Citi Rewards信用卡攻略 – 感應式/手機付款2%回贈!銀聯閃付4%回贈!

#Citibank信用卡 #花旗Citi Rewards信用卡優惠 #Citi Rewards卡積分回贈 #Citi Rewards卡迎新 #Apple Pay信用卡 #Google Pay信用卡 #Samsung Pay信用卡 #銀聯閃付信用卡 #Paywave信用卡 #Contactless信用卡 零成本食迎新 #0成本食迎新#Citi信用卡好唔好 #Citi學生信用卡 #學生開Rewards卡 #Citi Rewards年費豁免

新鮮出爐!即睇食信用卡迎新出iPhone 13攻略

新客經本網申請指定東亞信用卡,毋須簽賬額外賺$1,200,夾埋迎新賺高達$3,300!

新客經本網申請Citi Cash Back,額外回$1,100,夾埋迎新無成本賺$1,880!

新客經本網申請安信EarnMORE,毋須簽賬額外賺$550,迎新無成本食$1,220!

新客經本網申請星展Live Fresh,毋須簽賬額外賺$500,夾埋迎新賺高達$1,500!

新客經本網申請信銀Motion,毋須簽賬額外賺$500,夾埋迎新賺高達$2,000!

今期新客經本網開Citi PlusCitigoldZAliviWeLab戶口全部有現金獎賞!

(最後更新:2021年10月)

呢張Citi Rewards信用卡啱啱大改咗玩法,主打感應式(contactless拍卡)同手機付款(Apple / Google / Samsung Pay)有5X積分,相等於2%回贈!而張銀聯卡就仲有雲閃付同銀聯閃付額外5X積分,即係夾埋雲閃付有2.4%回贈、銀聯閃付(Quickpass)有4%回贈呀!呢張卡仲要門檻好低,連學生都申請到,但個迎新就唔會有咁筍。

呢張卡嘅迎新,可以玩電子錢包零成本食到$832回贈呀!今期經本網成功申請,仲額外送$1,100 Apple Gift Card/Marshall Stockwell II 無線便攜喇叭(價值$1,799)/Marshall Minor III 真無線耳機(價值$1,159)/PURE Fitness Powerpack(價值$2,800)!

c-0763-citi-rewards-mastercard

Citi Rewards信用卡賣點
  • 感應式/手機付款5X積分,相等於2%回贈
  • 銀聯卡雲閃付/銀聯閃付額外5X積分,相等於雲閃付2.4%回贈/銀聯閃付4%回贈
  • 海外簽賬免手續費(只限銀聯)

呢張卡嘅賣點非常清晰,就係攞嚟用contactless/Apple Pay/Google Pay/Samsung Pay去俾錢就有2%回贈賺,包括超市、便利店、衫鋪鞋鋪、中低價餐廳等等收contactless嘅鋪頭都通殺,當中以直接用銀聯拍卡賺4%最抵玩(但銀聯就唔係間間鋪收)。

如果細拆分返嘅話,其實Rewards卡本身感應式/手機付款係得額外2X積分,但係依家去到2021年12月31日就做緊感應式/手機付款再額外2X積分,同埋銀聯卡雲閃付/銀聯再額外5X積分,咁夾埋10X最多就係4%回贈。而呢張卡每個月結單周期可以攞到嘅額外積分,無論係中咗上述幾多回贈,都係最多50,000分,即係一個月最多額外賺$200;如果用2%計即係簽$12,500就爆,用4%計即係簽$5,555就爆。額外回贈會喺3個月 內入賬。

迎新禮遇

銀行迎新

  • 新客2個月內簽$8,000送200,000積分(相等於$800)/$800元氣壽司現金券/可口可樂氣炸鍋
  • 基本回贈亦有8,000分(相等於$32)
  • 可以用電子錢包無成本食迎新

本網額外迎新

  • 新客2021年10月4日2PM至10月18日6PM經本網下面橙色字指定連結申請
  • 於申請後7日內填寫電郵內嘅換領表格(留意宣傳/垃圾郵件)
  • 於申請後30日內成功獲批信用卡
  • 批卡後30日內簽賬$300或以上(電子錢包都計)
  • 不適用於現有客戶或學生
  • 額外送$1,100 Apple Gift Card/Marshall Stockwell II 無線便攜喇叭(價值$1,799)/Marshall Minor III 真無線耳機(價值$1,159)/PURE Fitness Powerpack^(價值$2,800)
  • 合共零成本賺$1,932或$832+喇叭/耳機/PURE Fitness Powerpack
  • 核對申請需時,禮品大概會喺4個月內發出

