建行京東信用卡 – 網上簽賬勁賺4%回贈!

#建設銀行信用卡#建銀信用卡 #建行京東信用卡#建行京東卡優惠 #建行京東卡現金積分回贈 # #建行京東卡迎新 #建行信用卡好唔好 #建行京東卡年費豁免

想出iPhone 12?,即睇iPhone 12出機攻略,食信用卡迎新最平$4,600就出到機!

經本網申請渣打/花旗/建行出糧戶口,SI自製出糧勁賺高達$16,500!

經本網申請Citi Cash Back,迎新額外回$200,零成本賺$1,100!

經本網申請AE Blue Cash,迎新額外回$200,零成本賺$1,172+戲飛!

(最後更新:2020年10月)

建行啱啱全新推出咗呢張京東信用卡,睇個名就知係去京東買嘢會有優惠。但正常香港人,我諗都無幾多個係會去京東買嘢;所以其實呢張卡仲有一個皇牌賣點,就係網上簽賬有4%現金回贈,同匯豐Red卡睇齊係全城最抵!

建行京東信用卡賣點
  • 網上簽賬8X積分,相等於4%回贈
  • 京東購物優惠
  • 永久免年費

呢張卡其實係一張積分卡,正常每簽$1=1分,相等於0.5%現金回贈,而網上簽賬就8X積分,相等於4%回贈。但由於呢張卡嘅積分係會每個月自動換做現金回贈,所以當佢做現金回贈信用卡都一樣。呢張卡嘅網上簽賬4%回贈,係無簽賬上限,睇齊匯豐Red卡一樣係全城最抵。至於佢啲京東優惠,我諗正常香港人都唔多啱用,所以就唔喺到介紹,大家有興趣可以上官網睇返。

迎新禮遇

作為一張新推出嘅信用卡,我都唔明點解張卡可以無迎新。所以如果要開卡,建議就開咗張eye卡食迎新先。

建行京東信用卡:立即申請

伏位
  • 基本回贈0.5%唔吸引
  • 上網喺海外商戶簽港幣有DCC 1%手續費

其實呢張卡並無咩嘢伏位,但佢做得網上簽賬4%回贈,擺明係當匯豐Red卡做對手,所以就一於比較下呢兩張網購卡。首先,一間係建行一間係匯豐,相同回贈下我諗10個香港人有9個半會揀匯豐,呢張京東卡仲要連迎新都無,就已經輸咗。基本回贈方面,呢張卡得0.5%,亦係少過Red卡嘅1%。另外,如果上網喺海外商戶簽港幣,好似App Store/Netflix/Spotify/Airbnb咁,張卡係會收返1%手續費(詳情可以睇返呢篇海外簽賬DCC手續費陷阱詳解),而匯豐係唔會收。所以,簡單嚟講,如果你已經有匯豐Red卡,基本上係無任何誘因去開埋呢張卡。

建行京東信用卡小檔案
  • 基本簽賬:$1=1分,相等於0.5%回贈
  • 網上簽賬:$1=8分,相等於4%回贈
  • 海外簽賬:$1=1分,相等於0.5%回贈(海外簽賬1.95%手續費)
  • 八達通自動增值:$1=1分,相等於0.5%回贈
  • Payme/支付寶/微信支付:$1=1分,相等於0.5%回贈
  • E-banking繳費:$1=1分,相等於0.5%回贈
  • 永久免年費
  • 年薪要求:$150,000

建行京東信用卡:立即申請

*受條款及細則約束

 

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)