔想miss咗呢啲特選優惠嘅話,大家可以去返網上理財最底個聯絡喜好設定,揀返接受郵件推廣。

滙豐Visa Signature卡專享優惠

Agoda 85折優惠
即日起至2021年12月31日,以滙豐VS卡透過指定網頁喺Agoda.com預訂酒店,可享85折優惠,名額先到先得。85折優惠額滿後,仍然可以享有92折優惠。詳情請參閱活動網頁

英皇戲院優惠
以滙豐VS卡係英皇戲院票房/網站/App購買戲飛,星期一至五可享正價2D戲飛買一送一、細爆谷買一送一及正價3D戲飛9折優惠,星期六及日可享正價2D戲飛9折優惠。詳情請參閱活動網頁

環亞機場貴賓室
即日起至2021年12月31日,以滙豐VS卡單一簽賬滿$1,500,可以免費享用香港機場環亞機場貴賓室服務一次,名額先到先得,並須出示簽賬存根/單據正本。詳情請參閱活動網頁

酒店餐飲優

  • 香港尖沙咀凱悅酒店咖啡廳、希戈餐廳、凱悅軒用饍尊享85折優惠(詳情)
  • 香港半島酒店大堂茶座、露台餐廳、吉地士、瑞樵閣及Felix餐廳用饍尊享9折優惠(詳情)
FAQ

滙豐VS有無年費?

呢張卡首兩年免年費,之後年費就係$2,000,但其實兩年後見到月結單收年費可以打電話waive。就算真係waive唔到,只要即刻cut卡就唔使交,而兩年後cut卡亦唔會有任何罰則。但其實小編so far都無聽過滙豐會唔肯waive年費,所以大家可以放心開卡賺迎新!

係咪要新客戶先有迎新?點先算係新客戶?

正如上文所述,滙豐係同時有做迎新同迎舊。要食到今次嘅迎新/迎舊,前提係要無喺2021年2月1日或之後取消過滙豐信用卡。如果乎合上述要求,而手頭上無任何滙豐信用卡,就可以食到迎新;如果有其他滙豐信用卡而無呢張,就可以食到迎舊。

滙豐VS係咪簽咩都最少有1.6%回贈?

正如上文所述,滙豐VS係要簽得中五大類別先最少有1.6%回贈;如果所有類別都唔中(例去如Apple Store分店買iPhone),基本回贈就係0.4%

可唔可以開幾張信用卡揀晒咁多個最紅類別?

正如上文所述,自主類別嘅選擇係跟死你身份證,所以就算開齊VS、白金、銀聯,全部卡印住同一個名都只會係同一個自主類別。但如果幫親友開附屬卡嘅話,因為佢地張卡係第二個名,就可以揀到其他類別。

迎新合資格簽賬計啲咩?Payme計唔計?

滙豐信用卡係無得零成本食迎新,係要老老實實去簽。參考返T&C原文:「合資格簽賬」指於批卡後首 60 個曆日內以合資格信用卡所作的累積簽賬淨額,並於核實持卡人有資格獲享優惠時已誌賬的交易。以下交易並不是合資格簽賬:財務及銀行費用:年費、財務費用、逾期費用; 以附屬卡作的交易;郵購、傳真及電話訂購;透過滙豐流動理財及/或網上理財繳費;購買及/或充值儲值卡的交易(包括透過電子錢包或任何其他途徑增值八達通之交易);以電子錢包所作的交易(包括增值電子錢包);八達通自動增值;於「獎賞錢」購物網及其他推廣進行的換購交易;現金貸款、「現金套現」分期計劃及「現金套現」計劃的提款金額;「現金套現」分期計劃、「現金套現」計劃、「簽賬分期計劃」及其他分期計劃之供款金額;於非金融機構的半現金交易(包括購買外匯、匯票及旅行支票);於金融機構的半現金交易(包括購買銀行產品及服務)電匯;賭博交易;繳稅;自動轉賬、循環付款;所有未誌賬/取消/退款的交易。

滙豐VS卡小檔案
  • 五大類別簽賬:1.6%「獎賞錢」回贈(每年首$100,000)
  • 「最紅自主獎賞」簽賬:高達3.6%「獎賞錢」回贈(每年首$100,000)
  • 網上簽賬:配合「最紅自主獎賞」高達5.6%「獎賞錢」回贈
  • 海外簽賬:配合「最紅自主獎賞」高達5.6%「獎賞錢」回贈(1.95%手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • Payme:0.4%「獎賞錢」回贈
  • 支付寶/微信支付:無回贈
  • E-banking繳費:0.4%「獎賞錢」回贈 (每月首$10,000)
  • E-banking交稅:無回贈
  • 年費:HK$2,000(首兩年免年費,之後打電話waive
  • 年薪/資產要求:HK$360,000/HK$400,000

滙豐Visa Signature卡:立即申請

*受條款及細則約束:「最紅自主獎賞」T&C「最紅網上及海外簽賬獎賞」T&C迎新T&C滙豐VS T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

10 則留言

  1. 請問如果附屬卡無rewards+,獎賞錢係計入主卡定係附屬卡戶口?

  2. 想問呢排有冇得經你地申請有額外獎賞。thankss

  3. 請問附屬卡點揀自主類別? 附屬卡冇得在Reward+揀自主類別

  4. VS 5 categories should be 0.4 + 1.2 = 1.6%?
    You said 2.4%…

  5. 想問下有冇最低簽脹額, 例如我簽150又 中自主同五大類別 係咪會有150*3.6% ge RC REWARDS ?

留言(你的電郵不會被公開)