渣打開戶+SI出糧戶口優惠：Premium/優先理財勁賺高達$24,500回贈！兼享存款高達1.5厘息！

#Standard Chartered渣打出糧戶口優惠 #渣打SI出糧 #渣打SC Mobile #渣打手機開戶 #渣打戶口迎新 #渣打Premium理財 #渣打優先理財 #渣打Priority

有無諗過連開銀行戶口都可以賺迎新？即睇銀行開戶迎新大全！

想轉出糧戶口賺迎新？玩SI自製出糧？即睇出糧戶口全攻略！

（最後更新：2022年10月）

今期渣打戶口做緊個超抵呀！只要玩SI出糧就可以賺到$2,000！另外手機開戶放$20萬落去再有$500現金獎賞，最高放$700萬有成$22,500獎賞！仲有高達1.5厘存款利息！除咗迎新之外，渣打出糧戶口／Premium／優先理財客戶仲可以自動免到渣打信用卡年費，咁就唔使煩cut卡啦！

今期渣打做緊堆優惠，簡單而言，視乎你有幾多閒錢，主要可以揀呢幾個choice：

1. 開紅利出糧戶口：用8萬玩SI出糧賺$900／用15萬玩SI出糧賺$2,000
2. 開Premium理財+出糧：用15萬玩SI出糧賺$2,000 + 放20萬賺$500／放80萬賺$900
3. 開Priority優先理財+出糧：用15萬玩SI出糧賺$2,000 + 手機開戶放100萬賺$4,500 + 每放多100萬賺$3,000（合共最多放700萬賺$22,500）

如果唔要現金回贈仲可以揀Asia Miles，不過呢篇文就唔詳述。如果你只係擁有渣打信用卡而無銀行戶口，係可以食晒以下全部優惠。如果你本身擁有渣打戶口，都有可能會適用部份優惠（例如新開立出糧服務、晉升戶口等級），但為免篇文太過複雜，以下篇文就唔cover埋現有客戶玩法。

渣打出糧戶口回贈詳情

開戶步驟

要賺盡晒全部獎賞，同經本網推薦開戶（雖然無額外獎賞，但請多多支持本網營運），就要跟足以下步驟啦！

1. Click入指定連結登記
2. 下載渣打App（Android｜iOS）
3. App入面揀開立戶口，按照以下指示完成開戶步驟
4. 完成開戶步驟後，大概等幾日就會收到通知可以再入App設定戶口
5. 按照以下指示完成設定戶口步驟，包括揀返戶口等級及開返出糧戶口

開戶

設定戶口

渣打開戶
>>>立即申請<<<

1. 「出糧升級組合」迎新優惠

1a. 出糧現金回贈

首先同大家簡介下咩係SI（Standing Instruction 常行指示）先。簡單嚟講，SI就係喺你本身銀行戶口set個自動轉賬，然後佢每個月就會自動過數去第二個銀行戶口，即係類似自動轉賬找卡數咁。而某啲銀行（例如渣打）係會將呢啲透過SI轉賬入嚟嘅錢當做出糧，咁我地就可以透過SI過數將喺另一間銀行嘅錢轉去渣打，從而食到渣打出糧戶口優惠。然後當你渣打個戶口收到條數，你又可以將筆錢手動轉返去本身個銀行戶口，咁你只要有15萬閒錢無限loop就可以食盡呢個出糧優惠。

今期優惠做到2022年12月31號，只限之前12個未曾持有過渣打戶口嘅客戶，而客戶要喺開戶後2個月內存入薪金（包括SI）。要做SI射錢去渣打，就要去返你本身用開間銀行到做；一般打電話上hotline，同CS講要做standing instruction每個月指定日子過數去第二個銀行戶口佢就識搞（例如恒生），甚至有啲銀行網上理財已經可以搞掂（例如滙豐），真係搞唔到嘅話就落分行搵櫃台職員，但部份銀行可能會收返幾十蚊手續費。留意返，SI由扣數去到第二間銀行入賬，要預返兩三個工作天，所以千祈唔好set月尾過數，如果唔係第二個月先到賬嘅話就會斷咗出糧紀錄。

