#Standard Chartered渣打出糧戶口優惠 #渣打SI出糧 #渣打SC Mobile #渣打手機開戶 #渣打戶口迎新 #渣打Premium理財 #渣打優先理財 #渣打Priority
新客經本網申請指定東亞信用卡，毋須簽賬額外賺$1,200，夾埋迎新賺高達$1,950！
新客經本網申請指定大新信用卡，毋須簽賬額外賺$750，夾埋迎新賺高達$1,150！
新客經本網申請Citi Cash Back，額外回$500，夾埋迎新無成本賺$1,400！
新客經本網申請安信EarnMORE，毋須簽賬額外回$550，迎新無成本食$1,220！
新客經本網申請信銀Motion，毋須簽賬賺額外回$500，夾埋迎新賺高達$2,000！
有無諗過連開銀行戶口都可以賺迎新？即睇銀行開戶迎新大全！
想轉出糧戶口賺迎新？玩SI自製出糧？即睇出糧戶口全攻略！
（最後更新：2021年5月）
今期渣打做緊個出糧戶口迎新，新客用佢嚟出糧就可以賺到現金回贈，仲要連SI（Standing Instruction 常行指示）自製出糧戶口都計呀！即係唔使煩到公司HR，自己用第二個戶口射筆錢過渣打就得！唔單止出糧戶口優惠呀，渣打仲做緊個新資金獎賞，放錢入去擺又有現金回贈！依家仲可以經SC Mobile個App，唔使落分行就開到戶！
除咗可以賺迎新優惠之外，渣打客戶仲可以申請返張Cirrus提款卡，去歐美㩒錢好用過其他銀行啲銀聯卡勁多（海外提款攻略）！另外渣打出糧戶口／Premium戶口客戶仲可以免到渣打信用卡年費，咁就唔使煩cut卡啦！
今期渣打做緊堆優惠，簡單而言，視乎你有幾多閒錢，主要可以揀呢幾個choice：
- 開Premium理財：用8萬玩SI出糧賺$900
- 開Premium理財：用8萬玩SI出糧賺$900 + 放20萬賺$688／放50萬賺$888／放80萬賺$1,088
- 開Priority優先理財：用8萬玩SI出糧賺$900 + 放100萬賺$4,388／放300萬賺$5,888／放500萬賺$7,888
如果唔要現金回贈仲可以揀Asia Miles，不過呢篇文就唔詳述。如果你只係擁有渣打信用卡而無銀行戶口，係可以食晒以下全部優惠。如果你本身擁有渣打戶口，都有可能會適用部份優惠（例如新開立出糧服務、晉升戶口等級），但為免篇文太過複雜，以下篇文就唔cover埋現有客戶玩法。
渣打出糧戶口回贈詳情
| 獎賞 |
Premium理財 |
優先理財 |
| 1. 出糧戶口迎新 |
≥8萬: $900 |
|
| 2. 新資金獎賞 |
≥80萬: $900 維持資金: 額外$188 |
≥500萬: $7,000 維持資金: 額外$888 |
| 3. 信用卡免年費 |
渣打信用卡免年費優惠 |
|
| 總共 |
擺8萬: $900 |
擺108萬: $5,288 |
開戶步驟
渣打依家已經可以用手機開戶，只要開返SC Mobile個App，㩒右下角開立戶口，填好資料影身份證同自拍就搞掂。
完成開戶步驟後，就等通知入返App設定戶口，包埋揀返用邊個等級嘅理財服務同開埋出糧戶口。
留意返，SC Mobile手機開戶係唔支援新智能身份證；如果你已經換咗身份證嘅話，就要網上打完資料之後要再落分行走一轉開戶口。
1. 「出糧升級組合」迎新優惠
首先同大家簡介下咩係SI（Standing Instruction 常行指示）先。簡單嚟講，SI就係喺你本身銀行戶口set個自動轉賬，然後佢每個月就會自動過數去第二個銀行戶口，即係類似自動轉賬找卡數咁。而某啲銀行（例如渣打）係會將呢啲透過SI轉賬入嚟嘅錢當做出糧，咁我地就可以透過SI過數將喺另一間銀行嘅錢轉去渣打，從而食到渣打出糧戶口優惠。然後當你渣打個戶口收到條數，你又可以將筆錢手動轉返去本身個銀行戶口，咁你只要有8萬閒錢無限loop就可以食盡呢個出糧優惠。
今期優惠做到2021年6月30號，只限之前12個未曾使用過渣打出糧服務嘅客戶，而客戶要喺開戶後2個月內存入薪金（包括SI）。要做SI射錢去渣打，就要去返你本身用開間銀行到做；一般打電話上hotline，同CS講要做standing instruction每個月指定日子過數去第二個銀行戶口佢就識搞（例如恒生），甚至有啲銀行網上理財已經可以搞掂（例如匯豐），真係搞唔到嘅話就落分行搵櫃台職員，但部份銀行可能會收返幾十蚊手續費。留意返，SI由扣數去到第二間銀行入賬，要預返兩三個工作天，所以千祈唔好set月尾過數，如果唔係第二個月先到賬嘅話就會斷咗出糧紀錄。
唔同薪金賺到嘅回贈如下，但反正都係做SI，一般都係直接打爆8萬㗎啦。有關現金回贈會係2021年12月31日或之前入賬，而個出糧／SI就最好一路做到收到回贈為止。
| 每月薪金 | 現金回贈 |
| 80,000或以上 | $900 |
| 50,000至80,000以下 | $400 |
| 20,000至50,000以下 | $200 |
（條款及細則）
2. 新資金增長獎賞
2a. Premium理財
今期優惠做到2021年6月30日，只限過往12個未曾持有過Premium理財／優先理財戶口客戶。留意返，要賺到新資金獎賞要做齊以下各樣嘢：
- 開立戶口後兩星期內完成登記網上理財
- 開立戶口後於指定日期I前於網上理財完成「客戶投資取向問卷」
