中銀手機開戶+SI出糧戶口優惠:新舊客賺高達$1,200回贈!公務員高達$2,200!

#BOC中銀出糧戶口優惠 #BOC中銀SI出糧 #中銀手機開戶 #中銀戶口迎新 #中銀理財 #中銀智盈理財 #中銀自在理財 #中銀公務員出糧戶口優惠

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$500,夾埋迎新無成本賺$1,280!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

有無諗過連開銀行戶口都可以賺迎新?即睇銀行開戶迎新大全

想轉出糧戶口賺迎新?玩SI自製出糧?即睇出糧戶口全攻略

 

此優惠已完結

 

(最後更新:2021年1月)

今期中銀做緊個手機開戶兼出糧戶口迎新,選用中銀出糧服務可以賺到高達$1,200回贈,仲要連SI(Standing Instruction 常行指示)自製出糧戶口都計呀!即係唔使煩到公司HR,自己用第二個戶口射筆錢過中銀就得!如果係公務員嘅話,真出糧仲可以賺到高達$2,200回贈!

今次中銀嘅優惠,簡單而言,視乎你有幾多閒錢,主要可以揀呢幾個choice:

  1. 開自在理財:放1萬 + 用1萬玩SI出糧賺$600
  2. 開智盈理財:放20萬 + 用3萬玩SI出糧賺$900
  3. 開中銀理財:放100萬 + 用8萬玩SI出糧賺$1,200

如果你只係擁有中銀信用卡而無銀行戶口,係一樣可以食晒以下全部優惠。如果你本身擁有中銀戶口但無用開中銀出糧,除咗手機開戶嗰項之外,一樣係可以食晒個出糧優惠。

中銀出糧戶口回贈詳情

自在理財

智盈理財

中銀理財

最低結餘

$1萬

$20萬

$100萬

1. 手機開戶

同時選用發薪服務:$200

2. 網上登記

網上登記並選用發薪服務:$200

3. 出糧獎賞

≥ 1萬: $200

≥ 3萬: $500

≥ 1萬: $200

≥ 8萬: $800

≥ 3萬: $500

≥ 1萬: $200

或公務員真出糧高達$1,800

總共

擺$2萬: $600

擺$23萬: $900 擺$108萬: $1,200
開戶步驟

中銀依家已經可以用手機開戶,只要開返中銀香港個App(AniOS),㩒開立戶口,填好資料影身份證同自拍就搞掂,詳細可以參考返下面條片。

留意返,所有現金回贈係會以信用卡免找數簽賬額形式發放,所以如果本身無中銀信用卡就要開完戶口開埋佢(最抵建議開淘寶卡,迎新簽$3,000回$300)。

中銀開戶:Android開戶iOS開戶官網

1. 手機開戶發薪服務獎賞

今期迎新做到2021年3月31日,只限2021年1月2日或之前未持有過中銀戶口嘅全新客戶。中銀戶口新客透過手機App開戶,並成功登記及選用「發薪服務」,以及完成下面第3項個出糧獎賞嘅條件,可獲$200獎賞。免找數簽賬額將於2021年10月或之前入賬。

2. 網頁登記發薪服務

今期優惠做到2021年3月31日,只限過去3個月未曾登記/使用中銀發薪服務嘅客戶。客戶成功透過中銀網上銀行或中銀網頁成功登記及選用發薪服務,以及完成下面第3項個出糧獎賞嘅條件,可獲$200獎賞。免找數簽賬額將於2021年10月或之前入賬。

3. 發薪服務迎新獎賞

首先同大家簡介下咩係SI(Standing Instruction 常行指示)先。簡單嚟講,SI就係喺你本身銀行戶口set個自動轉賬,然後佢每個月就會自動過數去第二個銀行戶口,即係類似自動轉賬找卡數咁。而某啲銀行(例如中銀)係會將呢啲透過SI轉賬入嚟嘅錢當做出糧,咁我地就可以透過SI過數將喺另一間銀行嘅錢轉去中銀,從而食到中銀出糧戶口優惠。然後當你中銀個戶口收到條數,你又可以將筆錢手動轉返去本身個銀行戶口,咁你只要有1筆閒錢無限loop就可以食盡呢個出糧優惠。

