滙豐Visa白金卡/滙財金卡攻略 – 自選簽賬高達2.4%回贈！迎新高達$992「獎賞錢」！

#滙豐信用卡 #滙豐匯財金卡 #滙豐白金Visa卡 #滙豐Platinum #滙豐白金卡優惠 #滙豐白金卡積分回贈 # #滙豐白金卡迎新  #滙豐信用卡好唔好 #滙豐金白白金卡年費豁免

（最後更新：2024年3月）

滙豐Visa Signature卡有幾筍，應該好多人都聽過，但就未必個個人都夠年薪資產申請到！但如果暫時未申請到張VS，都唔使灰心，其實對落張白金卡都唔失禮，中「最紅自主獎賞」自選類別都有成2.4%「獎賞錢」回贈！

依家開卡迎新仲可以賺到高達$992「獎賞錢」，就算係現有客戶都有高達$392「獎賞錢」迎舊！滙豐啲信用卡其實真係好多回贈好抵玩，唯一麻煩就係玩法比較複雜；但其實佢啲優惠嚟嚟去去都係咁玩，一里通馬國明，睇完下面篇文就會明晒！

另外今期滙豐白金卡仲做緊個易賞錢優惠，指定日子喺百佳、屈臣氏簽賬有92折！

滙豐金卡/白金卡賣點

• 最紅自主獎賞自選類別2.4%「獎賞錢」回贈（每年限簽$100,000）
• 配合HSBC Travel Guru會員計劃，外幣簽賬可再享高達額外6%回贈
  • [2024年4月更新：滙豐Guru已暫停新登記]
• 大量推廣優惠
• 白金卡限定：指定日子百佳、屈臣氏92折

滙豐張金卡同白金卡，除咗年薪要求同張卡唔同色之外，基本上唯一嘅分別就係金卡網上理財繳費無分。呢兩張卡嘅自選類別簽賬都有2.4%回贈。滙豐仲要年中成日做好多promo，一陣簽夠某個數又有額外「獎賞錢」回贈，一陣用流動電話付款又有額外回贈！

即日起至2025年2月28日，只要將滙豐白金Visa卡綁定到「易賞錢」App，指定日子於百佳、屈臣氏、豐澤實體店或網店簽賬，可享高達92折優惠！

迎新禮遇

• 新客60日內簽HK$8,000可享$800「獎賞錢」，連同最紅自主獎賞2.4%簽賬回贈高達$992「獎賞錢」
• 現有客戶60日內簽HK$8,000可享$200「獎賞錢」，連同最紅自主獎賞2.4%簽賬回贈高達$392「獎賞錢」

今期個迎新做到2025年2月28日，迎新會喺完成簽賬要求後2個月內入賬。留意返滙豐信用卡嘅迎新係唔計電子錢包，係真係要去簽嚟買嘢。（上述迎新／迎舊只適用於無喺12個月之內取消過滙豐信用卡嘅客戶）

滙豐滙財金卡
>>>立即申請<<<

滙豐白金Visa卡
>>>立即申請<<<

RewardCash 「獎賞錢」

滙豐嘅「獎賞錢」RewardCash 玩法簡單易記，$1「獎賞錢」=HK$1，唔使慢慢計積分。只要download咗佢個Reward+ App（Android｜iOS），就可以直接用「獎賞錢」扣減交易／月結單嘅款項，仲可以登記埋啲限時推廣，非常方便。而滙豐仲會間唔中搞啲$1獎賞錢當HK$2嘅promo，有時又可以好平咁攞嚟換禮券，甚至換返miles都得！

滙豐信用卡玩法（Red / EveryMile卡除外）

講咗咁耐，滙豐啲卡究竟係點玩？滙豐信用卡嘅「獎賞錢」基本回贈一律係0.4%，如果簽賬中「最紅自主獎賞」all in嘅自選類別就有額外5X「獎賞錢」，即係多2%。大家只要照住下面個表執藥咁睇返自己中幾多樣嘢，就可以加返每項簽賬有幾多回贈，而每行嘅details下面會繼續講。

	回贈	簽賬上限	簽賬下限
基本回贈	0.4%
「最紅自主獎賞」	2%	每年HK$100,000
合共	自選高達2.4%

最紅自主獎賞

所謂最紅自主獎賞，就係滙豐揀咗五大類別嘅簽賬出嚟（見下圖），你可以自由分配5X嘅「獎賞錢」（即2%回贈）落去，但通常都係會揀其中一個簽得最多嘅類別all in，咁簽呢個自選類別就會有高達2.4%回贈（登記網址）。

賞滋味	賞生活	賞家居	賞品味	賞世界
香港餐廳及 食肆的簽賬	精選商戶： （商戶名單）	精選商戶： （商戶名單）	精選商戶： （商戶名單）	海外、中國內地及澳門的外幣簽賬