- 開立戶口月份之後第一個曆月內存入新資金，並維持總結存至指定日期I
| 開立日期 | 存入新資金限期 | 指定日期I | 指定日期II |
| 2021年3月 | 2021年4月30日 | 2021年6月30日 | 2021年9月30日 |
| 2021年4月 | 2021年5月31日 | 2021年7月31日 | 2021年10月31日 |
| 2021年5月 | 2021年6月30日 | 2021年8月31日 | 2021年11月30日 |
| 2021年6月 | 2021年7月31日 | 2021年9月30日 | 2021年12月31日 |
簡單嚟講，就係開完戶口之後即刻去開網上理財同填咗份問卷，之後拿拿林放錢入去擺到指定日期I（或者擺到出咗回贈為止就更穩陣），想賺埋出糧回贈就同時盡快搞埋SI。有關現金回贈會喺2021年12月31日或之前入賬。擺唔同新資金可獲嘅現金回贈如下：
| 新資金 | 現金回贈 |
| 800,000或以上 | $900 |
| 500,000至799,999 | $700 |
| 200,000至499,999 | $500 |
最後，如果繼續維持新資金去到指定日期II，仲可以再賺$188額外現金回贈。有關現金回贈會喺2022年2月28日或之前入賬。
其實成件事同定期存款差唔多，擺夠期就有額外現金回贈。最後提返，Premium理財係無手續費，玩完個優惠之後cut咗SI同唔放錢都可以擺喺到，最多都係俾佢downgrade。
（條款及細則）
2b. 優先理財（Priority）
今期優惠做到2021年6月30號，只限過往12個未曾持有過優先理財戶口客戶。留意返，要賺到新資金獎賞要做齊以下各樣嘢：
- 開立戶口後兩星期內完成登記網上理財
- 開立戶口後於指定日期I前於網上理財完成「客戶投資取向問卷」
- 開立戶口月份之後第一個曆月內存入新資金，並維持總結存至指定日期I
| 開立日期 | 存入新資金限期 | 指定日期I | 指定日期II |
| 2021年3月 | 2021年4月30日 | 2021年6月30日 | 2021年9月30日 |
| 2021年4月 | 2021年5月31日 | 2021年7月31日 | 2021年10月31日 |
| 2021年5月 | 2021年6月30日 | 2021年8月31日 | 2021年11月30日 |
| 2021年6月 | 2021年7月31日 | 2021年9月30日 | 2021年12月31日 |
簡單嚟講，就係開完戶口之後即刻去開網上理財同填咗份問卷，之後拿拿林放錢入去擺到指定日期I（或者擺到出咗回贈為止就更穩陣），想賺埋出糧回贈就同時盡快搞埋SI。有關現金回贈會喺2021年12月31日或之前入賬。擺唔同新資金可獲嘅現金回贈如下：
| 新資金 | 現金回贈 |
| 5,000,000或以上 | $7,000 |
| 3,000,000至少於5,000,000 | $5,000 |
| 1,000,000至少於3,000,000 | $3,500 |
最後，如果繼續維持新資金去到指定日期II，仲可以再賺$888額外現金回贈。有關現金回贈會喺2022年2月28日或之前入賬。
其實成件事同定期存款差唔多，擺夠期就有額外現金回贈。最後要留意返，優先理財最低結餘係100萬，如果擺唔夠數唔單止會無咗上述回贈，第三季度起仲會收手續費。所以如果無100萬閒錢可以擺喺到，最好都係開返Premium理財。
（條款及細則）
3. 信用卡免年費
依家優先理財／Premium理財／渣打紅利出糧戶口客戶仲可享渣打信用卡免年費優惠，咁就唔使成日煩要cut卡啦！
Smart卡今期迎新，全新渣打信用卡客戶開卡後60日內嘅首$4,000合資格簽賬，都可以享有25%回贈！首次登記使用渣打網上理財再回$100！做埋商戶自動轉賬仲可以賺多$500！即日起至2021年7月5號，新客經本網以下連結申請渣打Smart卡並輸入推薦號碼「HKR1685-657」仲有額外$300回贈*！申請途中仲可以投票揀選Smart卡邊一樣嘅特色最為吸引，如果活動完結時你揀嘅特色係最多人投票，仲再有額外$200回贈！上述迎新全部夾埋，就最多賺到$2,100！
[為確保你賺到經本網申請額外迎新，請確保你無封鎖跨網站追蹤（Safari預設會封鎖，建議用Chrome）、無封鎖cookie、無用緊incognito無痕模式、已暫停／關閉AdBlock，同埋避免用公司／公用電腦申請。Click咗條link之後，請盡快完成申請，中間盡量避免開其他網站。]
渣打Smart卡：立即申請
（推薦號碼：HKR1685-657）
小結
最後recap多次渣打出糧戶口主要幾個玩法：
- 開Premium理財：用8萬玩SI出糧賺$900
- 開Premium理財：用8萬玩SI出糧賺$900 + 放20萬賺$688／放50萬賺$888／放80萬賺$1,088
- 開Priority優先理財：用8萬玩SI出糧賺$900 + 放100萬賺$4,388／放300萬賺$5,888／放500萬賺$7,888
係咪做兩三個月出糧就ok？之後可以就咁放個戶口喺度？
要出糧到出回贈為止（2021年12月31日或之前）
請問申請渣打Smart卡 ,額外$300回贈幾時收到?