要做SI射錢去中銀,就要去返你本身用開間銀行到做;一般打電話上hotline,同CS講要做standing instruction每個月指定日子過數去第二個銀行戶口佢就識搞(例如恒生),甚至有啲銀行網上理財已經可以搞掂(例如滙豐),真係搞唔到嘅話就落分行搵櫃台職員,但部份銀行可能會收返幾十蚊手續費。留意返,SI由扣數去到第二間銀行入賬,要預返兩三個工作天,所以千祈唔好set月尾過數,如果唔係第二個月先到賬嘅話就會斷咗出糧紀錄。

3a. 一般出糧/SI出糧

今期優惠做到2021年3月31日,只限過去3個月未曾登記/使用中銀發薪服務嘅客戶。只要登入中銀網上理財後登記發薪服務(或電話/分行登記),並喺登記月份起其後2個月內開始以公司自動轉賬/SI方式存入薪金,並且符合以下要求,即可獲得回贈:

  • 推廣期內透過BoC Pay綁定Smart Account/雙幣信用卡主卡;或
  • 推廣期內綁定中銀賬戶為轉數快預設賬戶

視乎存入嘅薪金同戶口級別,可以獲得嘅現金回贈如下:

每月薪金

中銀理財

智盈理財

自在理財

$80,000或以上

$800

$500

$200

$30,000 – $79,999

$500

$10,000 – $29,999

$200

$200

上述免找數簽賬額會喺2021年10月或之前入賬。上述出糧指示、賬戶綁定同信用卡都要喺回贈入賬嘅時候維持有效。

3b. 公務員真出糧

如果係公務員嘅話,中銀仲有個更加吸引嘅出糧戶口優惠可以玩,但就只限真出糧唔計SI出糧。除咗係要由庫務署直接出糧同埋唔計SI之外,其他所有條件都基本上係同上面3a項一模一樣,所以都一樣要做埋綁定戶口啲要求。視乎存入嘅薪金同戶口級別,可以獲得嘅現金回贈如下:

 

每月薪金

中銀理財

智盈理財

自在理財

$80,000或以上

$1,800

$800

$400

$30,000 – $79,999

$800

$10,000 – $29,999

$400

$400

中銀開戶:Android開戶iOS開戶官網

受條款及細則約束:出糧迎新T&C公務員出糧迎新T&C

小結

最後recap多次Citi出糧戶口主要幾個玩法:

  1. 開自在理財:放1萬 + 用1萬玩SI出糧賺$600
  2. 開智盈理財:放20萬 + 用3萬玩SI出糧賺$900
  3. 開中銀理財:放100萬 + 用8萬玩SI出糧賺$1,200
借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

8 則留言

  1. 中銀理財 , 智盈理財, 自在理財戶口有無最低結餘要求或者收年費?

  2. 想問
    推廣期內透過BoC Pay綁定Smart Account/雙幣信用卡主卡;或
    推廣期內綁定中銀賬戶為轉數快預設賬戶

    如我之前BOC PAY已綁定左Smart Account和雙幣信用卡主卡及綁定左中銀賬戶為轉數快預設賬戶,要再次重新登記嗎?

  3. 如果我本身係中銀理財客戶但未申請過出糧戶口, 但我冇100萬資金+ 用8萬玩SI出糧賺$1,200…
    咁我可以放20萬 + 用3萬玩SI出糧賺$900嗎?
    THANKS!

    • 戶口放唔夠$100萬銀行有權downgrade你,如果downgrade咗嘅話就無回贈。同埋手機開戶$200現有客戶無份,所以都係得$700。

  4. 如果我有幾張信用卡, 可揀免找數簽賬額入番落邊張卡?

留言(你的電郵不會被公開)