渣打Simply Cash信用卡攻略 – 無上限1.5%回贈、迎新簽$4,000回$800!

#Standard Chartered渣打信用卡 #渣打Simply Cash Visa卡優惠 #渣打Simply Cash迎新 #渣打Simply Cash回贈 #渣打Simply Cash年費豁免 #無上限現金回贈 #必食信用卡迎新 #至抵現金回贈信用卡 #渣打信用卡好唔好

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$500,夾埋迎新無成本賺$1,280!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年10月)

呢張渣打Simply Cash卡,主打嘅無上限全方位1.5%回贈,係推出嘅時候可以話係震憾全城!直到依家,以無上限回贈嚟講,呢個1.5%嘅比率依然係全城至抵!玩得現金回贈,真係無理由唔袋住呢張卡係身!如果你本身比較怕麻煩,想一兩張卡走天涯,呢張卡更加係鐵膽,直接全部嘢都簽佢都得!

依家Simply Cash仲要做緊個好易食嘅迎新,只要簽$4,000就可以袋走$800迎新!呢張咁高回贈嘅神卡,年薪要求仲要講緊只係96,000咋!如果係學生/家庭主婦無收入證明想開Simply Cash,可以試下擺$6萬入渣打戶口再開卡,網上都有唔少成功例子。不過如果本身無渣打信用卡嘅話,小編會建議開咗SMART卡先,個迎新會再抵好多!

scbSimplyCashCard

渣打Simply Cash賣點
  • 港幣簽賬無上限1.5%回贈
  • 外幣簽賬無上限2%回贈(打和手續費)(海外簽賬信用卡攻略
  • 年薪要求$96,000

雖然呢張卡1.5%嘅回贈率唔夠安信EarnMORE嘅2%咁高,但勝在係無上限,而收Visa嘅地方亦都多過銀聯好多。呢張卡最正嘅,係1.5%回贈差唔多咩簽賬都計,連Payme同八達通自動增值都計!咁即係平時去無得碌卡但有得拍八達通嘅鋪頭都一樣食緊1.5%回贈!

迎新禮遇
  • 新客2個月內簽滿$4,000回贈$800*

至於迎新方面,今期迎新做到2021年12月30日,全新渣打信用卡客戶(過去6個月無渣打信用卡)喺出卡後2個月內簽滿$4,000合資格簽賬,即可享$800現金回贈不過如果本身無渣打信用卡嘅話,小編會建議開咗SMART卡先,個迎新會再抵好多!

留意返上述回贈金額已經係包括咗張卡本身嘅現金回贈。有關回贈將會喺批卡後7個月內入賬落信用卡嘅360獎賞平台。雖然張卡個迎新唔計電子錢包/八達通自動增值,但其實兩個月簽$4,000真係好輕鬆,迎新嚟講呢個offer係勁吸引! 開信用卡嘅途中,佢會問你開唔開埋銀行戶口,記得千祈唔好tick呀!因為跟呢篇教學開嘅話賺最多賺到成$7,000回贈呀!

渣打Simply Cash立即申請

伏位
  • 現金回贈要一定要上網入網上理財換,同埋要換$50嘅倍數
  • 上網喺海外商戶簽港幣有1% CBF手續費
  • 第二年未必waive年費

渣打信用卡嘅回贈係要入網上理財喺佢個「360°全面賞」網上換領平台到換錢扣減月結單,每次要換$50嘅倍數,而呢個step係喺手機App做唔到一定要網上理財做。另外,如果上網喺海外商戶簽港幣,好似App Store/Netflix/Spotify/Airbnb咁,渣打係會收返1%手續費,詳情可以睇返呢篇海外簽賬DCC/CBF手續費陷阱詳解

最後,呢張卡雖然免首年年費,但再之後嘅年費就比較難waive;根據官方講法,係要優先理財/Premium理財/渣打紅利出糧戶口客戶先可以永久免年費(依家開渣打出糧戶口,除咗免到信用卡年費,仲可以賺高達$7,000現金回贈呀!)。所以大家記住要check實e-statement,一年後見到佢收年費,如果打上去又唔肯waive,就即刻cut卡保平安!Cut卡之前,仲要記得清埋啲現金回贈唔好蝕俾佢!Cut卡後過半年冷河又一條好漢,可以再食迎新無限loop!

