#滙豐One理財戶口優惠 #滙豐出糧戶口優惠 #滙豐手機開戶 #HSBC ONE戶口迎新 #滙豐戶口迎新 #滙豐Advance #滙豐運籌理財
新客經本網申請指定東亞信用卡，毋須簽賬額外賺$1,200，夾埋迎新賺高達$3,300！
新客經本網申請Citi八達通白金卡，額外回$1,100，夾埋迎新無成本賺$2,140！
新客經本網申請指定大新信用卡，毋須簽賬額外賺$750，夾埋迎新賺高達$1,150！
新客經本網申請安信EarnMORE，毋須簽賬額外回$550，迎新無成本食$1,220！
新客經本網申請星展Live Fresh，毋須簽賬賺額外回$500，夾埋迎新賺高達$1,500！
新客經本網申請信銀Motion，毋須簽賬賺額外回$500，夾埋迎新賺高達$2,000！
有無諗過連開銀行戶口都可以賺迎新？即睇銀行開戶迎新大全！
想轉出糧戶口賺迎新？玩SI自製出糧？即睇出糧戶口全攻略！
（最後更新：2021年6月）
滙豐舊年推出嘅綜合理財戶口「滙豐One」，取代咗原本嘅「運籌理財」同「明智理財」2個等級，呢排仲搵埋姜濤賣廣告嚟吸引後生仔開戶！全新滙豐客戶只用手機App開戶，再做簡單任務就有現金回贈！佢仲同時做緊個出糧戶口優惠，經佢出糧又有現金回贈賺呀！不過留意返，滙豐出糧個回贈係唔計SI，只係計公司自動轉賬出糧，即係要搵公司HR轉出糧戶口，其他形式出糧一律係食唔到出糧個回贈。
如果你本身只係擁有滙豐信用卡而無滙豐銀行戶口，除咗手機開戶同信用卡嗰part之外，係一樣可以食晒下述優惠。如果你本身擁有滙豐戶口，都有可能會適用部份優惠（例如新出糧、無險等），但為免篇文太過複雜，以下篇文就唔cover埋現有客戶玩法。
滙豐One理財戶口回贈詳情
|
滙豐One |
|
| 1. 手機開戶 |
完成3項任務: $200 |
| 2. 出糧 |
≥2萬: $500 ≥1萬: $200 |
| 3. 信用卡 |
新客高達$1,000迎新 現有客戶$300迎舊 |
| 4. 股票交易 |
$200 |
| 4. 基金交易 |
$100 |
| 5. 保險 |
每份$200 |
| 總共 |
高達$2,400 |
開戶步驟
滙豐依家已經支援手機App開戶，只要以手機進入指定連結㩒「立即申請」，就可以直接down返滙豐個App；入App之後揀手機開戶，然後填資料、影身份證同自拍就搞掂。
不過佢個手機開戶好樣嘢好麻煩，如果你本身已經有滙豐信用卡係用唔到，要走返落分行去開戶，變相就食少咗$200迎新。
滙豐開戶：立即申請
1. 手機開戶
今期優惠做到2021年7月31日，適用於現時並未於滙豐持有任何綜合理財戶口或滙豐信用卡（包括附屬卡）嘅客戶。合資格客戶透過手機開立One理財戶口，喺指定日期前完成下表嘅其中3項任務，就可以賺晒下述回贈。有關現金回贈會喺2022年1月31日或之前入賬。
| 開戶日期 | 2021年6月 | 2021年7月 |
| 指定日期 | 2020年9月或之前 | 2021年10月或之前 |
雖然個表睇落就好似好複雜咁，但其實a、b、h、i、l呢5項都係勁易做，所以揀3項做係好簡單，幾分鐘時間已經可以搞掂晒袋走$200。值得一提嘅係，係i項張滙豐扣賬卡只要喺App入面㩒兩個制就可以開到，直頭連資料都唔使填。
2. 出糧戶口