^PURE Fitness Powerpack包括PURE 23間分店 1個月通行證、PURECAST 網上直播課堂通行證、nood food現金券總值$200、PURE Apparel現金券總值$200、專為好友而設的貴賓7天通行證x 2張、1x 30mins ProPT 私人教練課堂

今期迎新做到2021年10月31日。全新Citi信用卡客戶(過去12個月未持有Citi信用卡)喺批卡後2個月簽滿$8,000合資格簽賬可享20萬積分(相等於$800)*,仲可以照賺基本回贈!而Citi嘅迎新,係四大電子錢包(Payme/支付寶/微信支付/O!ePay)嘅簽賬全部都計,所以零成本就食到迎新!上述禮券/回贈將會係簽滿額後4個月內郵寄/入賬。

而今期經本網成功申請嘅額外回贈,就由2021年10月4日2PM至10月18日6PM。全新Citi信用卡客戶(學生除外)經本網下面橙色字指定連結申請Citi Rewards Mastercard或銀聯卡,只要申請後7日內填寫電郵內嘅換領表格(留意宣傳/垃圾郵件),並喺申請後30日獲批卡,同埋喺批卡後30日內簽$300(電子錢包都計),就額外送$1,100 Apple Gift Card/Marshall Stockwell II 無線便攜喇叭(價值$1,799)/Marshall Minor III 真無線耳機(價值$1,159)/PURE Fitness Powerpack^(價值$2,800)!

電子錢包零成本食迎新示範
假設1月15號批卡,1月20號Payme增值$1,000、Alipay轉賬$1,000俾朋友、WeChat Pay又轉賬$1,000俾朋友,夾埋就碌咗$3,000。然後2月1號同3月1號再重覆,夾埋60日內已經簽過$8,000成功食迎新。或者再簡單啲,直接玩O!ePay八達通自動增值$500 16次就搞掂迎新,然後可以分3個月轉返筆數入銀行戶口。

[為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。 若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 ]

Citi Rewards Mastercard:立即申請
Citi Rewards 銀聯:立即申請
(申請後7日內要填返email入面份換領表格呀!)

學生迎新(只限Mastercard)

  • 學生新客2個月簽$1,000(須包括一次Apple Pay/Google Pay/Samsung Pay手機付款交易)回10萬積分(相等於$400)

今期學生迎新做到2021年10月31日,學生新客喺批卡後兩個月碌滿$1,000合資格簽賬(須包括一次Apple Pay/Google Pay/Samsung Pay手機付款交易),即可享10萬積分(相等於$400),一樣係用電子錢包簽都計!留意返經本網成功申請嘅額外獎賞迎新係唔適用於學生申請。想開Reward Mastercard學生卡嘅話可以去返呢到申請

伏位
  • 基本回贈得0.4%
  • 感應式/手機支付2%唔算高
  • 上網喺海外商戶簽港幣(CBF)無回贈

呢張卡嘅基本回贈係0.4%,算係比較低,所以如果無得用感應式/手機付款就可以收返埋。雖然張卡5X積分嘅話有2%回贈都唔失禮,但其實例如安信EarnMORE係可以直接做到簽咩都2%,而中銀SOGO VS更加可以做到手機付款5%回贈。另外,如果上網喺海外商戶簽港幣,好似App Store/Netflix/Spotify/Airbnb咁,呢張卡係無回贈,詳情可以睇返呢篇海外簽賬DCC/CBF手續費陷阱詳解

FAQ
Citi Rewards有無年費?

呢張卡首年免年費,之後年費係$1,800,但其實一年後見到月結單收年費可以打電話waive。如果waive唔到,只要即刻cut卡就唔使交,而一年後cut卡亦唔會有任何罰則。所以大家可以放心開卡賺迎新!

係咪要新客戶先有迎新同額外獎賞?點先算係新客戶?

今次Citi迎新同經本網成功申請額外獎賞都只限遞交申請日之前12個月內並無持有Citi信用卡之全新Citi信用卡客戶,即係12個月內持有過任何一張Citi信用卡都唔合資格,另外額外獎賞亦唔適用於學生。即使同時申請多過一張Citi信用卡,每位客戶最多只可享一份銀行迎新獎賞及一份經本網申請額外獎賞。如果只係持有銀行戶口,都可以食到信用卡迎新同額外獎賞。

點樣攞經本網成功申請嘅額外獎賞禮品?幾時先會收到?

