中銀i-Card信用卡攻略 – Apple Pay/Google Pay拍手機4%回贈!

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈 #Google Pay信用卡回贈 #Samsung Pay信用卡回贈 #中銀i-Card年費豁免

iPhone 14出機攻略:食信用卡迎新,$4,100起出新機!

新客經本網申請指定東亞信用卡,各簽一次就賺$2,000/Apple Watch,迎新合共賺高達$4,950!

新客經本網申請Citi Cash Back,簽$300就送$1,600/Marshall無線喇叭,迎新零成本賺$2,380!

新客經本網申請渣打Smart卡,毋須簽賬賺$800,迎新簽$4,000合共賺$2,000!

新客經本網申請安信EarnMORE,毋須簽賬賺$800,迎新零成本賺$1,385!

新客經本網開Citi PlusCitigoldMoxZAlivi戶口全部有額外獎賞!

(最後更新:2022年1月)

呢張中銀i-Card,雖然唔係好多人識,但其實攞嚟做小額交易係幾好用!呢張卡其實係積分卡,但一樣可以換返現金回贈。依家張卡做緊個「網上簽賬交易10X積分獎賞」同「手機支付交易10X積分獎賞」優惠,做到2022年12月31日,即係網上簽賬同手機支付都係每簽$1=10分,相當於4%現金回贈呢張卡手機支付嘅玩法基本上同張中銀SOGO VS係一模一樣,純粹係回贈少1.4%,當佢係用爆咗SOGO卡之後嘅後備咁玩就得。

credit06

中銀i-Card賣點
  • 每月首$1,111 Apple/Google/Samsung Pay零售簽賬$1=10分(即4%現金回贈)
  • 每月首$1,111網上簽賬$1=10分(即4%現金回贈)(網購信用卡攻略
  • 永久免年費
  • 實體卡學生都開得

張卡嘅主打賣點,係Apple/Google/Samsung Pay簽賬有10X積分即係成4%現金回贈。玩完中銀SOGO VS卡5.4%回贈嘅$2,000 quota,就可以轉用呢張卡繼續玩食4%回贈(如果係用Apple Pay就仲可以玩埋張大灣區鑽石卡食4.4%回贈)。手機支付優惠下每張卡每個月最多可以額外賺多10,000分,即係簽$1,111就會爆,相等於$44回贈。張卡嘅額外9X積分會喺下個月入賬,可以上網上理財換返現金回贈或者用第二張銀聯信用卡BoC Pay俾錢嘅時候即時扣減簽賬。

迎新禮遇
  • 即日起至2022年12月31日
  • 只限全新中銀信用卡客戶(過往12個月未曾持有中銀信用卡),不適用於學生
  • 新客網上申請回贈$100
  • 新客批卡首4個曆月以Apple/Google/Samsung Pay零簽賬額外10%回贈,上限簽$3,000回贈$300
    • 批卡後22個星期內入賬

中銀i-Card:立即申請

注意事頂
  • 基本回贈率得0.4%
  • 手機/網上支付4%回贈每個月簽$1,111就爆
  • 上網喺海外商戶簽港幣有0.95% CBF手續費

除咗個迎新,呢張卡其實無咩伏位,定位非常清晰,就係攞嚟拍手機俾錢。唯一嘅缺點,就係每個月$1,111嘅限額唔係太夠喉。但其實簽呢張卡之前,係首先應該簽咗中銀SOGO VS卡$2,500拍手機quota先賺5.4%先(如果用Apple Pay仲可以玩埋大灣區鑽石4.4%)。另外,如果上網喺海外商戶簽港幣,好似App Store/Netflix/Spotify/Airbnb咁,張i-Card實體卡係會收返0.95%手續費,詳情可以睇返呢篇海外簽賬DCC/CBF手續費陷阱詳解

中銀i-Card小檔案
  • Apple / Google / Samsung Pay簽賬:$1=10分,相等於4%回贈(每月首$1,111)
  • 網上簽賬:$1=10分,相等於4%回贈(每月首$1,111)
  • 其他簽賬:$1=1分,相等於0.4%回贈
  • 八達通自動增值:$1=1積分,相等於0.4%回贈
  • 網上理財繳費:$1=1分,相等於0.4%回贈(每月首$10,000)
  • 永久免年費
  • 年薪要求:$150,000/學生

受條款及細則約束:網上、手機支付回贈T&C迎新T&C

借定唔借?還得到先好借!

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

34 則留言

  1. 手機(XX Pay)同網上分開兩個quota (各$1111)?

    Thx

  2. 如果我嘅結單日期係6月12號

    咁六月份會有兩張月結單 (5月13至6月12) (6月13至7月12)

    咁請問回贈係跟 月份 定係跟月結單計?

  3. 你好,請問用此卡經boc pay雲閃付交水電煤,有4%回贈嗎?謝謝

  4. 想問下boc i-card同boc sogo vs卡係咪要自己換分先有得cash back?定係佢會自動扣落下個月?

  5. 想問下用icard 在淘寶網直接打信用卡number 當唔當網上簽帳? Thanks~

  6. 請問用這卡綁定apple pay 增值八達通或交港鐵月票計算嗎?如可以,有沒有期限?

  7. 請問用呢張卡俾上網/電話費計唔計?如果落舖頭交上網/電話費用Apple pay又計唔計?唔該

  8. 想問i card用alipay pay hk交煤氣費計網上簽帳嗎?謝謝。

  9. 想問吓如果用APPLE PAY俾BOC ICARD應該同商戶講用銀聯閃付嗎? 試過幾次都俾唔到錢…..

  10. 好多謝閣下不厭其煩解釋,今日試左,成功。

  11. 再次謝謝你,現時這張good day雙幣卡,在18年更換,不可以payWave,唔知有冇關係,因為每次給商戶掃描後,就成功付款離開,冇按任何制,冇呢個畫面。待我下次再留意,或許我沒有事先告訴商戶抵銷簽賬,我現在才知道boc pay可以抵銷簽賬。

    • 唔需要同商戶講㗎,因為係自己信用卡扣唔關商戶事。俾完錢”付款成功”嗰版就有個制,可似下次再留意下~

  12. 小編,效率真快,謝謝你,我用過好多次boc pay,實體咭同boc pay都有積分,每次我購物,按付款碼然後輸入密碼,就出現我的付款碼,給商戶掃描扣除,看不到積分抵銷呢個畫面。

  13. 我用既係bank of china (good day) 雙幣卡,可以boc pay,請問是否適用星期一8折200分=$1嘅兌換優惠,如何使用積分低銷簽賬?

  14. 請問淘寶用alipay hk畀錢 當手機支付定網上支付?

  15. 你好,想問apple pay八達通增值有4%回贈嗎?謝謝!

  16. 請問icard wechat轉帳,有沒有10x積分﹖

留言(你的電郵不會被公開)