滙豐HSBC Premier信用卡攻略 – 尊享多項獨家禮遇!

#滙豐信用卡 #滙豐Premier卡優惠 #滙豐Premier卡優惠積分回贈 #滙豐獎賞錢 #滙豐最紅主自獎賞 #滙豐卓越理財信用卡 #最抵海外現金回贈信用卡 #最抵外幣現金回贈信用卡 #滙豐Premier卡年費豁免

新鮮出爐!即睇食信用卡迎新出iPhone 13攻略

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$1,100,夾埋迎新無成本賺$1,880!

新客經本網申請指定大新信用卡,毋須簽賬額外賺$750,夾埋迎新賺高達$1,150!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigold大新ZAliviWeLab戶口全部有現金獎賞!

(最後更新:2021年1月)

滙豐Premier信用卡本身係海外簽賬最抵嘅信用卡,但好可惜個優惠今年就無再續到,變相除咗有啲獨家簽賬優惠之外,呢張卡嘅現金回贈就同其他滙豐白金卡嗰啲無咩分別。

cq5dam.web_.880.1000-3

滙豐Premier Mastercard賣點

其實呢張卡最主要就係有啲專屬嘅推廣優惠,優惠詳情可以睇返官網。其他大部份類別嘅簽賬,一律係簽返滙豐Visa Signature會仲抵。而你開得到Premier,就即係戶口有一球,已經可以開到張VS。

滙豐信用卡玩法(Red卡除外)

講咗咁耐,滙豐啲卡究竟係點玩?滙豐信用卡嘅基本回贈一律係0.4%,如果簽賬中自選類別就有額外5X獎賞錢,即係多2%。另外,網上同外幣簽賬,每季只要簽夠$5,000又再多5X,即係又2%。大家只要照住下面個表執藥咁睇返自己中幾多樣嘢,就可以加返每項簽賬有幾多回贈,而每行嘅details下面會繼續講。

回贈

簽賬上限

簽賬下限

基本回贈

0.4%

自主類別

2%

每年$100,000

網上/海外

2%

每季$15,000

每季$5,000

合共

4.4%

最紅自主獎賞

所謂最紅自主獎賞,就係滙豐揀咗五大類別嘅簽賬出嚟(見下圖),你可以自由分配5X嘅獎賞錢落去,但通常都係會揀其中一個簽得最多嘅類別all in攞多2%回贈*,咁簽呢個自選類別夾埋就會有有2.4%回贈登記網址)。最實用最多人揀會係「賞滋味」用嚟食飯,成日飛嘅會揀「賞世界」海外簽賬,家庭主婦就可以揀「賞家居」嘅超市同傢俬電器鋪(超市信用卡攻略)。優惠之下食呢額外2%嘅簽賬上限係每年$100,000,詳情可以參考官網介紹,而「賞家居」、「賞生活」同「賞品味」嘅商戶名單可以係下面見到。留意返,最紅自主揀嘅類別係會跟死你身份證號碼其下嘅所有卡,同埋只有每年年尾先可以轉類別。

五大類別

賞家居、賞生活、賞品味商戶名單

最紅網上及海外簽賬獎賞

喺「最紅網上及海外簽賬獎賞」呢個優惠下,只要憑滙豐信用卡每季(1至3月、4月6月,如此類推)嘅網上同海外簽賬夾埋累積夠$5,000,一經登記,就可以攞多2%回贈*,即係夾埋2.4%回贈。所以如果用Premier卡去海外簽賬,就有成0.4%+2%=2.4%回贈,自主再揀埋賞世界,就係2.4%+2%=4.4%回贈(但要扣返1.95%手續費)!同樣地,用Premier卡網上簽賬基本有2.4%換贈(但滙豐Red卡4%再抵啲),如果再中埋自主就食到4.4%回贈(例如揀賞品味買hktvmall)!優惠下每季簽賬$15,000就會封頂,詳情可以參閱官網簡介)。今期最紅網上及海外簽賬獎賞,暫時寫做到2021年12月31日,但之後應該都會繼續。

睇完上面堆字,恭喜你已經成功學到滙豐信用卡嘅回贈係點玩。總之對住上面個表照單執藥,就可以計到筆簽賬有幾多回贈;如果唔中自主/網上/海外,就即係得0.4%回贈,轉簽2%回贈嘅安信EarnMORE或者1.5%回贈嘅渣打Simply Cash好過!