額外回贈將會喺8月31日或之前由渣打直接入賬落信用卡嘅360獎賞戶口～
can’t open account through SC mobile said need to check additional information, so that mean can’t enjoy the SC mobile discount?
Not sure, you may ask SC’s staff when you visit their branch to complete the account opening procedures
SI嗰個做到6月30姐係6月30前開户口 跟住兩個月之內入錢就得？
無錯～
Premium理財, 優先理財戶口 有無最低結餘要求或者收年費?
優先最低結餘$100萬，Premium無月費
請問老細每個月用FPS過數出糧，申請到出糧戶口嗎？
FPS唔得呀，即係等於普通過數
除非你自製SI
請問渣打 同 citi bank 做SI, 只否都免手綪費?? 可互射嗎?
可互射，渣打我做過免手續費，Citi 唔肯定
網上理財後邊度見到問卷調查意見書？
網上理財左邊menu入面有個「客戶投資取向」
唔見有嘅？😓
https://av.sc.com/hk/edm/investments/cip-survey/oct2018/renewal-cip/zh/images/2.jpg
手機開戶得綜合存款戶口？唔見有premium嘅？
開完戶口，再等通知返去設定戶口set級別～
20萬係唔係都係放 出糧戶口？
無分㗎，都係同一個戶口嚟
開Premium理財：用8萬玩SI出糧賺$900 + 放20萬賺$700已經ok？咁唔開出糧戶口都ok？
玩SI要開埋出糧戶口
現有客戶有得玩ma?
升級可以玩到新資金
無用過出糧可以玩出糧
係咪要到「設定你的戶口！」嗰步先可以揀Premium理財／優先理財？
中間有一步有得揀，但唔肯定exactly 係邊一步～
請問去到戶口設定果陣應該選紅利出糧戶口定Premium理財 因為我見佢好似2選1 無得選晒2個咁既？
問咗CS，如果App入面揀唔到嘅話，就要開完Premium再落分行開出糧戶口～
多謝幫忙查詢，我試選紅利其實有得選premium，但係無寫sc mobile 個200，結果我選完premium 果個最後同我講設定唔到，可能都係要落分行選搞＠＠ 200蚊mobile 拎唔到囉，另外你上面有一part 應該係寫錯左citi bank 既資料
落分行同佢講返可能一樣都攞到～
hello~ 用咗SC Mobile開户口，但佢話未成功，要落分行交文件，咁係咪等於會無咗sc mobile開户個回贈？實則上點解要落分行？係咪有咩步驟錯咗導致同你嘅程序有唔同？ thanks~
你落到分行可以問返佢會唔會俾得返個回贈你呀～ 至於點解要落分行，可能係銀行IT問題都唔奇
請問現有快易理財客戶點開出糧戶口？
現有客戶要落分行再開呀
想問用左SI 射左20000蚊落渣打後，用轉數快轉番錢去本身的銀行戶口，有冇影響？
無影響，就係要咁玩 😂
Ok 咁SI 射落渣打條數 洗唔洗註明係salary 如果冇註明係咪都冇影響
SI就得，唔使註明任何嘢
見官網咁寫”此優惠不適用於透過任何形式的常行指示存入之出糧款項。”
常行指示真係仲work?
睇返T&C，嗰句係講緊額外利率嗰part，現金回贈SI就賺到
請問SC Mobile開戶回贈，要先在指定連結登記資料再開戶先有$200回贈，指定連結在那裏？
依家唔使用條link啦，可以直接down App開～