#滙豐信用卡 #HSBC Red Card #滙豐Red卡優惠 #滙豐Red卡積分回贈 # #滙豐Red卡迎新 #滙豐獎賞錢 #網上簽賬回贈 #網購信用卡 #超市簽賬回贈 #免年費信用卡 #買機票book酒店信用卡 #滙豐信用卡好唔好 #滙豐Red卡永久年費豁免
（最後更新：2021年7月）
滙豐呢張Red卡，主打每月首$25,000網上簽賬劃一4%回贈，可以話係無逢敵手！除非你係古代人唔會上網買野，如果唔係係無可能唔開呢張卡！雖月話每個月有HK$25,000嘅cap，但基本上都夠哂簽好難可以打爆。依家開卡迎新仲可以賺到高達$1,320「獎賞錢」，就算係現有客戶都有高達$620「獎賞錢」迎舊！呢張卡嘅年薪要求仲要只係HK$120,000咋，基本上有全職返工就開到架啦！如果係學生／家庭主婦無收入證明想開Red卡，可以試下擺HK$100,000入滙豐戶口再開卡，網上都有唔少成功例子。
滙豐Red卡賣點
網上簽賬高達4%回贈就唔使講，真係贏晒，尤其係買機票book酒店staycation呢啲大額交易，一定係用佢。至於超市簽賬2%，雖然唔係最抵，但都算係唔錯，不過識玩就一定係上hktvmall買直接食4%！其他簽賬1%，就不過不失，大把卡都做到。值得一提嘅係，上述3個回贈都唔使登記，直接碌卡就有！
RewardCash 「獎賞錢」
滙豐嘅「獎賞錢」RewardCash 玩法簡單易記，$1「獎賞錢」=HK$1，唔使慢慢計積分。只要download咗佢個Reward+ App（An｜iOS），就可以直接用「獎賞錢」扣減交易／月結單嘅款項，仲可以登記埋啲限時推廣，非常方便。而滙豐仲會間唔中搞啲$1獎賞錢當HK$2嘅promo，有時又可以好平咁攞嚟換禮券，甚至換返miles都得！
迎新禮遇
- 新客60日內簽HK$8,000可享$800「獎賞錢」＋$200超市禮券，連同網上簽賬回贈高達$1,320「獎賞錢」
- 舊客60日內簽HK$8,000可享$300「獎賞錢」，連同網上簽賬回贈高達$620「獎賞錢」
而至於迎新方面，今期個迎新做到2021年7月31日，全新滙豐信用卡客戶只要批卡後60日內碌滿HK$8,000合資格簽賬，就可享$800「獎賞錢」＋HK$200超市禮券*；如果係現有客戶，亦都可享$300「獎賞錢」*！而呢個迎新／迎舊仲要係未計張卡本身嘅回贈，即係話如果開卡之後直接簽HK$8,000網上交易（4%回贈），仲可以再賺多$320「獎賞錢」回贈！迎新會喺完成簽賬要求後2個月內入賬，而超市禮券換領信就可以睇返T&C個schedule。留意返滙豐信用卡嘅迎新係唔計電子錢包，係真係要去簽嚟買嘢。（上述迎新／迎舊只適用於無喺2020年9月1日或之後取消過滙豐信用卡嘅客戶）
滙豐Red卡：立即申請
商戶優惠
- YATA 一田：透過滙豐Reward+「印花卡」換領額外 $20 「獎賞錢 」（詳情）
- Deliveroo 戶戶送：訂購外賣享HK$30折扣（詳情）
- Hotels.com：預訂指定酒店房間享低至89折（詳情）
伏位
- 無份玩滙豐「最紅自主獎賞」同好多其他promo
- 少部份網買嘢可能唔當網上交易無4%回贈
呢張卡有兩樣嘢要留意返。首先，就係呢張卡係滙豐嘅信用卡入面係一個好特別嘅存在，好多滙豐信用卡Promo都唔適用於呢張Red卡，好似「最紅自主獎賞」、「最紅網上及海外簽賬獎賞」同「最紅冬日賞」咁。
另外呢張卡有個伏位，就係有少部份網買嘢可能唔當係網上交易食唔到4%。如果想穩食到呢4%，最保守嘅做法係次次俾錢都入信用卡號碼，咁就會少啲出事，尤其係小編經驗用PayPal中伏機會係超高。
FAQ
滙豐Red卡有無年費？
滙豐Red卡係永久免年費，所以大家可以放心開卡賺迎新！
係咪要新客戶先有迎新？點先算係新客戶？
正如上文所述，滙豐係同時有做迎新同迎舊。要食到今次嘅迎新／迎舊，前提係要無喺2020年9月1日或之後取消過滙豐信用卡。如果乎合上述要求，而手頭上無任何滙豐信用卡，就可以食到迎新；如果有其他滙豐信用卡而無呢張，就可以食到迎舊。
滙豐Red卡有無得玩最紅自主獎賞？
正如上文所述，滙豐Red卡喺滙豐信用卡入面係一個好特別嘅存在，有自己一套回贈嘅玩法，係無得玩最紅自主獎賞。
迎新合資格簽賬計啲咩？Payme計唔計？
