全新星展DBS Live Fresh信用卡攻略 – 經本網成功申請賺$1,500迎新!網上簽賬高達6%回贈!

#星展信用卡 #DBS Live Fresh Mastercard #星展Live Fresh Card優惠 #星展Live Fresh Card積分回贈 #星展Live Fresh迎新 #星展DBSDollar #網上簽賬回贈 #網購信用卡 #星展信用卡好唔好 #星展學生信用卡 #星展Live Fresh年費豁免

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$500,夾埋迎新無成本賺$1,280!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年10月)

今期星展出咗張全新DBS Live Fresh信用卡,主打網上簽賬自選類別有5%回贈!如果係外幣網上簽賬更加可以去到6%回贈!而且佢個自選類別仲可以每個月改,所以都幾過癮。例如平時可以揀超市類別買HKTVmall,plan去旅行嘅時候就可以揀旅行類別book機票酒店!呢張卡申請門檻亦都唔高,連學生都申請到呀!依家張卡迎新仲可以賺到成$1,000!今期全新星展信用卡客戶經本網成功申請仲有額外$500超市禮券!

DBS Live Fresh賣點
  • 網上簽賬自選類別5%回贈
  • 網上外幣簽賬無上限1%回贈(自選揀埋外幣就夾埋6%)(海外簽賬攻略

呢張卡最主要嘅賣點其實得一個,就係網上簽賬自選類別5%回贈。呢個優惠暫時做到2021年12月31日,每個月最多可以賺到$150回贈,即係簽$3,000就會打爆。詳細類別同玩法下文會再介紹。

迎新禮遇

信用卡迎新

今期迎新做到2022年1月2日,全新星展信用卡客戶(過去12個月內無持有星展信用卡),只要出卡後3個月內累積指定簽賬金額,即可獲得迎新獎賞,高達$1,000「一扣即享」金額。張卡個迎新就唔計電子錢包/八達通自動增值,所以就無得零成本食。

留意返星展迎新嘅玩法比較特別,個「一扣即享」金額係未簽夠數就用得,同埋要喺迎新簽賬期內入App用咗佢,限期內無用到就會失效。新客戶須於批卡後1個月內下載DBS Card+ App並登記及啟動Card+帳戶,並於啟動帳戶後再簽賬。如果用咗個「一扣即享」但最後簽唔夠數,就會俾銀行扣返。

  • 新客迎新二揀一:
    • 批卡後3個月內簽$8,800送$1,000「一扣即享」金額
      • 將以$500分為2次推送,只適用於批卡後3個月內之$500或以上的單一零售簽賬交易(其中一筆須為網上簽賬)
    • 批卡後3個月內簽$5,800送$1,000 Klook禮遇($600禮物卡+$400 Staycation禮券)
      • 8星期內以優惠碼方式存入DBS Card+ 帳戶eShop內的Coupon Book
  • 學生新客迎新
    • 批卡後3個月內簽$1,800送$1,000 Klook禮遇
      • 8星期內以優惠碼方式存入DBS Card+ 帳戶eShop內的Coupon Book
  • 現有客戶迎舊
    • 批卡後3個月內簽$1,800送$200「一扣即享」金額
      • 將以$50分為4次推送(每個曆月一次),只適用於批卡後4個月內之$50或以上的單一零售簽賬交易

本網額外迎新

  • 只限全新星展信用卡客戶(12個月內未持有星展信用卡)
  • 2021年10月1日至10月31日經本網下面橙色字指定連結申請其後成功獲批
  • 申請後7日內填寫電郵內嘅換領表格(留意宣傳/垃圾郵件)
  • 毋須簽賬額外有$500超市禮券*
  • 連同信用卡迎新,簽$8,800(包括$3,000網上簽賬)賺$1,000現金回贈 + $500超市禮券

而今期經本網成功申請嘅額外回贈,就做到2021年10月31日。全新星展信用卡客戶經本網下面橙色字指定連結申請星展 Live Fresh信用卡其後成功獲批,並喺申請後7日內填寫電郵內嘅換領表格(留意宣傳/垃圾郵件)毋須簽賬額外送$500超市現金券。夾埋銀行個迎新,就即係簽$8,800賺$1,000回贈 + $500超市禮券!由於核對申請需時,有關禮券大概會喺4個月內發出。

[為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。 若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 ]

DBS Live Fresh卡:立即申請
(申請後7日內要填返email入面份換領表格呀!)

玩法

呢張卡網上簽賬自選類別有5%回贈,而佢嘅自選類別就總共有7個類別揀,分別為外幣、旅遊商戶(如機票酒店網)、超市、餐飲(如外賣App)、娛樂(如戲飛/Spotify)、服飾、慈善捐款。詳細每個類別包括啲咩商戶可以睇返官網解釋。留意返係只有網上簽賬再夾啱類別先會有5%回贈。優惠下每個月最多可以賺到$150回贈,即係簽$3,000就會打爆。

張卡嘅自選類別可以隨時入返佢DBS Card+ App入面去轉,改完之後下個月就會生效。

留意返佢嘅回贈並唔係自動入賬,而係要簽完卡之後入返Card+ App,㩒返嗰項交易個「一扣即減」掣去扣減簽賬。

伏位
  • 基本回贈得0.4%
  • 網上5%回贈要揀類別同簽$3,000就爆(網上簽賬信用卡攻略
  • 上網喺海外商戶簽港幣(CBF)無回贈

呢張卡個回贈其實唔算好吸引,因為個網上5%回贈都要夾返中類別,同埋簽得$3,000就打爆。另外,如果上網喺海外商戶簽港幣,好似App Store/Netflix/Spotify/Airbnb咁,呢張卡係無回贈,亦都唔計迎新,詳情可以睇返呢篇海外簽賬DCC/CBF手續費陷阱詳解。小編都收到讀者反映過,呢張卡明明官網自選5%回贈嘅娛樂類別寫明例子包括Netflix,但實際就因為Netflix係DCC簽賬完全無回贈。

