中銀i-Card信用卡、i-Card虛擬卡攻略 – 網上簽賬、手機俾錢即回4%,支付寶轉賬/繳費都有!

#BOC中銀信用卡 #中銀信用卡優惠 #中銀信用卡積分回贈 #中銀信用卡迎新 #中銀信用卡好唔好 #Apple Pay信用卡回贈 #Android Pay信用卡回贈 #Samsung Pay信用卡回贈 #支付寶信用卡回贈 #Alipay HK信用卡回贈 #中銀Alipay HK #中銀i-Card年費豁免

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

(最後更新:2020年7月)

今次介紹嘅中銀i-Card,雖然唔係好多人識,但其實攞嚟做小額交易/玩支付寶chok回贈都幾好用!呢張卡其實係積分卡,但一樣可以換返現金回贈。依家張卡都做緊個「網上簽賬交易10X積分獎賞」同「手機支付交易10X積分獎賞」優惠,做到2020年12月31日,即係網上簽賬同手機支付都係每簽$1=10分,相當於4%現金回贈!其實網上簽賬用匯豐Red卡4%無上限回贈係贏晒呢張卡要計限額,所以大家只要focus返手機支付嗰邊就得。呢張卡手機支付嘅玩法基本上同張中銀大灣區鑽石卡係一樣一樣,你當佢係用爆咗大灣區張卡之後嘅後備咁玩就得,攞嚟玩支付寶轉賬同繳費都一樣食到4%!即係交水電煤費都有4%呀詳細攻略)!我明白好多人可能會唔想用中銀,但係咁高嘅回贈率下,其實你每簽一次佢就蝕一次錢!實行食窮中銀!但當然前提係你個個月要full pay找卡數唔好俾佢收利息。

credit06

呢張卡仲另外有個虛擬版本,叫做中銀i-card雙幣鑽石卡(虛擬卡)。所謂虛擬卡,即係中銀唔會真係出張卡比你,啲卡number同安全碼只係會存放喺個App入面睇到,攞嚟做網上交易同電子錢包俾錢。呢張虛擬卡係要透過中銀個BoC Pay App另外申請(BoC Pay攻略),而啲回贈同玩法係同張實體卡一模一樣,純粹係多咗雙幣同銀聯優惠。簡單嚟講,呢張卡就係i-Card實體卡嘅後備,當你碌爆晒大灣區卡同i-Card實體卡嘅quota之後,就可以攞埋呢張卡出嚟繼續玩落去。

005416GCCJCNJSBBMDTRNA

中銀i-Card賣點
  • 每月首$1,111手機支付$1=10分(即4%現金回贈)
  • 每月首$1,111網上簽賬$1=10分(即4%現金回贈)(網購信用卡攻略
  • 永久免年費
  • 實體卡學生都開得

正如上文所講,呢張卡個網上回贈相比匯豐Red卡4%無上限回贈係完全無得打,除非你係學生開唔到匯豐Red卡,如果唔係可以唔使理(網購信用卡攻略)。而至於個手機支付,除咗Apple Pay、Google Pay同Samsung Pay之外,亦都包埋用支付寶、微信支付呢啲電子錢包去鋪頭買嘢,最筍係連支付寶轉賬同繳費都賺到4%*!呢個手機支付玩法同中銀大灣區鑽石卡係一模一樣,純粹係個quota細好多同變咗賺積分,所以當佢係大灣區卡嘅後備玩就得。手機支付優惠下每張卡每個月最多可以額外賺多10,000分,即係簽$1,112就會爆,總共可以賺到$11,112分,相當於$44回贈,簽爆晒實體卡同虛擬卡就係$88回贈。

迎新禮遇
  • 新客2個月內指定流動支付單一簽賬滿$30回$10,上限回$300
  • 新客網上申請額外回$100

中銀嘅迎新,就例牌無話好吸引,今期呢個仲要特別雞肋。中銀i-Card依期個迎新做到2020年12月31日,中銀信用卡全新客戶(過往一年無中銀信用卡)出卡後2個月內以指定流動支付方式(包括BoC Pay、雲閃付App、Apple Pay、Google Pay、SamsungPay、WeChat Pay及Alipay HK)單一零售簽賬滿$30回$10,2個月內最多可以回$300*。另外,只要係網上申請張信用卡,就可以再回多$100。