五大類別入面，比較推薦揀「賞滋味」用嚟食飯，或者「賞世界」簽海外簽賬，或者「賞家居」嘅超市同傢俬電器鋪（超市信用卡攻略）。「最紅自主獎賞」簽賬上限係每年HK$100,000，簽爆咗就唔會再有5X獎賞錢；但如果簽滿HK$150,000嘅話，又會有額外一筆$1,000回贈。留意返，「最紅自主獎賞」揀嘅類別係會跟住所有印你個名嘅滙豐信用卡，所以開多張卡係唔會多一個類別，同埋只有每年年尾先可以轉類別。

注意事項

留意返滙豐信用卡基本回贈係0.4%，要配合返上面嘅「最紅自主獎賞」或其他推廣嚟獲取高額回贈。如果係網上簽賬，除非有做緊其他promo，如果唔係簽滙豐Red卡有4%回贈會更加抵。

滙豐滙財金卡
>>>立即申請<<<

滙豐白金Visa卡
>>>立即申請<<<

FAQ

滙豐白金同金卡有無年費？

呢兩張卡首兩年免年費，之後年費就係$600（金卡）／$1,800（白金卡），但其實兩年後見到月結單收年費可以打電話waive。就算真係waive唔到，只要即刻cut卡就唔使交，而兩年後cut卡亦唔會有任何罰則。但其實小編so far都無聽過滙豐會唔肯waive年費，所以大家可以放心開卡賺迎新！

係咪要新客戶先有迎新？點先算係新客戶？

正如上文所述，滙豐金卡係同時有做迎新同迎舊。要食到今次嘅迎新／迎舊，前提係要無喺2021年9月1日或之後取消過滙豐信用卡。如果乎合上述要求，而手頭上無任何滙豐信用卡，就可以食到迎新；如果有其他滙豐信用卡而無呢張，就可以食到迎舊。

可唔可以開幾張信用卡揀晒咁多個最紅類別？

正如上文所述，自主類別嘅選擇係跟死你名下嘅所有信用卡，所以就算開齊VS、白金、銀聯，全部卡都只會係同一個自主類別。如果想揀埋其他類別嘅話，可以選擇開多幾張附屬卡俾本身無滙豐信用卡嘅屋企人，咁佢哋就每個人都可以自己再揀過個自主類別。

迎新合資格簽賬計啲咩？PayMe計唔計？

滙豐信用卡係無得零成本食迎新，係要老老實實去簽。參考返T&C原文：「合資格簽賬」指於批卡後首 60 個曆日內以合資格信用卡所作的累積簽賬淨額，並於核實持卡人有資格獲享優惠時已誌賬的交易。以下交易並不是合資格簽賬：財務及銀行費用：年費、財務費用、逾期費用； 以附屬卡作的交易；郵購、傳真及電話訂購；透過滙豐流動理財及／或網上理財繳費；購買及／或充值儲值卡的交易（包括透過電子錢包或任何其他途徑增值八達通之交易）；以電子錢包所作的交易（包括增值電子錢包）；八達通自動增值；於「獎賞錢」購物網及其他推廣進行的換購交易；現金貸款、「現金套現」分期計劃及「現金套現」計劃的提款金額；「現金套現」分期計劃、「現金套現」計劃、「簽賬分期計劃」及其他分期計劃之供款金額；於非金融機構的半現金交易（包括購買外匯、匯票及旅行支票）；於金融機構的半現金交易（包括購買銀行產品及服務）電匯；賭博交易；繳稅；自動轉賬、循環付款；所有未誌賬／取消／退款的交易。

滙豐滙財金卡小檔案

• 「最紅自主獎賞」簽賬：高達2.4%「獎賞錢」回贈（每年首$100,000）
• 海外簽賬：配合「最紅海外簽賬獎賞」高達5.4%「獎賞錢」回贈（1.95%手續費）
• 其他簽賬：0.4%「獎賞錢」回贈
• 八達通自動增值：0.4%「獎賞錢」回贈
• PayMe：0.4%「獎賞錢」回贈
• 支付寶／微信支付：無回贈
• 網上理財繳費：無回贈
• 網上理財交稅：無回贈
• 年費：HK$600（首兩年免年費，之後打電話waive）
• 年薪要求：HK$60,000

滙豐Visa白金卡小檔案

• 「最紅自主獎賞」簽賬：高達2.4%「獎賞錢」回贈（每年首$100,000）
• 海外簽賬：配合「最紅自主獎賞」高達2.4%「獎賞錢」回贈（1.95%手續費）
• 其他簽賬：0.4%「獎賞錢」回贈
• 八達通自動增值：0.4%「獎賞錢」回贈
• PayMe：0.4%「獎賞錢」回贈
• 支付寶／微信支付：無回贈
• 網上理財繳費：0.4%「獎賞錢」回贈 （每月首$10,000）
• 網上理財交稅：無回贈
• 年費：HK$1,800（首兩年免年費，之後打電話waive）
• 年薪／資產要求：HK$120,000／HK$100,000

受條款及細則約束：「最紅自主獎賞」T&C、易賞錢優惠、迎新T&C