[信用卡交學費教學攻略] 交大學學費賺高達$988現金回贈,仲有$800迎新!

#2020年信用卡交大學大專學費回贈 #信用卡交學費優惠 #信用卡交港大、中大、科大、城大、理大、浸大、教大、嶺大、公大學費

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

啱啱入U開咩卡好?即睇學生必備信用卡組合

想開多幾張學生卡賺迎新?即睇必食學生信用卡迎新大全

(最後更新:2020年8月)

讀緊大學嘅朋友仔,每年都要大拿拿交成$42,100學費;咁大筆開支,你有無諗過其實可以乘機食返筆現金回贈?雖然市面上有好多2%/1.5%嘅回贈信用卡,但經e-banking繳費平時係唔會食到咁高嘅回贈,一般都只係可以賺到0.4%/0.5%。而以下呢篇交學費攻略,就會教大家活用各種信用卡優惠同繳費App,夾埋係可以食到高達$988現金回贈同$800迎新!

為咗食足全部回贈,以下教學分為三部份,第一part係匯豐學生卡金卡,第二part係恒生大學/大專聯營卡,第三part係安信EarnMORE卡。我明白要開3張卡咁多可能會令好多人卻步,所以亦都整咗個簡單版流程,怕麻煩嘅人可以剩係開一張卡賺少啲回贈,大家可以睇返下面個flowchart決定。

匯豐滙財金卡 – 學生卡

cq5dam.web_.880.1000

匯豐張滙財金卡 – 學生卡一路都有做緊個高達2.4%回贈嘅交學費回贈優惠,每年交學費足足可以賺到成$400!今期個交學費優惠,暫時做到2021年3月1日,但應該打後都會繼續長做。呢期優惠分為兩個「階段」,第一個係2020年7月1日至年12月31日,第二個係2021年1月1日至年3月1日,每個階段最多可以賺到$200回贈(受條約及細則約束)。簡單嚟講,就係交Sem 1學費袋$200,然後再交Sem 2學費又袋多$200,總共一年袋$400。呢個優惠之下,每個學期交$8,334就會打爆$200回贈,然後剩低嘅$12,716就要用其他卡繼續交。

持卡人只需用e-banking向以上大學/大專交學費,並選擇由信用卡付款,就可以成功賺到回贈,而有關回贈將會喺2021年4月入賬。所賺返嚟嘅「獎賞錢」,只要down返匯豐個Reward+ App,就可以用嚟扣減簽賬/月結單。如果唔識用e-Banking繳費,可以參考呢個恒生做嘅教學,同匯豐都係大同小異。另外有樣嘢要提一提大家。如果本身無匯豐銀行戶口嘅話,開卡嗰時記得要揀返開埋櫃員機功能。因為如果你無匯豐銀行戶口,而張信用卡又無櫃員機密碼,你係唔會開到e-banking account,亦即係唔會用到e-banking嚟交學費

而呢張學生卡,除咗永久免年費之外,仲做緊個迎新優惠,即日起至2021年3月1日,全新匯豐信用卡客戶只要批卡後60日內簽夠$2,000(唔計繳費),就可以再賺多$300回贈,仲可以用O!ePay chok簽賬無成本食到(受條款及細則約束)!另外呢張卡本身嘅現金回贈其實都幾高,簽中自選類別有成2.4%,簽外幣回贈仲高達4.4%!想了解返張卡嘅玩法嘅話,就一定要睇埋呢篇匯豐學生金卡攻略啦!

滙豐滙財金卡 – 學生卡:立即申請

恒生大學/大專聯營信用卡

card_co_cu

恒生嘅大學/大專聯營信用卡都一樣有長做個差唔多嘅優惠,交學費有2.4%回贈,每年總共回到$480!但恒生出嘅大學/大專聯營卡,就只有中大、城大、浸大、恒大同CUSCS;如果你唔係讀上述幾間院校,就無份食呢個優惠,可以即接skip去第三part啦。

今期個交學費回贈做到2020年12月31日,但之後應該都係會繼續延長。即日至2020年12月31日,交學費可獲額外2%回贈,連同基本0.4%回贈即2.4%回贈,而額外回贈上限係$200(受條款及細則約束)。簡單嚟講,即係每個學期交學費可以回$240,一年總共袋$480。呢個優惠之下,每個學期交$10,000就會打爆$240回贈,再減返啱啱用匯豐交嘅$8,334,就剩低$2,716要用第三部份嘅安信EarnMORE卡交。