今期優惠做到2021年7月31日，適用於優惠期內 (i) 新開立滙豐One戶口（而之前9個月無滙豐戶口） 或 (ii) 轉換現有滙豐運籌理財戶口為滙豐One戶口嘅客戶，而且喺登記前6個月内喺滙豐無任何出糧紀錄嘅客戶。客戶要通知公司HR更改出糧戶口，並於開立／轉換戶口月份後第二個曆月或之前首次存入薪金，並維持至開立／轉換戶口月份後第四個曆月，方可獲得回贈。留意返，滙豐呢個出糧promo只會計算由僱主公司戶口以自動轉賬方式直接存入嘅薪金，其他SI、支票、轉賬、存款、現金等出糧方式全部唔計。所以呢part係你份糧已經fix死咗你賺到幾多回贈，如果出糧方式唔啱仲要係無份食。有關現金回贈會喺2022年1月31日或之前入賬。
| 開立戶口日期 | 2021年6月 | 2021年7月 |
| 首次存入薪金日期 | 2021年8月或之前 | 2021年9月或之前 |
| 維持存入薪金日期 | 2021年9月及10月 | 2021年10月及11月 |
| 出糧金額 |
現金獎賞 |
| $20,000或以上 |
$500 |
| $10,000 – $19,999 |
$200 |
3. 信用卡
其實信用卡呢part係同個One戶口無關係，可以分開食。今期個迎新做到2021年7月31日，其中以Red卡個迎新最抵食。全新滙豐信用卡客戶只要經網上申請並喺批卡後60日內碌滿$8,000合資格簽賬，就可享$800獎賞錢 + $200超市禮券回贈；如果係現有客戶，亦都可以有額外$300獎賞錢回贈。（上述迎新／迎舊只適用於無喺2020年9月1日或之後取消過滙豐信用卡嘅客戶）
有關滙豐信用卡嘅優惠詳情，可以參考返滙豐Red卡攻略／滙豐Visa Signature攻略。
滙豐信用卡：立即申請
4. 股票交易
今期優惠做到2021年7月31日，適用於優惠期內 (i) 新開立滙豐One戶口（而之前9個月無滙豐戶口） 或 (ii) 轉換現有滙豐運籌理財戶口為滙豐One戶口嘅客戶。合資格客戶只要喺指定日期前成功買賣港股、中國A股或美股（新股認購除外），即可享$200現金回贈。有關現金回贈會喺2022年1月31日或之前入賬。
| 開戶日期 | 2021年6月 | 2021年7月 |
| 指定日期 | 2021年9月或之前 | 2021年10月或之前 |
5. 基金交易
今期優惠做到2021年12月31日。客戶首次透過FlexInvest完成投資交易（單次認購金額港幣5,000元或以上；或每月投資計劃供款港幣5,000元或以上），即可享$100現金回贈。有關現金回贈會喺2022年6月30日或之前入賬至FlexInvest投資戶口。
6. 保險
今期優惠做到2021年7月31日，適用於優惠期內 (i) 新開立滙豐One戶口（而之前9個月無滙豐戶口） 或 (ii) 轉換現有滙豐運籌理財戶口為滙豐One戶口嘅客戶，另外亦一定要有滙豐信用卡。客戶喺指定日期前成功申請由滙豐人壽保險（國際）有限公司承保之滙豐自願醫保靈活計劃或滙家保（首年保費滿HK$2,000），並於兩個月內獲成功批核發出該保單，每份保險可獲$200獎賞錢回贈。
滙豐開戶：立即申請
*受條款及細則約束：滙豐One手機開戶優惠T&C、滙豐One推廣優惠T&C、FlexInvest優惠T&C、投保優惠T&C
即是舊客本身有綜合理財戶口同信用卡+出糧，轉ONE 都無SO
無呀
如果本身係個人綜合理財戶口，再One戶口會唔會有新客迎新/出糧禮遇？
手機開戶就一定無，出糧就本身Advance戶口轉ONE都得
如果我本身有個人綜合理財戶口，應該點樣轉做One戶口? 用App都搵唔到制可以申請 😅
本身出糧都係入落儲蓄戶口 唔係Advance 咁整又有冇獎賞? 😮
Thanks!
舊客嘅話T&C剩係話Advance客可以有獎賞咋
請問上個月剛取消匯豐信用卡，符合迎新戶口優惠嗎？
睇條款就應該食到