[現金回贈信用卡攻略] 2025最高回贈信用卡比較/推薦組合

#最高回贈信用卡組合 #現金回贈信用卡比較 #現金回贈開邊張卡 #必開必備現金回贈信用卡 #現金回贈信用卡懶人包

想開多幾張卡賺迎新？即睇必食信用卡迎新大全！

（最後更新：2025年1月）

小編精挑細選咗2025年現金回贈嘅最強信用卡組合，等大家可以賺盡回贈！

小編分別準備咗 (1)基本組合同 (2)進階組合：基本組合就少卡啲同易用啲，最緊要係無簽賬下限，但低回贈少少；進階組合就多卡啲同複雜啲，要計數但最高回贈。大家可以按自己需要去揀！記住碌埋落去睇每張卡詳情！

如果係基本版組合，最最最簡單入門開最少卡，可以開 (1) 滙豐Red卡 + (2) 東亞World Mastercard，再搭張 (3)渣打Simply Cash／安信EarnMORE保底，咁回贈都已經唔錯。

簡單信用卡組合（無簽賬下限，每個類別可以揀一兩張）

• 網上（網購信用卡攻略）：
  • 滙豐Red卡 4%（每曆月首$10,000簽賬）
  • AEON WAKUWAKU卡 6%（每月結單首$5,000簽賬）
• 食飯（食肆信用卡攻略）：
  • 東亞World Mastercard 4%（每曆月首$11,111）
  • 滙豐Visa Signature [自選賞滋味] 3.6%（每年首$100,000簽賬）
• 海外（旅行信用卡攻略）：
  • 東亞World Mastercard 4%（每曆月首$11,111，唔計歐洲）
  • 滙豐Visa Signature [自選賞世界] 3.6%（每年首$100,000簽賬）
• Apple Pay／Google Pay（手機付款信用卡攻略）：
  • 安信WeWa卡 6%（每曆月首$3,572簽賬）（無Goolge Pay）
  • 中銀SOGO VS 5.4%（每曆月首$2,000簽賬）
• 超級市場：
  • 每間超級市場唔同，可以睇返超市信用卡攻略
• 其他一般簽賬：
  • 安信EarnMORE 2%（每年首$150,000簽賬）
  • 渣打Simply Cash 1.5%（無上限）
• 八達通自動增值：
  • 渣打Simply Cash 1.5% （無上限）

進階信用卡組合（高回贈但要計住簽賬上下限）

• 網上（網購信用卡攻略）：
  • AEON WAKUWAKU卡 6%（每月結單首$5,000簽賬）
  • 恒生MMPOWER 5%（每曆月首$10,870，下限$5,000）
  • 中銀Chill Card 5%（每曆月首3,260）
  • 東亞BEA GOAL 4.4%（每曆月首$5,000簽賬，下限$2,000）
  • 滙豐Red卡 4%（每曆月首$10,000簽賬）
  • 東亞i-Titanium 4%（每曆月首$8,333簽賬，下限$2,000）
• 食飯（食肆信用卡攻略）
  • DBS Eminent VS 5%（每曆月首$8,000簽賬，單一要滿$300）
  • 恒生Travel+ VS 5%（每曆月首$10,870，下限$6,000）
  • 東亞World Mastercard 4%（每曆月首$11,111）
  • 中銀Cheers VI 4%（每曆月首$25,000，下限$5,000）
• 海外（旅行信用卡攻略）：
  • 滙豐Visa Signature [自選賞世界] 連同Travel Guru第一級 6.6%（首年首$20,000簽賬，下限3個曆月內簽$8,000）
  • 恒生Travel+ VS 日韓泰星澳 7%（每曆月首$7,576，下限$6,000）
  • 恒生MMPOWER 6%（每曆月首$8,929，下限$5,000）
  • 中銀Chill Card 5%（每曆月首3,260）
  • 東亞World Mastercard 4%（每曆月首$11,111，唔計歐洲）
  • 中銀Cheers VI 4%（每曆月首$25,000，下限$5,000）
• Apple Pay／Google Pay（手機付款信用卡攻略）：
  • 安信WeWa卡 6%（每曆月首$3,572簽賬）（無Goolge Pay）
  • 中銀SOGO VS 5.4%（每曆月首$2,000簽賬）
  • 中銀大灣區鑽石 4.4%（每曆月首$2,500簽賬）（無Google Pay）
  • 東亞BEA GOAL 4.4%（每曆月首$5,000簽賬，下限$2,000）
  • 東亞i-Titanium 4%（每曆月首$8,333簽賬，下限$2,000）

