[揸車必備信用卡] 入油、易通行、咪錶、牌費高達6%回贈！

#駕駛人士信用卡 #入油信用卡 #油站信用卡 #易通行HKeToll信用卡 #隧道費信用卡 #牌費信用卡 #泊車咪錶信用卡 #續領車輛牌照信用卡

香港地揸車就出名貴，今次就同大家介紹下駕駛人士必備嘅高回贈信用卡，等大家無論係油站入油、易通行交隧道費，咪錶停車費，或者係續領車輛牌照都可以賺到高達6%回贈！以下推薦嘅信用卡，全部都係小編實測過有回贈！

1. 油站入油

首先係油站入油。每個油站都經常會同銀行合作去做promo，啲優惠五花八門，所以小編就唔打算逐個油站去寫。一句講晒，小編會推薦用東亞BEA Goal卡有高達6.4%回贈，或者中銀SOGO VS卡Apple Pay／Google Pay有5.4%回贈！留意返下面寫嘅簽賬上下限。

中銀SOGO Visa Signature

中銀SOGO Visa Signature，攞嚟做小額交易係勁好用！呢張卡主打Apple Pay／Google Pay／Samsung Pay簽賬額外5%回贈，夾埋本身積分就相等於5.4%回贈！張卡每月嘅額外回贈上限係$100，即係簽$2,000就會爆。詳情可以參考返呢篇中銀SOGO卡攻略。

中銀崇光Visa Signature卡：立即申請

東亞BEA GOAL卡

BEA GOAL信用卡，主打Apple Pay、Google Pay簽賬有4.4%回贈，另外本地油站簽賬亦有6.4%回贈！呢張卡每月上限額外回贈$200，以全部簽油站計，上限就係簽$3,333。留意返呢張卡每月入場門檻首先要累積簽賬滿$2,000，所以如果你每個月入油唔夠$2,000，係要簽其他嘢例如Apple Pay／Google Pay湊數。詳情可以參考返東亞BEA Goal卡攻略。

東亞BEA Goal卡：立即申請

2. 易通行 HKeToll／運輸署入錶易

無論係易通行或者入錶易，只要喺個App到用信用卡俾錢（自動付款都得），實測就會計到網上簽賬，可以直接用網購卡。唔計有每月簽賬下限嘅卡，小編會推薦用AEON CARD WAKUWAKU 6%回贈，或者滙豐Red卡4%回贈！留意返下面寫嘅簽賬上限。

AEON CARD WAKUWAKU

AEON CARD WAKUWAKU，主打網上簽賬有成6%回贈！每個月結單周期上限額外回贈$200，計返即係可以簽成$3,571網購！詳情可以睇返AEON WAKUWAKU卡攻略。

不過如果本身未有AEON信用卡，可以考慮開咗AEON紫卡攞額外獎賞先，然後等批咗卡再上過嚟開返呢張卡。

AEON WAKUWAKU卡：立即申請

滙豐Red卡

滙豐Red卡主打每個月首$10,000網上簽賬4%回贈，超級實用！攞嚟上網book機票酒店買iPhone咩都4%！

由2025年6月5日至6月30日6PM，新舊客經本網以下指定連結申請滙豐Red卡，再喺申請後7日內填返電郵內嘅換領表格（留意宣傳/垃圾郵件），同埋獲批後7日內提交批卡截圖，無須簽賬送$300 Apple禮品卡／惠康禮券*！就算本身有其他滙豐卡都一樣有份！詳細可以睇返滙豐Red卡攻略。

滙豐Red卡：立即申請
（申請後7日內要填返電郵換領表格）

3. 牌費

牌費只要喺運輸署個網到交，一樣都係實測計到網上簽賬，可以直接用網購卡！如果係油車，小編會推薦用滙豐Red卡4%回贈！或者如果係電車，因為個銀碼細好多，可以用AEON CARD WAKUWAKU 6%回贈！留意返上面寫嘅簽賬上限。

*額外迎新禮品由MoneyHero送出及安排換領，受條款及細則約束。有關獎賞換領進度／結果查詢須直接聯絡MoneyHero。所有經本網成功申請紀錄以有關金融機構提供資料為準，MoneyHero保留最終決定權。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。