酒店網預訂優惠

Agoda預訂酒店88折
憑DBS信用卡透過指定網頁預訂酒店可享88折。詳情可參閱官方網頁

Expedia預訂酒店91折
憑DBS信用卡透過指定網頁預訂酒店,並輸入優惠代碼「DBSHK09」,可享91折。詳情可參閱官方網頁

Hotels.com預訂酒店92折
憑DBS信用卡透過指定網頁預訂酒店,並輸入優惠代碼「AFDBSHK」,可享92折。詳情可參閱官方網頁

FAQ
DBS Live Fresh卡有無年費?

呢張卡首年免年費,之後年費係$1,800,但其實一年後見到月結單收年費可以打電話waive。如果waive唔到,只要即刻cut卡就唔使交,而一年後cut卡亦唔會有任何罰則。所以大家可以放心開卡賺迎新!

係咪要新客戶先有迎新同額外獎賞?點先算係新客戶?

今次星展迎新同經本網成功申請額外獎賞都只限遞交申請日之前12個月內並無持有星展信用卡之全新星展信用卡客戶,即係12個月內持有過任何一張星展信用卡都唔合資格。即使同時申請多過一張星展信用卡,每位客戶最多只可享一份經本網申請額外獎賞。如果只係持有銀行戶口,都可以食到信用卡迎新同額外獎賞。

點樣攞經本網成功申請嘅額外獎賞禮品?幾時先會收到?

只要經本網指定連結申請有關信用卡,並喺申請後7日內填寫電郵內之換領表格(留意宣傳/垃圾郵件),就合資格領取MoneyHero嘅額外獎賞。喺同有關金融機構核實資料,確認信用卡為經本網成功申請之後,就會收到由MoneyHero發出嘅換領電郵(留意有無去咗宣傳/垃圾郵件),成個過程大概需時4個月。為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。 若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 如對額外獎賞換領有任何查詢或未有收到換領表格電郵,請電郵至[email protected]com.hk或於辦公時間致電3018 9760。

迎新合資格簽賬計啲咩?Payme計唔計?

星展信用卡係無得零成本食迎新,係要老老實實去簽。同埋留意返DBS迎新有個伏位,就係連外地商戶嘅港幣交易都唔計(DCC陷阱詳解)。參考返T&C原文:在計算簽賬要求時,只有已誌賬的合資格簽賬方被計算在內(就以信用卡免息分期貸款完成的合資格簽賬而言,只計算已誌賬的每月供款)。以下類別的交易不屬於合資格簽賬:現金透支及有關手續費/行政費、八達通的申請費/手續費及自動增值金額、籌碼兌換、外幣兌換、財務費用、沖正簽賬、逾期費用、信用卡年費、「迅用錢」、「結餘轉戶」、「現金轉戶」計劃、「輕鬆分期付款」計劃、「先簽賬後分期」計劃、於香港以外的銷售點(就網上交易而言,指商戶的登記及/或結算所在地)所進行的港幣交易、繳付保險費用、繳付稅項、「電子錢包增值」(包括但不限於 PayMe、WeChat Pay及支付寶 )、透過「星展iBanking網上理財」/銀通櫃員機的「繳費易」服務/24小時客戶服務熱線或其他不時由本行指定的方法進行的任何繳費交易、已被取消的簽賬、正在進行索償、退貨及/或退款等的簽賬或本行不時指定的其他類別的簽賬。

DBS Live Fresh卡:立即申請
(申請後7日內要填返email入面份換領表格呀!)

DBS Live Fresh卡小檔案
  • 基本簽賬:0.4%回贈
  • 網上外幣簽賬:1%回贈(1.95%手續費)
  • 網上自選類別簽賬:5%回贈(每月首$3,000)
  • Payme/支付寶/微信支付:0.4%回贈
  • 八達通自動增值:0.4%回贈
  • 網上理財網上繳費:無回贈
  • 年費:$1,800(首年免年費,之後打電話waive
  • 年薪要求:$150,000/學生

*額外迎新禮品由MoneyHero送出及安排換領,受條款及細則約束。所有經本網成功申請紀錄以有關金融機構提供資料為準,MoneyHero保留最終決定權。若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。
*受條款及細則約束:迎新T&C5%回贈T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

9 則留言

  1. 1) ALIPAY淘寶簽賬計唔計迎新?
    2) ALIPAY本地簽賬計唔計迎新?
    3) 同埋想問淘寶係計超市定外幣自選類別?
    謝謝

  2. 想問下dbs fresh card 迎新優惠喺做到幾時?因為上面你話係做到9月尾,但我襟條link 申請嘅時候佢email嘅獎賞換領表格喺寫期限至今年7月31,咁我而家申請即係仲會唔會有個$500超市禮券?

    另外想問下,如果用呢張卡交大學學費會唔會有rebate?

    thanks

  3. 謝謝回覆!

  4. 請問張實體卡加落Google Pay來消費,當不當正常簽賬來攞迎新?謝謝!

留言(你的電郵不會被公開)