滙豐Pulse銀聯雙幣鑽石信用卡/滙豐銀聯雙幣信用卡滙豐HSBC銀聯信用卡攻略 – 本地簽賬高達2.4%「獎賞錢」回贈、內地澳門海外簽賬高達4.4%「獎賞錢」回贈、迎新高達$992「獎賞錢」!

#滙豐信用卡 #滙豐銀聯雙幣鑽石信用卡#滙豐Pulse銀聯雙幣鑽石信用卡 #滙豐銀聯卡優惠 #滙豐銀聯卡積分回贈 # #滙豐銀聯卡迎新  #滙豐信用卡好唔好 #滙豐銀聯卡年費豁免

(最後更新:2021年8月)

今次介紹嘅滙豐銀聯信用卡,其實同滙豐張白金同金卡Visa卡係好似,都係一樣玩返最主自主嗰啲獎賞,中「最紅自主獎賞」自選類別都有高達2.4%「獎賞錢」回贈,內地澳門簽賬甚至可以有高達4.4%「獎賞錢」回贈!

滙豐銀聯同Visa唔同嘅地方係佢係雙幣卡,喺內地同澳門簽賬都無手續費(滙豐Pulse卡喺內地同澳門簽賬仲有額外2%「獎賞錢」回贈,即係合共有高達4.4%「獎賞錢」回贈),而海外簽賬手續費亦低啲(但匯率又差啲),同埋間唔中有啲promo銀聯卡係可以賺多啲回贈。

依家開卡迎新除咗首兩年免年費,新客仲可以賺到$800「獎賞錢」,就算係現有客戶都有$300「獎賞錢」!另外透過Reward+的二維碼付款功能簽賬,再有多額外$100「獎賞錢」!

滙豐銀聯卡賣點
  • 最紅自主獎賞自選類別高達2.4%「獎賞錢」回贈
  • 網上/海外簽賬高達4.4%「獎賞錢」回贈(海外簽賬信用卡攻略
  • 內地、澳門簽賬無手續費,滙豐Pulse卡仲有額外2%回贈
  • 大量推廣優惠

滙豐嘅銀聯卡分為普通卡同Pulse鑽石卡,最主要分別係Pulse鑽石卡依家喺內地同澳門簽賬有額外2%「獎賞錢」回贈*,即係自主獎賞揀埋「賞世界」最多可以去到4.4%「獎賞錢」回贈兼無手續費。但如果你唔係成日去內地或者澳門嘅話,其實開返滙豐Visa會易簽過呢張。

RewardCash 「獎賞錢」

滙豐嘅「獎賞錢」RewardCash 玩法簡單易記,$1「獎賞錢」=HK$1,唔使慢慢計積分。只要download咗佢個Reward+ App(AniOS),就可以直接用「獎賞錢」扣減交易/月結單嘅款項,仲可以登記埋啲限時推廣,非常方便。而滙豐仲會間唔中搞啲$1獎賞錢當HK$2嘅promo,有時又可以好平咁攞嚟換禮券,甚至換返miles都得!

滙豐信用卡玩法(Red卡除外)

講咗咁耐,滙豐啲卡究竟係點玩?滙豐信用卡嘅「獎賞錢」基本回贈一律係0.4%,如果簽賬中「最紅自主獎賞」嘅自選類別就有額外5X「獎賞錢」,即係多2%回贈。另外,網上同海外簽賬,每季只要簽夠HK$5,000又再多5X「獎賞錢」,即係再多2%回贈。大家只要照住下面個表執藥咁睇返自己中幾多樣嘢,就可以加返每項簽賬有幾多回贈,而每行嘅details下面會繼續講。

回贈

簽賬上限

簽賬下限

基本回贈

0.4%

「最紅自主獎賞」

2%

每年HK$100,000

(即每年最多可享$2,000「獎賞錢」)

「最紅網上及海外簽賬獎賞」

2%

每季HK$15,000

(即每季最多可享$300「獎賞錢」)