[為確保你賺到經本網成功申請額外獎賞（如有），小編強烈建議大家用Chrome申請（請避免用Safari或者Facebook in-app browser）。請確保你無封鎖tracking跨網站追蹤、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間避免開其他網站。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。 ]

 

=========簡單卡=========

 

滙豐Red卡

滙豐Red卡主打每個月首$10,000網上簽賬4%回贈，超級實用！攞嚟上網book機票酒店買iPhone咩都4%！

由2025年1月3日至1月31日6PM，新舊客經本網以下指定連結申請滙豐Red卡，再喺申請後7日內填返電郵內嘅換領表格（留意宣傳/垃圾郵件），同埋獲批後7日內提交批卡截圖，無須簽賬送$300 Apple禮品卡／惠康禮券*！就算本身有其他滙豐卡都一樣有份！詳細可以睇返滙豐Red卡攻略。

滙豐Red卡：立即申請
（申請後7日內要填返電郵換領表格）
（批卡後7日內要交返批卡截圖）

AEON CARD WAKUWAKU

AEON CARD WAKUWAKU，主打網上簽賬有成6%回贈！每個月結單周期上限回贈$300，計返即係可以簽成$5,000網購！

即日起至2024年12月31日6PM，新客經本網申請AEON CARD WAKUWAKU，迎新連同額外獎賞仲可以賺到高達$1,580！詳情可以睇返AEON WAKUWAKU卡攻略。

AEON WAKUWAKU卡：立即申請
（邀請碼：MHWAKU）
（申請後7日內要填返電郵換領表格）

東亞World Mastercard

東亞World Mastercard，主打食肆及海外簽賬有4%回贈！張卡每月嘅額外回贈上限係10萬分，即係上限簽$11,111。留意返呢張卡海外簽賬係唔計歐洲實體簽賬，同埋上述回贈只適用於揀咗獎分計劃而唔適用於里數計劃。詳情可以參考返東亞World Mastercard攻略。

東亞World Mastercard：立即申請

滙豐Visa Signature

全城最紅嘅滙豐Visa Signature，五大類別簽賬有1.6%回贈，而每年首$100,000自選類別簽賬更加有成3.6%回贈！如果自選揀「賞滋味」，就食肆簽賬有3.6%回贈！如果揀「賞世界」，就海外簽賬有3.6%回贈！再配合埋HSBC Travel Guru會員計劃，外幣簽賬可再享高達額外6%回贈！滙豐仲要年中成日做好多promo又額外多5%回贈，勁抵玩！張卡唯一缺點，就係唔中五大類別嘅話得0.4%回贈，所以要夾埋其他卡一齊用。

滙豐VS迎新，只要簽$8,000就可以賺到$800迎新／$200迎舊！詳細可以睇返篇滙豐VS攻略。如果未夠年薪開滙豐VS（$24萬），都可以開住張白金卡玩住先，自選類別簽賬都有2.4%回贈，仲可以搏佢upgrade！