Reward Cash 獎賞錢

用開滙豐信用卡嘅朋友,都應該知道滙豐嘅獎賞錢Reward Cash係極之好用。只要down咗佢個Reward+ App(AniOS),就可以直接用獎賞錢扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當$2使嘅promo,有時又可以好平咁攞嚟換券,甚至換返miles都仲得!

滙豐Premier Mastercard:立即申請

伏位
  • 簽滙豐VS卡或者滙豐Red卡回贈仲高

Premier卡嘅伏位,就正如前面所講,除咗食佢啲為數唔多嘅專屬優惠之外(仲有換Avios)基本上係無咩用,其他嘢都係簽滙豐VS卡或者滙豐Red卡好過。而且滙豐信用卡有樣嘢衰,一個唔留意簽咗唔中五大類別/網上,就得返丁咁多0.4%回贈無仇報所以用呢張卡一定要夾埋滙豐VS卡同其他劃一回贈嘅信用卡,好似渣打張1.5%回贈嘅Simply Cash同安信張2%回贈嘅EarnMORE就係好好嘅選擇。

滙豐Premier卡專享優惠

國泰航空優惠
即日起至2021年12月25日,以Premier卡透過國泰指定網頁預訂機票,單一簽賬額滿$8,000,可享$800回贈及賺取額外800 Asia Miles。名額有限,先到先得,詳情請參閱活動網頁

Expedia 85折優惠
即日起至2021年6月30日,以Premier卡透過Expedia指定網頁預訂酒店並輸入優惠券代碼,可享85折優惠及免費登記成為Expedia+ Gold會員。每人每月最可獲享優惠兩次,名額有限,先到先得,詳情請參閱活動網頁

機場轎車服務
即日起至2021年6月30日,以Premier卡累積單一簽賬$800交易兩次,可於30日內預約以$250享用機場轎車服務一次,往/返香港機場及多個其他機場,遍佈中國、台灣、東南亞、中東、歐洲等地。名額有限,先到先得,並須提供收據證明,詳情請參閱活動網頁

米芝蓮星級餐廳晚膳套餐買一送一
即日起至2021年12月31日,以Premier卡於指定米芝蓮星級餐廳及其他餐廳惠顧晚膳套餐,可享買一送一優惠。詳情請參閱活動網頁

FAQ

滙豐Premier信用卡有無年費?

只要係滙豐Premier客戶,就一律永久免年費

可唔可以開幾張信用卡揀晒咁多個最紅類別?

正如上文所述,自主類別嘅選擇係跟死你名下嘅所有信用卡,所以就算開齊VS、白金、銀聯,全部卡都只會係同一個自主類別。如果想揀埋其他類別嘅話,可以選擇開多幾張附屬卡俾本身無滙豐信用卡嘅屋企人,咁佢哋就每個人都可以自己再揀過個自主類別。

滙豐Premier Mastercard卡:立即申請

滙豐Premier卡小檔案
  • 自主類別簽賬:2.4%回贈(每年首$100,000)
  • 網上簽賬:0.4%/2.4%/4.4%回贈
  • 海外簽賬:0.4%/2.4%/4.4%回贈(1.95%手續費)
  • 其他簽賬:0.4%回贈
  • 八達通自動增值:0.4%回贈
  • Payme:0.4%「獎賞錢」回贈
  • 支付寶/微信支付:無回贈
  • 網上理財繳費:0.4%回贈 (每月首$10,000)
  • 網上理財交稅:無回贈
  • 永久免年費
  • 只限滙豐卓越理財客戶申請

*受條款及細則約束:最紅自主獎賞T&C最紅網上及海外簽賬獎賞T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)