睇條款呢個迎新應該係要攞部手機真係喺鋪頭簽賬先食到,但根據坊間經驗,中銀係唔多識分支付寶交易究竟係轉賬定真係消費,而小編之前chok支付寶轉賬亦都係成功食到中銀卡迎新;至於依家仲得唔得,就真係要靠大家幫手試試update返小編。

中銀i-Card:立即申請

伏位
  • 基本回贈率得0.4%好低
  • 手機支付4%回贈每個月簽$1,112就爆
  • 網上簽賬4%回贈每個月簽$1,112就爆
  • 實體卡上網喺海外商戶簽港幣有0.8% DCC手續費

除咗個迎新,呢張卡其實無咩伏位,定位非常清晰,就係攞嚟拍手機俾錢同玩支付寶。唯一嘅缺點,就係每個月$1,112嘅限額唔係太夠喉。但其實簽呢張卡之前,你首先應該簽咗中銀Sogo VS卡$2,500拍手機quota同中銀大灣區鑽石卡手機支付/支付寶$2,000 quota先,幾張卡夾埋個quota其實都算係咁。依家中銀堆信用卡,唯一真正見得人嘅賣點就真係得返手機支付⋯⋯另外,如果上網喺海外商戶簽港幣,好似App Store/Netflix/Spotify/Airbnb咁,張i-Card實體卡係會收返0.8%手續費,詳情可以睇返呢篇海外簽賬DCC手續費陷阱詳解

換領積分

由於i-Card係回積分,所以現金回贈始終無大灣區卡咁方便,要儲夠咗25,000分先可以登入中銀e-Banking換$100現金回贈。但依家個BoC Pay新出咗個功能,就係用BoC Pay簽賬之後可以直接用250分=$1嘅rate扣減簽賬,咁就唔使慢慢儲夠25,000分先換到,而且逢星期一仲有8折200分=$1嘅兌換優惠,咁計嘅話張i-Card就直頭有5%回贈!詳情可以睇返BoC Pay攻略

中銀i-card雙幣鑽石卡(虛擬卡)禮遇

名貴轎車機場接送禮遇
累積零售簽賬滿$3,000,交易次數唔多過兩次,可以$250享用轎車機場接送服務,包括香港、北京、上海機場往返市區,同深圳機場往返香港。詳細請參閱推廣網頁

雙幣卡、大灣區繳費
話明係雙幣卡,呢張卡其中一個主打當然就係方便你去強國消費、仲可以喺「大灣區」到用嚟繳費。我就已經好耐無去過強國,大家如果有興趣可以睇返官網嘅詳細資料。

中銀i-Card小檔案
  • 手機支付(包括支付寶轉賬/繳費):$1=10分,相等於4%回贈(每月首$1,111)
  • 網上簽賬:$1=10分,相等於4%回贈(每月首$1,111)
  • 其他簽賬:$1=1分,相等於0.4%回贈
  • 八達通自動增值:$1=1積分,相等於0.4%回贈
  • e-Banking繳費:$1=1分,相等於0.4%回贈(每月首$10,000)
  • 永久免年費
  • 年薪要求:$150,000/學生(實體卡)

中銀i-Card:立即申請

*受條款及細則約束:網上、手機支付回贈T&C迎新T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

14 Comments

  1. 請問icard wechat轉帳,有沒有10x積分﹖

  2. 你好,想問apple pay八達通增值有4%回贈嗎?謝謝!

  3. 請問淘寶用alipay hk畀錢 當手機支付定網上支付?

  4. 我用既係bank of china (good day) 雙幣卡,可以boc pay,請問是否適用星期一8折200分=$1嘅兌換優惠,如何使用積分低銷簽賬?

  5. 小編,效率真快,謝謝你,我用過好多次boc pay,實體咭同boc pay都有積分,每次我購物,按付款碼然後輸入密碼,就出現我的付款碼,給商戶掃描扣除,看不到積分抵銷呢個畫面。

  6. 再次謝謝你,現時這張good day雙幣卡,在18年更換,不可以payWave,唔知有冇關係,因為每次給商戶掃描後,就成功付款離開,冇按任何制,冇呢個畫面。待我下次再留意,或許我沒有事先告訴商戶抵銷簽賬,我現在才知道boc pay可以抵銷簽賬。

    • 唔需要同商戶講㗎,因為係自己信用卡扣唔關商戶事。俾完錢”付款成功”嗰版就有個制,可似下次再留意下~

  7. 好多謝閣下不厭其煩解釋,今日試左,成功。

留言(你的電郵不會被公開)