滙豐Visa Signature卡：立即申請

安信WeWa

安信WeWa卡，今期主打Apple Pay有6%回贈！張卡每月嘅額外回贈上限係$200，即係簽$3,572就會爆。留意返個優惠係要登記。

WeWa銀聯卡今期迎新，簽$8,500就可以賺到$500回贈，或者簽$8,800就送大阪來回機票；而學生就簽$2,000送$400 Klook禮品卡！由2025年1月14日至2月3日，新客經本網以下指定連結申請安信WeWa銀聯卡，再喺申請後7日內填返電郵內嘅換領表格（留意宣傳/垃圾郵件），仲無須簽賬送$100現金回贈+$200惠康禮券*！夾埋張卡本身回贈就賺到成$834！呢張卡嘅迎新仲要係連用O!ePay玩八達通自動增值都計，所以零成本就可以簽得完！詳情可以睇返安信WeWa卡攻略。

安信WeWa銀聯卡：立即申請
（申請後7日內要填返電郵換領表格）

中銀SOGO Visa Signature

中銀SOGO Visa Signature，攞嚟做小額交易係勁好用！呢張卡主打Apple Pay／Google Pay／Samsung Pay簽賬額外5%回贈，夾埋本身積分就相等於5.4%回贈！張卡每月嘅額外回贈上限係$100，即係簽$2,000就會爆。詳情可以參考返呢篇中銀SOGO卡攻略。

中銀崇光Visa Signature卡：立即申請

安信EarnMORE卡

安信EarnMORE卡主打2%現金回贈，每年簽賬限額有成$150,000！

EarnMORE銀聯卡今期迎新，簽$8,500就可以賺到$500回贈；而學生就簽$2,000送$400 Klook禮品卡！由2025年1月14日至2月3日，新客經本網以下指定連結申請安信EarnMORE銀聯卡，再喺申請後7日內填返電郵內嘅換領表格（留意宣傳/垃圾郵件），仲無須簽賬送$100現金回贈+$200惠康禮券*！夾埋張卡本身2%回贈就賺到成$970！呢張卡嘅迎新仲要係連用O!ePay玩八達通自動增值都計（留意自動增值係0.4%回贈），所以零成本就可以簽得完！詳情可以睇返安信EarnMORE卡攻略。

安信EarnMORE銀聯卡：立即申請
（申請後7日內要填返電郵換領表格）

渣打Simply Cash

Simply Cash主打本地簽賬1.5%無上限現金回贈，簽幾多都唔會打爆，仲連八達通自動增值同PayMe都一樣有1.5%呀！詳細可以參考呢篇渣打Simply Cash攻略。

如果本身未有渣打信用卡，小編會建議開咗SMART卡食迎新先，因為個迎新抵好多仲要有額外獎賞，然後等批咗卡再自己開返呢張卡。

渣打Simply Cash：立即申請

 

=========進階卡=========

恒生MMPOWER卡

恒生MMPOWER卡，主打網上簽賬5%回贈、海外簽賬6%回贈。留意返呢個回贈係要每月累積簽賬滿$5,000先有。呢張卡每月額外獎賞上限係$500，以只簽海外計即上限簽$8,929／以只簽網上計即上限簽$10,870。

由2025年1月2日至1月31日，新客經本網以下指定連結成功申請恒生MMPOWER卡，再喺申請後7日內填返電郵內嘅換領表格（留意宣傳/垃圾郵件），同埋簽賬返$1,000，仲額外送$1,000 Apple禮品卡／$1,000惠康禮券／$1,000 trip.com禮券*！連埋信用卡迎新就賺到高達$1,700！或者就算係舊客都另外有迎舊！詳情可以參考恒生MMPOWER卡攻略。

恒生MMPOWER卡：立即申請
（申請後7日內要填返電郵換領表格）

中銀Chill Card

中銀Chill Card，主打網上同海外簽賬有5%回贈！張卡每月嘅額外回贈上限係$150，如果全部簽晒網上／海外簽賬就簽$3,260爆。詳情可以參考返呢篇中銀Chill Card攻略。

中銀Chill Card：立即申請

東亞BEA GOAL卡

BEA GOAL信用卡，主打Apple Pay、Google Pay、網上簽賬有高達4.4%回贈！上限簽$5,000額外回贈$200，但留意返每月入場門檻首先要累積簽賬滿$2,000，另外亦唔計超級市場、旅行社、政府部門簽賬交易。詳情可以參考返東亞BEA Goal卡攻略。

