工銀ICBC星座信用卡攻略 – 無上限1.5%回贈、無成本食$445迎新!

#工銀ICBC信用卡 #工銀ICBC宇宙星座卡優惠 #星座卡迎新 #星座卡回贈 #無上限現金回贈 #必食信用卡迎新 #至抵現金回贈信用卡 #零成本食迎新 #0成本食迎新 #星座卡好唔好 #工銀星座卡年費豁免

想出iPhone 12?,即睇iPhone 12出機攻略,食信用卡迎新最平$4,600就出到機!

今期經本網申請東亞信用卡,毋須簽賬就送$1,800超市禮券呀!

經本網申請安信EarnMORE,迎新額外回$500,無成本食$1,170!

經本網申請AE Blue Cash,迎新額外回$200,簽$6,000賺$1,172+戲飛!

經本網申請渣打/花旗/建行出糧戶口,SI自製出糧勁賺高達$16,500!

(最後更新:2020年8月)

呢張ICBC星座卡,推出嘅時候曾經好hit,但依家啲優惠不斷縮水之後就愈嚟愈冷門。雖然係咁,但張卡本身嘅無上限1.5%現金回贈其實係幾唔錯,以Visa/Mastercard嚟講係拍住張渣打Simply Cash一樣全城最高!尤其係如果你咁啱張渣打Simply Cash俾人收年費要cut卡,咁就可以用呢張頂住先啦!我明白好多人可能對中資銀行有顧忌,呢樣就要大家自己衡量返啦。

icbc-Constellations-768x485 copy

ICBC宇宙星座Visa Signature/銀聯鑽石卡賣點
  • 本地簽賬無上限1.5%回贈
  • 海外簽賬無上限1.5%回贈(VS 1.9%手續費)
  • 銀聯鑽石卡專屬禮遇(見下文)

呢張宇宙星座卡主要有分Visa Signature同銀聯雙幣鑽石兩個版本,最主要分別係銀聯鑽石會多幾樣銀聯優惠,同埋海外簽賬無手續費(但匯率較差)。但留意返張卡其實仲有張銀聯雙幣白金版本,係少啲回贈,所以並唔喺今次討論之列,千祈唔好開錯。呢張星座VS/銀聯鑽石卡,睇齊張渣打Simply Cash,做到無上限1.5%呢個回贈率,以Visa/Mastercard嚟講係全城最高,賺到嘅現金回贈仲會自動喺月結單扣除。留意返,呢1.5%現金回贈雖然可以做八達通自動增值,但並唔適用於其他電子錢包。

迎新禮遇
  • 新客同時申請星座VS卡及銀聯鑽石卡,2個月內兩張卡簽$1,500(合共$3,000)回$300(或24吋行李喼),另外本身回贈$45
  • 網上申請每張卡額外回$50,合共$100

今期迎新做到2020年12月31號,個玩法好特別,係要同時申請兩張卡做「雙卡迎新」。全新工銀信用卡客戶(過去6個月未持有工銀信用卡)喺發卡後2個月內兩張卡簽滿$1,500(合共$3,000)合資格簽賬,即可享$300現金回贈(或24吋行李喼)。另外,如果係網上申請信用卡,每張卡額外回$50,即係賺多$100。連埋張卡本身回贈嘅$45,成個迎新就係簽$3,000回$445。

而呢張卡迎新嘅合資格簽賬,係計埋八達通自動增值,並唔使真係簽,詳細玩法可以睇返O!ePay攻略。但有一個麻煩位,就係要食呢個迎新要簽兩張卡,所以如果$1都唔想簽嘅話係要整兩張八達通自動增值;而因為每個人喺每間銀行只係可以幫一張自己嘅八達通做自動增值,所以就要整一張自己嘅八達通,再幫親友整多張,先可以零成本食晒個迎新。但為咗$445搞到咁複雜,又真係有啲雞肋嘅感覺。

工銀星座卡:立即申請

伏位
  • 無特別一範回贈特別高

呢張卡1.5%回贈其實係幾高下,無咩伏位可言。但張卡依然咁少人講咁少人用,係因為佢無特別一範嘅回贈特別高;咁我用本地傳統大行渣打Simply Cash都一樣做到1.5%回贈,呢張卡迎新又唔係吸引,又真係無咩誘因再去開呢張卡;而佢拍埋安信EarnMORE嘅2%回贈就更加無得打。

銀聯卡專享優惠(只限鑽石卡)

LoungeKey大中華機場貴賓室服務
連續2個月內合計簽夠$12,000,可以連同親友預約享用3次LoungeKey大中華機場貴賓室服務,涵蓋中港澳台130多個Lounge。詳細請參閱推廣網頁

名貴轎車機場接送禮遇
累積零售簽賬滿$3,000,交易次數唔多過兩次,可以$250享用轎車機場接送服務,包括香港、北京、上海機場往返市區,同深圳機場往返香港。詳細請參閱推廣網頁

UA Cinemas 9折/買一送一
憑EarnMORE銀聯卡喺全線UA買正價戲飛有9折優惠。另外,憑EarnMORE銀聯卡喺UA票房購買星期五放映嘅一張正價戲票,買一送一,須出示當月內超過$500嘅本地單一零售簽賬單據。詳細請參閱推廣網頁

工銀宇宙星座VS卡小檔案
  • 本地簽賬:1.5%回贈
  • 外幣簽賬:1.5%回贈(1.9%手續費)
  • 八達通自動增值:1.5%回贈
  • Payme/支付寶/微信支付:無回贈
  • E-banking繳費:無回贈
  • 年費:$1,800(打電話waive
  • 年薪要求:$250,000
工銀宇宙星座銀聯鑽石卡小檔案
  • 本地簽賬:1.5%回贈
  • 外幣簽賬:1.5%回贈(無手續費)
  • 八達通自動增值:1.5%回贈
  • Payme/支付寶/微信支付:無回贈
  • E-banking繳費:無回贈
  • 年費:$1,900(打電話waive
  • 年薪要求:$250,000

工銀星座卡:立即申請

受條款及細則約束:迎新T&C網上申請額外迎新T&C基本回贈T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

留言(你的電郵不會被公開)