恒生MPOWER信用卡攻略 – 網上、海外、流動支付高達5%回贈，迎新簽$5,000回$700！

#Hang Seng恒生信用卡 #恒生MPOWER卡優惠 #恒生MPOWER卡積分回贈 #恒生MPOWER卡迎新 #恒生Cash Dollar #網購信用卡 #海外簽賬信用卡 #恒生信用卡好唔好 #恒生學生信用卡 #學生開MPOWER卡 #恒生MPOWER年費豁免

（最後更新：2022年1月）

呢張恒生MPOWER，主打後生仔市場，攞佢嚟做網上、海外簽賬同指定流動支付最高賺到成5%回贈，另外去MCL睇戲都有優惠，算係恒生比較有心做嘅一張信用卡。今期個迎新，做緊簽$5,000就回$700，連舊客都有$300回呀！呢張卡係連學生都申請得㗎，但個迎新就無咁筍。

恒生MPOWER卡賣點

• 一經登記，網上、海外、指定流動支付高達5%回贈（玩法見下文）（網購信用卡攻略／海外簽賬信用卡攻略）
• 一經登記，MCL網上買飛免手續費、每月最後一個星期五加$1 Cash Dollar換戲飛
• 永久免年費

呢張卡主打個網上、海外、指定流動支付高達5%回贈其實係幾筍，呢個回贈率已經係數一數二咁高！不過個玩法就有少少複雜，要計住啲簽賬下限上限。另外，如果你平時係去開MCL睇戲，佢個戲院優惠都算係幾實際，張張戲飛都可以慳返手續費其實都唔少嘢！

玩法

呢張卡嘅基本回贈係只有0.4%，但如果每月簽夠$3,000合資格簽賬（唔計電子錢包／八達通自動增值），一經登記，就可以喺網上、海外簽賬同指定流動支付類別賺到額外4.6%嘅回贈*，夾埋就有5%回贈，詳情如下：

留意返佢個流動支付係講緊Apply Pay、Google Pay嗰啲，而支付寶呢啲電子錢包係唔計落流動或者網上類別。上述三項類別嘅每月簽賬上限，全部都係分開計，夾埋每月最多可以賺到額外$500 Cash Dollar！有關回贈會喺該月份完結後14日內入賬。呢個優惠暫時寫做到2022年12月31日，但之後應該都會繼續。

Cash Dollar

呢張卡嘅現金回贈，都係會以「Cash Dollar」嘅形式入賬。而呢隻Cash Dollar，雖然推出嘅時候係創先河好巴閉，但依家就可以話係市面上最難用嘅現金回贈計劃，亦都係小編咁抗拒碌恒生嘅主要原因。明明全世界啲現金回贈都可以直接用嚟扣減簽賬／月結單款項，但呢隻Cash Dollar，就要去返佢啲特約商戶碌卡先可以用到（雖然叫做有成7,000間），如果唔係就要上網換券換禮品，仲要會過期，一個唔覺意隨時蝕埋俾佢。

迎新禮遇

信用卡迎新

• 新客60日內簽$5,000回$700 Cash Dollar／10張戲飛
• 舊客60日內簽$5,000回$300 Cash Dollar／6張戲飛
• 學生迎新：新舊客60日內簽$1,000回$300 Cash Dollar／5張戲飛

今期個迎新做到2022年6月30日，都算幾抵玩。全新恒生信用卡客戶（過往12個月無持有恒生信用卡）於開卡後60日內簽滿$5,000合資格簽賬，即可獲$700回贈或10張MCL戲飛*。就算係現有客戶，簽夠$5,000都一樣有迎舊食，可以揀$300回贈或6張MCL戲飛。如果係大專學生嘅話，新舊客開卡後60日內簽$1,000都會回$300／5張戲飛。留意返恒生卡係無得零成本食迎新，所以係要老老實實去簽咗佢。有關回贈／戲飛會喺2個月內入賬／郵寄。

恒生MPOWER卡：立即申請

伏位

• 5%回贈又要計類別又要計下限上限，好睇唔好食
• 基本0.4%回贈率好低
• Cash Dollar無得直接扣減月結單款項

呢張卡個伏位，就係佢個5%回贈雖然講得好好聽，但就好多簽賬限制。如果你為咗meet到每月$3,000個下限而咩都碌佢張卡，其他唔中5%嘅類別又剩係得返0.4%回贈蝕咗俾佢。好似流動支付咁，小編會揀用中銀SOGO VS直接拍手機所有類別都5%。又好似網上簽賬咁，會寧願用滙豐RED卡無上限回4%唔駛煩（網購信用卡攻略）；至於個海外簽賬，就滙豐VS有成5.6%回贈都無佢咁多要求（海外簽賬信用卡攻略）。

恒生MPOWER卡小檔案

• 基本簽賬：0.4%回贈
• 指定流動支付簽賬：0.4%／5%回贈
• 網上簽賬：0.4%／5%回贈
• 海外簽賬：0.4%／5%回贈（1.95%手續費）
• 八達通自動增值：0.4%回贈
• Payme／支付寶／微信支付：無回贈
• 網上理財繳費：0.4%回贈 （每月首$10,000）
• 網上理財交稅：無回贈
• 年費：永久免年費
• 年薪要求：$150,000／學生

恒生MPOWER卡：立即申請

受條款及細則約束：5%回贈優惠T&C、迎新T&C