東亞BEA Goal卡：立即申請

東亞i-Titanium卡

BEA i-Titanium卡，主打Apple Pay、Google Pay、網上簽賬有高達4%回贈！上限簽$8,333額外回贈$300，但留意返每月入場門檻首先要累積簽賬滿$2,000，另外亦唔計超級市場、旅行社、政府部門簽賬交易。詳情可以參考返東亞i-Titanium卡攻略。

[東亞網站已停止i-Titanium卡新申請]

DBS Eminent Card

DBS Eminent信用卡，主打餐飲／健身中心／運動服飾／醫療服務簽賬都有5%回贈！但留意返單一簽賬要滿$300先有。VS卡每個月合共上限可以簽$8,000，而白金卡上限亦都有$4,000！留意返呢個5%回贈係要2025年重新喺信用卡App入面登記。

DBS Eminent卡今期迎新，全新星展信用卡客戶可享高達$600回贈！由2025年1月10日至2月3日，新客經本網以下指定連結申請DBS Eminent Card，再喺申請後7日內填返電郵內嘅換領表格（留意宣傳/垃圾郵件），仲無須簽賬送$800 Apple禮品卡／$800 HKTVmall禮券／POLAROID Go即影即有相機（價值$999）／Marshall Emberton II藍牙喇叭（價值$1,499）／PHILIPS ADD4911 即熱飲水機（價值$898）*！詳情可以睇返星展Eminent卡攻略。

DBS Eminent VS卡：立即申請
DBS Eminent 白金卡：立即申請
（申請後7日內要填返電郵換領表格）

恒生Travel+ Visa Signature

恒生新出嘅Travel+ Visa Signature卡，主打日本、韓國、泰國、新加坡、澳洲外幣簽賬有高達7%回贈，而其他外幣簽賬、本地餐飲、本地交通簽賬亦有高達5%回贈。留意返呢個回贈係要每月累積簽賬滿$6,000先有，同埋餐飲簽賬係唔計快餐。呢張卡每月額外獎賞上限係$500，以只簽7%類別計即上限簽$7,576／以只簽5%類別計即上限簽$10,870。

由2025年1月1日至1月31日，新客同舊客經本網以下指定連結成功申請恒生Travel+ VS卡，再喺申請後7日內填返電郵內嘅換領表格（留意宣傳/垃圾郵件），仲額外送$300惠康禮券*！連埋信用卡迎新就賺到高達$1,000！或者連埋迎舊都有高達$600！詳情可以參考恒生Travel+ VS卡攻略。

不過如果本身未有恒生信用卡，小編會建議開咗MMPOWER卡先，因為個額外獎賞大份好多，然後等批咗卡再上過嚟開返呢張卡。

恒生Travel+ VS卡：立即申請
（申請後7日內要填返電郵換領表格）

中銀Cheers Visa Infinite Card

中銀Cheers Visa Infinite Card，主打餐飲及旅遊簽賬優惠，餐飲及海外簽賬可享10X積分，相等於4%現金回贈或$1.5/里！留意返呢個回贈係要每月累積簽賬滿$5,000先有，海外簽賬每月上限簽$25,000，餐飲簽賬每月上限簽$10,000，每月總上限簽$30,000。詳情可以參考返呢篇中銀Cheer VI Card攻略。

中銀Cheers Visa Infinite：立即申請

中銀大灣區銀聯鑽石卡

中銀大灣區銀聯鑽石卡，主打Apple Pay／Huawei Pay／雲閃付App簽賬額外4%回贈，夾埋本身積分就相等於4.4%回贈！張卡每月嘅額外回贈上限係$100，即係簽$2,500就會爆。詳情可以參考返中銀大灣區鑽石卡攻略。

中銀雙幣鑽石卡<大灣區一卡通>：立即申請