滙豐信用卡係無得零成本食迎新，係要老老實實去簽。參考返T&C原文：「合資格簽賬」指於批卡後首 60 個曆日內以合資格信用卡所作的累積簽賬淨額，並於核實持卡人有資格獲享優惠時已誌賬的交易。以下交易並不是合資格簽賬：財務及銀行費用：年費、財務費用、逾期費用； 以附屬卡作的交易；郵購、傳真及電話訂購；透過滙豐流動理財及／或網上理財繳費；購買及／或充值儲值卡的交易（包括透過電子錢包或任何其他途徑增值八達通之交易）；以電子錢包所作的交易（包括增值電子錢包）；八達通自動增值；於「獎賞錢」購物網及其他推廣進行的換購交易；現金貸款、「現金套現」分期計劃及「現金套現」計劃的提款金額；「現金套現」分期計劃、「現金套現」計劃、「簽賬分期計劃」及其他分期計劃之供款金額；於非金融機構的半現金交易（包括購買外匯、匯票及旅行支票）；於金融機構的半現金交易（包括購買銀行產品及服務）電匯；賭博交易；繳稅；自動轉賬、循環付款；所有未誌賬／取消／退款的交易。
滙豐Red卡：立即申請
滙豐Red卡小檔案
- 網上簽賬：高達4%「獎賞錢」回贈（每月首$25,000，其後1%）
- 超市簽賬：2%「獎賞錢」回贈
- 其他本地簽賬：1%「獎賞錢」回贈
- 海外簽賬：1%「獎賞錢」回贈（1.95%手續費）
- 八達通自動增值：0.4%「獎賞錢」回贈
- Payme／支付寶／微信支付：無回贈
- 網上理財繳費：0.4%「獎賞錢」回贈 （每月首$10,000）
- 網上理財交稅：無回贈
- 永久免年費
- 年薪要求：HK$120,000
受條款及細則約束：迎新T&C、滙豐Red卡回贈T&C
請問用電話買Apple Gift Card 會有4%回贈嗎？
經App買有呀
網上簽賬4%係咪真係完全冇上限？有冇每年或每月上限？
真係無上限呀
之前迎新係唔係$6000現在加左到$8000
轉咗迎新啦～
迎舊既日子有冇話幾時到幾時？
一樣到7月
你好，我今個月頭用red card喺HKTVmall買嘢無4%..打上去問，佢話係商戶Transaction code唔係顯示網購
請問係咪冇得追番架？😢
佢話唔計就唔計，都無辦法，不過真係無聽過hktvmall都唔計…
可能下次轉用第二張卡啦，ZA Card／建行京東／信銀motion 都有 >=4%
補充
已用緊渣打simply cash 渣打近2年🙏🏻🙏🏻🙏🏻
見渣打smart好似都幾好 岩我現況嗎😳但會唔會當左左係舊客 無迎新😨
你好
信用卡白痴想問下野🙏🏻
如果我黎緊實體去美容院簽帳$7000
都會食到60日內果$700迎新+$240本身開卡回贈+$70(1%回贈) 會有 對嗎？？
或者有無更高回贈/岩用的卡推介🙏🏻🙏🏻🙏🏻
食到迎新$700+基本回贈$70，嗰$240係講緊網上簽賬所以唔啱用
其他信用卡迎新可以睇返https://hkcashrebate.com/welcome-offer/
有冇試過paypal 有冇4%？
Paypal一時時，小編都中過好多次伏
好詳細呀 想問用咩卡Top Up 個PayMe最抵呀?
渣打Simply Cash~
想問用佢黎交keychain pay 交租食唔食到迎新？
我估應該計，但亦有可能匯豐會識block咗唔count
請問 red卡 用Apple Pay 增值八達通 計唔計網上簽帳？有冇4%回贈？
得0.4%, 用安信earnmore 2% 最抵
我10月申請果時見到八達通自動增值計迎新，10月已經批左。但係宜家係咪已經唔計迎新喇?定跟10月offer?
10月開卡就跟返10月個迎新，可以玩八達通👍🏼
hi ! 想問問2條問題
1) 岩岩hsbc 個hotline 客服話用apple pay 付款，無論任何形式都係當流動付款，唔會計網上簽賬，所以只可以有5%，無得4%+5%，佢有無講錯定真?
2)如果買iphone 12 pro max 256gb ($10199)，最多回贈係$800(迎新) + $500 ( apple pay) + $407(網上簽賬)，即係$1707?
感謝
1) 匯豐Apple Pay Promo做過好多次，網上好多人都實測過有9%呀
2) 無錯
我用safari 上apple 官網 或者 直接電話用apple store 個app 用apple pay 買gift card ，2個方法都得?
thx thx
Ok, Apple Pay上網買就得
有冇印象10月個apple pay 優惠係咪1月月尾前出? 有冇消息回贈左未? 如果未收到可以點做?
感謝
T&C寫1月尾前出呀，到時無先再問CS，但其實好少會漏