只要經本網指定連結申請有關信用卡,符合上述條件,並喺申請後7日內填寫電郵內之換領表格(留意宣傳/垃圾郵件),及批卡後30日內簽返$300,就合資格領取MoneyHero嘅額外獎賞。喺同有關金融機構核實資料,確認信用卡為經本網成功申請之後,就會收到由MoneyHero發出嘅禮品換領電郵(留意有無去咗宣傳/垃圾郵件),成個過程大概需時4個月。為確保你賺到經本網成功申請額外迎新,請確保你無封鎖跨網站追蹤(Safari預設會封鎖,建議用Chrome)、無封鎖cookie、無用緊incognito無痕模式、已暫停/關閉AdBlock,同埋避免用公司/公用電腦申請。Click咗條link之後,請盡快完成申請,中間避免開其他網站。 若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 如對額外獎賞換領有任何查詢或未有收到換領表格電郵,請電郵至[email protected]com.hk或於辦公時間致電3018 9760。

迎新合資格簽賬計啲咩?Payme計唔計?

Citi信用卡迎新最正就係連電子錢包都計,包括Payme/支付寶/微信支付/O!ePay簽賬都全部計晒,所以零成本玩電子錢包就已經可以簽完個迎新!參考返T&C原文:簽賬條件之計算包括基本卡及附屬卡(如適用)之所有已誌賬的簽賬及免息分期的每月供款。非認可簽賬包括(但不限於) 透過快速支付系統 (「轉數快」)進行之交易、旅行支票之金額、現金透支、信用卡結餘轉賬之金額、折現計劃之金額、賬單「分期更好使」計劃及簽賬「分期更好使」計劃、「Quick Cash」套現分期計劃之金額、繳付予稅務局之稅項、以網上銀行或網上支付系統繳費或繳交公共事務費用/保險費用、以「Citi PayAll服務」所繳交之費用、繳交基金之供款、銀行手續費、賭場交易、未誌賬/取消/退款的交易及其他未經許可或有舞弊/欺詐成份之簽賬。

Citi Rewards Mastercard小檔案
  • 感應式/手機付款:$1=5分,相等於2%回贈
  • 雲閃付:$1=6分,相等於2.4%回贈
  • 銀聯閃付:$1=10分,相等約4%回贈
  • 其他簽賬:$1=1分,相等於0.4%回贈
  • 海外簽賬:$1=1分,相等於0.4%回贈(Mastercard 1.95%手續費/銀聯無手續費)
  • 八達通自動增值:$1=1分,相等於0.4%回贈
  • Payme增值:$1=1分,相等於0.4%回贈
  • 支付寶/微信支付轉賬:$1=1分,相等於0.4%回贈
  • 網上理財繳費:無回贈
  • 年費:$1,800(首年免年費,之後打電話waive
  • 年薪要求:$120,000/學生

Citi Rewards Mastercard:立即申請
Citi Rewards 銀聯:立即申請
(申請後7日內要填返email入面份換領表格呀!)

*額外迎新禮品由MoneyHero送出及安排換領,受條款及細則約束。所有經本網成功申請紀錄以有關金融機構提供資料為準,MoneyHero保留最終決定權。若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。
受條款及細則約束:迎新T&C感應式/手機付款積分T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

17 則留言

  1. Citi Rewards 銀聯加唔加到落 Apple Pay?

  2. Citi Rewards 銀聯點加入quickpass

  3. existing citi octopus visa客經你們申請,可以拎你們中介welcome offer $300 超市嗎?

  4. 感應式/手機付款包唔包括支付寶/微信?

  5. 為什麼cash back 比他 迎新更抵?
    這張不是有 $1000 回贈(如2個月內簽夠一萬) + $1000 APPLE gift card?

    • cash back 合共零成本賺$1,300超市禮券+$100現金回贈/$500超市禮券+$800現金回贈
      cash reward 合共零成本賺$1,840/$840+價值$1,698真無線耳機 ( 但官網話 高達25X積分(250,000積分 = HK$1,000 現金回贈) 所以應該 1000+ $1000 (apple gift card)

  6. 雲閃付交水電煤雜費有冇4%?

  7. 本身係有 Citi Rewards Visa 可唔可以再申Citi Rewards 請銀聯 & Mastercard

留言(你的電郵不會被公開)