全港銀行開戶迎新優惠比較攻略 – 高達$15,200回贈! (Citi/渣打/滙豐/恒生/東亞/大新/中銀/建行/信銀/虛擬銀行)

#銀行開戶迎新優惠 #銀行戶口迎新優惠 #銀行手機開戶優惠 #銀行新資金優惠 #開銀行戶口迎新優惠

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi八達通白金卡,額外回$1,100,夾埋迎新無成本賺$2,140!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外回$550,迎新無成本食$1,220!

新客經本網申請星展Live Fresh,毋須簽賬賺額外回$500,夾埋迎新賺高達$1,500!

新客經本網申請信銀Motion,毋須簽賬賺額外回$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

想開虛擬銀行戶口又唔知揀邊間好?即睇虛擬銀行全攻略

想做活期/定期存款但又唔知邊間高息?即睇高息港元存款攻略

(最後更新:2021年7月)

除咗開信用卡有得食迎新之外,其實好多銀行連開戶口都會有迎新offer㗎!尤其呢排好多銀行都推出咗手機開戶服務,就更加多promo玩,而且仲要係連分行都唔使落,down個App就搞得掂呀!仲要大部份銀行嘅迎新都係銀行戶口同信用卡分開計,即係就算你已經有間銀行嘅信用卡都可以玩到銀行戶口迎新!

留意返,正如信用卡迎新通常都會要求要簽夠一定簽賬額,銀行戶口迎新都一樣會有例如要放幾多新資金入去嘅要求,玩法其實有啲似定期存款。除咗新資金之外,新用出糧服務都好多時會有額外迎新,有啲銀行仲要係連用SI轉賬自製出糧都計,詳細可以參考返呢篇出糧戶口攻略。另外有啲promo仲會有好多唔同嘅「任務」做,好似開埋投資戶口、做自動轉賬繳費咁,做埋可以再賺更加多嘅回贈。

恒生銀行 Hang Seng Bank

恒生今期個手機開戶迎新做到2021年9月30日,主要分為兩part。首先新資金嗰part,最低只要放$1萬落去就玩得,甚至連學生都有份;而出糧嗰part就只係計公司自動轉賬出糧唔計SI。簡單而言,主要有2個玩法:

  1. 開優進理財:放1萬賺$100/放2萬賺$300/放5萬賺$500 + 出糧賺高達$800 + 做任務賺高達$700
  2. 開優越理財:放100萬賺$3,500/放150萬賺$6,000/放300萬賺$10,000/放500萬賺$12,000 + 出糧賺高達$800

優惠要求及詳情可以參考恒生戶口攻略

東亞銀行 BEA

東亞今期個手機開戶迎新做到2021年9月30日,主要都係放新資金落去賺回贈,最低放$1萬入去就得。視乎你有幾多閒錢,主要可以揀呢幾個choice:

  1. 開i-Account:放1萬賺$300/放5萬賺$500/放10萬賺$750
  2. 開Supreme至尊理財:放10萬賺$1,300
  3. 開SupremeGold顯卓理財:放50萬賺$1,750/放100萬賺$2,750/放300萬賺$7,750

優惠要求及詳情可以參考東亞戶口攻略

渣打銀行 Standard Chartered

渣打今期個手機開戶迎新做到2021年9月30日,主要分為兩part。首先新資金嗰part就最少要放$20萬落去先有回贈,然後另外做SI出糧亦都有回贈。簡單而言,視乎你有幾多閒錢,主要可以揀呢幾個choice:

  1. 開紅利出糧戶口+出糧:用8萬玩SI出糧賺$900
  2. 開Premium理財+出糧:用8萬玩SI出糧賺$900 + 放20萬賺$500/放50萬賺$700/放80萬賺$900
  3. 開Priority優先理財:用8萬玩SI出糧賺$900 + 每放100萬賺$3,500(上限放700萬賺$24,500)

優惠要求及詳情可以參考渣打戶口攻略

花旗銀行 Citibank

Citi今期個手機開戶迎新做到2021年7月31日,分別有入門連學生都開得嘅Citi Plus戶口,同最低存款$150萬嘅Citigold戶口,另外Citigold做SI出糧亦都有回贈。簡單而言,主要可以揀呢兩個choice:

  1. 開Citi Plus:首$10萬存款額外5厘息 + Citi Plus信用卡迎新送AirPods Pro + 經本網成功申請送$500 Apple Gift Card/DONKI禮券(至2021年7月30日6PM)
  2. 開Citigold:用8萬玩SI出糧賺$800 + 放150萬賺$6,500/放180萬賺$7,500/放250萬賺$10,500/放400萬賺$15,000 + 經本網成功申請送Dyson三合一風扇/$5,000香港W酒店禮券/$4,000 Apple Gift Card(至2021年7月23日6PM)

優惠要求及詳情可以參考Citigold攻略Citi Plus攻略

滙豐銀行 HSBC

滙豐One戶口今期個手機開戶迎新做到2021年7月31日,個玩法係有好多任務可以做(例如出糧、開信用卡、買股票等),每完成一項就有現金獎賞,做齊任務最多可以賺到$2,400。優惠要求及詳情可以參考滙豐One戶口攻略

建行(亞洲) CCBA

建行今期個手機開戶迎新做到2020年7月31日,主要分為三part。首先新資金嗰part,開戶後最低放$1萬落去就有回贈,然後只要做$1萬SI出糧又再有回贈,最後仲有好多自動轉賬繳費、轉數快交易等嘅任務做可以賺額外回贈。簡單而言,視乎你有幾多閒錢,主要可以揀呢幾個choice:

