滙豐HSBC學生卡信用卡：自選簽賬高達2.4%回贈！交學費/迎新/年費全攻略

#滙豐信用卡 #滙豐滙財金卡學生卡 #滙豐學生信用卡優惠 #滙豐學生信用卡積分回贈 #滙豐學生信用卡迎新 #滙豐獎賞錢 #滙豐最紅主自獎賞 #信用卡交學費 #滙豐學生卡好唔好 #滙豐學生金卡永久年費豁免

（最後更新：2026年4月）

滙豐啲信用卡，出晒名多回贈，仲要連學生卡都可以玩埋一份！呢張滙豐學生卡，自選類別有高達2.4%「獎賞錢」回贈！就連交學費都有高達$2.4%「獎賞錢」回贈！

滙豐啲信用卡其實真係好多回贈好抵玩，唯一麻煩就係玩法比較複雜；但其實佢啲優惠嚟嚟去去都係咁玩，一里通馬國明，睇完下面篇文就會明晒！

滙豐學生金卡回贈

• 最紅自主獎賞自選類別2.4%「獎賞錢」回贈（每年限簽$100,000）
• 配合HSBC Travel Guru會員計劃，海外實體店簽賬可再享高達額外6%回贈（海外簽賬1.95%手續費）
• 交學費高達2.4%「獎賞錢」回贈（詳見信用卡交學費攻略）
• 永久免年費

呢張卡嘅自選類別簽賬都有2.4%回贈，一啲都唔失禮。滙豐仲要年中成日做好多promo，一陣簽夠某個數又有額外「獎賞錢」回贈，一陣用流動電話付款付款又有額外回贈！

滙豐學生金卡迎新

• 銀行基本迎新：推廣期由2026年4月1日至2027年2月28日
• 只限過往12個月內未曾取消滙豐信用卡，推廣期內每人只可享優惠一次
• 新客批卡後60日內簽HK$2,000可享$300「獎賞錢」
• 現有客戶批卡後60日內簽HK$2,000可享$200「獎賞錢」
• 合資格簽賬不包括電子錢包、八達通增值等
• 「獎賞錢」會喺完成簽賬要求後2個月內入賬

滙豐滙財金卡學生卡
>>>立即申請<<<

交學費回贈

話明係學生卡，交學費梗係有著數啦。只要用呢張卡喺網上理財或者滙豐流動理財App繳付指定學院^學費，就有高達2.4%「獎賞錢」回贈。推廣期由2026年4月1日至9月30日，最多可以賺$200「獎賞錢」（即係交$8,334就爆）。指定學院名單可以睇返T&C。

^香港中文大學*、香港珠海學院、香港城市大學*、香港伍倫貢學院（前香港城市大學專上學院）、香港教育大學、香港恆生大學（前恆生管理學院）、香港浸會大學*、香港大學、香港大學專業進修學院、香港科技大學、嶺南大學*、香港都會大學、香港樹仁大學、香港理工大學*、職業訓練局*、香港知專設計學院、聖方濟各大學、香港演藝學院及東華學院。

*根據2026年3月之本行記錄，透過網上繳費服務繳交學費時，部分學院可能會以不同的收款方名稱進行處理，包括：i）香港中文大學專業進修學院之學費收款機構為香港中文大學：ii） 香港城市大學專業進修學院之學費收款機構為香港城市大學：m）香港浸會大學國際學院及香港浸會大學持續教育學院之學費收款機構為香港浸會大學：iv）嶺南大學持續進修學院之學費收款機構為嶺南大學；
v） 香港專上學院及香港理工大學專業進修學院之學費收款機構為香港理工大學：vi） 香港高等教育科技學院、高峰進修學院、才晉高等教育學院及香港專業教育學院之學費收款機構為職業訓練局

RewardCash 「獎賞錢」

滙豐嘅「獎賞錢」RewardCash 玩法簡單易記，$1「獎賞錢」=HK$1，唔使慢慢計積分。只要download咗佢個Reward+ App（Android｜iOS），就可以直接用「獎賞錢」扣減交易／月結單嘅款項，仲可以登記埋啲限時推廣，非常方便。而滙豐仲會間唔中搞啲$1獎賞錢當HK$2嘅promo，有時又可以好平咁攞嚟換禮券，甚至換返miles都得！

滙豐信用卡玩法（Red / EveryMile卡除外）

講咗咁耐，滙豐啲卡究竟係點玩？滙豐信用卡嘅「獎賞錢」基本回贈一律係0.4%，如果簽賬中「最紅自主獎賞」all in嘅自選類別就有額外5X「獎賞錢」，即係多2%。如果係海外簽賬又簽夠咗每階段嘅下限，更加再有額外2%／3%「獎賞錢」。大家只要照住下面個表執藥咁睇返自己中幾多樣嘢，就可以加返每項簽賬有幾多回贈，而每行嘅details下面會繼續講。

最紅自主獎賞

所謂最紅自主獎賞，就係滙豐揀咗五大類別嘅簽賬出嚟（見下圖），你可以自由分配5X嘅「獎賞錢」（即2%回贈）落去，但通常都係會揀其中一個簽得最多嘅類別all in，咁簽呢個自選類別就會有高達2.4%回贈（登記網址）。

五大類別入面，比較推薦揀「賞滋味」用嚟食飯，或者「賞世界」簽海外簽賬，或者「賞家居」嘅超市同傢俬電器鋪（超市信用卡攻略）。「最紅自主獎賞」5X簽賬上限係每年HK$100,000。留意返，「最紅自主獎賞」揀嘅類別係會跟住所有印你個名嘅滙豐信用卡，所以開多張卡係唔會多一個類別，同埋只有每年年尾先可以轉類別。詳細每個類別嘅商戶可以參考返商戶名單。

注意事項

• 基本0.4%回贈率唔高
• 上網喺海外商戶簽港幣有1% CBF手續費（例如App Store／Netflix／Spotify／Airbnb）
  • 海外簽賬DCC/CBF手續費陷阱詳解

留意返滙豐信用卡基本回贈係0.4%，要配合返上面嘅「最紅自主獎賞」先有高回贈。如果係網上簽賬，除非有做緊其他promo，如果唔係簽滙豐Red卡有4%回贈會更加抵。

最後，小編以前都做過大學生；作為過來人，苦口婆心啲都要勸一句：信用卡卡數一定要月月full pay清！

滙豐滙財金卡學生卡
>>>立即申請<<<

滙豐學生金卡小檔案

• 「最紅自主獎賞」簽賬：高達2.4%「獎賞錢」回贈（每年首$100,000）
• 海外實體店簽賬：配合「HSBC Travel Guru會員計劃」高達8.4%「獎賞錢」回贈（1.95%手續費）
• 其他簽賬：0.4%「獎賞錢」回贈
• 八達通自動增值：0.4%「獎賞錢」回贈
• PayMe／支付寶／微信支付：無回贈
• 網上理財繳費：無回贈
• 網上理財交學費：高達2.4%「獎賞錢」回贈（合共高達$400「獎賞錢」）
• 永久免年費
• 申請資格：指定大學／大專之全日制學生

受條款及細則約束：「最紅自主獎賞」T&C、迎新T&C，交學費優惠T&C