持卡人只需用e-banking向以上大學/大專交學費,並選擇由信用卡付款,就可以成功賺到回贈,有關詳細步驟可以睇返呢篇教學,而額外回贈將會喺4個月內入賬。

而呢張信用卡,除咗永久免年費之外,仲做緊個迎新優惠,即日起至2020年12月31日,有關大學/大專學生只要批卡後60日內簽夠$1,000(唔計繳費),就可以再賺多$200現金回贈(受條款及細則約束)。由於呢張大學卡迎新係新舊客都有,所以我會建議開咗恒生張MPower食咗迎新再開呢張。但由於呢張卡平時簽賬得0.4%回贈,而且恒生啲Cash Dollar又鬼咁難用(只可以換禮券或者喺指定商戶消費時扣減簽賬),所以小編建議除咗交學費同賺迎新之外就可以將呢張卡扔埋一邊。想了解返張卡嘅玩法嘅話,可以睇埋呢篇恒生大學/大專信用卡攻略

恒生大學/大專聯營信用卡:立即申請

安信EarnMORE卡

primecreditearnmoreunion

如果你啱啱係由第一part跳過嚟,你應該仲有$12,716嘅學費未交;如果你有恒生張大學聯營卡,就應該得返$2,716未交。餘低嘅學費,如果想賺到最高嘅回贈,就要靠呢張安信EarnMORE卡經雲閃付App繳費賺2%,可以分別再回到$254或者$54(其實正常繳費係無2%,呢個玩法隨時會俾人封,要交就快啦!)。全部回贈夾埋,如果你無恒生大學聯營卡就一年賺到$908,有嘅話就賺到$988!我明白好多人可能會唔想用雲閃付,但係咁高嘅回贈率下,其實安信/銀聯係唔會有錢賺。如果抗拒唔想用嘅話,就只可以用返恒生MPOWER卡經e-Banking俾埋餘額賺0.4%(每月首$10,000繳費)。或者如果你懶啲,唔想開咁多張卡,亦都可以直接用EarnMORE卡交晒$21,050賺$421回贈,計返一年都有成$842。留意返學生卡得$10,000信用額可能會唔夠交學費,咁就要預先入定個差額落信用卡戶口先。

要以雲閃付App繳費,首先當然就要down咗個App(iOS|Android)先,然後就要開AC同埋綁埋張EarnMORE卡入去。搞掂之後,就喺個App入面揀「香港繳費」,再跟住揀返收款機構同金額就得,詳細步驟可以睇呢個教學

而呢張EarnMORE卡,仲做緊個學生迎新優惠,即日起至2020年12月31日,全新安信信用卡客戶只要批卡後60日內簽夠$2,000,就可以再賺多$200現金回贈,再加埋網上申請額外回$100,總共$300(受條款及細則約束)!至於經雲閃付繳費計唔計落呢$2,000,就真係唔太肯定,但用O!ePay chok簽賬就一定無成本食到!呢張卡仲要平時都有2%回贈,以劃一回贈信用卡嚟講可以話係全城最高!想了解返張卡嘅玩法嘅話,就一定要睇埋呢篇安信EarnMORE卡攻略啦!

安信EarnMORE銀聯卡:立即申請

小結

只要跟住上面嘅步驟做,交個學費,每年就可以賺返差唔多成千蚊嘅回贈返嚟!玩現金回贈信用卡賺返銀行錢轉頭,呢種感覺係咪好正?如果你想繼續賺更多嘅現金回贈,可以睇下呢篇學生信用卡攻略,亦可以入我個Blog「學生卡」呢個tag入面睇睇。

最後,小弟以前都做過大學生;作為過來人,苦口婆心啲都要勸一句:信用卡卡數一定要月月full pay清,千祈唔好差卡數;除咗因為啲利息真係好甘,更重要嘅係慢慢啲卡數愈積愈多,就永遠都唔會還得完。千萬要記住,研究玩卡係為咗賺銀行錢,唔係比錢銀行賺。如果你自問自己使錢無咩定力,請你即刻關咗呢個網頁同埋千祈唔好去開卡,因為我實在承受唔起害咗個學生揹到成身卡數嘅罪孽!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)