  1. 擺1萬賺$600 + 做任務賺$600 = $1,200
  2. 擺1萬再用1萬玩SI出糧賺$950 + 做任務賺$600 = $1,550
  3. 擺10萬再用1萬玩SI出糧賺$1,700 + 做任務賺$1,000 = $2,700
  4. 擺50萬再用1萬玩SI出糧賺$2,150 + 做任務賺$1,000 = $3,150
  5. 擺100萬再用1萬玩SI出糧賺$6,100 + 做任務賺$1,000 = $7,100
  6. 擺300萬再用1萬玩SI出糧賺$7,200 + 做任務賺$1,000 = $8,200
  7. 擺500萬再用1萬玩SI出糧賺$17,600 + 做任務賺$1,000 = $18,600
  8. 擺800萬再用1萬玩SI出糧賺$19,100 + 做任務賺$1,000 = $20,100

優惠要求及詳情可以參考建行戶口攻略

大新銀行

大新YOU Banking優易理財今期個手機開戶迎新做到2021年6月30日,最少放$5萬新資金就有回贈,亦有做SI出糧獎賞,但留意返一定要開埋大新信用卡先換到佢啲現金回贈。佢新資金嗰part最低只要放$5萬落去就有回贈,但留意返下面嘅現金回贈係計埋大新ONE+信用卡嘅迎新。即日起至2021年6月30日,經本網成功申請同時開立證券及投資戶口,額外送Samsung Galaxy Buds Live無線降噪耳機(價值$1,498)或$700 Apple禮品卡!

  • 放5萬 + 做8萬SI + 新開信用卡: $2,690
  • 放10萬+ 做8萬SI + 新開信用卡: $2,790
  • 放25萬+ 做8萬SI + 新開信用卡: $2,990
  • 放50萬+ 做8萬SI + 新開信用卡: $3,240
  • 放70萬+ 做8萬SI + 新開信用卡: $3,440

優惠要求及詳情可以參考大新戶口攻略

信銀國際 inMotion

今期信銀inMotion個「大富翁」優惠做到2021年9月30號,新客手機開戶存入$1萬或以上資金,可享額外1.5厘存款利息,存款上限為$50萬,計返放4個月最多賺到約$2,500息!今期開戶同時開立Motion虛擬信用卡,仲再有高達$1,000迎新獎賞!如果每個月簽賬夠$5,000,當月仲可享再額外1厘存款利息!最長賺足12個月再收多$5,000息!即日起至2021年7月19日,新客經本網成功同時申請inMotion儲蓄戶口及Motion虛擬信用卡,仲額外送$350 Apple Store Gift Card!詳情可以參考inMotion戶口攻略

ZA Bank 眾安銀行

ZA Bank依期做緊個迎新優惠,即日起至銀行另行通知,全新客戶開戶時輸入邀請碼「SNH997」,並於開戶30日內以ZA Card消費一次,可以賺到$100至$5,000不等嘅現金獎賞ZA Bank首$20萬活期存款仲有成1%年息有閒錢嘅話,泊喺到最方便!另外佢張ZA Card,今期仲做緊簽賬完可以抽獎賺高達200%回贈,另外Klook合資格簽賬同Deliveroo簽賬(單一簽賬滿$185)分別有5%同11%回贈

最後,如果有貸款需要嘅話,佢嘅一口價貸款實際年利率更有1.99厘保證;另外佢仲有做埋政府失業貸款,最多可以借到$8萬,還清貸款後更會全數回贈所有利息!仲未完呀,全新客戶今期申請貸款有$400現金回贈,用埋本網邀請碼仲有額外$100回贈(不可與上述開戶優惠同時享用)!詳細可以睇返呢篇ZA Bank攻略

ZA開戶:AndroidiOS官網
(邀請碼:SNH997)

livi bank

livi bank由中銀香港、京東同怡和集團組成。即日起至2021年8月31號,全新客戶開戶時輸入本網邀請碼「mhero#200b」(全細階),可以賺到$200 + 20,000 yuu積分迎新獎賞(合共相等於$300獎賞)呢間虛銀首5萬活期存款有1%年息,而次45萬存款亦有0.4%。雖然佢無出實體debit card,但今期用佢張虛擬嘅livi Mastercard簽賬都有1%回贈,網上簽賬仲成有8%回贈!另外用銀聯二維碼去商戶俾錢仲可以抽現金回贈,$200以下嘅小額簽賬最少回1%。詳情睇返呢篇livi Bank攻略

livi開戶:App下載官網
(邀請碼:mhero#200b)

WeLab Bank 匯立銀行

WeLab Bank係全港八間虛擬銀行入面唯一嘅港產銀行。即日起至2021年9月30號,全新客戶開戶時輸入本網邀請碼「FPS6QA」,可以即賺到$100現金獎賞呢間銀行有張無卡號設計嘅實體WeLab Debit Card,可以用嚟㩒錢又可以用嚟碌卡,依家逢星期五、六、日作餐飲/生活雜貨/交通類消費可享5%現金回贈!其他簽賬亦有1%回贈!WeLab Bank嘅詳情,可以參考返WeLab Bank攻略

WeLab Bank:AndroidiOS官網
(優惠碼:FPS6QA)

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)