唔同薪金賺到嘅回贈如下，但反正都係做SI，一般都係直接打爆15萬㗎啦。有關現金回贈會係2023年6月30日或之前入賬，而個出糧／SI就要做到收到回贈為止。

1b. 高息活期存款

完成上述1a出糧條件嘅同時，喺首個成功出糧日翌日起計12個月，只要維持住出糧，可持續出糧戶口可享高達1.5厘活期存款利息：

（條款及細則）

2. 新資金增長獎賞

2a. Premium理財

今期優惠做到2022年12月31日，只限過往12個未曾持有過Premium理財／優先理財戶口客戶。留意返，要賺到新資金獎賞要做齊以下各樣嘢：

1. 開立戶口後兩星期內完成登記網上理財
2. 開立戶口後於指定日期前於網上理財完成「客戶投資取向問卷」
3. 開立戶口月份於下述限期前存入新資金，並維持總結存至指定日期

簡單嚟講，就係開完戶口之後即刻去開網上理財同填咗份問卷，之後拿拿林放錢入去擺到指定日期，想賺埋出糧回贈就同時盡快搞埋SI。擺唔同新資金可獲嘅現金回贈如下：

其實成件事同定期存款差唔多，擺夠期就有額外現金回贈。最後提返，Premium理財係無手續費，玩完個優惠之後都可以擺喺到，最多都係俾佢downgrade。

（手機開戶條款及細則）
（新資金條款及細則）

2b. 優先理財（Priority）

今期優惠做到2022年12月31號，只限過往12個未曾持有過優先理財戶口客戶。留意返，要賺到新資金獎賞要做齊以下各樣嘢：

1. 開立戶口後兩星期內完成登記網上理財
2. 開立戶口後於指定日期前於網上理財完成「客戶投資取向問卷」
3. 開立戶口月份於下述限期前存入新資金，並維持總結存至指定日期

簡單嚟講，就係開完戶口之後即刻去開網上理財同填咗份問卷，之後拿拿林放錢入去擺到指定日期，想賺埋出糧回贈就同時盡快搞埋SI。擺唔同新資金可獲嘅現金回贈如下：

其實成件事同定期存款差唔多，擺夠期就有額外現金回贈。最後要留意返，優先理財最低結餘係100萬，如果擺唔夠數唔單止會無咗上述回贈，第三季度起仲會收手續費。所以如果無100萬閒錢可以擺喺到，最好都係開返Premium理財。

（手機開戶條款及細則）
（新資金條款及細則）

渣打開戶
>>>立即申請<<<

3. 信用卡免年費

依家優先理財／Premium理財／渣打紅利出糧戶口客戶仲可享渣打信用卡免年費優惠，咁就唔使成日煩要cut卡啦！

4. 信用卡迎新

呢樣其實唔關銀行戶口事，純粹係渣打信用卡迎新勁抵玩，如果無卡嘅話就可以開埋佢賺埋！

渣打SMART卡

渣打Smart卡，主打喺百佳、HKTVmall、屈臣氏、759阿信屋、莎莎、foodpanda等指定商戶簽賬，都可以賺到5%現金回贈！其他簽賬都有0.56%基本回贈，而且仲要免海外簽賬手續費！呢張卡年薪要求亦只係$9.6萬！

渣打Smart卡今期迎新，全新渣打信用卡客戶喺批卡後1個月碌滿$3,500，就有$800現金回贈！

由2024年10月1日至10月31日6PM，新客經本網以下指定連結申請渣打Smart卡其後成功獲批，再喺申請後7日內填返電郵內嘅換領表格（留意宣傳/垃圾郵件），同埋獲批後7日內提交批卡截圖，無須簽賬送$800 Apple禮品卡／HKTVmall禮券／惠康禮券／Trip.com禮券／Klook禮券*！夾埋即係簽$3,500就賺到$1,600！詳情可以參考渣打Smart卡攻略。

渣打Smart卡：立即申請
（申請後7日內要填返電郵換領表格）

FAQ

取消戶口會唔會罰錢？

可以參考返T&C原文： 如相關合資格客戶於此次開立優先私人理財/「優先理財」/「Premium理財」後12個月內終止有關服務。本行保留權利向相關合資格客戶收取相等於已獲取優惠之金額作為行政費，並直接從相關合資格客戶於本行之任何一個戶口扣除，而無須另行通知。