[信用卡繳費教學攻略] 交水電煤上網電話費都可以賺4%回贈!

#信用卡交電費攻略 #信用卡交水費攻略 #信用卡交煤氣費攻略 #信用卡交上網費攻略 #信用卡交電話費攻略 #支付寶繳費攻略 #中銀卡繳費 #支付寶繳費 #Alipay繳費

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

(最後更新:2020年7月)

香港每個家庭,每年都交落唔少水費、電費、煤氣費、上網費、電話費等等。大家有無諗過,其實呢啲無可避免嘅繳費開支,係可以用信用卡交去賺回賺?而且呢到講緊嘅,唔係用e-banking繳費得0.4%/0.5%咁雞肋,而係大拿拿4%!交一期水電煤費,講緊隨時成兩千銀,乘返4%即係回到成$80!每年夾埋當你交一萬蚊,即係回到成$400,都已經等於交少一張水費單!零成本就賺到嘅錢,唔賺點對得住自己!

首先利申返先,呢個信用卡繳費大法,係需要用到中銀信用卡同AliPay支付寶。我明白好多人可能會唔想用中銀同支付寶,但係咁高嘅回贈率下,你每繳一次費,中銀就蝕一次錢比你;愈多人用,佢就蝕得愈多,愈食窮佢。但當然,呢個假設嘅前提係你個個月都會full pay找卡數,一蚊息都唔會比佢賺。同埋我亦都明大家會有個人資料嘅顧慮,所以大家就要自己衡量返用唔用啦。

呢個繳費大法嘅原理,就係支付寶係支援以用信用卡繳交水費、電費、煤氣費、上網費、電話費、收費電視,甚至部份屋苑管理費嘅賬單;而市面上部份信用卡係會當咗支付寶嘅繳費交易做普通網上零售簽賬(但4%網上回贈嘅匯豐Red卡唔計)。其中,最高回贈嘅信用卡,就係中銀有3張信用卡會將支付寶繳費當做「手機支付」,可以食到4%嘅回贈,詳情如下:

中銀雙幣鑽石卡(大灣區一卡通)

BankOfChinaDualCurrencyDiamond_Brown

任何簽賬透過手機支付,即可賺取4%現金回贈,上限為每月$100,即簽賬$2,500便會封頂(每張月結單會自動扣減回贈)。(詳情見中銀大灣區鑽石卡攻略

中銀i-card

credit06

只要透過手機支付進行簽賬交易,即可享額外9X簽賬積分,上限為每月10,000積分,合共相等於4%回贈,即簽賬$1111.12便會封頂(要透過e-banking / BOC Pay用積分換回贈)。(詳情見中銀i-Card攻略

中銀i-card雙幣鑽石卡(虛擬卡)

005416GCCJCNJSBBMDTRNA

只要透過手機支付進行簽賬交易,即可享額外9X簽賬積分,上限為每月10,000積分,合共相等於4%回贈,即簽賬$1111.12便會封頂(要透過e-banking / BOC Pay用積分換回贈)。(詳情見中銀i-Card攻略

中銀信用卡:立即申請

只要用以上任何一張信用卡綁定落支付寶到繳費,就可以輕鬆賺到4%回贈!而上面三張卡夾埋,總共一個月嘅限額有成$4,700,斷估你廿四小時長開冷氣都交唔到咁多錢掛。

另外值得一提嘅係,上面三張卡係連用支付寶轉賬比朋友都可以食到4%!換言之,只要用支付寶認證咗身份之後(因為法例要求要交身份證同地址證明),再搵個朋友同你互相過數,就可以每個月用支付寶食埋$2,000轉賬額上限(回贈$80),再加埋繳費嘅回贈!(例子:每個月用i-Card同i-Card虛擬卡各碌$1,000轉賬比朋友賺相等於$80嘅積分,然後再用大灣區卡$2,500 quota嚟繳費)最後仲有一樣幾筍嘅野,就係如果去啲只係收支付寶唔收信用卡嘅細鋪,就可以用支付寶嚟比錢照食4%回贈!

而至於用支付寶繳費嘅步驟,其實真係好簡單,打開個App跟住噤就得。簡單嚟講,支付寶交到嘅錢可以分為政府賬單同非政府賬單兩種。首先講咗非政府賬單先,開App之後噤「繳費服務」,揀賬單類別同公司,然後再打低個賬單號碼,之後揀信用卡比錢就搞掂。登記過一次之後,呢張單就會綁定落支付寶戶口,以後唔駛再入賬單號碼,甚至set埋自動用信用卡比錢都得。

IMG_8790

至於政府賬單方面,暫時支付寶只係支援水費、差餉地租同交稅。理所當然地,當中只有水費同差餉地租係可以食到現金回贈,而交稅係唔計。交政府帳單嘅方法比較特別,無得直接綁定係支付寶到,而係每次都要用支付寶去scan水費單/差餉地租單上面嘅QR Code嚟比錢,詳細步驟可以睇下面張gif。Alipay

只要善用以上嘅繳費大法,就可以次次交水電煤費都掠返中銀4%回贈,交錢條氣都即刻順返好多!無成本賺錢嘅嘢,你唔係走寶唔做掛!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

12 Comments

  1. 你好剛剛中銀信用卡職員話以下嘅方法係唔可以有積分回贈, 你可以再clarify, thanks

    每個月用i-Card同i-Card虛擬卡各碌$1,000轉賬比朋友賺相等於$80嘅積分

  2. 請問用BOC Sogo卡經alipay繳費有冇回贈?

  3. 用其他信用卡得唔得?

  4. 係咪一定要用alipay繳費先有4%回贈?
    如果用云閃付俾, 有冇4%回贈?

  5. 你好,想問wechat pay 轉帳/繳費,會有4%回贈嗎?

  6. 而家無任何一張中銀卡, 出邊張先食埋迎新好?
    謝謝

    • SOGO卡$500 SOGO現金券+$100現金回贈/ 淘寶卡$400現金回贈
      淘寶卡連埋中銀戶口一齊開會再賺多啲:https://hkcashrebate.com/boc-saving/

留言(你的電郵不會被公開)