每季HK$5,000

合共

4.4%

「最紅自主獎賞」

所謂最紅自主獎賞,就係滙豐揀咗五大類別嘅簽賬出嚟(見下圖),你可以自由分配5X嘅「獎賞錢」(即2%回贈)落去,但通常都係會揀其中一個簽得最多嘅類別all in,咁簽呢個自選類別就會有高達2.4%回贈登記網址)。最實用最多人揀會係「賞滋味」用嚟食飯,成日飛嘅會揀「賞世界」海外簽賬,亦可以揀「賞家居」嘅超市同傢俬電器鋪(超市信用卡攻略)。「最紅自主獎賞」簽賬上限係每年HK$100,000,詳情可以參考官網介紹,而「賞家居」、「賞生活」同「賞品味」嘅商戶名單可以係下面見到(最新商戶名單以官網為準)。留意返,「最紅自主獎賞」揀嘅類別係會跟死你身份證號碼其下嘅所有卡,同埋只有每年年尾先可以轉類別。

五大類別

賞家居、賞生活、賞品味商戶名單

「最紅網上及海外簽賬獎賞」

喺「最紅網上及海外簽賬獎賞」呢個優惠下,只要憑滙豐信用卡每季(1至3月、4月6月,如此類推)嘅網上同海外簽賬夾埋累積夠HK$5,000,一經登記,就可以賺多2%「獎賞錢」回贈。假設「最紅自主獎賞」all in「賞世界」海外簽賬,咁加埋就有成0.4%+2%+2%=4.4%回贈(有1%手續費)!同樣地,如果網上簽賬中埋「最紅自主獎賞」all in嘅自選類別,例如揀賞品味然後上網買hktvmall,亦都可以賺到高達4.4%回贈!呢個優惠每季簽賬HK$15,000就會封頂,詳情可以參閱官網簡介。今期「最紅網上及海外簽賬獎賞」暫時寫做到2021年12月31日。同埋留意返,銀聯雙幣信用卡人民幣戶口進行嘅人民幣簽賬係唔計海外簽賬。

睇完上面堆字,恭喜你已經成功學到滙豐信用卡嘅回贈係點玩。總之基本回贈就係0.4%,然後只要對住上面個表照單執藥,就可以計到筆簽賬有幾多回贈。

迎新禮遇
  • 新客60日內簽HK$8,000可享$800獎賞錢
  • 舊客60日內簽HK$8,000可享$300獎賞錢

而至於迎新方面,今期個迎新做到2022年2月28日,全新滙豐信用卡客戶只要批卡後60日內碌滿HK$8,000合資格簽賬,就可享$800「獎賞錢」*;如果係現有客戶,亦都可享$300「獎賞錢」回贈*!另外透過Reward+的二維碼付款功能簽賬再有多額外$100「獎賞錢」!

而呢個迎新/迎舊仲要係未計張卡本身嘅回贈,即係話如果開卡之後直接簽HK$8,000最紅自主獎賞自選類別嘅交易(高達2.4%回贈),仲可以再賺多$192「獎賞錢」!迎新獎賞錢會喺完成簽賬要求後2個月內入賬。留意返滙豐信用卡嘅迎新係唔計電子錢包,係真係要去簽嚟買嘢。(上述迎新/迎舊只適用於無喺2021年2月1日或之後取消過滙豐信用卡嘅客戶)

滙豐Pulse銀聯雙幣鑽石信用卡:立即申請
滙豐銀聯雙幣信用卡:立即申請

伏位

留意返滙豐信用卡基本回贈係0.4%,要配合返上面嘅「最紅自主獎賞」同「最紅網上及海外簽賬獎賞」嚟獲取高額回贈。另外如果係網上簽賬,一般簽滙豐Red卡有4%回贈會更加抵。

本地商戶優惠

滙豐銀聯卡一樣都有做本地優惠,例如:

  • China Tang Landmark, EPURE, La Rambla by Catalunya, ZUMA Hong Kong 指定套餐買一送一
  • 於香港星巴克分店以雲閃付App消費淨額滿HK$40或以上即減HK$10
  • 新鴻基地產旗下指定14個商場高達額外2小時免費泊車優惠
銀聯鑽石卡專享優惠(只限Pulse卡)

名貴轎車機場接送禮遇
累積零售簽賬滿HK$3,000,交易次數唔多過兩次,可以$250享用轎車機場接送服務,包括香港、北京、上海機場往返市區,同深圳機場往返香港。詳細請參閱推廣網頁

FAQ

滙豐銀聯卡有無年費?

呢兩張卡首兩年免年費,之後年費就係$300(普通銀聯)/$1,800(鑽石卡),但其實兩年後見到月結單收年費可以打電話waive。就算真係waive唔到,只要即刻cut卡就唔使交,而兩年後cut卡亦唔會有任何罰則。但其實小編so far都無聽過滙豐會唔肯waive年費,所以大家可以放心開卡賺迎新!

