#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈 #Google Pay信用卡回贈 #Samsung Pay信用卡回贈 #中銀i-Card年費豁免
新客經本網申請指定東亞信用卡，毋須簽賬額外賺$1,200，夾埋迎新賺高達$3,300！
新客經本網申請Citi Cash Back，額外回$500，夾埋迎新無成本賺$1,280！
新客經本網申請安信EarnMORE，毋須簽賬額外賺$550，迎新無成本食$1,220！
新客經本網申請星展Live Fresh，毋須簽賬額外賺$500，夾埋迎新賺高達$1,500！
新客經本網申請信銀Motion，毋須簽賬額外賺$500，夾埋迎新賺高達$2,000！
（最後更新：2021年1月）
呢張中銀i-Card，雖然唔係好多人識，但其實攞嚟做小額交易係幾好用！呢張卡其實係積分卡，但一樣可以換返現金回贈。依家張卡做緊個「網上簽賬交易10X積分獎賞」同「手機支付交易10X積分獎賞」優惠，做到2021年12月31日，即係網上簽賬同手機支付都係每簽$1=10分，相當於4%現金回贈！其實網上簽賬用滙豐Red卡4%無上限回贈係贏晒呢張卡要計限額，所以大家只要focus返手機支付嗰邊就得。呢張卡手機支付嘅玩法基本上同張中銀SOGO VS係一模一樣，純粹係回贈少1.4%，當佢係用爆咗SOGO卡之後嘅後備咁玩就得。不過佢今年優惠就縮咗水，正式取消咗Alipay HK／WeChat Pay嘅額外回贈，無得再攞嚟交水電煤賺回贈（信用卡交水電煤攻略）。
中銀i-Card賣點
- 每月首$1,111 Apple Pay／Google Pay／Samsung Pay零售簽賬$1=10分（即4%現金回贈）
- 每月首$1,111網上簽賬$1=10分（即4%現金回贈）（網購信用卡攻略）
- 永久免年費
- 實體卡學生都開得
正如上文所講，呢張卡個網上回贈相比滙豐Red卡4%無上限回贈係完全無得打，除非你係學生開唔到滙豐Red卡，如果唔係可以唔使理（網購信用卡攻略）。張卡嘅主打賣點，始終都係Apple Pay／Google Pay／Samsung Pay簽賬有10X積分即係成4%現金回贈。玩完中銀SOGO VS卡5.4%回贈嘅$2,000 quota，就可以轉用呢張卡繼續玩食4%回贈（如果係用Apple Pay就仲可以玩埋張大灣區鑽石卡食4.4%回贈）。手機支付優惠下每張卡每個月最多可以額外賺多10,000分，即係簽$1,111就會爆，相等於$44回贈。張卡嘅額外9X積分會喺下個月入賬，可以自己上網上理財換返現金回贈或者用BoC Pay俾錢嘅時候即時扣減簽賬。
迎新禮遇
- 迎新二揀一：
- 新客2個月內簽$8,000（須包括一筆手機簽賬交易）回$500
- 新客首4個月手機簽賬額外10%回贈，上限$300（每階段$100）
- 新客網上申請額外回$100
中銀嘅迎新，就例牌無話好吸引。中銀i-Card實體卡依期個迎新做到2021年12月31日，只限中銀信用卡全新客戶（過往一年無中銀信用卡），有兩個選擇。第一個係出卡後2個月內碌$8,000零售簽賬（須包括一筆Apple Pay／Google Pay／Samsung Pay簽賬）有$500現金回贈。第二個係出卡首4個月手機簽賬（Apple Pay／Google Pay／Samsung Pay）額外10%回贈，每階段上限回$100總共回$300（見下圖例子），即係每階段簽$1,000就打爆。最後，只要係網上申請張信用卡，一律再回多$100。有關現金回贈會喺開卡後22星期內入賬。
中銀i-Card：立即申請
伏位
- 基本回贈率得0.4%好低
- 手機/網上支付4%回贈每個月簽$1,111就爆
- 上網喺海外商戶簽港幣有0.95% CBF手續費
除咗個迎新，呢張卡其實無咩伏位，定位非常清晰，就係攞嚟拍手機俾錢。唯一嘅缺點，就係每個月$1,111嘅限額唔係太夠喉。但其實簽呢張卡之前，係首先應該簽咗中銀SOGO VS卡$2,500拍手機quota先賺5.4%先（如果用Apple Pay仲可以玩埋大灣區鑽石4.4%）。另外，如果上網喺海外商戶簽港幣，好似App Store／Netflix／Spotify／Airbnb咁，張i-Card實體卡係會收返0.95%手續費，詳情可以睇返呢篇海外簽賬DCC/CBF手續費陷阱詳解。
換領積分
由於i-Card係回積分，所以要儲夠咗25,000分先可以登入中銀網上理財換$100現金回贈。但依家BoC Pay新出咗個功能，就係用BoC Pay簽賬之後可以直接用250分=$1嘅rate扣減簽賬，咁就唔使慢慢儲夠25,000分先換到，而且逢星期一仲有8折200分=$1嘅兌換優惠，咁計嘅話張i-Card就直頭有5%回贈！詳情可以睇返BoC Pay攻略。
中銀i-Card小檔案
- Apple / Google / Samsung Pay簽賬：$1=10分，相等於4%回贈（每月首$1,111）
- 網上簽賬：$1=10分，相等於4%回贈（每月首$1,111）
- 其他簽賬：$1=1分，相等於0.4%回贈
- 八達通自動增值：$1=1積分，相等於0.4%回贈
- 網上理財繳費：$1=1分，相等於0.4%回贈（每月首$10,000）
- 永久免年費
- 年薪要求：$150,000／學生
中銀i-Card：立即申請
*受條款及細則約束：網上、手機支付回贈T&C、迎新T&C
想問吓如果用APPLE PAY俾BOC ICARD應該同商戶講用銀聯閃付嗎? 試過幾次都俾唔到錢…..
Icard實體卡係mastercard唔係銀聯喎～
正常講 “Apple Pay + V/M/銀聯” 就ok
好多謝閣下不厭其煩解釋，今日試左，成功。
Nice 👍🏼
再次謝謝你，現時這張good day雙幣卡，在18年更換，不可以payWave，唔知有冇關係，因為每次給商戶掃描後，就成功付款離開，冇按任何制，冇呢個畫面。待我下次再留意，或許我沒有事先告訴商戶抵銷簽賬，我現在才知道boc pay可以抵銷簽賬。
唔需要同商戶講㗎，因為係自己信用卡扣唔關商戶事。俾完錢”付款成功”嗰版就有個制，可似下次再留意下～
小編，效率真快，謝謝你，我用過好多次boc pay，實體咭同boc pay都有積分，每次我購物，按付款碼然後輸入密碼，就出現我的付款碼，給商戶掃描扣除，看不到積分抵銷呢個畫面。
付款成功個畫面有個制可以抵銷簽賬：https://www.bochk.com/creditcard/promo/offer_bocpay/popuptc1/qrcode_tc4.gif
我用既係bank of china (good day) 雙幣卡，可以boc pay，請問是否適用星期一8折200分=$1嘅兌換優惠，如何使用積分低銷簽賬？
可以呀，你用完BoC Pay簽賬佢就會即刻彈出嚟問你用唔用積分抵銷
請問淘寶用alipay hk畀錢 當手機支付定網上支付?
應該計手機，唔完全sure
你好，想問apple pay八達通增值有4%回贈嗎？謝謝！
據我所知無
請問icard wechat轉帳，有沒有10x積分﹖
應該無呀～