[2024信用卡交大學學費攻略] 交學費勁賺高達2.4%回贈!

#2021年信用卡交大學大專學費回贈 #信用卡交學費優惠 #信用卡交港大、中大、科大、城大、理大、浸大、教大、嶺大、公大學費 #信用卡交Master碩士學費

新客經本網申請渣打Smart卡,毋須簽賬額外賺$800,連同迎新簽$3,500合共賺$1,600!

新客經本網申請恒生MMPOWER卡額外賺$1,600!舊客都有額外$700!

新客經本網申請AEON WAKUWAKU,迎新賺高達$1,400!

啱啱入U開咩卡好?即睇學生必備信用卡組合

想開多幾張學生卡賺迎新?即睇必食學生信用卡迎新大全

(最後更新:2024年7月)

讀緊大學嘅同學仔,每年都要大拿拿交成$42,100學費,嚟緊仲話要加價!咁大筆開支,其實可以乘機食返筆現金回贈!以下呢篇交學費攻略,就會教大家活用各種信用卡優惠同繳費App,可以賺到高達2.4%回贈!

信用卡交學費賺高回贈嘅方法主要有以下3種:

  • 滙豐學生卡:網上理財繳交學費2.4%回贈(每學期首$8,334)
  • 恒生大專聯營卡:網上理財繳交學費2.4%回贈(每學期首$10,000)
    • 只限中大、城大、浸大、恒大、CUSCS學生
  • 安信EarnMORE卡:雲閃付繳交學費2%回贈(每年首$150,000)

心水清嘅同學仔應該會發覺,上述滙豐同恒生交學費2.4%回贈嘅優惠,個回贈上限其實係唔夠交全個學期嘅學費,即係爆咗上限之後嘅餘額就無回贈!所以視乎你怕唔怕麻煩,如果唔想太複雜嘅話可以直接用滙豐/恒生交晒全期學費賺少啲回贈就算;如果唔怕麻煩嘅就可以整埋雲閃付個App賺足全期學費回贈。

滙豐滙財金卡 – 學生卡

cq5dam.web_.880.1000

滙豐滙財金卡 – 學生卡,一路都長做緊網上理財繳付指定學院學費有2.4%回贈嘅優惠!

優惠期分兩個階段,分別為2024年4月1日至9月30日,同埋2024年10月1日至2025年3月31日。優惠下每階段最高可享$200獎賞錢。呢個優惠之下,每個學期交$8,334就會打爆$200回贈;如果想賺盡回贈,剩低嘅學費就要轉用其他卡交。額外獎賞錢會分別喺2024年11月或2025年5月入賬。詳情同指定學院名單可以睇返T&C。信用卡詳情可以睇返滙豐學生金卡攻略

留意返學生卡一般只有大概$10,000信用額,唔夠交晒全期學費;如果想用呢張卡交多過信用額嘅話,可以預先將個差額入咗落張信用卡到先再交。

恒生大學/大專聯營信用卡

card_co_cu

恒生嘅大學/大專聯營信用卡都一路都長做緊網上理財繳付指定學院學費有2.4%回贈嘅優惠!但恒生出嘅大學/大專聯營卡,就只有中大、城大、浸大、恒大、CUSCS學生先申請到

只要用呢張卡繳付指定學院學費,就可獲額外2% +FUN Dollars,連同基本0.4%即共2.4%回贈!今期優惠暫時做到2024年12月31日,優惠下最高可享額外$200 +FUN Dollars,即係每個學期交$10,000就會打爆$240回贈;如果想賺盡回贈,剩低嘅學費就要轉用其他卡交。額外回贈將會喺2025年2月入賬。詳情同指定學院名單可以睇返T&C。信用卡詳情可以睇返恒生大學/大專信用卡攻略

留意返學生卡一般只有大概$10,000信用額,唔夠交晒全期學費;如果想用呢張卡交多過信用額嘅話,可以預先將個差額入咗落張信用卡到先再交。

安信EarnMORE卡

primecreditearnmoreunion

安信EarnMORE銀聯卡主打2%全方位現金回贈,每年簽賬限額有成$150,000!呢張卡差唔多簽咩都有2%,包括小編實測用雲閃付交學費都一樣賺到2%回贈!如果一個學期$21,050學費直接用呢個方法交晒,就賺到$421回贈!

今期新客經本網申請安信EarnMORE卡仲有額外優惠,詳細可以參考返安信EarnMORE卡攻略

留意返學生卡一般只有大概$10,000信用額,唔夠交晒全期學費;如果想用呢張卡交多過信用額嘅話,就要分開多過一次去交,每次交完之後找返數先第二日再交過。

要以雲閃付App繳費,首先當然就要down咗個App(AniOS)先,然後就要開戶口同埋綁埋張EarnMORE卡入去。搞掂之後,就喺個App入面揀「香港繳費」,再跟住揀返收款機構同金額就得。

小結

只要跟住上面嘅步驟做,交個學費,每年就可以賺返差唔多成千蚊嘅回贈返嚟!玩現金回贈信用卡賺返銀行錢轉頭,呢種感覺係咪好正?如果你想繼續賺更多嘅現金回贈,可以睇下學生信用卡攻略

最後,小編以前都做過大學生;作為過來人,苦口婆心啲都要勸一句:信用卡卡數一定要月月full pay清!

借定唔借?還得到先好借!

唔想錯過信用卡回贈優惠?即刻Follow我哋FB PageIG!最緊要加入埋WhatsApp Channel!仲可以訂閱電子報呀!

本網站所載資料只供參考,有關產品詳情請以金融機構所提供的資訊及/或有關連結內的內容為準。

分享