係咪要新客戶先有迎新?點先算係新客戶?

正如上文所述,滙豐係同時有做迎新同迎舊。要食到今次嘅迎新/迎舊,前提係要無喺2021年2月1日或之後取消過滙豐信用卡。如果乎合上述要求,而手頭上無任何滙豐信用卡,就可以食到迎新;如果有其他滙豐信用卡而無呢張,就可以食到迎舊。

可唔可以開幾張信用卡揀晒咁多個最紅類別?

正如上文所述,自主類別嘅選擇係跟死你名下嘅所有信用卡,所以就算開齊VS、白金、銀聯,全部卡都只會係同一個自主類別。如果想揀埋其他類別嘅話,可以選擇開多幾張附屬卡俾本身無滙豐信用卡嘅屋企人,咁佢哋就每個人都可以自己再揀過個自主類別。

迎新合資格簽賬計啲咩?Payme計唔計?

滙豐信用卡係無得零成本食迎新,係要老老實實去簽。參考返T&C原文:「合資格簽賬」指於批卡後首 60 個曆日內以合資格信用卡所作的累積簽賬淨額,並於核實持卡人有資格獲享優惠時已誌賬的交易。以下交易並不是合資格簽賬:財務及銀行費用:年費、財務費用、逾期費用; 以附屬卡作的交易;郵購、傳真及電話訂購;透過滙豐流動理財及/或網上理財繳費;購買及/或充值儲值卡的交易(包括透過電子錢包或任何其他途徑增值八達通之交易);以電子錢包所作的交易(包括增值電子錢包);八達通自動增值;於「獎賞錢」購物網及其他推廣進行的換購交易;現金貸款、「現金套現」分期計劃及「現金套現」計劃的提款金額;「現金套現」分期計劃、「現金套現」計劃、「簽賬分期計劃」及其他分期計劃之供款金額;於非金融機構的半現金交易(包括購買外匯、匯票及旅行支票);於金融機構的半現金交易(包括購買銀行產品及服務)電匯;賭博交易;繳稅;自動轉賬、循環付款;所有未誌賬/取消/退款的交易。

滙豐Pulse銀聯雙幣鑽石信用卡:立即申請
滙豐銀聯雙幣信用卡:立即申請

滙豐銀聯雙幣卡小檔案
  • 「最紅自主獎賞」簽賬:高達2.4%「獎賞錢」回贈(每年首$100,000)
  • 網上簽賬:配合「最紅自主獎賞」高達4.4%「獎賞錢」回贈
  • 海外簽賬:配合「最紅自主獎賞」高達4.4%「獎賞錢」回贈(非以港元、人民幣及澳門幣為交易貨幣:1%手續費)
  • 內地、澳門簽賬:高達2.4%「獎賞錢」回贈(無手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • Payme:0.4%「獎賞錢」回贈
  • 支付寶/微信支付:無回贈
  • 網上理財繳費:無回贈
  • 網上理財交稅:無回贈
  • 年費:HK$300(首兩年免年費,之後打電話waive
  • 年薪要求:HK$60,000
滙豐Pulse銀聯雙幣鑽石卡小檔案
  • 自主類別簽賬:2.4%回贈(每年首$100,000)
  • 網上簽賬:2.4%-4.4%回贈(有簽賬上下限)
  • 海外簽賬:2.4%-4.4%回贈(有簽賬上下限)(非以港元、人民幣及澳門幣為交易貨幣:1%手續費)
  • 內地、澳門簽賬:高達4.4%「獎賞錢」回贈(無手續費)
  • 其他簽賬:0.4%「獎賞錢」回贈
  • 八達通自動增值:0.4%「獎賞錢」回贈
  • Payme:0.4%「獎賞錢」回贈
  • 支付寶/微信支付:無回贈
  • 網上理財繳費:0.4%「獎賞錢」回贈 (每月首$10,000)
  • 網上理財交稅:無回贈
  • 年費:HK$1,800(首兩年免年費,之後打電話waive
  • 年薪/資產要求:HK$150,000/HK$100,000

*受條款及細則約束:「最紅自主獎賞」T&C「最紅網上及海外簽賬獎賞」T&C迎新T&C中國內地及澳門簽賬額外獎賞T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

2 則留言

  1. 原來強國簽賬賺既RC只能換禮券。。。不能賞付款找卡數

留言(你的電郵不會被公開)