渣打Simply Cash卡有無年費?

呢張卡首年免年費,之後年費係$2,000。雖然呢張卡比較難waive年費,但其實一年後見到月結單收年費都可以試下打電話waive。如果waive唔到,只要即刻cut卡就唔使交,而一年後cut卡亦唔會有任何罰則。所以大家可以放心開卡賺迎新!

係咪要新客戶先有迎新?點先算係新客戶?

今次渣打迎新只限遞交申請日之前6個月內並無持有渣打信用卡之全新渣打信用卡客戶,即係6個月內持有過任何一張渣打信用卡都唔合資格。如果只係持有銀行戶口,都可以食到信用卡迎新同額外獎賞。

迎新合資格簽賬計啲咩?Payme計唔計?

渣打信用卡係無得零成本食迎新,係要老老實實去簽。參考返T&C原文:「合資格簽賬」須為零售購物簽賬(包括本地及海外)、網上消費或已誌賬之分期付款金額。不合資格之簽賬包括但不限於現金透支、兌換籌碼、繳交保險費用、「八達通自動增值」服務、透過互聯網 /自動櫃員機 /電話銀行服務或 其他繳費方法繳付之賬項(包括但不限於稅項及公共事務賬項)、任何金錢 /電子貨幣轉賬(包括但不只限於任何透過 個人對個人(P2P)支付服務或流動裝置/應用程式 /電子轉賬平台的轉賬)、未誌賬 /取消 /退款 /偽造 /未經許可的 交易、任何由合資格信用卡轉賬 /增值到任何由本行不時指定之賬戶包括但不限於八達通 O!ePay及支付寶賬戶或 本行不時新增之電子付款賬戶之金額。

渣打Simply Cash Visa卡小檔案
  • 本地簽賬:1.5%回贈
  • 外幣簽賬:2%回贈(1.95%手續費)
  • 八達通自動增值:1.5%回贈
  • Payme增值:1.5%回贈
  • 支付寶/微信支付轉賬:無回贈
  • 網上理財繳費:無回贈
  • 年費:$2,000(首年免年費,之後如果waive唔到再cut)
  • 年薪要求:$96,000

*受條款及細則約束:迎新T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

30 則留言

  1. 請問去M記買禮券 算唔算 合資格簽帳???

  2. 請問用支付寶交水電媒,用SC Cash card會有1.5%回贈優惠嗎?

  3. 你update: 支付寶/微信支付轉賬:無回贈

    之前有人問過: 經支付寶消費有1.5%回贈嗎?你回答: 有

    咁請問有或無?

    我有HSBC Red + SC Simple Card, 現要交水費及差餉, 請問應該用邊張卡? 用支付寶交?

  4. 請問邊張卡交保費有回贈?

  5. 非新客戶有咩優惠?

  6. 經支付寶消費有1.5%回贈嗎?

  7. Payme增值有冇每月上限?

  8. 想問下如果淨係申請信用卡唔開戶口
    就拎唔到網上理財個100蚊?
    依家去到開唔開綜合存款戶口100回贈個一步
    如果我唔TICK係咪之後DOWNLOAD APP 開網上理財既戶口(淨係得信用卡.冇存款戶口)都唔有個100蚊
    唔該晒你

  9. 請問要第二年開始免年費係咪要開Premium Banking? Premium Banking a/c balance唔夠廿萬係咪要收月費?

    • 開Premium Banking/出糧戶口就一定免年費,無都可以照試下打電話waive。Premium最低結餘廿萬,但無手續費,最多都只係會downgrade你。

  10. 請問現在200蚊回贈還有嗎?

  11. 過去6個月無渣打信用卡? 已有Asia Miles幾年 信用卡算吾算全新客戶?

  12. 請問買apple gift card都係合資格簽賬嗎?

  13. HI
    出左卡了,謝謝你

    請問一下: “新客經本網以下連結申請無需簽賬額外回$200”

    係會以什麼形式 /時間回贈到比我ge呢?

    謝解答

留言(你的電郵不會被公開)