中銀i-Card信用卡攻略 – Apple Pay/Google Pay拍手機4%回贈！

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈 #Google Pay信用卡回贈 #Samsung Pay信用卡回贈 #中銀i-Card年費豁免

新客經本網申請Citi Cash Back，零成本賺$1,800／Marshall喇叭！

新客經本網申請渣打Smart卡，毋須簽賬額外賺$1,200，連同迎新簽$4,000合共賺$2,400！

新舊客經本網申請渣打Q Credit Card，毋須簽賬額外賺$900，連同迎新合共賺$1,900！就算本身有其他渣打信用卡都一樣有份！

新舊客經本網申請恒生MMPOWER卡，額外賺$1,000！就算本身有其他恒生信用卡都一樣有份！連同迎新合共賺$1,700！

（最後更新：2023年1月）

呢張中銀i-Card，雖然唔係好多人識，但其實攞嚟做小額交易係幾好用！呢張卡其實係積分卡，但一樣可以換返現金回贈。張卡做緊個「網上簽賬交易10X積分獎賞」同「手機支付交易10X積分獎賞」優惠，即係網上簽賬同手機支付都係每簽$1=10分，相當於4%現金回贈！

[中銀i-Card將於2023年9月30日或之前停止服務。]

credit06

中銀i-Card賣點
  • 每月首$1,111 Apple／Google／Samsung Pay零售簽賬$1=10分（即4%現金回贈）
  • 每月首$1,111網上簽賬$1=10分（即4%現金回贈）（網購信用卡攻略）
  • 永久免年費
  • 實體卡學生都開得

張卡嘅主打賣點，係網上簽賬同埋手機支付有額外9X積分，合共10X分相等於4%現金回贈。留意返網上簽賬同手機支付嘅限額係分開計，即係每月上限可以網上簽賬$1,111賺額外10,000分，再加手機支付$1,111賺額外10,000分（10,000分相等於$40回贈）。張卡嘅額外9X積分會喺下個月入賬，可以上網上理財換返現金回贈，或者用銀聯信用卡喺BoC Pay俾錢嘅時候即時扣減簽賬。優惠期至2023年6月30日。

迎新禮遇
  • 已停止新申請
注意事項
  • 基本回贈率得0.4%
  • 手機/網上支付4%回贈每個月簽$1,111就爆
  • 上網喺海外商戶簽港幣有0.95% CBF手續費

除咗個迎新，呢張卡其實無咩伏位，定位非常清晰，就係攞嚟拍手機俾錢。唯一嘅缺點，就係每個月$1,111嘅限額唔係太夠喉。但如果係玩手機簽賬，其實簽呢張卡之前係首先應該簽咗SOGO VS卡5.4%同Chill Card 5%先。另外，如果上網喺海外商戶簽港幣，好似App Store／Netflix／Spotify／Airbnb咁，張i-Card實體卡係會收返0.95%手續費，詳情可以睇返呢篇海外簽賬DCC/CBF手續費陷阱詳解。

中銀i-Card小檔案
  • Apple / Google / Samsung Pay簽賬：$1=10分，相等於4%回贈（每月首$1,111）
  • 網上簽賬：$1=10分，相等於4%回贈（每月首$1,111）
  • 其他簽賬：$1=1分，相等於0.4%回贈
  • 八達通自動增值：$1=1積分，相等於0.4%回贈
  • 網上理財繳費：$1=1分，相等於0.4%回贈（每月首$10,000）
  • 永久免年費
  • 年薪要求：$150,000／學生

受條款及細則約束：網上、手機支付回贈T&C

借定唔借？還得到先好借！

唔想錯過任何信用卡回贈優惠？即刻Follow埋我哋FB Page同IG啦！仲可以訂閱電子報呀！

分享

36 則留言

  3. 如果我嘅結單日期係6月12號

    咁六月份會有兩張月結單 (5月13至6月12) (6月13至7月12)

    咁請問回贈係跟 月份 定係跟月結單計?

  12. 再次謝謝你，現時這張good day雙幣卡，在18年更換，不可以payWave，唔知有冇關係，因為每次給商戶掃描後，就成功付款離開，冇按任何制，冇呢個畫面。待我下次再留意，或許我沒有事先告訴商戶抵銷簽賬，我現在才知道boc pay可以抵銷簽賬。

  13. 小編，效率真快，謝謝你，我用過好多次boc pay，實體咭同boc pay都有積分，每次我購物，按付款碼然後輸入密碼，就出現我的付款碼，給商戶掃描扣除，看不到積分抵銷呢個畫面。

  14. 我用既係bank of china (good day) 雙幣卡，可以boc pay，請問是否適用星期一8折200分=$1嘅兌換優惠，如何使用積分低銷簽賬？

留言（你的電郵不會被公開）

發佈留言必須填寫的電子郵件地址不會公開。