恒生MPOWER信用卡攻略 – 網上、海外、流動支付高達5%回贈,迎新簽$5,000回$700!

#Hang Seng恒生信用卡 #恒生MPOWER卡優惠 #恒生MPOWER卡積分回贈 #恒生MPOWER卡迎新 #恒生Cash Dollar #網購信用卡 #海外簽賬信用卡 #恒生信用卡好唔好 #恒生學生信用卡 #學生開MPOWER卡 #恒生MPOWER年費豁免

新客經本網申請3張東亞信用卡,無需簽賬賺$1,200,夾埋迎新賺$1,950!

新客經本網申請Citi Cash Back,額外回$500,迎新無成本食$1,400

新客經本網申請安信EarnMORE,額外回$500,迎新無成本食$1,170!

新客經本網申請AE Blue Cash,額外回$300,夾埋迎新賺$872+2張戲飛!

新客經本網申請信銀Motion,額外回$500,夾埋迎新賺高達$1,700!

新客經本網申請渣打/建行出糧戶口,SI自製出糧勁賺高達$8,100!

(最後更新:2021年1月)

呢張恒生MPOWER,主打後生仔市場,攞佢嚟做網上、海外簽賬同指定流動支付最高賺到成5%回贈,另外去MCL睇戲都有優惠,算係恒生比較有心做嘅一張信用卡。呢張卡係學生都申請得㗎!個迎新仲要吸引過恒生啲聯營大學卡好多,所以記住要開咗呢張卡先好開大學卡!今期個迎新,做緊簽$5,000就回$700,連舊客都有$300回呀!

HangSeng_New_Mpower-1

恒生MPOWER卡賣點

HSP-1376_banner_mobile_PC_5

呢張卡主打個網上、海外、指定流動支付高達5%回贈其實係幾筍,呢個回贈率已經係數一數二咁高!不過個玩法就有少少複雜,要計住啲簽賬下限上限。另外,如果你平時係去開MCL睇戲,佢個戲院優惠都算係幾實際,張張戲飛都可以慳返手續費其實都唔少嘢!

玩法

呢張卡嘅基本回贈係只有0.4%,但如果每月簽夠$3,000合資格簽賬(唔計電子錢包/八達通自動增值),一經登記,就可以喺網上、海外簽賬同指定流動支付類別賺到額外4.6%嘅回贈*,夾埋就有5%回贈,詳情如下:

回贈

簽賬上限

指定流動支付簽賬: 本地餐飲(包括餅店、快餐店、咖啡店)、時裝鞋履及休閒娛樂

5%

$2,174

單一海外簽賬滿$300

5%

$4,348

單一網上簽賬滿$300(包括網上外幣簽賬)

5%

$4,348

留意返佢個流動支付係講緊Apply Pay、Google Pay嗰啲,而支付寶呢啲電子錢包係唔計落流動或者網上類別。上述三項類別嘅每月簽賬上限,全部都係分開計,夾埋每月最多可以賺到額外$500回贈!有關回贈會喺該月份完結後14日內入賬。呢個優惠暫時寫做到2021年6月30日,但之後應該都會繼續。

Cash Dollar

呢張卡嘅現金回贈,都係會以「Cash Dollar」嘅形式入賬。而呢隻Cash Dollar,小編認為係市面上最難用嘅現金回贈計劃,亦都係我咁抗拒碌恒生嘅主要原因。明明全世界啲現金回贈都可以直接用嚟扣減簽賬/月結單款項,但呢隻Cash Dollar呢,就要你去返佢啲特約商戶碌卡先可以用到(不過都有成7,000幾間),如果唔係就要上網上理財換券換禮品,仲要會過期,一個唔覺意隨時蝕埋俾佢。

迎新禮遇
  • 新客60日內簽$5,000回$600/8張戲飛
  • 舊客60日內簽$5,000回$200/5張戲飛
  • 簽滿上述金額,新舊客網上/電話申請額外回$100

今期個迎新做到2021年6月30日,都算幾抵玩。全新恒生信用卡客戶(過往12個月無持有恒生信用卡)於開卡後60日內簽滿$5,000合資格簽賬,即可獲$600回贈或者8張MCL戲飛*(5張飛+1年MCL CLUB PLUS會籍送3張)。就算係現有客戶,簽夠$5,000都一樣有迎舊食,可以揀$200回贈或5張MCL戲飛*(2張飛+1年MCL CLUB PLUS會籍送3張)。另外,新舊客透過網上或熱線電話申請並簽滿上述金額,可以再回多$100,夾埋就係$700迎新/$300迎舊。留意返呢張卡迎新係唔計電子錢包同八達通自動增值。有關回贈/戲飛會喺2個月內入賬/郵寄。因為恒生卡係無得零成本食迎新,所以最啱就係開佢嚟出新手機/電腦/電器一次過簽晒佢。

恒生MPOWER卡:立即申請

伏位
  • 5%回贈又要計類別又要計下限上限,好睇唔好食
  • 基本0.4%回贈率好低
  • Cash Dollar無得直接扣減月結單款項

呢張卡個伏位,就係佢個5%回贈雖然講得好好聽,但就好多簽賬限制。如果你為咗meet到每月$3,000個下限而咩都碌佢張卡,其他唔中5%嘅類別又剩係得返0.4%回贈蝕咗俾佢。好似流動支付咁,我會揀用中銀SOGO VS直接拍手機所有類別都5%。又好似網上簽賬咁,我寧願用匯豐RED卡無上限回4%唔駛煩(網購信用卡攻略);至於個海外簽賬,就匯豐VS有成5.6%回贈都無佢咁多要求(海外簽賬信用卡攻略)。

恒生MPOWER卡小檔案
  • 基本簽賬:0.4%回贈
  • 指定流動支付簽賬:0.4%/5%回贈
  • 網上簽賬:0.4%/5%回贈
  • 海外簽賬:0.4%/5%回贈(1.95%手續費)
  • 八達通自動增值:0.4%回贈
  • Payme/支付寶/微信支付:無回贈
  • 網上理財繳費:0.4%回贈 (每月首$10,000)
  • 網上理財交稅:無回贈
  • 年費:永久免年費
  • 年薪要求:$150,000/學生

恒生MPOWER卡:立即申請

受條款及細則約束:5%回贈優惠T&C迎新T&C

唔想錯過任何信用卡回贈優惠?即刻Follow埋我哋FB PageIG啦!仲可以訂閱電子報呀!

4 則留言

  1. 請問我網上用Alipay同PayPal付款,計唔計網上簽賬?
    用goolglepay網上付款,係計網上簽賬定流動支付?

留言(你的電郵不會被公開)